باتىس بولەكتى قاۋىرت اشۋ قىزمەتى ءماجىلىسى بەيجيڭدە وتكىزىلدى

حۋ جينتاۋ، ۋىن جياباۋ ماڭىزدى ءسوز سويلەدى، لي كىچياڭ قورىتىندى جاسادى ،ۋ باڭگو، جيا چيڭلين، لي چاڭچۇن، شي جينپيڭ، حى گوچياڭ، جوۋ يۇڭكاڭ ماجىلىسكە قاتىناستى

ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى حۋ جينتاۋ ماجىلىستە ماڭىزدى ءسوز سويلەدى

سۋرەت شينحۋا تورىنان الىندى

شينحۋا اگەنتتىگى، بەيجيڭ، شىلدەنىڭ 6 - كۇنى. ج ك پ ورتالىق كوميتەتىنىڭ، مەملەكەتتىك كەڭەستىڭ باتىس بولەكتى قاۋىرت اشۋ قىزمەتى ءماجىلىسى شىلدەنىڭ 5 - كۇنىنەن 6 - كۇنىنە دەيىن بەيجيڭدە وتكىزىلدى.

ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى حۋ جينتاۋ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى ۋ باڭگو، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى ۋىن جياباۋ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى جيا چيڭلين، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى لي چاڭچۇن،  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، مەملەكەتتىڭ ورىنباسار ءتوراعاسى شي جينپيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىن-باس-ار زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى حى گوچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ساياسي - زاڭ كوميتەتىنىڭ شۋجيى جوۋ يۇڭكاڭ ماجىلىسكە قاتىناستى.

حۋ جينتاۋ مىنالاردى باسا دارىپتەدى: باتىس بولەكتى قاۋىرت اشۋ ستراتەگياسىن ىشكەرىلەي اتقارۋ جاپپاي دوڭگەلەك داۋلەتتى قوعام قۇرۋ ۇلى نىساناسىن ىسكە اسىرۋداعى ماڭىزدى مىندەت. بۇل ءار ۇلت بۇقاراسىن باقىتقا كەنەلدىرۋگە، ەلىمىزدىڭ رەفورما جاساۋ، قاقپا اشۋ ىستەرى مەن سوتسياليستىك وسىزامانداندىرۋ قۇرىلىسىنىڭ جالپى جاعدايىنا، مەملەكەتتىڭ باياندى تىنىشتىعىنا، جۇڭحۋا ۇلتتارىنىڭ ۇلى گۇلدەنىپ - كوركەيۋىنە قاتىستى. الداعى 10 جىل جاپپاي دوڭگەلەك داۋلەتتى قوعام قۇرۋدىڭ شەشۋشى مەزگىلى ءارى باتىس بولەكتى قاۋىرت اشۋ ىستەرىن ىشكەرىلەي ىلگەرىلەتۋدە بۇرىنعىعا مۇراگەر بولىپ، كەيىنگىگە جول اشۋداعى شەشۋشى مەزگىل. بۇكىل پارتيا، بۇكىل ەل، ءسوزسىز، جالپى جاعدايدى شىعار ءتۇيىن ەتىپ، باتىس بولەكتى قاۋىرت اشۋ ستراتەگياسىن ىشكەرىلەي اتقارۋدىڭ ماڭىزدىلىعى مەن كوكەيتەستىلىگىن تەرەڭ تانىپ، باتىس بولەكتى قاۋىرت اشۋ ىستەرىن كۇش سالا ىلگەرىلەتىپ، ەكونوميكاسى گۇلدەنگەن، قوعامى العا باسقان، تۇرمىسى الاڭسىز، ۇلتتارى بەرەكەلى، تابيعاتى كوركەم باتىس بولەكتى كۇش سالا قۇرىپ، جاپپاي دوڭگەلەك داۋلەتتى قوعام قۇرۋ كۇرەس نىساناسىن، جۇڭحۋا ۇلتتارىنىڭ ۇلى گۇلدەنۋىن ىسكە اسىرۋ جولىندا تىڭ دا زور ۇلەس قوسۋ كەرەك.

