اۆتونوميالى رايوندىق پارتكومنىڭ تۇراقتى مۇشەلەرى (كەڭەيتىلگەن) ماجىلىسىندە مىناۋ ارناۋلى زەرتتەلىپ ۇيعارىلدى

شينجياڭداعى ءتۇرلى قىزمەتكەرلەردىڭ كىرىس ورەسىن جاپپاي جوعارىلاتۋ كەرەك

چىڭ ليشين ۇرىمجىدەن حابارلايدى. اۆتونوميالى رايوندىق پارتكوم شىلدەنىڭ 15 -، 16 - كۇندەرى تۇراقتى مۇشەلەردىڭ (كەڭەيتىلگەن) ءماجىلىسىن اشىپ، ارناۋلى تۇردە شينجياڭداعى ءتۇرلى قىزمەتكەرلەردىڭ كىرىس ورەسىن جاپپاي جوعارىلاتۋ ماسەلەسىن زەرتتەدى. ماجىلىستە مىناۋ ۇيعارىلدى: «جالپى تۇلعالىق جوبالاۋ، ءبىر تۇتاس ءمان بەرۋ، ءتۇيىندى كورنەكتىلەندىرۋ، قيىن تۇيىندەردى شەشۋ، نەگىزگى ساتىعا بەيىمدەلۋ» پرينسيبىنە ساي شينجياڭداعى ورگان، ءىسورىندارىنداعى كادرلار مەن جۇمىسشى - قىزمەتشىلەردىڭ، كاسىپورىننان زەينەتكە، دەمالسقا شىققان قىزمەتكەرلەردىڭ قوسىمشا قاراجاتىن، شينجياڭ بويىنشا قالا - اۋىلدارداعى ەڭ تومەنگى تۇرمىستى قامتاماسىزداندىرۋ ورەسىن، اۋىل - قىستاقتاعى «ءتورت تۇردەگى» ساقا قىزمەتكەرلەردىڭ تۇرمىس قوسىمشاسىن جوعارىلاتۋ، جاپالى، شالعاي  شەكارا ءوڭىر دارەجەسى سياقتىلاردى رەتتەپ، شينجياڭداعى ءتۇرلى قىزمەتكەرلەردىڭ كىرىس ورەسىن جاپپاي جوعارىلاتۋ كەرەك.

اۆتونوميالى رايوندىق پارتكومنىڭ شۋجيى جاڭ چۇنشيان ءماجىلىستى باسقاردى ءارى ءسوز سويلەدى.

ورتالىقتىڭ قاتىستى شەشىمدەرىنە ساي ج ك پ اۆتونوميالى رايوندىق 7 - كەزەكتى كوميتەتى 9 - جالپى مۇشەلەرىنىڭ (كەڭەيتىلگەن) ماجىلىسىندە مىناۋ العا قويىلعان: «جاپالى، شالعاي رايون دارەجەسى مەن كاسىپ حاۋپى دارەجەسىنە ساي ەڭبەكاقى كىرىسىءبولىسى ساياساتىنا بەيىمدەلۋ تەبىنىن ارتتىرىپ، ورگان، ءىسورىندارىنىڭ كىرىس ورەسىن جوعارىلاتىپ، وڭتۇستىك شينجياڭ مەن باسقا دا قيىنشىلىعى بار وڭىرلەرگە، نەگىزگى ساتىعا بەيىمدەلۋدە تاباندى بولۋ كەرەك. باسقا دا قوعام م-ۇشەلەرىنىڭ كىرىس ورەسىن ءبىر تۇتاس جوسپارلاپ جوعارىلاتۋ كەرەك.»

اۆتونوميالى رايوندىق پارتكومنىڭ ورنالاستىرۋىنا ساي اۆتونوميالى رايونداعى قاتىستى تاراۋلار مەن ورىندار جەدەل ارەكەتكە كەلىپ، زور توپتاعى كادرلاردى وڭتۇستىك، سولتۇستىك شينجياڭداعى نەگىزگى ساتىعا جىبەرىپ، ءتۇرلى قىزمەتكەرلەردىڭ كىرىس ورەسىن جوعارىلاتۋ جونىندە كەڭ كولەمدى تەكسەرۋ - زەرتتەۋ جۇرگىزىپ، كادرلار مەن جۇمىسشى - قىزمەتشىلەردىڭ جانە باسقا دا ءتۇرلى قىزمەتكەرلەردىڭ پىكىرىن تىڭداپ، اۆتونوميالى رايوندىق پارتكوم مەن ۇكىمەتتىڭ شەشىم جاساۋىن ءبىرشاما عىلمي نەگىزبەن قامدادى.

