حۋ جينتاۋ ج ك پ ورتالىق كوميتەتى ساياسي بيۋروسىنىڭ 12 - رەتكى كوللەكتيۆ ۇيرەنۋىندە مىنانى باسا دارىپتەدى

پارتيانىڭ نەگىزگى ساتى ۇيىمدىق قۇرىلىسىنىڭ عىلميلانۋ ورەسىن ۇزدىكسىز جوعارىلاتايىق

پارتيا قۇرىلعاندىعىنىڭ 89 جىلدىعى قارساڭىندا حۋ جينتاۋ پارتيا ورتالىق كوميتەتى اتىنان ءار شەپتە كۇرەس جۇرگىزىپ جاتقان جالپى نەگىزگى ساتى پارتيا مۇشەلەرىنەن، كادرلاردان، جالپى كوممۋنيستەردەن مەرەكەلىك حال سۇرادى

جۇڭگو كوممۋنيستىك پارتياسى قۇرىلعاندىعىنىڭ 89 جىلدىعى قارساڭىندا ج ك پ ورتالىق كوميتەتى ساياسي بيۋروسى ماۋسىمنىڭ 21 - كۇنى تۇستەن كەيىن پارتيانىڭ نەگىزگى ساتى ۇيىمدىق قۇرىلىسىن كۇشەيتۋ ماسەلەسى جونىندە 21 - رەتكى كوللەكتيۆ ۇيرەنۋىن وتكىزدى. ج ك پ ورتالىق كوميتەتىنىڭ باس شۋجيى حۋ جينتاۋ ۇيرەنۋدى باسقارعاندا  پارتيا ورتالىق كوميتەتى اتىنان ءار شەپتە كۇرەس جۇرگىزىپ جاتقان جالپى نەگىزگى ساتى پارتيا مۇشەلەرىنەن، كادرلاردان، جالپى كوممۋنيستەردەن مەرەكەلىك حال سۇرادى. ول مىنانى باسا دارىپتەدى: يدەيانى ۇزدىكسىز ازات ەتىپ، قوعامنىڭ جاراسىمدىلىعىن شىنايى تياناقتاندىرۋدى جەبەپ، جاپپاي دوڭگەلەك داۋلەتتى قوعام قۇرۋ ۇلى نىساناسى بويىنشا العا باسۋدا، ءسوزسىز، ءاردارەجەلى پارتيا ۇيىمدارىنىڭ، جالپى پارتيا مۇشەلەرىنىڭ بۇكىل ەلدەگى ءار ۇلت حالقىن تىعىز ىنتىماقتاسىرىپ ورتاق كۇرەس جاساۋىنا سۇيەنىلەدى. پارتيانىڭ نەگىزگى ساتى ۇيىمدارى جاۋىنگەر قورعاندىق رولىن تولىق ساۋلەلەندىرىپ، پارتيانىڭ نەگىزگى ساتى كادرلارى تىرەكتى باستاماشىلىق رولىن، جالپى كوممۋنيستەر ۇلگىلىك رولىن تولىق ساۋلەلەندىرگەندە عانا پارتيانىڭ حالىق بۇقاراسىمەن ەتەنە بايلانىسىن ساقتاپ، پارتيا مەن حالىق ىستەرىنىڭ دامۋىن جەبەۋ قۋاتىن ۇزدىكسىز شوعىرلاندىرىپ، نىعايتۋعا بولادى.

مەملەكەت قورعانىسى داشۋەسى اسكەري قوسىن قۇرىلىسى مەن اسكەري قوسىننىڭ ساياسي قىزمەت ءتالىم  - تاربيە، زەرتتەۋ ءبولىمىنىڭ پروفەسسورى ۋ جيەميڭ، ورتالىق كوميتەتى ۇيىمداستىرۋ ءبولىمى پارتيا قۇرىلىسىن زەرتتەۋ ءبولىمىنىڭ زەرتتەۋشىسى گاۋ يۇڭجۇڭ وسى ماسەلە جونىندە تۇسىنىك جاسادى ءارى وزدەرىنىڭ پىكىرى مەن ۇسىنىستارىن ايتتى.

