لي شياڭلين قۇلجا قالاسى، قۇلجا اۋدانىندا ورنىقتىلىق قىزمەتىنە باقىلاۋ - تەكسەرۋ جۇرگىزگەندە مىنانى تالاپ ەتتى

ورنىقتىلىقتى قورعاۋ شايقاسىنىڭ جەڭىسىنە باتىل قول جەتكىزۋ كەرەك

ءتىلشىمىز لي شين - ان حابارلايدى. شىلدەنىڭ 2 - كۇنى وبلىستىق پارتكومنىڭ شۋجيى لي شياڭلين مىندەت اتقارىپ جاتقان قۇلجا قالاسىندا تۇراتىن قارۋلى ساقشىنىڭ وفيتسەر - جاۋىنگەرلەرىنە امانداسا باردى ءارى قۇلجا اۋدانىنا بارىپ ورنىقتىلىق قىزمەتىنە باقىلاۋ - تەكسەرۋ جۇرگىزدى.

سول كۇنى تۇستەن بۇرىن لي شياڭلين جاڭ يۇن، جياۋ باۋحۋا، گۇڭ شينباۋ قاتارلى وبلىس باسشىلارى مەن وبلىستىڭ ورنىقتىلىقتى قورعاۋعا بىرلەسىپ قولباسشىلىق ەتۋ شتابىنىڭ مۇشەلەرىن باستاپ، قۇلجا قالاسىنىڭ ءارقايسى كەزەكشىلىك تۇيىندەرىندە مىندەت اتقارىپ جاتقان قارۋلى ساقشىنىڭ وفيتسەر - جەۋىنگەرلەرىنە امانداسا باردى. لي شياڭلين ازاتتىق ارميا، قارۋلى ساقشى وفيتسەر - جاۋىنگەرلەرىنەن تاماشا ءداستۇردى ساۋلەلەندىرىپ، مىندەتتى ويداعىداي اتقارىپ، قاراۋىلعا ويداعىداي تۇرىپ، بۇلىك تۋدىرۋعا ۇرىنعان جاۋلاردى باتىل، تۇبەگەيلى جويىپ، حالىق ءۇشىن تاعى دا تىڭ ۇلەس قوسۋدى ءۇمىت ەتتى.

بارعان جەرلەرىنىڭ بارلىعىندا لي شياڭلين وفيتسەر - جاۋىنگەرلەرگە وبلىستىق پارتكوم مەن ۇكىمەتتىڭ شىنايى حال سۇراۋىن جەتكىزدى. ول بىلاي دەدى: قازىر ورنىقتىلىقتى قورعاۋدىڭ ەڭ كىلتەڭ مەزگىلى. جاۋلار تىنىش جاتپاي بارلىق ورايدان پايدالانىپ ءىس شىعارۋ، وبلىسقا توتە قاراستى ورىنداردىڭ ورنىقتى، ىنتىماقتى تاماشا جاعدايىن ءبۇلدرىپ، ەكونوميكا مەن قوعامنىڭ دامۋىنا كەدەرگى بولۋ ماقساتىنا جەتۋگە ۇرىنۋدا. ءبىز ولاردىڭ ماقساتىنا جەتۋىنە جول بەرمەۋىمىز، ءسوزسىز، الدىن الا دايىندىق كورىپ، ماسەلە تۋىلۋدىڭ الدىن الۋىمىز؛ ءسوزسىز، بارىنشا قۇلشىنىپ، قىراعىلىقتى ارتتىرىپ، جاۋلارعا وراي بەرمەۋىمىز كەرەك.

سول كۇنى تۇستەن كەيىن لي شياڭلين جاڭ يۇن، زۇنۇن، گۇڭ شينباۋ قاتارلى وبلىس باسشىلارىن باستاپ قۇلجا اۋدانىنىڭ ورنىقتىلىقتى قورعاۋداعى ءتۇرلى شارانى تياناقتاندىرۋ جاعدايىنا باقىلاۋ - تەكسەرۋ جۇرگىزدى.

