ەلىمىز ورتانى قورعاۋعا قاتىستى 30 نەشە ءتۇرلى زاڭ بەلگىلەدى

جۇڭگو زاڭ ءىلىمى قوعامى ماۋسىمنىڭ 21 - كۇنى جاريالاعان «جۇڭگو زاڭ قۇرىلىسى جىلى جونىندەگى دوكلادتا (2009 - جىلعى)» بىلاي دەپ اتاپ كورسەتىلگەن: 2009 - جىلدىڭ سوڭىنا دەيىن جۇڭگو ورتانى قورعاۋ زاڭى، تەڭىز - مۇحيت ورتاسىن قورعاۋ زاڭى، ەنەرگيا ۇنەمدەۋ زاڭى سياقتى ورتانى قورعاۋعا قاتىستى 30 نەشە ءتۇرلى زاڭدى بەلگىلەدى، بۇل جۇڭگونىڭ ءارقايسى زاڭ تاراۋلارىنىڭ زاڭ شىعارۋ اياق الىسىنىڭ ەڭ تەز بولعان سالاسىنىڭ ءبىرى ەسەپتەلەدى.

دوكلادتا بىلاي دەپ اتاپ كورسەتىلگەن: جۇڭگو ورتانى قورعاۋ جونىندە زاڭ شىعارۋدا ورتانى قورعاۋعا قاتىستى زاڭ - ءتۇزىم مەن شارالاردى جۇيەلىلەندىرۋگە ءمان بەرىپ، ورتانى قورعاۋعا قاتىستى ىلگەرىندى - كەيىندى  20 عا جۋىق زاڭ - ءتۇزىم مەن شارالاردى بەلگىلەدى. ەڭ العاشىندا جۇڭگونىڭ ورتانى قورعاۋ جونىندەگى زاڭ - تۇزىمىندە سوڭىنا دەيىن وڭاۋعا ءمان بەرىلىپ، نەگىزىنەن شەكتى مەرزىمدە وڭاۋ، جوبالاۋ، ولشەمدەندىرۋ، باقىلاۋ، رۇقسات كۋالىگى سياقتى تۇزىمدەر بەلگىلەنگەن. 1999 - جىلى جۇڭگو تەڭىز - مۇحيت ورتاسىن قورعاۋ زاڭىنا وزگەرىس ەنگىزىپ، باستان - اياق تۇتاس بارىسىندا لاستانۋدى وڭاۋ جونىندەگى زاڭ بەلگىلەمەسىنە ءمان بەرىپ، لاس زاتتاردىڭ جالپى مولشەرىن مەڭگەرۋ سياقتى تۇزىمدەردى بەلگىلەپ، لاستانۋدى قاينارىنان مەڭگەرۋگە ءمان بەردى.

2002 - جىلى ەلىمىز قورشاعان ورتاعا جاسايتىن ىقپالدى باعالاۋ زاڭىن شىعارىپ، ورتانى وڭاۋدى قاينارىنان مەڭگەرۋدى اناعۇرلىم كۇشەيتتى.

دوكلادتا بىلاي دەلىنگەن: قازىرگە دەيىن جۇڭگونىڭ قورشاعان ورتا جونىندەگى زاڭ - ءتۇزىمى ءبىرشاما كەمەلدەندى.

(شينحۋا اگەنتتىگى)