ج ك پ ورتالىق كوميتەتى ساياسي بيۋروسىنداعى جولداستار ولاردىڭ جاساعان تۇسىنىگىن مۇقيات تىڭدادى ءارى قاتىستى ماسەلەلەر جونىندە تالقى جۇرگىزدى.

حۋ جينتاۋ ۇيرەنۋدى باسقارعاندا ءسوز سويلەدى. ول مىنانى اتاپ كورسەتتى: پارتيامىز - دوموكراتيالىق ورتالىقتاندىرۋ ءتۇزىمى پرينسيبى نەگىزىندە قۇرىلعان ماركسيزمدىك ساياسي پارتيا، تارالۋ كولەمى كەڭ، كەمەلدى، ومىرشەڭدىك قۋاتى كۇشتى، نەگىزگى ساتى پارتيا ۇيىمدارى - پارتيانىڭ تۇتاس قىزمەتى مەن جاۋىنگەرلىك قۋاتىنىڭ نەگىزى، پارتيانىڭ لۋشيان، باعىت، ساياساتىن دايەكتى تياناقتاندىرۋ مەن ءتۇرلى قىزمەت مىندەتتەرىن ورىنداۋدىڭ جاۋىنگەر قورعانى. حالىقارالىق جاعداي كۇردەلى دە اۋمالى - توكپەلى، ەلىمىزدىڭ قوعامىندا ىشكەرىلەي وزگەرىس بولعان سايىن رەفورما، دامۋ، ورنىقتىلىق مىندەتى بارعان سايىن اۋىر دا جاپالى بولادى، سوندىقتان نەگىزگى ساتىنىڭ نەگىزىن بەكەمدەۋ قىزمەتىن ءتىپتى دە ويداعىداي جاقسى ىستەۋىمىز كەرەك.

حۋ جينتاۋ مىنانى باسا دارىپتەدى: پارتيانىڭ نەگىزگى ساتى ۇيىمدىق قۇرىلىسىن كۇشەيتۋدە، ءسوزسىز، پارتيا 17 - قۇرىلتايى مەن ج ك پ 17 - كەزەكتى ورتالىق كوميتەتىنىڭ 3 -، 4 - جالپى ماجىلىستەرىندە العا قويىلعان ورنالاستىرۋلار بويىنشا، دىڭ شياۋپيڭ نازارياسى مەن «ۇشكە ۋاكىلدىك ەتۋ» ماڭىزدى يدەياسىن جەتەكشى ەتىپ، عىلمي دامۋ كوزقاراسىن ىشكەرىلەي دايەكتى تياناقتاندىرىپ، وزەكتى قىزمەتتى توڭىرەكتەۋدە تاباندى بولىپ، جالپى جاعدايعا قىزمەت وتەپ، كەڭ ارنا قالىپتاسىتىرىپ، فۋنكتسيانى كۇشەيتىپ، ۇيىمدىق جۇيەنى، تىرەكتىلەر قوسىنىن، قيمىل ورىندارىن، قىزمەت ءتۇزىمىن، ورىن، بازا قۇرىلىسىن ويداعىداي يگەرىپ، قامتۋ كولەمىن كۇش سالا كەڭەيتىپ، ومىرشەڭدىك قۋاتتى ارتتىرىپ، ورىن تەۋىپ وتىرعان كورنەكتى قايشىلىقتار مەن ماسەلەلەردى كۇش سالا شەشىپ، پارتيانىڭ نەگىزگى ساتى ۇيىمدارىنىڭ دامۋىن جەبەۋ، بۇقارا ءۇشىن قىزمەت وتەۋ، جۇرت كوڭىلىن توعىستىرۋ، جاراسىمدىلىقتى جەبەۋ رولىن تولىق ساۋلەلەندىرىپ، پارتيانىڭ نەگىزگى ساتى ۇيىمدىق قۇرىلىسىنىڭ جاڭا جاعدايىن ۇزدىكسىز جاراتۋ كەرەك.

