لي شياڭلين اۆتونوميالى وبلىستىڭ ورنىقتىلىقتى قورعاۋعا بىرلەسىپ قولباسشىلىق ەتۋ شتابىنىڭ 76 - رەتكى جيىنىندا مىنانى باسا دارىپتەدى

ورنىقتىلىق قىزمەتىندە، ءسوز جوق، تاباندى بولۋ كەرەك

ءتىلشىمىز لي شين - ان حابارلايدى.  اۆتونوميالى وبلىس  شىلدەنىڭ 8 - كۇنى تۇستەن كەيىن ورنىقتىلىقتى قورعاۋعا بىرلەسىپ قولباسشىلىق ەتۋ شتابىنىڭ 76 - رەتكى جيىنىن اشىپ، جۋىقتاعى مەزگىلدەگى ورنىقتىلىق قىزمەتىنە ورنالاستىرۋ جاسادى. وبلىستىق پارتكومنىڭ شۋجيى لي شياڭلين جيىندا وبلىسقا توتە قاراستى تاراۋلار مەن ورىنداردان جانە ىلەدە تۇراتىن قارۋلى ساقشى بولىمدەرىنەن قاپىرىق ىستىققا ءتوزىپ، وسكەلەڭ كۇرەس جىگەرىمەن، مويىماس رۋحپەن وبلىسقا توتە قاراستى ورىنداردىڭ ورنىقتىلىق قىزمەتىن ويداعىداي ىستەۋدى تالاپ ەتتى.

اۆتونوميالى وبلىس باسشىلارىنان جاڭ يۇن، ۋاڭ جيانجۇڭ، شيا گۋاڭتاي، جياۋ باۋحۋا، زۇنۇن، گۇڭ شينباۋ جانە ىلە بولىمشە اسكەري رايونىنىڭ، قارۋلى ساقشى 8660 -، 9230 - بولىمدەرىنىڭ باسشىلارى، سونداي - اق اۆتونوميالى وبلىستىڭ ورنىقتىلىقتى قورعاۋعا بىرلەسىپ قولباسشىلىق ەتۋ شتابىنىڭ جالپى مۇشەلەرى جيىنعا قاتىناستى.

جيىندا ورتالىقتىڭ ورنىقتىلىقتى قورعاۋ قىزمەتىنە باسشىلىق ەتۋ گرۋپپاسى شينجياڭ العى شەپ قولباسشىلىق شتابىنىڭ قاتىستى جيىن ەستەلىگى جەتكىزىلدى، وبلىستىڭ ورنىقتىلىقتى قورعاۋعا بىرلەسىپ قولباسشىلىق ەتۋ شتابى مۇشەلەرىنىڭ جۋىقتاعى مەزگىلدەگى ورنىقتىلىق قىزمەتىنەن جاساعان زەرتتەۋ - تالداۋى مەن ۇسىنىستارى تىڭدالدى.

لي شياڭلين جيىندا بىلاي دەدى: وبلىسقا توتە قاراستى ورىندار قوعامنىڭ ۇزاق ۋاقىتتىق ورنىقتىلىعىن ساقتادى، وتە - موتە، شىلدەدە 1 - دارەجەلى ساقتىق كۇيگە وتكەننەن كەيىن پارتيا، ۇكىمەت، ارميا، ساقشى، بيڭتۋان، حالىق جاساقتارىنىڭ ورتاق قۇلشىنىسىندا وبلىسقا توتە قاراستى ورىنداردان ماسەلە شىقپادى.

لي شياڭلين مىنانى باسا دارىپتەدى: «5 - شىلدە» ۋاقيعاسى تۋىلعانىنا ءبىر جىل بولعان وسى ءبىر ەرەكشە سەزىمتال مەزگىلدە وبلىسقا توتە قاراستى ورىندارداعى پارتيا، ۇكىمەت، ارميا، ساقشى، بيڭتۋان، حالىق جاساعى زور مولشەردە بوداۋ بەرۋ ارقىلى وبلىسقا توتە قاراستى ورىنداردىڭ سەزىمتال مەزگىلدەگى ورنىقتىلىعىن قورعادى. الايدا جاۋ تاسادا، ءبىز كورىنەۋدە بولعاندىعىمىزدان ءتۇرلى نىسايلار جاۋدىڭ وسىنداي سەزىمتال مەزگىلدە ءبۇلدىرۋ، بىلىقپالىق تۋدىرۋ قاسكۇنەمدىگىنەن قايتپاعاندىعىن دالەلدەپ وتىر. ءبىز سەزىمتال مەزگىلدە كەزەڭدىك ناتيجەگە قول جەتكىزگەنىمىزبەن، الايدا تيتتەي دە سالعىرتسۋىمىزعا، تيتتەي دە بوساڭسىماۋىمىزعا، استە، بولمايدى.   