حۋ جينتاۋ مىنالاردى اتاپ كورسەتتى: باتىس بولەكتى قاۋىرت اشۋ ستراتەگياسىن اتقارۋ پارتيا ورتالىق كوميتەتىنىڭ، مەملەكەتتىك كەڭەستىڭ عاسىر توعىسىندا شىعارعان كەلەلى شەشىمى، دىڭ شياۋپيڭ جولداستىڭ «ەكى جالپى جاعداي» ستراتەگيالىق وي جەلىسىن، «ۇشكە ۋاكىلدىك ەتۋ» ماڭىزدى يدەياسى مەن عىلمي دامۋ كوزقاراسىن دايەكتى تياناقتاندىرۋداعى جاندى دا ناقتى اماليات، جۇڭگوشا سوتسياليزم نازارياسىنىڭ بايۋى جانە دامۋى ەلىمىزدىڭ رەفورما جاساۋ ىستەرى مەن سوتسياليستىك وسىزامانداندىرۋ قۇرىلىسى جالپى جاعدايىنىڭ ماڭىزدى قۇرامداس بولەگى. باتىس بولەكتى قاۋىرت اشۋ ستراتەگياسى اتقارىلعان 10 جىلدان بەرى پارتيا ورتالىق كوميتەتى، مەملەكەتتىك كەڭەس باتىس بولەكتى قاۋىرت اشۋدىڭ جەتەكشى يدەياسىن، ستراتەگيالىق نىساناسىن، باستى مىندەتىن، باعىت - ساياساتىن بەلگىلەدى، باتىس بولەكتەگى رايوندارداعى قالىڭ كادرلار مەن بۇقارا ورايدى مىقتى يگەرىپ، رۋحتى سەرپىلتىپ قايراتتانا ۇمتىلدى، شىعىس، ورتا بولەكتەگى رايوندار ءار جاقتى كۇشتەردىڭ باتىس بولەكتى قاۋىرت اشۋ ىستەرىنە اتسالسۋىنا جانە قولداۋ كورسەتۋىنە بەلسەنە شابىت بەردى، قولدادى جانە باستادى، بۇكىل پارتيا، بۇكىل ەل باتىس بولەكتى قاۋىرت اشۋدىڭ جاندى دا جالىندى تاماشا جاعدايىن بىرگە جاراتىپ، باتىس بولەك سىندى بۇل ىرىستى مەكەندە تىڭ دا شۇعىلالى داست-ان جازدى. وسى 10 جىل - باتىس بولەكتىڭ ەكونوميكاسى مەن قوعامى ەڭ تەز دامىعان، قالا مەن اۋىل بەت -بەينەسىندە زور وزگەرىس تۋىلعان، حالىق بۇقاراسى ەڭ كوپ يگىلىككە كەنەلگەن، مەملەكەتكە كورنەكتى ۇلەس قوسقان 10 جىل. باتىس بولەكتى قاۋىرت اشۋ ستراتەگياسىنىڭ اتقارىلۋى باتىس بولەكتەگى رايونداردىڭ دامۋىن پارمەندى جەبەپ، باتىس بولەكتەگى بايتاق دالاعا ومىرشەڭدىك كۇش باعىشتاۋمەن بىرگە، بۇكىل ەلدىڭ دامۋىنا كەڭ ءورىس اشتى. اماليات ورتالىقتىڭ باتىس بولەكتى قاۋىرت اشۋ ستراتەگياسىن اتقارۋ جونىندەگى كەلەلى شەشىمىنىڭ بۇكىلدەي دۇرىس ەكەندىگىن، باتىس بولەكتى قاۋىرت اشۋ قىزمەتىندە تابىس كورنەكتى بولعاندىعىن دالەلدەدى.

