ەلىمىزدىڭ قوعام حاۋىپسىزدىگى ورگانى ءبىر رەتكى اۋىر لاڭكەستىك ۇيىم دەلوسىن اشكەرەلەدى

شينحۋا اگەنتتىگى، بەيجيڭ، ماۋسىمنىڭ 24 - كۇنى. قوعام حاۋىپسىزدىگى مينيسترلىگىنىڭ مالىمدەمەشىسى ۋ حىپيڭ ماۋسىمنىڭ 24 - كۇنى احۋال تانىستىرىپ بىلاي دەدى: تاياۋدا جۇڭگونىڭ قوعام حاۋىپسىزدىگى ورگانى ءبىر رەتكى اۋىر لاڭكەستىك ۇيىم دەلوسىن اشكەرەلەدى، ابدىرەشىت ابىلەت (ەر، شينجياڭنىڭ ياركەن اۋدانىنىڭ ادامى، 42 جاستا)، يمىن سىمايىل (ەر، شينجياڭنىڭ يوپۇرعا اۋدانىنىڭ ادامى، 33 جاستا) اتاماندىعىنداعى 10 نەشە لاڭكەستىك ۇيىم اتامانىن، تىرەكتىلەرىن جانە مۇشەلەرىن ۇستاپ، وزدەرى جاساعان ءبىر توپ قوپارۋ قۇرىلعىسىن جيناپ الىپ، لاڭكەس ەلەمەنتتەردىڭ ءبۇلدىرۋ قاسكۇنەمدىگىن پارمەندى تالقانداپ، قوعام اماندىعى قاتەرىن ۋاعىندا الاستادى.

ۋ حىپيڭ بىلاي دەدى: بۇل رەتكى اۋىر لاڭكەستىك ۇيىمى دەلوسىنىڭ دەرەگى 2009 - جىلعى ءبىر رەتكى شەكارادان زاڭسىز كىرۋ دەلوسىندا بايقالعان. 2009 - جىلى جەلتوقساننىڭ 20 - كۇنى جۇڭگو قاراستىلىعىنداعى 20 ادام شەكارادان زاڭسىز كىرگەن دەگەن اتپەن باسقا مەملەكەت جاعىنان شەكارادان قۋىپ شىعارىلعان، جۇڭگونىڭ ساقشى جاعى ءتارتىپ بويىنشا بۇلاردى قابىلداعان. وسىدان كەيىن جۇڭگونىڭ ساقشى جاعى ادامگەرشىلىك بويىنشا بۇلاردىڭ ىشىندەگى ءبىر ايەل مەن ەكى بالانى قويا بەرگەن ءارى ۇيلەسىمدى ورنالاستىرعان. قوعام حاۋىپسىزدىك ورگاندارى زاڭ بويىنشا قالعان 17 ادامدى تەرگەگەندە بۇلاردىڭ ىشندەگى ۇشەۋىنىڭ ساقشى جاق قۋعىنداعان لاڭكەستىك قىلمىس كۇدىكتىلەرى ەكەندىگى بايقالعان. جۋىردا اشكەرەلەنگەندەر ابدىرەشىت ابىلەت، يمىن سىمايىل قاتارلىلار ۇيىمداستىرعان لاڭكەستىك ۇيىمنىڭ تىرەكتىلەرى ەكەن.

قوعام حاۋىپسىزدىك ورگاندارى قازىر تەكسەرىپ انىقتاعان وسى لاڭكەستىك ۇيىمىنىڭ اتامانى ابدىرەشىت ابىلەت شەكارا سىرتىنداعى «شىعىس تۇركستان ءسىلام قوزعالىسى» لاڭكەستىك ۇيىمى جىبەرگەن ادام، يمىن سىمايىل «شىعىس تۇركستان» لاڭكەستىك كۇشتەرىنىڭ تىرەكتىسى ەكەن. 2008 - جىلدان بەرى بۇل لاڭكەستىك ۇيىم شينجياڭدا كوپ رەت لاڭكەستىك دەلولاردى جوسپارلاعان جانە اتقارعان. مۇنىڭ ىشىندە بەيجيڭ وليمپيادا جينالىسى كەزىندە شينجياڭنىڭ قاشقار قالاسىندا تۋىلعان ماشينامەن قوعام حاۋىپسىزدىگى شەكارا قورعانىس كوماندير - جاۋىنگەرلەرىنە شابۋىلداۋ دەلوسى مەن كۇشار اۋدانىنداعى لاڭكەستىك قوپارىلىس شابۋىلى دەلوسىن وسى لاڭكەستىك ۇيىمىنىڭ مۇشەلەرى تۋدىرعان.

