قۇمتاۋدان قۇلجا اۋدانىنا دەيىنگى تاس جول قۇرىلىسى ينجەنەرياسى بارلاۋ ساتىسىنا ءوتتى
ۇرىمجىدەن قۇلجا قالاسىنا دەيىن 150 كيلومەترگە جۋىق جول قىسقاراتىن بولادى
ءتىلشىمىز حۋ چۋانشىڭ حابارلايدى. شىلدەنىڭ 27 - كۇنى ورىنباسار وبلىس باستىعى گاۋ سۇيشيانىڭ جولسەرىك بولۋىندا جۇڭگو قاتىناس توبى 1 - تاس جول بارلاۋ، زەرتتەۋ، جوبالاۋ اكادەمياسى 2 - بولىمشە اكادەمياسىنىڭ ورىنباسار باستىعى تۇڭ حايگاڭ قاتارلىلار جىڭ اۋدانىنىڭ قۇمتاۋىنان قۇلجا اۋدانىنا دەيىنگى تاس جول ينجەنەرياسىنا باستاپقى قادامدا بارلاۋ جۇرگىزدى.
تۇڭ حايگاڭ تانىستىرىپ بىلاي دەدى: بۇل تاس جول جىڭ، نىلقى جانە قۇلجا اۋداندارىن باسىپ وتەدى، جالپى ۇزىندىعى 150 كيلومەتردەن اسادى. بۇل تاس جول سالىنىپ بولعاننان كەيىن ۇرىمجىدەن قۇلجا قالاسىنا دەيىنگى جول 150 كيلومەترگە جۋىق قىسقارادى. بۇل تاس جول قۇلجا اۋدانىنىڭ تۋراسۋ جايلاۋىن باسىپ وتەتىندىكتەن ەكولوگيالىق ورتانى قورعاۋ مەن ساياحاتتى دامىتۋ تاس جول قۇرىلىسىنىڭ جوباسىنا ەنگىزىلىپ، كەلەر جىلى ساۋىردە ينجەنەريانىڭ باستاپقى قىزمەتى ورىندالىپ بولىپ، جىل سوڭىنان بۇرىن قۇرىلىس باستالادى.
| 