ماجىلىستە اۆتونوميالى رايوندىق پارتكومنىڭ ۇيىمداستىرۋ ءبولىمى، اۆتونوميالى رايوندىق قازىنا مەڭگەرمەسى، كادرلار - قوعامدىق قامتاماسىزداندىرۋ مەڭگەرمەسى، حالىق ىستەرى مەڭگەرمەسى، وقۋ - اعارتۋ مەڭگەرمەسى قاتىستى قىزمەتتەر جونىندە دوكلاد جاساپ، تۇسىنىك بەردى.

جاڭ چۇنشيان ماجىلىستە مىنالاردى اتاپ كورسەتتى: اۆتونوميالى رايوندىق پارتكومنىڭ قاۋىرت تەكسەرۋ - زەرتتەۋ جۇرگىزۋى نەگىزىندە ءبىر جارىم كۇن جۇمساپ ءتۇرلى قىزمەتكەرلەردىڭ كىرىس ورەسىن جوعارىلاتۋ ماسەلەسىنىڭ شوعىرلى تۇردە ارناۋلى تالقىلانۋى - ورتالىقتىڭ شينجياڭ قىزمەتى اڭگىمە ءماجىلىسىنىڭ، ج ك پ اۆتونوميالى رايوندىق 7 - كەزەكتى كوميتەتى 9 - جالپى (كەڭەيتىلگەن) ءماجىلىسىنىڭ رۋحىن دايەكتى تياناقتاندىرۋداعى كەلەلى قامال الۋ سيپاتىندىق شارا، ول پارتيا ورتالىق كوميتەتى مەن مەملەكەتتىك كەڭەستىڭ حالىق تۇرمىسىنا باستان - اياق وسكەلەڭ ءمان بەرگەنىن، اۆتونوميالى رايوننىڭ «بۇقارا ءبىرىنشى ورىندا، حالىق تۇرمىسى ماڭداي الدى مىندەت، نەگىزگى ساتى ماڭىزدى»، حالىق جۇرتشىلىعىن رەفورما مەن دامۋ جەتىستىكتەرىنەن تولىق يگىلىكتەندىرۋ سىندى كوزقاراسىن، پارتكوم مەن ۇكىمەتتىڭ يدەيانى ازات ەتىپ، قامال الۋعا باتىل بولۋ، قيىن ماسەلەلەردى جاسامپازدىقپەن شەشۋگە باتىل بولۋ سىندى جەتەكشى يدەياسى مەن قىزمەت ستيلىن ايگىلەدى. اۆتونوميالى رايونداعى ءارقايسى ءىرى باسشىلىق القانىڭ سالالارعا جاۋاپتى باسشىلارى بۇل قىزمەتتى تەز يگەرىپ، ناقتى ىستەپ، تاراۋلار تىعىز سايكەسىپ، جان - جاقتى زەرتتەپ، قىزمەتتى ىلگەرىلەتۋدە بەلسەنە رول اتقاردى. تەكسەرۋ - زەرتتەۋ بارىسىندا كادرلار نەگىزگى ساتى قىزمەتىنىڭ جاپالى دا قيىندىعىن سەزىنىپ، نەگىزگى ساتىنى ۇعىنۋ، ءتۇسىنۋدى كۇشەيتىپ، حالىق جۇرتشىلىعىمەن سۇيىسپەنشىلىكتى تەرەڭدەتىپ، پارتيا مەن بۇقارانىڭ، كادرلار مەن بۇقارانىڭ قاتىناسىن قويۋلاتتى. سونىمەن بىرگە، ءبىرىنشى قول ماتەريالدى يگەرۋدىڭ ماڭىزدىلىعىنءتىپتى دە ايقىن تانىپ، بۇدان بىلاي قىزمەتتەردى ءتىپتى دە ويداعىداي ورىستەتۋ ءۇشىن تاماشا نەگىز قالادى.