قۇلجا اۋداندىق پارتكومنىڭ شۋجيى لي نيڭپيڭنىڭ اۋداننىڭ ورنىقتىلىق جاعدايى جونىندەگى تۇجىرىمى مەن ءتۇرلى شارانى تياناقتاندىرۋ جاعدايىنان جاساعان دوكلادىن تىڭداعاننان كەيىن لي شياڭلين بىلاي دەپ قارادى:  قۇلجا اۋدانى ورنىقتىلىقتى قورعاۋدىڭ ءتۇرلى شاراسىن ناقتى تياناقتاندىرىپ، تۇلعالىق قىزمەتتى ءبىرشاما ويداعىداي يگەرىپ، قۇلجا اۋدانىنىڭ قوعامدىق ساياسي جالپى جاعدايىنىڭ ورنىقتىلىعىن ساقتادى. ول مىنانى اتاپ كورسەتتى: قازىر ورنىقتىلىقتى قورعاۋدىڭ ەڭ كىلتەڭ مەزگىلى، جاۋلار تاسادا، ءبىز اشىقتا، قوعامنىڭ ورنىقتىلىعىن ساقتاۋ ءۇشىن ءبىز تياناقتى قىزمەت ارقىلى جاۋلاردىڭ بۇلدىرۋىنەن ساقتانۋىمىز كەرەك. ءبىزدىڭ ورنىقتىلىقتى قورعاۋداعى شارالارىمىز وتە تولىق، مۇنىڭ بارلىعى ىسكە قوسىلدى، ەندىگى تەتىك تياناقتاندىرۋدى يگەرۋدە، جاۋلاردىڭ شەت - شالعاي اۋىل - قىستاقتاردا لاڭكەستىك قيمىل تۋدىرۋىنان ەرەكشە ساقتانۋىمىز كەرەك. قازىرگى كەزەڭدە كۇشتى قوسىندى الدىڭعى شەپكە قويۋعا كەپىلدىك ەتىپ، قوعام ورنىقتىلىعىن كۇش سالا قورعاۋىمىز كەرەك.

لي شياڭلين قاتارلى باسشىلار لي نيڭپيڭنىڭ سەرىك بولۋىندا قۇلجا اۋدانىنىڭ ءىشىنارا اۋىل قىستاقتارىنا تەكسەرۋ - زەرتتەۋ جۇرگىزدى.

كەپەكجۇزى قىستاعىندا لي شياڭلين وسى قىستاقتىڭ ءمالى باستىعى زاكىر، ون وتباسىنىڭ باستىعى جاڭ شۇييىڭ قاتارلىلارمەن اڭگىمەلەستى. لي شياڭلين قاراستى رايونداردىڭ ورنىقتىلىق قىزمەتى، وتباسى كىرىسى، ورتالىقتىڭ شينجياڭ قىزمەتى اڭگىمە ءماجىلىسىنىڭ رۋحىن ۇيرەنۋ، دايەكتىلەندىرۋ سياقتىلاردىڭ بارلىعىن سۇرادى. زاكىردىڭ وتباسىندا 5 جان، 14 مۋ جەر بار ەكەندىگىن، جەرىنە تۇگەلدەي استىق ەككەنىن ۇققاننان كەيىن، لي شياڭلين  زاكىر وتباسىنىڭ جىلدىق كىرىسىن ءبىر - بىرلەپ ەسەپتەدى. زاكىر لي شياڭلينعا ءوزىنىڭ ەگىن ەگۋدەن تىس بازاردا كاۋاپ ساتاتىندىعىن، تۇرمىسىنىڭ جاقسى ەكەندىگىن ايتقاندا، لي شياڭلين قۋانا قۇپتادى.

زاكىر بىلاي دەدى: قىستاقتاعى راديودا ورتالىقتىڭ شينجياڭ قىزمەتى اڭگىمە ءماجىلىسىنىڭ رۋحى كۇندە ۇگىتتەلەدى، قىستاقتاعىلاردىڭ بارلىعى ورتالىقتىڭ شينجياڭنىڭ دامۋىن زور كۇشپەن قولدايتىندىعىن بىلەدى، دامۋدى جەدەلدەتىپ، تەز ارادا اۋقاتتانۋ جولىنا تۇسۋدەگى سەنىمى كۇشتى.

قۇلجا اۋدانىندا تەكسەرۋ - زەرتتەۋ جۇرگىزۋ بارىسىندا لي شياڭلين قاتارلى باسشىلار ءىشىنارا كەزەكشىلىك تۇيىنىندەگى حالىق ساقشىلارى مەن ورگان كادرلارىنا امانداسا باردى.   