حۋ جينتاۋ مىنانى اتاپ كورسەتتى: قازىر حالىقارالىق، ەل ءىشى جاعدايى ۇزدىكسىز كۇردەلى وزگەرىسكە تولى بولۋدا، رەفورما، دامۋ، ورنىقتىلىق مىندەتى ەرەكشە اۋىر، ەلىمىز ءدوپ كەلگەن تىڭ وراي، جاڭا سايىس پەن باتىس بولەكتى قاۋىرت اشۋداعى تىڭ وراي، جاڭا سايىس ەرەكشە كورنەكتى. باتىس بولەكتى قاۋىرت اشۋدا زور تابىسقا قول جەتكىزگەنىمىزبەن، باتىس بولەكتەگى رايوندار مەن شىعىس بولەكتەگى رايونداردىڭ دامۋ ورەسىندەگى پارىق ءبىرشاما الشاق، باتىس بولەكتەگى رايوندار ءالى دە ەلىمىزدىڭ دوڭگەلەك داۋلەتتى قوعام قۇرۋداعى قيىن ءتۇيىنى مەن ماڭىزدى ءتۇيىنى. باتىس بولەكتەگى رايونداردىڭ دامۋى سالىستىرمالى تۇردە ارتتا قالعان، دوڭگەلەك داۋلەتتى قوعام قۇرۋ نىساناسىن ۋاعىندا جۇزەگە اسىرۋ ءۇشىن اناعۇرلىم زور، اناعۇرلىم جاپالى قۇلشىنىس جاساۋىمىز كەرەك. باتىس بولەكتەگى رايونداردىڭ ورنىقتىلىعى بولماسا، بۇكىل ەلدىڭ ورنىقتىلىعى بولمايدى، باتىس بولەكتەگى رايوندار دوڭگەلەك داۋلەتتى ورەگە جەتپەسە، بۇكىل ەل دوڭگەلەك داۋلەتتى ورەگە جەتپەيدى، باتىس بولەكتەگى رايوندار وسىزامانداندىرىلماسا بۇكىل ەلدەدە وسىزامانداندىرۋدى جۇزەگە اسىرۋدان اۋىز اشۋعا بولمايدى. دامۋداعى وڭىرلىك پارىقتى بىرتىندەپ ازايتىپ، بۇكىل ەلدىڭ ەكونوميكاسى مەن قوعامىنىڭ سايكەستى دامۋىن جۇزەگە اسىرىپ، سوڭىندا بارشا حالىقتى اۋقاتتاندىرۋدى جۇزەگە اسىرۋ سوتسياليزمنىڭ تۇپكىلىكتى تالابى ءارى ەلىمىزدىڭ دامۋ جالپى جاعدايىنا ساياتىن ماڭىزدى ماسەلە. باتىس بولەكتى قاۋىرت اشۋدى ۇزدىكسىز ىلگەرىلەتۋ ماڭىزدى رەال مانگە يە بولۋمەن بىرگە، تەرەڭ تاريحي مانگە دە يە.

حۋ جينتاۋ مىنانى باسا دارىپتەدى: جاڭا جاعداي تۇسىندا باتىس بولەكتى قاۋىرت اشۋ ستراتەگياسىن ىشكەرىلەي اتقارۋدا، ءسوزسىز، جۇڭگوشا سوتسياليزم ۇلى تۋىن بيىك كوتەرىپ، دىڭ شياۋپيڭ نازارياسى مەن «ۇشكە ۋاكىلدىك ەتۋ» ماڭىزدى يدەياسىن جەتەكشى ەتىپ، عىلمي دامۋ كوزقاراسىن دايەكتى تياناقتاندىرىپ، يدەيانى ازات ەتىپ، ءورىس اشا جاڭالىق جاراتىپ، ۇسىنىلىمدى ارتتىرىپ، قولداۋدى كۇشەيتىپ، ءوزىن - ءوزى دامىتۋ قۋاتىن ارتتىرۋدى نەگىزگى ارنا، حالىق تۇرمىسىن جاقسارتۋدى وزەك، عىلىم - تەحنيكانى ىلگەرىلەتۋدى جانە دارىندىلاردى باۋلۋدى تىرەك ەتىپ، نەگىزدىك قۇرىلعى قۇرىلىسىنا اناعۇرلىم ءمان بەرىپ، دامۋدى قامتاماسىزداندىرۋ قۋاتىن جوعارىلاتۋعا كۇش سالۋ؛ ەكولوگيالىق ورتانى قورعاۋعا اناعۇرلىم ءمان بەرىپ، كورىكتى مەكەن قۇرۋ مەن مەملەكەتتىڭ ەكولوگيالىق حاۋىپسىزدىك قورعانىن قالىپتاستىرۋعا كۇش سالۋ؛ ەكونوميكالىق قۇرىلىمدى رەتتەۋ مەن دەربەس جاڭالىق جاراتۋعا اناعۇرلىم ءمان بەرىپ، ەرەكشەلىككە يە، ابزال كاسىپتى دامىتۋدى ىلگەرىلەتۋگە كۇش سالۋ؛ قوعامدىق ىستەردى دامىتۋعا اناعۇرلىم ءمان بەرىپ، نەگىزدىك الەۋمەتتىك قىزمەت وتەۋدى ءبىر كەلكىلەندىرۋ مەن حالىق تۇرمىسىن جاقسارتۋدى جەبەۋگە كۇش سالۋ؛ وڭىرلىك ورنالاسۋدى ساپالىلاندىرۋعا اناعۇرلىم ءمان بەرىپ، جاڭا ەكونوميكالىق ارتۋ ءتۇيىنىن جەتىلدىرۋگە كۇش سالۋ؛ قۇرىلىم مەن مەحانيزمدە جاڭالىق جاراتۋعا اناعۇلىم ءمان بەرىپ، ىشكە - سىرتقا ەسىك اشۋدى كەڭەيتۋگە كۇش سالىپ، باتىس بولەكتەگى رايونداردىڭ ەكونوميكاسىنىڭ ءارى ويداعىداي، ءارى جەدەل دامۋى مەن قوعامىنىڭ جاراسىمدى، ورنىقتى بولۋىن ىلگەرىلەتىپ، جاپپاي دوڭگەلەك داۋلەتتى قوعام قۇرۋ كۇرەس نىساناسىن قۇلشىنا جۇزەگە اسىرۋ كەرەك.