جاڭ چۇنشيان بىلاي دەدى: ءتۇرلى سەبەپتەردەن شينجياڭداعى كادرلاردىڭ، جۇمىسشى - قىزمەتكەرلەردىڭ جانە باسقادا ادامداردىڭ كىرىس دەڭگەيى ۇزاق ۋاقىتتان بەرى ءبىرشاما تومەن بولىپ كەلدى، بۇل جونىندە كادرلار مەن جۇمىسشى - قىزمەتكەرلەردىڭ تىلەگى، ءۇمىتى ءبىرشاما جوعارى بولىپ، كىرىس ماسەلەسى جاپپاي نازار اۋدارىلعان تولعاقتى ماسەگە اينالعان ەدى.  بۇل جولى اۆتونوميالى رايوندىق پارتكوم كادرلار مەن جۇمىسشى - قىزمەتكەرلەردىڭ سوندي - اق ءار سالا، ءار كاسىپتەگىلەردىڭ كىرىسىنىڭ ءبىرشاما تومەن بولۋ ماسەلەسىن امالىن تاۋىپ شەشۋگە بەل بايلادى، سونىمەن تەرەڭ قاتپارداعى ءىشىنارا ماسەلەلەر شەشىلمەك، شەشىمىن تاپپاي كەلگەن ءىشىنارا ماسەلەلەردىڭ ناتيجەسى شىعاتىن بولدى، كادرلار مەن جۇمىسشى - قىزمەتكەرلەردىڭ تالاي جىلداردان بەرگى تىلەگى ىسكە اساتىن بولدى، كەلەلى دە كوكەيتەستى حالىق تۇرمىسى ماسەلەسى شەشىلۋمەن بىرگە، سەنىم بەكەمدەلىپ، كادرلار مەن جۇمىسشى - قىزمەتكەرلەردىڭ ۋايىمى ازايىپ، قالىڭ كادرلار مەن جۇمىسشى - قىزمەتكەرلەردىڭ شەكارا وڭىرگە تامىر تارتۋ، شەكارا ءوڭىردى كوركەيتۋ قىزعىدىلىعى بارىنشا ارتادى، كادرلار مەن جۇمىسشى - قىزمەتكەرلەردىڭ تولىق سەنىممەن تىعىز سەلبەسىپ، كورىكتى شينجياڭدى بىرگە قۇرۋعا اتتانىپ، قارىشتاپ دامۋ مەن باياندى تىنىشتىقتى جۇزەگە اسىرۋعا بەرىك نەگىز قالانادى.

جاڭ چۇنشيان بىلاي دەپ اتاپ كورسەتتى: بۇل قىزمەتتى جاقسى ىستەۋدە جاپپاي تيىمدىلىك جاساۋدان جازباي، تۇتاس اۆتونوميالى رايونىمىزداعى ءار سالا، ءار كاسىپتەگىلەردىڭ كىرىس دەڭگەيىن جاپپاي جوعارىلاتۋ پرينسيبى؛ نەگىزگى ساتىعا، جاپالى وڭىرلەرگە بەيىمدەلۋ پرينسيبى؛ ءادىل دە لايىقتى بولۋ، قيىن ماسەلەلەردى شەشۋ پرينسيبى؛ جاپپاي جوسپارلاپ، تەگىس ءمان بەرۋ، تاريحتان قالعان ماسەلەلەردى شەشۋ پرينسيبى سياقتىلارعا بويسۇنۋ كەرەك.

جاڭ چۇنشيان بىلاي دەدى: ءارسالا، ءار كاسىپتەگىلەردىڭ كىرىس دەڭگەيىن جوعارىلاتۋ قىزمەتىنىڭ قامتىم اۋماعى كەڭ، نازار اۋدارۋ دارەجەسى جوعارى، ىقپالى زور، ول تۇتاس اۆتونوميالى رايونىمىزداعى ءار ۇلت كادرلار مەن جۇرتشىلىعىنىڭ ءتۇبىرلى مۇددەسىنە سايادى، سونداي - اق اۆتونوميالى رايونىمىزدىڭ ەكونوميكاسىنىڭ، قوعامىنىڭ ۇزاق ۋاقىت دامۋىنا بايلانىستى.

كوز الدا تومەندەگىدەي بىرنەشە قىزمەتتى ءتۇيىندى تۇردە جاقسى ىستەۋ كەرەك: ورگان، ءىسورىندارىنداعى كادرلار مەن جۇمىسشى - قىزمەتكەرلەردىڭ ەڭبەكاقى كىرىسى مەن ءار سالا، ءار كاسىپتەگىلەردىڭ كىرىس دەڭگەيىن جوعارىلاتۋ قىزمەتىنىڭ ماڭىزدى ءمانىن تولىق تانىپ، يدەيانى ونان ارى بىرلىككە كەلتىرۋ؛ اتقارۋدان بۇرىنعى ءتۇرلى دايىندىق قىزمەتتەرىن جاقسى ىستەپ، جوعارعى كاسىپتىك سالالار باسشىلىعى مەن جەرگىلىكتى پارتيا، ۇكىمەت باسشىلىعى ۇشتاسىپ ءتۇسىندىرۋ جانە يدەيالىق قىزمەتتى ويداعىداي جاقسى ىستەپ، بارلىق يگىلىككە كەنەلگەندەردى يدەيالىق قىزمەت كولەمىنە ەنگىزۋ؛ جاماعات پىكىرىنە دۇرىس جەتەكشىلىك ەتىپ، جەبەۋ، دەم بەرۋ قىزمەتىن كوبىرەك ىستەپ، پارتيا ورتالىق كوميتەتىنىڭ شينجياڭداعى كادرلار مەن جۇرتشىلىققا بولعان قامقورلىعىن كورىكتى شينجياڭ قۇرۋدىڭ قۇدىرەتتى كۇشىنە اينالدىرىپ، تۇتاس قوعامدا ۇلى وتاندى ۇلىقتاۋ، كۇش سالىستىرۋ، كوبىرەك ءىس تىندىرۋداي تاماشا اۋقىم قالىپتاستىرۋ؛ زات باعاسىن باقىلاۋ - تەكسەرۋدى كۇشەيتىپ، زات باعاسىنىڭ ءوسۋىن اۋىزدىقتاپ، حالىق بۇقاراسىن شىنايى يگىلىككە كەنەلتۋ كەرەك. جاڭ چۇنشيان ەڭبەكاقى دەڭگەيى رەتتەلگەننەن كەيىنگى ءبىر جىل ىشىندە اۆتونوميالى رايوننىڭ ءتۇرلى فورماداعى جىلۋ اتاۋ قيمىلدارىن پرينسيپتىك جاقتان ۇيىمداستىرمايتىندىعىن دا جاريالادى.