حۋ جينتاۋ پارتيانىڭ نەگىزگى ساتى ۇيىمدىق قۇرىلىسىن كۇشەيتۋ جونىندە مىناداي 4 تالاپتى العا قويدى: ءبىرىنشى، پارتيانىڭ نەگىزگى ساتى ۇيىمى جۇيەسىن اناعۇرلىم كەمەلدەندىرىپ، پارتيانىڭ ءار سالا  نەگىزگى ساتى ۇيىمدىق قۇرىلىسىن جان - جاقتى جەبەپ، عىلمي ۇيىمدىق قۇرىلىم قالىپتاستىرىپ، پارتيا ۇيىمدارى مەن پارتيا قىزمەتىنىڭ تۇتاس قوعامدى قامتۋىن جۇزەگە اسىرىپ، حالىق بۇقاراسىن پارتيا ۇيىمدارىنىڭ توڭىرەگىنە تىعىز ىنتىماقتاستىرۋ كەرەك. ەكىنشى، نەگىزگى ساتى پارتيا قۇرىلىسى قىزمەتىندە جاڭالىق جاراتۋدى اناعۇرلىم جەبەپ، پارتيا قۇرىلىسى قىزمەتى مەن وزەكتى مىندەتتىڭ توعىسۋ ءتۇيىنىن ءدال تاۋىپ، پارتيانىڭ نەگىزگى ساتى ۇيىمدارىنىڭ رولىن ساۋلەلەندىرۋ تاسىلىندە جاڭالىق جاراتىپ، پارتيا ىشىندە نەگىزگى ساتىدا دەموكراتيانى كەڭەيتۋدىڭ  الۋان ءتۇرلى رەال فورماسى جونىندە بەلسەنە ىزدەنىس جاساپ، نەگىزگى ساتى پارتيا ۇيىمدارىنىڭ  جالپى جاعدايعا قىزمەت وتەۋ، عىلمي دامۋدى جەبەۋ، قوعامنىڭ جاراسىمدىلىعىن، ورنىقتىلىعىن قورعاۋ قۋاتىن ۇزدىكسىز ارتتىرۋ كەرەك. ءۇشىنشى، نەگىزگى ساتىداعى پارتيالى كادرلار قوسىنىنىڭ ومىرشەڭدىك قۋاتىن اناعۇرلىم ارتتىرىپ، پارتيا مۇشەلەرىن تاربيەلەۋ، باسقارۋ،ولارعا قىزمەت وتەۋدىڭ ۇزاق ۋاقىتتىق مەحانيزمىن ورناتىپ جانە كەمەلدەندىرىپ، جاڭا جاعدايدا پارتيا مۇشەلەرىنىڭ ۇنەمى تاربيەلەنۋ، العاباسارلىقتى  ساقتاۋىنىڭ ۇزاق ۋاقىتتىق مەحانيزمىن قالىپتاستىرۋ كەرەك. ءتورتىنشى،قالا - اۋىلداردىڭ ءبىر تۇتاس جوسپارلانعان نەگىزگى ساتى پارتيا قۇرىلىسىنىڭ جاڭا جاعدايىن ورناتىپ، قالا - اۋىلداردىڭ نەگىزگى ساتى پارتيا قىزمەتىنىڭ  قوس باعىتتا جۇرگىزىلۋىن، قارجىدان ورتاق يگىلىكتەنۋىن، ابزالدىقتى ءوزارا تولىقتاۋىن، ءوزارا جەبەۋىن  ىلگەرىلەتىپ، قالا نەگىزگى ساتى پارتيا قۇرىلىسىنىڭ باستاماشىلدىق ەتۋ ابزالدىعىن ساۋلەلەندىرىپ، توڭكەرىستىك بايىرعى رايونداردىڭ، ۇلتتىق، شەكارا، كەدەي وڭىرلەردىڭ نەگىزگى ساتى پارتيا قۇرىلىسى قىزمەتىن قولداپ - قۋاتتاۋدى كۇشەيتىپ، قالا - اۋىلداردىڭ، وڭىرلەردىڭ نەگىزگى ساتى پارتيا قىزمەتىنىڭ سايكەسىمدى دامۋىن جەبەۋ كەرەك.

