قازاقستان: قىرعىزستاننىڭ جاعدايىن ورنىقتىرۋعا ءبىر ميلليارد امەريكا دوللارى قاجەت، - دەدى

قازاقستاننىڭ 1 - ورىنباسار زۇڭليى ومىرۇزاق شۇكەيەۆ شىلدەنىڭ 20 - كۇنى بىلاي دەدى: قىرعىزستاننىڭ ورنىقتىلىعىن قالپىنا كەلتىرۋ ءۇشىن ءبىر ميلليارد امەريكا دوللارى قاجەت.

شۇكەيەۆ سول كۇنى قازاقستاننىڭ استاناسى استانا قالاسىندا وتكىزىلگە ۇكىمەتتىڭ قىزمەت ماجىلىسىندە بىلاي دەدى: مەن جۋىردا ۇيىرمە باستاپ قىرعىزستاندا ءىس جۇزىندىك تەكسەرۋ - زەرتتەۋ جۇرگىزدىم ءارى سول جەردە تەكسەرۋ - زەرتتەۋ ىسىمەن جۇرگەن دۇنيە بانكەسىنىڭ ۋاكىلدەرىمەن كەڭەس وتكىزدىم. قازاقستان مەن دۇنيە بانكەسىنىڭ باعاسى نەگىزىنەن ۇقساس بولدى، ياعني قىرعىزستاننىڭ ورنىقتىلىعىن قالپىنا كەلتىرۋ ءۇشىن ءبىر ميلليارد امەريكا دوللارى قاجەت ەكەن.

شۇكەيەۆ بىلاي دەدى: قىرعىزستاننىڭ بيىلعى مەملەكەت مەجە ەسەبىنىڭ كىرىس - شىعىس تەپە - تەڭدىگىن ساقتاۋى ءۇشىن ەسەپتەن تىسقارى 330 ميلليون امەريكا دوللارى قاجەت، ال قىرعىزستاننىڭ وڭتۇستىك بولەگىندە وش، جالالاباد رايوندارىنىڭ نەگىزدىك قۇرىلعىلارىن قالپىنا كەلتىرۋ ءۇشىن 300 ميلليون امەريكا دوللارى قاجەت.

قازاقستان شۇعىل جاعداي مينيسترلىگىنىڭ مينيسترى بوجكو شىلدەنىڭ 20 - كۇنى بىلاي دەدى: قازاقستاننىڭ زۇڭليى ءماسىموۆ سول كۇنى جارلىققا قول قويىپ، قىرعىزستانعا قۇنى 11 ميلليون 600 مىڭ امەريكا دوللارىندىق شۇعىل كومەك بەرۋدى تالاپ ەتتى، مۇنىڭ ىشىندە بىشكەك ەلەكتر پۋنكتىن كومىرمەن قامداۋ، قىرعىزستاننىڭ وڭتۇستىك بولەگىندەگى رايونعا قۇرىلىس ماتەريالدارىن جەتكىزۋ سياقتىلار قامتىلعان.

ماۋسىمنىڭ 10 - كۇنى قىرعىز جاستارى مەن وزبەك جاستارى وش قالاسىنداعى ءبىر قۇمارحانادا توپتىق توبەلەسىپ، سوڭىنان جاعداي تەز ۇلعايىپ، ادامدار جەرگىلىكتى ورىنداعى كوڭىل اشۋ ورىندارىن، ەرەن بازارلاردى، ساۋدا سارايلارىن جانە ماشينالاردى بۇلدىرگەن جانە ورتەگەن. قىرعىزستان ۇكىمەتى سوڭىنان وش جانە جالالاباد رايونىنىڭ شۇعىل كۇيگە وتكەندىگىن جاريالادى.

(شينحۋا اگەنتتىگى)