جاڭ چۇنشيان بىلاي دەپ باسا دارىپتەدى: ءار سالا، ءار كاسىپتەگىلەردىڭ كىرىس دەڭگەيىن جوعارىلاتۋ اۆتونوميالى رايوندىق پارتكوم مەن ۇكىمەتتىڭ العا قويعان تاعى ءبىر كەلەلى حالىق تۇرمىسى ينجەنەرياسى، تاياۋ بىرنەشە جىلدان بەرگى وراسان زور ىلگەرىلەۋشىلىك. قازىر اۆتونوميالى رايون قازىنالىق قۋاتى ەرەكشە شەكتى بولىپ وتىرعان جاعدايدا، الدىمەن قيىنشىلىعى بار بۇقارانىڭ نەگىزگى تۇرمىسىن شەشۋدى قامتاماسىزداندىرۋ نەگىزىندە، مەملەكەتتىڭ قولداۋىندا، ءار ۇلت كادرلاردىڭ جانە جۇمىسشى - قىزمەتكەرلەردىڭ تۇرمىسىن جاقسارتۋعا بەل بايلاۋى، تاريحتان قالعان ماسەلەلەردى شەشۋى - باسىم كوپ ساندى ءار ۇلت كادرلارى مەن بۇقارانىڭ كىرىس دەڭگەيىن كورنەكتى تۇردە جوعارىلاتىپ، كەلەسى قادامداعى ەكونوميكانىڭ دامۋىنا، قوعامنىڭ جاراسىمدىلىعىنا، ورنىقتىلىعىنا تىڭ نەگىز قالاۋدى، تىڭ شارت - جاعداي جاراتۋدى كوزدەگەندىك. سونىمەن بىرگە، بۇل جولعى باسىم كوپ ساندى كادرلار مەن جۇمىسشى - قىزمەتكەرلەردىڭ مامىلە ماسەلەسى شەشىلگەنىمەن تەك ءبىر جولعى رەتتەۋ ارقىلى بارلىق ماسەلەلەردىڭ شەشىلمەيتىندىگىن، بارلىق ادامنىڭ تىلەگىن ورىنداۋدىڭ مۇمكىن ەمەستىگىن دە كورە ءبىلۋىمىز كەرەك. كادرلار مەن جۇمىسشى - قىزمەتكەرلەردىڭ كىرىسىن ۇزدىكسىز جوعارىلاتىپ، ءتۇرلى جاقتاعى مامىلەنى جاقسارتۋدا تۇپتەپ كەلگەندە، ءسوز جوق، ءوزىمىزدىڭ ۇزدىكسىز قۇلشىنىسىمىزعا سۇيەنىپ، ەكونوميكالىق قۋاتىمىزدى ۇزدىكسىز بەكەمدەپ جانە ارتتىرىپ، قازىنالىق قۋاتىمىزدى ۇزدىكسىز نىعايتۋ ارقىلى جۇزەگە اسىرۋىمىز كەرەك.

اۆتونوميالى رايون باسشىلارىنان اسقات كەرىمباي ۇلى، چى جۇن جانە اۆتونوميالى رايوندىق پارتكومنىڭ تۇراقتى مۇشەلەرى، اۆتونوميالى رايوندىق حالىق ۇكىمەتىنىڭ قاتىستى ورىنباسار ءتوراعالارى، پارتگرۋپپاسىنىڭ مۇشەلەرى، اۆتونوميالى رايوندىق پارتكوم مەن ۇكىمەتتىڭ قاتىستى ورىنباسار باس حاتشىلارى ماجىلىسكە قاتىناستى.

