لي شياڭلين پارتيا ساباعىن سويلەپ، بۇكىل وبلىستاعى ءار دارەجەلى پارتيا ۇيىمدارى مەن جالپى پارتيالى كادرلاردان مىنانى تالاپ ەتتى

ۇزدىك بولۋعا ۇمتىلىپ، ونەگە كورسەتىپ، زەيىن - زەردەنى، كۇش - قۋاتتى شوعىرلاندىرىپ دامۋدى جەبەيىك

وبلىسقا توتە قاراستى ورىندارداعى 70 مىڭعا جۋىق پارتيالى كادر پارتيا ساباعىن تىڭدادى

ءتىلشىمىز حى رۇڭ حابارلايدى. ماۋسىمنىڭ 29 - كۇنى وبلىستىق پارتكومنىڭ شۋجيى لي شياڭلين ىلە قوناق سارايىندا وبلىستىڭ ءتورت باسشىلىق القاسىنداعى، وبلىسقا توتە قاراستى ورگاندار مەن قۇلجا قالاسىنىڭ ءتورت باسشىلىق القاسىنداعى، قالاعا توتە قاراستى ورىندار مەن اۋىل - قالاشىقتاعى 600 گە جۋىق كادرعا «يدەيانى ازات ەتىپ، ۇزدىك بولۋعا ۇمتىلىپ، پارتيا قۇرىلىسىندا تىڭ ناتيجە جاراتىپ، ىلەنىڭ سەكىرمەلى دامۋى مەن باياندى تىنىشتىعىن قۇلشىنا جەبەيىك» دەگەن تاقىرىپتا پارتيا ساباعىن سويلەدى. بۇل لي شياڭليننىڭ وبلىسقا توتە قاراستى ورىندارداعى پارتيالى كادرلارعا 3 - رەت پارتيا ساباعىن ءوتۋى.

لي شياڭلين شۋجي سويلەگەن پارتيا ساباعى تەلەۆيزيانىڭ، راديونىڭ تىكەلەي تاراتۋ سيگنالى ارقىلى اۋداندار مەن قالالارداعى بولىمشە جيىن الاڭدارىنا جەتكىزىلدى. تولىقسىز ساناققا قاراعاندا، وبلىسقا توتە قاراستى 4 مىڭ 446 پارتيا ياچەيكاسىنداعى 97 مىڭ 228 پارتيا مۇشەسىنىڭ 74 مىڭى پارتيا ساباعىن تىڭداعان. «سەنىمدى بەكەمدەۋ»، «ۇزدىك بولۋعا ۇمتىلۋ»، «يدەيانى ازات ەتۋ»، «سەكىرمەلى دامۋ» وسى رەتكى پارتيا ساباعىنىڭ ءتۇيىنى بولدى. پارتيا ساباعى ارقىلى لي شياڭلين وبلىسقا توتە قاراستى ورىندارداعى پارتيا مۇشەلەرى اتىنان پارتيا قۇرىلعان كۇنى قارساڭىندا وبلىسقا توتە قاراستى ورىندارداعى 2 ميلليون 780 مىڭ ءار ۇلت بۇقاراسىنا قاتاڭ سەرت بەرىپ، ۋادەنى بەكەمدەدى.

پارتيا ساباعى باستالاردان بۇرىن نەگىزگى ءماجىلىس الاڭىنداعى كادرلار «ينتەرناتسيونال» ءانىن شىرقادى ءارى پارتياعا كىرۋ سەرتىن بەرىپ، ەسكە ءتۇسىردى. لي شياڭلين  يدەيانى ازات ەتۋ، ۇزدىك بولۋعا ۇمتىلۋ - ىلەنىڭ سەكىرمەلى دامۋى مەن باياندى تىنىشتىعىن قۇلشىنا جەبەۋدىڭ پارمەندى قوزعاۋشى كۇشى؛ وبلىسىمىزدىڭ پارتيا قۇرىلىسى قىزمەتىندەگى تاجىريبەلەر مەن ادىستەردى قورىتىندىلاپ جانە ەسكە الىپ، پارتيا قۇرىلىسىنىڭ عىلمي دامۋىن جان - جاقتى جوعارىلاتۋ؛ يدەيانى ازات ەتۋ، ۇزدىك بولۋعا ۇمتىلۋدى مىقتى يگەرۋدە تاباندى بولىپ، پارتيا قۇرىلىسىندا تىڭ ناتيجە جاراتۋ ارقىلى ىلەنىڭ سەكىرمەلى دامۋى مەن باياندى تىنىشتىعىن جەبەۋ؛ جوعارى ساپالى كادرلار قوسىنىن قۇلشىنا قۇرىپ، ىلەنىڭ سەكىرمەلى دامۋى مەن باياندى تىنىشتىعىن جەبەۋدى كۇشتى كەپىلگە يە ەتۋ سياقتى ءتورت جاقتان ىلەنىڭ قازىرگى قوعامىنىڭ، ەكونوميكاسىنىڭ دامۋ جاعدايىنا ىشكەرىلەي، جىنتىكتەي تالداۋ جاسادى ءارى وبلىستاعى پارتيالى كادرلاردان مىنانى تالاپ ەتتى: كوپشىلىكتىڭ تاريحي بورىش پەن جاۋاپكەرلىكتى جىعا تانىپ، سەنىمدى اقتاپ، بورىشتى اداقتاپ ىلەنىڭ سەكىرمەلى دامۋى مەن باياندى تىنىشتىعىن جۇزەگە اسىرۋ ءۇشىن بىرگە قۇلشىنۋىن ءۇمىت ەتەمىن. «يدەيانى ازات ەتۋ جىگەرى ، رەفورمادا جاڭالىق جاراتۋ رۋحى بولمايىنشا ءبىز ەشقانداي ناتيجە جاراتا المايمىز. وبلىسقا توتە قاراستى ورىندارداعى پارتيالى كادرلار - وبلىسقا توتە قاراستى ورىندارداعى 2 ميلليون 780 مىڭ ءار ۇلت بۇقاراسىنىڭ ۇزدىك ۋاكىلى. ىلەنىڭ سەكىرمەلى دامۋى مەن باياندى تىنىشتىعىن جۇزەگە اسىرۋدا ادامدارعا، پارتياعا، ءار دارەجەلى پارتيا ۇيىمدارى مەن پارتيا مۇشەلەرىنىڭ زەيىن - زەردەنى، كۇش - قۋاتتى شوعىرلاندىرۋىنا سۇيەنەمىز».