حۋ جينتاۋ مىنانى اتاپ كورسەتتى: الداعى 10 جىلدا باتىس بولەكتى قاۋىرت اشۋ ستراتەگياسىن اتقارۋدىڭ جالپى نىساناسى مىنالار: باتىس بولەكتەگى رايونداردىڭ جالپىلىق ەكونوميكالىق قۋاتىن تىڭ دەڭگەيگە جەتكىزىپ، نەگىزگى قۇرىلعىلارىن بارىنشا كەمەلدەندىرۋ، وسى زامانعى كاسىپ سالاسى جۇيەسىن نەگىزىنەن قالىپتاستىرۋ، مەملەكەتتىڭ ماڭىزدى ەنەرگيا بازاسىن، بايلىقتى جىنتىكتەپ مانەرلەۋ بازاسىن، جابدىق جاساۋ كاسىبى بازاسىن جانە ستراتەگيالىق جاڭادان گۇلدەنگەن كاسىپ سالاسى بازاسىن قۇرۋ؛ حالىقتىڭ تۇرمىس ورەسى مەن ساپاسىن تىڭ دەڭگەيگە جەتكىزىپ، نەگىزگى الەۋمەتتىك قىزمەت وتەۋ قۋاتىنىڭ شىعىس بولەكتەگى رايوندار مەن پارقىن كورنەكتى ازايتۋ؛ ەكولوگيالىق ورتاسىن قورعاۋدى تىڭ دەڭگەيگە جەتكىزىپ، ەكولوگيالىق ورتاسىنىڭ ناشارلاۋ بەتالىسىن تىزگىندەۋ.

