جەلىلەس جەندەتتىك دەلوسى اشكەرەلەندى

ءتىلشىمىز جاڭ لياڭ حابارلايدى. شىلدەنىڭ 13 - كۇنى وبلىستىق حالىق ۇكىمەتىنىڭ اقپارات كەڭسەسى وتكىزگەن اقپار جاريالاۋ جيىنىنان ۇعىسۋىمىزشا، قۇلجا قالاسى جۋىردا ايانىشتى جەلىلەس جەندەتتىك دەلوسىن اشكەرەلەگەن.

قۇلجا قالالىق قوعام حاۋىپسىزدىگى مەكەمەسى قىلمىستىق ىستەر ۇلكەن اترەتى بيىل ناۋرىزدىڭ 23 - كۇنى لو فاميليالى بىرەۋدىڭ جوعالىپ كەتكەنى جونىندە دەلو مالىمەتىن تاپسىرىپ العان، وبلىستىق قوعام حاۋىپسىزدىگى مەكەمەسى مەن قۇلجا قالالىق قوعام حاۋىپسىزدىگى مەكەمەسى 3 ايدان استام ۋاقىت جاپالى تەكسەرۋ، بارلاۋ ارقىلى شىلدەنىڭ 10 - كۇنى وسى دەلو مالىمەتىنە قاتىستى جەلىلەس جەندەتتىك دەلوسىن ءساتتى اشكەرەلەدى.

قىلمىس كۇدىكتىسى لي چيڭشياڭ بيىل 56 جاستا، 2005 - جىلدىڭ سوڭىنان باستاپ ىلگەرىندى - كەيىندى زيانكەستىككە ۇشىراۋشى چىن x ، ليۋx ، لوx تەرمەن بىرگە تۇرعان نەمەسە نەكەلەنگەن، كەيىن ولاردىڭ كوزىن جويعان. ونىڭ ادام ءولتىرۋ ءتاسىلى تىم قانقۇيلى بولىپ، زيانكەستىككە ۇشىراۋشىلاردىڭ سۇيەگىن ورتەپ جىبەرگەن. ونىڭ بۇل قىلمىستىق ارەكەتتەرى 5 جىلعا دەيىن اشكەرەلەنبەي كەلگەن. قازىر لي چيڭشياڭدى زاڭ بويىنشا قولعا الۋعا ءوتىنىش بەرىلدى. دەلو ىشكەرىلەي تەكسەرىلۋدە.

حانزۋشادان اۋدارعان ىلەبەك

