لي شياڭلين اۆتونوميالى وبلىستىڭ ورنىقتىلىقتى قورعاۋعا بىرلەسىپ قولباسشىلىق ەتۋ شتابىنىڭ 75 - رەتكى جيىنىندا مىنانى باسا دارىپتەدى

ورنىقتىلىقتى قورعاۋدىڭ تەتىگى - ءتۇرلى شارالاردى بارىنشا تياناقتاندىرۋدا

ءتىلشىمىز لي شين - ان حابارلايدى. وبلىستىڭ ورنىقتىلىقتى قورعاۋعا بىرلەسىپ قولباسشىلىق ەتۋ شتابىنىڭ 75 - رەتكى جيىنى شىلدەنىڭ 4 - كۇنى تۇستەن كەيىن وتكىزىلىپ، جۋىقتاعى ورنىقتىلىقتى قورعاۋ قىزمەتىنە ورنالاستىرۋ جاسالدى. وبلىستىق پارتكومنىڭ شۋجيى لي شياڭلين مىنانى باسا دارىپتەدى: ورنىقتىلىقتى قورعاۋدىڭ كىلتەڭ مەزگىلىنىڭ جەتىپ كەلۋىنە بايلانىستى ورنىقتىلىقتى قورعاۋ قىزمەتى بارعان سايىن قاتاڭ بولۋدا، ورنىقتىلىقتى قورعاۋدىڭ تەتىگى - ءتۇرلى شارالاردى تياناقتاندىرۋدى كۇشەيتۋدە.ول وبلىسقا توتە قاراستى ورىندارداعى پارتيا، ۇكىمەت، ارميا، ساقشى، بيڭتۋان، حالىق جاساعىنان تىڭعىلىقتى قىزمەت ارقىلى كىلتەڭ مەزگىلدەگى ساقتانۋ قىزمەتىن بار كۇشپەن ويداعىداي ىستەۋدى تالاپ ەتتى.

وبلىس باسشىلارىنان ماۋكەن سەيىتقامزا ۇلى، جاڭ يۇن، الىمجان، جاڭ يۇڭ، ۋاڭ جيانجۇڭ، شيا گۋاڭتاي، جياۋ باۋحۋا، زۇنۇن، گۇڭ شينباۋ جانە ىلە بولىمشە اسكەري رايونىنىڭ، قارۋلى ساقشى 8660 -، 9230 - بولىمدەرىنىڭ، وبلىستىق قارۋلى ساقشى تارماق اترەتىنىڭ باسشىلارى، سونداي - اق وبلىستىڭ ورنىقتىلىقتى قورعاۋعا بىرلەسىپ قولباسشىلىق ەتۋ شتابىنىڭ جالپى مۇشەلەرى جيىنعا قاتىناستى.

جيىندا ورتالىقتىڭ ورنىقتىلىقتى قورعاۋ قىزمەتىنە باسشىلىق ەتۋ گرۋپپاسى شينجياڭ الدىڭعى شەپ قولباسشىلىق شتابىنىڭ قاتىستى جيىن ەستەلىگى جەتكىزىلىپ، وبلىستىڭ ورنىقتىلىقتى قورعاۋعا بىرلەسىپ قولباسشىلىق ەتۋ شتابى مۇشەلەرىنىڭ جۋىقتاعى ورنىقتىلىق قىزمەتى جونىندەگى تالداۋى مەن ۇسىنىستارى تىڭدالدى.

لي شياڭلين مىنانى باسا دارىپتەدى: «5 - شىلدە» ۋاقيعاسى تۋىلعاندىعىنىڭ ءبىر جىلدىعى بايلانىسىمەن وبلىسقا توتە قاراستى ورىندار وسى ءبىر كىلتەڭ  مەزگىلدەن ورنىقتى وتۋدە، ءسوز جوق، قوعامدى باسقارۋ - مەڭگەرۋدى ۇزدىكسىز كۇشەيتىپ، الەۋمەتتىك اۋماق، اۋىل - قىستاق سىندى نەگىزگى ساتىنىڭ نەگىزدىك قىزمەتتەرىن، ءدىني ىستەر مەن سىرتتان كەلگەندەردى باسقارۋدى كۇشەيتىپ، ءىشىنارا دەلولاردىڭ تۋىلۋى مەن جاۋدىڭ شاعىن كولەمدە شابۋىلداۋىنان ساقتانۋدى ءتۇيىن ەتىپ، قوعام حاۋىپسىزدىگى، قارۋلى ساقشى جاپپاي شايقاس كۇيىنە ءوتۋى كەرەك؛ ءارقايسى شۇعىل جاعدايدى ءبىر جاقتى ەتۋ قوسىنىن جاتتىقتىرۋدى كۇشەيتىپ، سول كەزدىڭ وزىندە رول اتقارۋعا كەپىلدىك ەتۋى كەرەك.

لي شياڭلين ورنىقتىلىقتى قورعاۋ قىزمەتى جونىندە ناقتى تالاپتاردى العا قويدى.

وبلىستىق پارتكومنىڭ ورىنباسار شۋجيى، وبلىس باستىعى ماۋكەن سەيتقامزا ۇلى وبلىسقا توتە قاراستى اۋدان، قالالاردان، تاراۋلار مەن ورىنداردان دەرەۋ ارەكەتكە كەلىپ، ءتۇرلى ورنىقتىلىقتى قورعاۋ شاراسىن تياناقتاندىرۋدى ويداعىداي يگەرۋدى؛ ساقتانۋ كەزىندە بىرىنشىدەن، جاۋعا، ءدال، قاتاڭ سوققى بەرۋدى، ەكىنشىدەن، وزىندىك حاۋىپسىزدىككە ءمان بەرۋدى؛ سونىمەن بىرگە، تەمىر جول لەنياسىنداعى حاۋىپسىزدىكتى ساقتاۋ قىزمەتىن ويداعىداي ىستەۋدى تالاپ ەتتى.