حۋ جينتاۋ مىنانى باسا دارىپتەدى: قازىر جانە بۇدان بىلايعى ءبىر مەزگىلدە باتىس بولەكتى قاۋىرت اشۋ ستراتەگياسىن ىشكەرىلەي اتقارىپ، ەكونوميكانىڭ، قوعامنىڭ دامۋ بارىسىنداعى باستى قايشىلىق پەن قايشىلىقتىڭ نەگىزگى جاعىن ءداپ باسىپ مىقتى يگەرىپ، جالپى جاعداي، ستراتەگيالىق شەشۋشى ماسەلەلەردى كۇشتى شوعىرلاندىرا وتىرىپ شەشىپ، تومەندەگىدەي قىزمەتتەردى ءتۇيىندى تۇردە جاقسى ىستەۋ كەرەك: ءبىرىنشى، نەگىزدى بەكەمدەۋدەن جازباي، دامۋدى قامتاماسىزداندىرۋ قۋاتىن ونان ارى جوعارىلاتۋ؛ ەكىنشى، سايكەستى دامۋدان جازباي، كاسىپ سالاسى قۇرىلىمىن ونان ارى رەتتەۋ؛ ءۇشىنشى، حالىقتىڭ مۇددەسىن كوزدەۋدەن جازباي، حالىق تۇرمىسىن ونان ارى قامتاماسىزداندىرۋ جانە جاقسارتۋ؛ ءتورتىنشى؛ رەفورما جاساۋ، ەسىك اشۋدان جازباي، دامۋدىڭ قوزعاۋشى كۇشى مەن ومىرشەڭدىك قۋاتىن ونان ارى نىعايتۋ؛ بەسىنشى، جاراسىمدى دامۋدان جازباي، قوعامنىڭ جاراسىمدىلىعىن، ورنىقتىلىعىن ونان ارى قورعاۋ؛ التىنشى، جالپى جاعداي تانىمىنان جازباي، قولداۋ تەبىنىن ونان ارى ارتتىرۋ كەرەك. ورتالىقتىڭ باتىس بولەككە قاراتقان ساياساتتىق قولداۋ تەبىنىن ونان ارى ارتتىرۋ كەرەك. ورتالىقتىڭ باتىس بولەككە قاراتقان ساياساتتىق قولداۋ تەبىنىن ارتتىرۋى، وڭىرلەر، تاراۋلار باتىس بولەكتىڭ دامۋىن قولداۋدى ءوز وڭىرلەرىنىڭ، ءوز تاراۋلارىنىڭ قىزمەتىنە قوسىپ، حالىق ارمياسىنىڭ باتىس بولەكتى قاۋىرت اشۋعا قاتىناسۋداعى ابزالدىلىعى مەن بەلسەندىلىگىن تولىق ساۋلەلەندىرۋ، قوعامنىڭءار سالاسىن باتىس بولەكتى قاۋىرت اشۋعا قاتىناسۋعا بارىنشا جۇمىلدىرۋ جانە ونى قولداۋ كەرەك. باتىس بولەكتەگى قالىڭ كادر - جۇرتشىلىق قايسارلىقپەن كۇرەس جاساپ، وزدەرىنىڭ جاپالى ەڭبەگى مەن قان تەرلەرى ارقىلى كورىكتى اتامەكەن قۇرۋى ءتيىس.