لي شياڭلين مىنانى اتاپ كورسەتتى: ىلەنى دامىتۋدا توماعا - تۇيىقتىقتان ارىلىپ، ءتۇرلى قىزمەتتى ويداعىداي ىستەۋ كەرەك، ءوز جەرىمىزدىڭ ەلىمىزدەگى باسقا ولكەلەرمەن، رايونىمىزداعى كورشىلەس ايماق، وبلىستارمەن دامۋداعى پارقىن كورە ءبىلۋىمىز، جالپى پارتيالى كادرلار، ءسوزسىز، جوعارى قىراعىلىقتى ساقتاۋى كەرەك. «سىرتقى دۇنيەگە كوز سالىپ، زور وزگەرىستى كورىپ ، سەرپىلۋ كەرەك.  ۇلى ماقسات، اسقاق ارمان ورناتىپ، قايراتتانا العا ۇمتىلۋىمىز كەرەك! لي  شياڭلين بىلاي دەدى: پارتيامىزدىڭ 89 جىلدىق شۇعىلالى ساتىندە يدەيا سالاسىنداعى ءار رەتكى جاڭالىق پەن سەرپىلۋ مەملەكەتتىڭ دامۋىندا اسا ماڭىزدى رول اتقاردى. بۇل اۆتونوميالى وبلىسىمىزداعى ءار دارەجەلى پارتيا ۇيىمدارىنان، پارتيالى كادرلاردان رەالدىققا بەت الىپ، پارتيامىزدىڭ تاريحتان بەرگى باسشىلىق كوللەكتيۆىنىڭ  نازاريالىق جەتىستىكتەرىن ىلەنىڭ ەكونوميكاسى مەن قوعامىن دامىتۋدىڭ كۇشتى قوزعاۋشى كۇشىنە اينالدىرۋىمىز كەرەك.

لي شياڭلين مىنانى باسا دارىپتەدى: ىلەنىڭ زور دامۋىن، زور سەكىرۋىن جۇزەگە اسىرۋدا قالىڭ پارتيا مۇشەلەرى، ءسوز جوق، ونەگە كورسەتۋ رولى مەن جاۋىنگەر قورعاندىق رولىن ساۋلەلەندىرۋى كەرەك. «ءار دارەجەلى پارتيا ۇيىمدارى مەن پارتيا مۇشەلەرى ونەگە كورسەتۋ رولىن ساۋلەلەندىرۋدە ءاربىر پارتيا مۇشەسى سىندى وسى ＞كىلەتكاعا＜ سۇيەنىپ، ءوز ارمانىمىزدى، ءار ۇلت جۇرتشىلىعىنا بەرگەن ۋادەمىزدى جۇزەگە اسىرۋىمىز كەرەك.»