ۋ حىپيڭنىڭ تانىستىرۋىنشا، ابدىرشىت ابىلەت، يمىن سىمايىل قاتارلىلار تەرگەۋ بارىسىندا قىلمىستارىن مويىنداعان. دەلو تۋىلۋدان بۇرىن ولار شينجياڭ، حىنان، گۋاڭدۇڭ، يۇننان سياقتى ولكە، اۆتونوميالى رايونداردا قاشىپ ءجۇرىپ، ءدىني ۋاعىز ايتۋ قيمىلىمەن شۇعىلدانىپ، مۇشەلەردى تاربيەلەپ، لاڭكەستىك ۇيىم قۇرىپ ءارى جانتالاسا قارجى توپتاپ، قوپارعىش ءدارى جاسايتىن ماتەريال ىزدەپ ساتىپ الىپ، كوپ رەت قوپارعىش ءدارىنى پارتىلاتۋ سىناعىن جاساپ، لاڭكەستىك ءبۇلدىرۋ قيمىلىن جۇرگىزۋگە دايىندىق جاساعان. بۇدان دا زور ىقپال تۋدىرۋ ءۇشىن، 2009 - جىلى شىلدەدەن قازانعا دەيىن ولار وزدەرى جاساعان ونداعان قوپارعىش ءدارى، ورتەگىش قۇمىرا جانە پىشاق، بالتا سياقتى دەلو تۋدىرۋ قۇرالدارىن الىپ، شينجياڭنىڭ قاشقار، حوتان، اقسۋ سياقتى جەرلەرىندە زور كولەمدى لاڭكەستىك شابۋىل تۋدىرۋدى جوسپارلاعان. ءبىراق قاسكۇنەمدىكتەرى قوعام حاۋىپسىزدىك ورگاندارى جاعىنان دەركەزىندە اشكەرەلەنىپ قالعان، كەيىن بۇل لاڭكەستىك ۇيىمنىڭ از ساندى تىرەكتىلەرى گۋاڭدۇڭ، يۇننان سياقتى جەرلەرگە قاشىپ بارىپ، باسقادا سىبايلاستارىن جيناپ، ەلىمىزدىڭ باتىس وڭتۇستىك شەكاراسىنان جاسىرىن وتپەكشى بولعان.

بۇل ادامدار سىرتتا قاشىپ جۇرگەن كەزىندە شىعىس تۇركىستان ءسىلام قوزعالىسى لاڭكەستىك ۇيىمىنا توپتىق سەرت بەرىپ كىرگەن ءارى شىعىس تۇركىستان لاڭكەستىك ۇيىمى اتامانىنىڭ ينتەرنەت تورى حات ساندىعىنا سۋرەتتەرىن جولداۋ سىندى ينفورماتسيا جەتكىزىپ، وزدەرىنىڭ قاشۋ باعىتىن بەلگىلەپ، شەكارا سىرتىنداعى شىعىس تۇركىستان لاڭكەستىك ۇيىمىنا قاتىناسۋدى جوسپارلاعان. قوعام حاۋىپسىزدىگى ورگانىنىڭ يەلەۋىنشە، بۇل ادامدار سىرتتا قاشىپ ءجۇرۋ بارىسىندا شەكارا سىرتىنداعى شىعىس تۇركىستان ۇيىمى جىبەرگەن ادامداردىڭ قابىلداۋىندا بولىپ، قارجىلاي كومەككە يە بولعان.

ۋ حىپيڭ مىنانى ءبىلدىردى: بۇل اۋىر لاڭكەستىك ۇيىمىنىڭ اشكەرەلەنۋى شىعىس تۇركىستان قوزعالىسى سىندى لاڭكەستىك ۇيىمنىڭ كەزەكتە جانە بۇدان بىلايعى ءبىر مەزگىلدە ەلىمىز ءدوپ كەلەتىن ەڭ ماڭىزدى لاڭكەستىك حاۋىپ ەكەنىن تاعى ءبىر رەت دالەلدەدى. جۇڭگونىڭ قوعام حاۋىپسىزدىك ورگاندارى بىرلەسكەن مەملەكەتتەر ۇيىمىنىڭ ءماجىلىسى مەن حاۋىپسىزدىك القالار كەڭەسىنىڭ قاۋلىسىن باتىل قولداپ جانە ونى باتىل اتقارىپ، ءتۇرلى لاڭكەستىك قيمىلدارعا زاڭ بويىنشا سوققى بەرىپ، قوعام ورنىقتىلىعىن شىنايى قورعايدى.