ۋىن جياباۋ سوزىندە مىنالاردى اتاپ كورسەتتى: باتىس بولەكتى قاۋىرت اشۋ ەلىمىزدىڭ وڭىرلەردىڭ سايكەستى دامۋ جالپى تۇلعالىق ستراتەگياسىندا ماڭداي الدى ورىندا تۇرادى. باتىس بولەكتى قاۋىرت اشۋدى ىشكەرىلەي ىلگەرىلەتۋدە ورتالىقتىڭ بەلگىلەگەنءتۇرلى ساياسات - شارالارىن مۇقيات تياناقتاندىرۋ كەرەك. ءبىرىنشى، وزگەشە، ابزال كاسىپ سالاسىن جەتەكشى كاسىپ سالاسى ەتىپ باۋلىپ، ەگىن، مال شارۋاشىلىعىن وسى زامانعى ونەركاسىپ پەن قىزمەت وتەۋ كاسىبىن زور كۇشپەن دامىتۋ، وسى زامانعى كاسىپ سالاسى جۇيەسىن قۇرىپ، باتىس بولەكتىڭ بايلىق ابزالدىلىعىن ەكونوميكالىق ابزالدىلىققا اينالدىرۋ كەرەك. باتىس بولەكتەگى مەملەكەت جەبەيتىن كاسىپورىنداردىڭ تابىس باجىسىن ٪15 كەمەيتۋ، كومىر، مۇناي، تابيعي گاز سياقتى بايلىقتاردان الىناتىن باجىنى مولشەرىنە قاراي جيناۋدان باعاسىنا قاراي جيناۋعا وزگەرتۋ كەرەك. ەكىنشى، حالىق تۇرمىسىن قامتاماسىزداندىرۋ مەن جاقسارتۋدى شىعارءتۇيىن جانە تابان تىرەر تياناق ەتىپ، قوعامدىق ىستەردى كۇش سالا دامىتىپ، باتىس بولەكتەگى حالىقتى رەفورما جاساۋ، ەسىك اشۋدىڭ تابىستارىنان بىرگە يگىلىكتەندىرۋ كەرەك. باتىس بولەككە باعىتتالعان بىركەلكى وتكەرمەلەپ تولەۋ تەبىنىن ارتتىرىپ، وڭىرلەر ارا نەگىزدىك الەۋمەتتىك قىزمەت وتەۋدىڭ بىركەلكى بولۋىن ىلگەرىلەتۋ، وقۋ - اعارتۋ، ەمدەۋ، قوعامدىق قامتاماسىزداندىرۋ، كەدەيلەردى سۇيەمەلدەۋ - وركەندەتۋ سياقتى جاقتارداعى ارناۋلى وتكەرمەلەپ تولەۋدى ءتۇيىندى تۇردە باتىس بولەكتەگى وڭىرلەرگە قاراي بەيىمدەتۋ؛ ورتالىق قارجى قوساتىن وبيەكتىلەردى ءتۇيىندى تۇردە باتىس بولەكتەگى حالىق تۇرمىسى ينجەنەرياسى، نەگىزدىك قۇرىلعى، ت، ب. سالالارىنا ويىستىرۋ كەرەك. وڭتۇستىك شينجياڭ، چيڭحاي - شيزاڭ ءۇستىرتىنىڭ شىعىسى، ۋليڭ تاۋلى رايونى، ۋمىڭ تاۋلى رايونى، يۇنناننىڭ باتىس بولەگىندەگى شەكارا ءوڭىر، چينباشان - ليۋپانشان تاۋلى ءوڭىرى سياقتى قيىنشىلىعى بار شوعىرلى وڭىرلەردى كەدەيلەردى سۇيەمەلدەۋ - وركەندەتۋدىڭ ءتۇيىنى ەتىپ، كەدەيلەردى سۇيەمەلدەۋ - وركەندەتۋ تەبىنىن ارتتىرۋ كەرەك. ءۇشىنشى، رەفورما جاساۋ، ەسىك اشۋدى قوزعاۋشى كۇش ەتىپ، ۇكىمەتتىڭ ىلگەرىلەتۋى مەن بازار مەحانيزمىنىڭ رولىن تولىق ساۋلەلەندىرىپ، باتىس بولەكتى قاۋىرت اشۋدىڭ ومىرشەڭدىك كۇشىن جاپپاي نىعايتۋ كەرەك. باتىس بولەكتى رەفورما بارىسىندا جۇرەكتىلىكپەن ىزدەنىس جاساۋعا، الدا ءجۇرىپ، الدىمەن سىناق ىستەۋگە جىگەرلەندىرىپ جانە قولداپ، باتىس بولەكتىڭ ىشكە، سىرتقا ەسىك اشۋىن قولداپ، ەكى بازاردان، ەكى ءتۇرلى بايلىقتان تولىق پايدالانۋ كەرەك. ءتورتىنشى، ەكولوگيالىق قۇرىلىس پەن ورتانى قورعاۋدى نەگىز ەتىپ، اشۋ مەن قورعاۋدى ءوزارا جەبەۋدەن جازباي، باياندى دامۋ قۋاتىن جاپپاي كۇشەيتۋ كەرەك. باتىس بولەكتە ورتانى قورعاۋعا ءتيىمدى بولعان ەكولوگيالىق تولەم بەرۋ ساياساتىن جەدەل اتقارىپ، مەملەكەت دارەجەلى الەۋمەتتىك يگىلىك سيپاتتى ورماننىڭ ەكولوگيالىق ونىمدىلىگىنە قاراي تولەم بەرۋ ولشەمىن بىرتىندەپ جوعارىلاتىپ، جوعارى اعار وڭىرلەردەگى ءتۇيىندى ەكولوگيالىق رايوندارعا بىركەلكى وتكەرمەلەپ تولەۋ تەبىنىن ارتتىرۋ كەرەك. بەسىنشى، ماڭىزدى ەكونوميكالىق ءوڭىردى دامۋدىڭ قوزعاۋشى كۇشى ەتىپ، تۇلعالىق جاقتان ىلگەرىلەتۋ مەن ءتۇيىندى سالالاردا قامال الۋدى ءوزارا ۇشتاستىرىپ، باتىس بولەكتى قاۋىرت اشۋدىڭ جالپىلىق ونىمدىلىگىن جوعارىلاتۋ كەرەك. باتىس بولەكتىڭ نەگىزدىك قۇرىلعى قۇرىلىسىن جەدەلدەتىپ، جالپىلىق قاتىناس تورابىن، ينفورماتسيا نەگىزدىك قۇرىلعى قۇرىلعىسى مەن سۋ يگىلىگى نەگىزدىك قۇرىلعى قۇرىلىسىن ءتۇيىندى تۇردە كۇشەيتۋ كەرەك. چىڭدۋ - چۇڭچيڭ، گۋانجۇڭ - تيانشۇي جانە گۋاڭشي بەكبو شىعاناعى سياقتى ەكونوميكالىق وڭىرلەردىڭ دامۋىن تىڭعىلىقتى ىلگەرىلەتىپ، كوكحوت، باۋتوۋ، ينچۋان، شينجياڭنىڭ تيانشان تاۋىنىڭ سولتۇستىك باۋرايى، لانجوۋ، شينيڭ، حولمتى، شانشي - گانسۋ - نيڭشيا سياقتى ەكونوميكالىق وڭىرلەردىڭ دامۋىن قولداپ، يۇنناننىڭ ورتا بولەگى، گۇيجوۋدىڭ ورتا بولەگى، شينجياڭ وزەنىنىڭ جوعارعى اعارى، نيڭشيانىڭ حۋاڭحى وزەنى جاعالاۋى، شيزاڭداعى «ءبىر داريا، ءۇش وزەن» سياقتى ەكونوميكالىق رايونداردى قۇرىپ، توڭىرەگىندەگى وڭىرلەرگە ىقپال ەتە الاتىن جانە جەتەكتەۋ رولىن اتقارا الاتىن ستراتەگيالىق جاڭا بيىك تۇعىردى قالىپتاستىرۋ كەرەك.

