جۇڭگونىڭ قىرعىزستان بوسقىندارىنا كومەككە بەرگەن زاتتىق بۇيىمدارى وزبەكستانعا جەتكىزىلدى
جۇڭگو ۇكىمەتىنىڭ قىرعىزستان بوسقىندارىنا كومەككە بەرگەن ءبىرىنشى توپتاعى ادامگەرشىلىك زاتتارىن تيەگەن كومەك زاتتارى ماۋسىمنىڭ 21 - كۇنى تاڭ سارىدە وزبەكستاننىڭ استاناسى تاشكەنتكە جەتكىزىلدى.
جۇڭگو وڭتۇستىك اۆياتسيا سەرىكتىگىنىڭ ادامگەرشىلىك كومەك زاتتارىن تيەگەن ايروپىلانى ۇرىمجىدەن ۇشىپ، وزبەكستاننىڭ جەرگىلىكتى ۋاقىتى ماۋسىمنىڭ 21 - كۇنى تاڭعى ساعات 1 دەن 40 مينۋت وتكەندە تاشكەنت حالىقارالىق اۋەجايىنا قوندى.
22 توننالىق بۇل زاتتىق بۇيىم، ازىق - تۇلىك، كيىم - كەشەك، مەديتسيانالىق جابدىقتار، شاعىن گەناراتور، جىلجىمالى مونشا جانە ءدارى - دارمەك سياقتىلاردى قامتيدى. بۇل زاتتىق بۇيىمدار قىرعىزستان بوسقىندارى ورنالاسقان وزبەكىستان شەكاراسىنداعى رايوندارعا جەتكىزىلەدى. جۇڭگونىڭ وزبەكستاندا تۇراتىن باس ەلشىسى يۇي حۇڭجۇن اۋەجايدا ءسوز سويلەپ بىلاي دەدى: بۇل زاتتىق كومەكتىڭ وزبەكستانداعى قىرعىزستان بوسقىندارىنىڭ قيىنشىلىعىن شەشۋىنە ازدا بولسادا سەپتىگى ءتيۋىن ءۇمىت ەتەمىن. ول بىلاي دەدى: جۇڭگو - وزبەكستاننىڭ قيىنشىلىق بولسا، ءبىر - بىرىنە كومەكتەسۋى داستۇرگە اينالعان.
ب م ۇ - نىڭ ادامگەرشىلىك ىستەرىن سايكەستىرۋ كەڭسەسىنىڭ ساندىق مالىمەتىندە كورسەتىلۋىنشە، قىرعىزستاننىڭ وڭتۇستىك بولەگىندە بۇلىك تۋىلعاننان بەرى، شامامەن 100 مىڭ قىرعىزستاندىق بوسقىن كورشى وزبەكستاندى پانالاعان.
(شينحۋا اگەنتتىگى) | 
