باتىس ءتاڭىر تاۋىنان كەن بارلاۋدا كەلەلى تابىسقا قول جەتتى

ابىرالى تەمىر كەن قورىنىڭ 2 ميلليارد توننادان اساتىندىعى مەجەلەندى

شينجياڭ گازەتىنىڭ ءتىلشىسى لي حۋا 27 - ماۋسىمدا نىلقىدان حابارلايدى . 17 - ماۋسىمنان  21 - ماۋسىمعا دەيىن، باتىس ءتاڭىر تاۋىنىڭ ابىرالى تەمىر كەنى بەلدەۋىندەگى شاعاننۇر تەمىر كەنى سياقتى تەمىر كەندەرىنەن العان مالىمەتكە قاراعاندا، گەولوگتاردىڭ تالىقپاي قۇلشىنۋى ارقىلى باتىس ءتاڭىر تاۋىنىڭ ابىرالى تەمىر كەنى بەلدەۋىنەن كەن بارلاۋدا كەلەلى ناتيجەگە قول جەتىپ، تەمىر كەن قورىنىڭ 2 ميلليارد توننادان اساتىندىعى مەجەلەنگەن .

وتكەن عاسىردىڭ 50 - جىلدارىندا گەولوگيا - كەن تاراۋلارى باتىس ءتاڭىر تاۋىنىڭ ءبىر ءبولىم وڭىرلەرىندە تەمىر كەنىن بارلاۋ قىزمەتىن ورىستەتىپ، ىلگەرىندى - كەيىندى شاعاننۇر تەمىر كەنى سەكىلدى تەمىر كەندەرىن بايقاعان بولاتىن، دەسە دە، تەحنيكالىق شارالار، بارلاۋ قارجىسى سەكىلدى شەكتەمەلەرگە ۇشىراعاندىعى سەبەپتى، كەن بارلاۋ قىزمەتىندە كەلەلى ناتيجەلەرگە قول جەتكىزە المادى . 11 - بەسجىلدىق جوبا مەزگىلىندە، اسىرەسە، مەملەكەت جەر بايلىعى مينيسترلىگى مەن اۆتونوميالى رايون بىرلەسىپ «358 وبيەكتسىن» ورىستەتكەننەن بەرى، شينجياڭنىڭ نەگىزدىك گەولوگيالىق قىزمەتى مەن تەمىر كەنى الاپتارىن باعالاۋ جۇمىسىنا ۇزبەي قارجى ءبولىنىپ، كەن بارلاۋ تەبىنى ۇزدىكسىز ارتتىرىلدى .

ابىرالى تەمىر كەنى بەلدەۋىندەگى 4 كەننىڭ رۋدا قازۋ ورنىندا اۆتوموبيلدەردىڭ، توپىراق تيەگىش ماشينالاردىڭ ارلى - بەرلى قايشالىسىپ، قازۋ جۇمىسىنىڭ ءتارتىپتى ءجۇرىلىپ جاتقاندىعىن؛ كەن سۇرىپتاۋ ورنىندا زاۆود ۇيلەرى قۇرىلىسىنىڭ قاۋىرت ءجۇرىلىپ جاتقانىن كوردىك . كولەمدى قازۋ - مانەرلەۋ جۇمىسى دا كوپ ۇزاماي باستالماقشى .

ابىرالى تەمىر كەنى بەلدەۋىندەگى كەندەردىڭ وندىرىسكە قوسىلۋىنا ىلەسە بۇل  ءوڭىردىڭ جىلىنا 10 ميلليون توننا رۋدا قازاتىن، جىلىنا 5 ميلليون توننادان استام تەمىر ۇنتاعىن سۇرىپتايتىن بازاعا اينالاتىندىعى داۋسىز .

(«شينجياڭ گازەتىنەن»)