لي كىچياڭ ماجىلىستە قورىتىندى ءسوز سويلەپ مىنانى اتاپ كورسەتتى: بۇل باتىس بولەكتى قاۋىرت اشۋ ىشكەرىلەي دامىعان شەشۋشى كەزەڭدە اشىلعان ماڭىزدى ءماجىلىس بولدى. پارتيا ورتالىق كوميتەتى، مەملەكەتتىك كەڭەس باتىس بولەكتى قاۋىرت اشۋ ستراتەگياسىن ىشكەرىلەي ورىستەتۋ جونىنەن تىڭ تالاپ، تىڭ مىندەت، تىڭ شارالاردى العا قويدى. جەر - جەر، تاراۋلار، ورىندار ورتالىقتىڭ رۋحىن تەرەڭ ءتۇسىنىپ، بۇكىل ەل بويىنشا جۇدىرىقتاي جۇمىلۋ يدەياسىن ورناتىپ، جاۋاپكەرلىك يكەمى مەن كوكەيتەستىلىك يكەمىن نىعايتىپ، باتىس بولەكتى قاۋىرت اشۋدىڭ ساياسات شەشىمدەرىن شىنايى تياناقتاندىرۋى كەرەك. باتىس بولەكتەگى وڭىرلەر ورتالىقتىڭ تالابىن ءوز جەرلەرىنىڭ امالياتىمەن ۇشتاستىرىپ، قىزمەتتى جاسامپازدىقپەن ورىستەتۋى كەرەك. ورتالىقتاعى تاراۋلار مەن ورىندار باتىس بولەكتى قولداۋ تەبىنىن ارتتىرىپ، ءتۇرلى مىندەتتەر مەن ساياساتتاردى دايەكتى تياناقتاندىرۋى ءتيىس. شىعىس بولەكتەگى وڭىرلەر باعىتتامالى كومەكتى كۇشەيتىپ، كاسىپورىنداردىڭ باتىس بولەككە بارىپ قارجى قوسىپ، كاسىپ كوزىن اشۋىن قولداپ، وڭىرلەر ارا ءوزارا تيىمدىلىك جاساپ، بىرگە داميتىن تىڭ جاعدايدى قۇلشىنا قالىپتاستىرۋ كەرەك.

ماجىلىستە باتىس بولەكتى قاۋىرت اشۋ قىزمەتىندە كورنەكتى ۇلەس قوسقان وزات كوللەكتيۆتەر مەن جەكەلەردىڭ ۋاكىلدەرىنە سيلىق تاراتىلدى. 

باتىس بولەكتى قاۋىرت اشۋ قىزمەتى جونىندەگى ءماجىلىستىڭ تۇڭعىش جالپى جيىنى تەلەۆيزور - تەلەفون ءماجىلىسى فورماسىمەن اشىلدى، نەگىزگى ءماجىلىس ورنى حالىق سارايىنىڭ شاعىن زالىنا ورنالاستىرىلدى، ءارقايسى ولكە، اۆتونوميالى رايون، توتە قاراستى قالالاردا، سونداي - اق جوسپارى بولەك قالالاردا شينجياڭ ءوندىرىس - قۇرىلىس بيڭتۋانىندا بولىمشە ءماجىلىس ورىندارى بەلگىلەندى.