 تاعى ءبىر حابار. شىلدەنىڭ 3 - كۇنى وبلىستىق پارتكومنىڭ شۋجيى لي شياڭلين  زۇنۇن، جين حايمين قاتارلى وبلىس باسشىلارىن باستاپ چاپچال سىبەاۆتونوميالى اۋدانىنىڭ ورنىقتىلىق قىزمەتىنە  باقىلاۋ - تەكسەرۋ جۇرگىزدى. باقىلاۋ - تەكسەرۋ بارىسىندا لي شياڭلين مىنانى باسا دارىپتەدى: قازىر ورنىقتىلىقتى قورعاۋ قىزمەتىنىڭ ەڭ كىلتەڭ كەزى، ءاردارەجەلى پارتكومدار مەن ۇكىمەتتەر جانە ءار ۇلت كادرلارى مەن بۇقاراسى، ءسوزسىز، سەرگەك بولىپ، ءتۇرلى ورنىقتىلىق شارالارىن جان - جاقتى تياناقتاندىرۋ مەن تىڭعىلىقتى دا مۇقيات قىزمەت ارقىلى جاۋعا ءتيتتەي دە وراي بەرمەي، وبلىسقا توتە قاراستى ورىنداردىڭ قوعام ورنىقتىلىعىنا كەپىلدىك ەتۋ كەرەك.

چاپچال سىبە اۆتونوميالى اۋداندىق پارتكومنىڭ شۋجيى لي يۇڭشيڭنىڭ سەرىك بولۋىندا لي شياڭلين قاتارلىلار جاعىستاي اۋىلىنىڭ جوعارى جاعىستاي قىستاعىنا باردى. بۇل قىستاقتىڭ ورنىقتىلىقتى قورعاۋ قىزمەتىنىڭ تياناقتى ىستەلگەنىن ۇعىسقاننان كەيىن لي شياڭلين قىستاق پارتيا ياچەيكاسىنىڭ شۋجيى ەلاقىمەتتەن، ءسوزسىز، قىراعىلىقتى ارتتىرىپ، تىڭعىلىقتى قىزمەت ارقىلى ءوز قاراستىلىعىنداعى وڭىردەن ماسەلە شىقپاۋعا كەپىلدىك ەتۋدى تالاپ ەتتى.

قايناق اۋىلىندا لي يۇڭشيڭنىڭ چاپچال سىبە اۆتونوميالى اۋدانىنىڭ ورنىقتىلىق قىزمەتى جونىندەگى دوكلادىن تىڭداعاننان كەيىن لي شياڭلين بىلاي دەدى: اۋدان ب-ويىنشا پارتيا، ۇكىمەت، ارميا، ساقشى، بيڭتۋان، حالىق جاساعىنىڭ ورتاق قۇلشىنىسىندا، شارانى تياناقتاندىرىپ، قىزمەتتى تىڭعىلىقتى ىستەۋ جانە ءونىمدى سوققى بەرۋدىڭ ناتيجەسىندە اۋدان وڭىرىندە ماسەلە كورىلمەۋگە كەپىلدىك ەتىلىپتى. ول مىنانى باسا دارىپتەدى: قازىرگى كەزەڭدە جاۋلار تاسادا، ءبىز اشىقتا، قوعامدىق، ساياسي جالپى جاعدايدىڭ ورنىقتىلىعىنا كەپىلدىك ەتۋدە نەگىزگى ساتى ۇيىمدارى مەن ءار ۇلت بۇقاراسىنىڭ كۇش - قۋاتىنان پايدالانعاندا عانا  قاتاڭ قورعانىپ، جاۋعا تيتتەي دە وراي قالدىرمايمىز.  

لي شياڭلين ءار دارەجەلى باسشىلاردان ورنىقتىلىقتى قورعاۋ ۇلى ماقساتىن نەگىزگە الىپ، تيتتەي دە بوساڭسىماي، ورنىقتىلىقتى قورعاۋ شارالارىن  تياناقتاندىرۋدا، تەكسەرۋ، تەكسەرۋ، تاعى دا تەكسەرۋ، تياناقتاندىرۋ، تياناقتاندىرۋ، تاعى دا  تياناقتاندىرۋدى مۇقيات ىستەپ، ماسەلەنى كۇردەلى ويلاپ، جاعدايدى قاتاڭ تۇسپالداپ، كۇش ۇستىنە كۇش قوسىپ،  قاجىرلى بولىپ، قول جەتكىزگەن ناتيجەلەردى بەكەمدەپ،  ورنىقتىلىق قىزمەتىن ءتىپتى دە ويداعىداي  ىستەۋ كەرەك.

 چاپچال اۋدانىندا لي شياڭلين قاتارلىلار ىلە وزەنى كوپىرىندەگى  مىندەت وتەۋ ورنى سياقتى جەرلەرگە بارىپ باقىلاۋ - تەكسەرۋ جۇرگىزدى.