 حۋ جينتاۋ مىنانى باسا دارىپتەدى: 1 - شەپتە ۇزاق ۋاقىت كۇرەس جاساعان جالپى نەگىزگى ساتى پارتيا مۇشەلەرى مەن كادرلارى كوپتەگەن قايشىلىقتار مەن قيىنشىلىقتارعا ءدوپ كەلىپ، قىزمەت باسىمدىعى اۋىر بولۋدا، ولارعا شىنايى ءمان بەرۋ، قامقورلىق جاساۋ، ولاردى ايالاۋ كەرەك. پارتيا ىشىندەگى دەم بەرۋ، قامقورلىق جاساۋ، كومەكتەسۋ مەحانيزمىن كەمەلدەندىرىپ، نەگىزگى ساتى پارتيا مۇشەلەرىنە، اسىرەسە، ساقا كوممۋنيستەرگە، وتباسىندا قيىنشىلىعى بار پارتيا مۇشەلەرىنە يدەيا، قىزمەت، تۇرمىس جاعىندا قامقورلىق جاساپ، كومەكتەسىپ، ولارعا ۇيىمنىڭ مەيىرىن شىنايى سەزىندىرۋ كەرەك.

حۋ جينتاۋ مىنانى اتاپ كورسەتتى: ءار دارەجەلى پارتكومدار  پارتيا پارتيانى باسقارۋ، پارتيانى قاتاڭ باسقارۋدا تاباندى بولىپ، پارتكومدار پارتيا قۇرىلىسىن باسقارۋ، شۋجيلەر پارتيا قۇرىلىسىن يگەرۋ جاۋاپكەرلىگىن كۇشەيتىپ،  نەگىزگى ساتى پارتيا قۇرىلىسى قىزمەتىنە باسشىلىق ەتۋ ءتۇزىلىسىن كەمەلدەندىرىپ، تۇرگە ءبولىپ جەتەكشىلىك ەتۋ، ءبىر تۇتاس سايكەستىرۋ، باقىلاۋ - تەكسەرۋدى كۇشەيتىپ، ىشكەرىلەي تەكسەرىپ - زەرتتەپ، پارتيانىڭ نەگىزگى ساتى ۇيىمدارى مەن جالپى پارتيا مۇشەلەرىنىڭ جاسامپازدىق رۋحىن قاستەرلەپ، جوعارى ساپالى نەگىزگى ساتى پارتيا قىزمەتكەرى قوسىنىن قۇرىپ، نەگىزگى ساتى ۇيىمدىق قۇرىلىسىنىڭ قىزمەت قاراجاتىن قامتاماسىزداندىرىپ، جاڭا جاعدايداعى نەگىزگى ساتى پارتيا قۇرىلىسى قىزمەتىنىڭ ءتۇرلى كەلەلى شارالارىن تياناقتاندىرۋعا كەپىلدىك ەتۋ كەرەك. كەزەكتە ءار دارەجەلى پارتيا ۇيىمدارى ۇزدىك نەگىزگى ساتى پارتيا ۇيىمىن قۇرۋ، تاڭداۋلى پارتيا مۇشەسى بولۋعا قۇلشىنۋ قيمىلدارىن ىشكەرىلەي ورىستەتۋدى شىنايى يگەرىپ، نەگىزگى ساتى پارتيا ۇيىمدارى مەن جالپى پارتيا مۇشەلەرى اراسىندا العاباسارلىقتى ۇيرەنۋ، العاباسار بولۋ، ۇلەس قوسۋ، ونەگە بولۋداي تاماشا سالتتى قالىپتاستىرۋ كەرەك.

(شينحۋا اگەنتتىگى)