قازاقستان مەن گەرمانيا ەكونوميكا - ساۋدا قاتىناسىن  كۇشەيتەتىندىكتەرىن ءبىلدىرىستى

شىلدەنىڭ 18 - كۇنى قازاقستاننىڭ زۇڭتۇڭى نازاربايەۆ قازاقستانعا ساپارلاي كەلگەن گەرمانيانىڭ زۇڭليى مەركەلمەن كەزدەستى، ەكى ەلدىڭ باسشىلارى ەكى ەلدىڭ ەكونوميكا - ساۋدا قاتىناسىن بارىنشا كۇشەيتەتىندىكتەرىن ءبىلدىرىستى.

نازاربايەۆ سول كۇنى مەركەلمەن كەڭەس وتكىزىپ بولعاننان كەيىن وتكىزىلگەن اقپارات جاريالاۋ ماجىلىسىندە بىلاي دەدى: ەكى ەل ەكى جاقتى ساۋدا سوماسىن وتكەن جىلعى 3 ميلليارد امەريكا دوللارىنان بۇدان بىلايعى 10 ميلليارد امەريكا دوللارىنا جوعارىلاتپاقشى. بيىل العاشقى جارتى جىلدا ەكى ەل دە داعدىلى ەكونوميكانىڭ ارتۋ جەمىسىنە قول جەتكىزدى، مىنە بۇدان ەكى ەلدىڭ ەكونوميكالىق داعدارىستىڭ ىقپالىنان بىرتىندەپ ايىققاندىعىن كورۋگە بولادى، ەكى ەلدىڭ ەكى جاقتى ەكونوميكا - ساۋدا سەلبەستىگىنىڭ بولاشاعى نۇرلى.

مەرك-ەل مىنانى ءبىلدىردى: قازاقستان - گەرمانيانىڭ ورتا ازياداعى ەڭ ماڭىزدى سەلبەستىك سەرىگى، ەكى ەل بيىل قاراشادا جاڭا سەلبەستىك پروگرامماسىن ماقۇلداپ، ەكى جاقتىڭ كوپ سالالى سەلبەستىگىن جەبەۋدى جوسپارلاپ وتىر. مەن قازاقستان مەن رەسەيدىڭ دۇنيە جۇزىلىك ساۋدا ۇيىمىنا تەزىرەك كىرۋىن ءۇمىت ەتەمىن.

سول كۇنى ەرتەمەن ەكى ەل باسشىلارى استانا قالاسىندا وتكىزىلگەن قازاقستان - گەرمانيا ەكونوميكالىق تالقى مىنبەسىنە قاتىناستى. ەكى ەلدىڭ ۇكىمەت قۇرىلىمدارى مەن كاسىپورىندارى تالقى مىنبەسىندە 35 ءتۇرلى سەلبەستىك كەلىسىمىنە قول قويىستى، مۇنىڭ قۇنى 2 ميلليارد ەۆرودان اسادى. نازاربايەۆ تالقى مىنبەسىندە بىلاي دەدى: قازاقستاننىڭ تابيعي بايلىعى مول، گەرمانيا وزىق عىلمي ءوندىرىس تەحنيكاسىنا يە، ەكى ەل ەكونوميكالىق جاقتان ءوزارا تولىقتاۋ ابزالدىعىنا يە.

مەركەل شىلدەنىڭ 18 - كۇنى استانا قالاسىنا جەتىپ، قازاقستانداعى رەسمي ساپارىن باستادى.