لي شياڭلين جۋىقتاعى جىلداردان بەرگى وبلىسقا توتە قاراستى ورىنداردىڭ قۇرىلعىلى اۋىل شارۋاشىلىعىن، ەرەكشە جەمىس - ورمان كاسىبىن مىسالعا كەلتىرىپ، «نازاريانى ءىس جۇزىندىكپەن ۇشتاستىرۋداي» قاعيدانى پايىمدادى. ول مىنانى اتاپ كورسەتتى: «ءبىر پارنيك - ءبىر زاۆود، شارۋالار قىستا بوس وتىرمايدى، جازدا تاعى سىرتقا شىعىپ جۇمىس ىستەپ كىرىس تابادى.» ول بىلاي دەدى: قۇرىلعىلى اۋىل شارۋاشىلىعىن، ەرەكشە جەمىس - ورمان كاسىبىن بارىنشا ىلگەرىلەتۋ قالىڭ پارتيالى كادرلاردان الدىمەن وزىندىك كوز اياسىن كەڭەيتىپ، ودان سوڭ شارۋالار جۇرتشىلىعىن تاربيەلەپ باستاۋدى تالاپ ەتەدى. ءبىز جوعارى تەحنيكالى اۋىل شارۋاشىلىعىن دامىتۋ جولىمەن جۇرسەك بولعانى، شارۋالار جۇرتشىلىعى سوندا عانا بايۋ جولىنا تۇسە الادى.

لي شياڭلين مىنانى اتاپ كورسەتتى: ىلەدە كومىر حيميا ونەركاسىبىنىڭ، ەنەرگيا بازاسىنىڭ قۇرىلۋى شينجياڭ بويىنشا ۇلگى كورسەتۋ رايونى، ءتىپتى، مەملەكەت بويىنشا ۇلگى كورسەتۋ رايونى ەسەپتەلەدى، جولىمىز داڭعىل، مىزعىماستان دامۋىمىز كەرەك. مەملەكەت ساياساتىنىڭ باستاۋى مەن قولداپ - قۋاتتاۋى، جەرگىلىكتى ورىننىڭ بايلىقتى كادەگە جاراتۋى جانە قالىڭ جۇرتشىلىقتىڭ قۇلشىنىسى بولادى ەكەن، وندىرگىش كۇش ورەسىنىڭ زور سەكىرۋىن ىلگەرىلەتە الامىز! بۇل بىزدەن ۇلى مۇرات ورناتىپ، دامۋدى جەدەلدەتۋدى تالاپ ەتەدى.

سوڭىندا لي شياڭلين جوعارى ساپالى كادرلار قوسىنىن قۇرۋ جونىندە مىنالاردى باسا دارىپتەدى: ءار دارەجەلى باسشى كادرلار پاك، ءتارتىپتى بولۋدى ونان ارى كۇشەيتىپ، سەكىرمەلى دامۋدى جۇزەگە اسىرۋداعى جاۋاپكەرلىك، بورىشتىلىق جانە شۇعىلدىق تانىمدارىن كۇشەيتۋى كەرەك. ءار دارەجەلى پارتيا ۇيىمدارى مەن پارتيالى كادرلار يدەيانى ازات ەتۋ، ۇزدىكتىككە تالپىنۋدى، ءسوز جوق، كادرلار قوسىنى قۇرىلىسىندا دايەكتىلەندىرۋى كەرەك. دۇرىس ادام ىستەتۋ باعىتىن ورناتىپ، ادام تاڭداۋ، ىستەتۋ بارىسىندا ءمورالىنا قابىلەتى ساي كەلۋ، ءمورالى جاقسى بولۋ پرينسيبىندە تاباندى بولىپ، ىلەنىڭ سەكىرمەلى دامۋى مەن باياندى تىنىشتىعىن جۇزەگە اسىرۋ ءۇشىن دۇرىس سالت قالىپتاسقان، ساياسات تابىستى، ەل بەرەكەلى بولعان تاماشا ورتا جاراتۋى كەرەك. ءار دارەجەلى پارتيا ۇيىمدارى مەن پارتيالى كادرلار قۇلشىنا ۇيرەنۋدە تاباندى بولىپ، كىتاپتان، حالىقتان، مول امالياتتان ۇيرەنۋى؛ پاك، ءتارتىپتى بولۋدى ساقتاپ، ءىرىپ - شىرۋدەن اۋلاق بولىپ، ساياساتتى، پرينسيپتى، پارتيالىلىقتى دارىپتەپ، ساپاعا ءمان بەرىپ، ۇلگى كورسەتۋى؛ پارتيالى باسشى كادرلاردى تاربيەلەۋ، باسقارۋ، باقىلاۋ، ءسوز جوق، تياناقتى بولۋى كەرەك. «وبلىستاعى پارتيالى كادرلار تاۋقىمەتكە توزەتىن، سىننان سۇرىنبەي وتەتىن بولۋى، وسىلاي بولعاندا عانا پارتيا مەن حالىق تاپسىرعان مىندەتتەردى ورىنداپ، ىلەدەگى ءار ۇلت حالىق جۇرتشىلىعىنا ريزا بولارلىقتاي جاۋاپ قايتارا الامىز.»

وبلىس باسشىلارىنان ساۋىتبەك نۇرلان ۇلى، جاڭ يۇن، ۋان شۇي، ۋاڭ جيانجۇڭ، شيا گۋاڭتاي، جياۋ باۋحۋا، زۇنۇن قاتارلىلار نەگىزگى جيىن الاڭىندا پارتيا ساباعىن تىڭدادى.