لي شياڭلين مىنانى تالاپ ەتتى: قازىر ورنىقتىلىقتى قورعاۋدىڭ كىلتەڭ كەزەڭى ءالى دە اياقتاعان جوق، وبلىسقا توتە قاراستى تاراۋلار، ورىندار جانە ىلەدە تۇراتىن قارۋلى ساقشى بولىمدەرى ورنىقتىلىقتى قورعاۋ شارالارىن تياناقتاندىرۋدى بوساڭسىتپاۋى، ورنىقتىلىقتى قورعاۋدا توسىن تۋىلعان ۋاقيعالاردى ءبىر جاقتى ەتۋدەگى، سوققى بەرۋ كۇشتەرىن ازايتپاۋى، قاتاڭ سوققى بەرۋ باسىمدىعى جاعدايىن ۇزدىكسىز ساقتاپ، قوعامدى باسقارۋ، مەڭگەرۋ تەبىنىن ارتتىرۋى كەرەك. ءاربىر تەكسەرۋ تۇيىندەرى كۇشتى جاۋاپكەرلىك تانىمدا بولىپ، قارۋلى شارلاۋ جۇرگىزۋ تەبىنىن ۇزدىكسىز ساقتاۋى كەرەك. الەۋمەتتىك اۋماق، اۋىل - قىستاق سياقتى نەگىزگى ساتىنىڭ نەگىزدىك قىزمەتتەرىن كۇشەيتىپ، شەكارا وڭىرلەردى، سىرتتان كەلگەندەردى، ءدىني ىستەردى، مەشىتتەردىڭ حاۋىپسىزدىگىن باسقارۋ قىزمەتتەرىن كۇشەيتۋى كەرەك. دەلولاردىڭ تۋىلۋىنان ساقتانۋدى ءتۇيىن ەتىپ، قوعام حاۋىپسىزدىگى، قارۋلى ساقشى بولىمدەرى جاپپاي ستراتەگيالىق جاعدايعا ءوتۋى؛ توسىن جاعدايلارعا سوققى بەرۋ كۇشتەرى جاتتىعۋدى كۇشەيتىپ، دەركەزىندە رولدارىن ساۋلەلەندىرىپ، قىراعىلىقتى ج-وعارىلاتۋعا كەپىلدىك ەتۋى كەرەك.

لي شياڭلين مىنانى باسا دارىپتەدى: شينجياڭدا، ىلەدە ورنىقتىلىقتى قورعاۋ قىزمەتى - ۇزاق ۋاقىتتىق قىزمەت، ەڭ ماڭىزدىسى ورنىقتىلىقتى قورعاۋدىڭ ۇزاق ۋاقىتتىق مەحانيزمىن ورناتۋ كەرەك، وسىلاي ىستەگەندە عانا ۇزاق ۋاقىتتىق حاۋىپسىزدىكتى ساقتاۋعا بولادى. ءبىز رەفورما جاساپ، ەسىك اشۋدى مىقتى ۇستاۋمەن بىرگە، ىنتىماقتاسا وتىرىپ ورنىقتىلىقتى قورعاۋىمىز، حالىق تۇرمىسى ماسەلەسىن شەشۋگە، حالىق تۇرمىسىن شىنايى جاقسارتۋعا وسكەلەڭ كوڭىل ءبولۋ ارقىلى ءار ۇلت جۇرتشىلىعىن پارتيانىڭ توڭىرەگىنە تىعىز ىنتىماقتاستىرىپ، ىلەنىڭ سەكىرمەلى دامۋى مەن باياندى تىنىشتىعىن جۇزەگە اسىرۋىمىز كەرەك.

لي شياڭلين ورنىقتىلىق قىزمەتى جونىندە ن-اقتى تالاپتاردى ورتاعا قويدى.

وبلىستىق پارتكومنىڭ ورىنباسار شۋجيى، ءتارتىپ تەكسەرۋ كوميتەتىنىڭ شۋجيى، ساياسي - زاڭ كوميتەتىنىڭ شۋجيى جاڭ يۇن ماجىلىستە مىنانى تالاپ ەتتى: قوعام حاۋىپسىزدىگى تاراۋلارى توپتارعا سوققى بەرۋ، قاشقان قىلمىستىلاردى قۋعىنداۋ، ارناۋلى دەلولاردى يگەرۋ تەبىنىن ارتتىرۋى؛ كەزدەيسوق تۋىلعان ۋاقيعالارعا باسا نازار اۋدارۋى، بايقالا سالىسىمەن زاڭ بويىنشا ءبىر جاقتى ەتۋى؛ وبلىسقا توتە ق-اراستى اۋدان، ق-الالار، تاراۋلار، ورىندار ورنىقتىلىقتى قورعاۋ دارەجەسىن عىلمي ورنالاستىرۋى؛ ورنىقتىلىقتى قورعاۋ شارالارىن باقىلاۋ، تەكسەرۋ تەبىنىن كۇشەيتۋى كەرەك. 

