اۆتونوميالى رايوندىق پارتكوم تۇراقتى مۇشەلەرىنىڭ، ۇكىمەت ءتوراعالارىنىڭ بىرلەسپە ماجىلىسىندە مىناۋ ۇيعارىلدى

«حالىقتى بايىتىپ، مال شارۋاشىلىعىن گۇلدەندىرەتىن» سۋ ىستەرى قۇرىلىسىن جۇرگىزۋ كەرەك

«شينجياڭ گازەتى» تورىنان. اۆتونوميالى رايوندىق پارتكوم تۇراقتى مۇشەلەرىنىڭ، ۇكىمەت ءتوراعالارىنىڭ بىرلەسپە ءماجىلىسى ماۋسىمنىڭ 17 - كۇنى تۇستەن بۇرىن اشىلدى. ماجىلىستە «حالىقتى بايىتىپ، مال شارۋاشىلىعىن گۇلدەندىرەتىن» سۋ ىستەرى قۇرىلىسىن جۇرگىزىپ، قۇرىلىسقا اتى بەرىلگەن كاسىپورىندار قۇرىلىسقا اقىسىز كومەك بەرۋ سياقتى كوپ ءتۇرلى جولمەن قارجى توپتاپ، وسى جىلدا اۆتونوميالى رايونىمىزدىڭ 26 مال شارۋاشىلىق رايونىنداعى سۋ يگىلىگى قۇرىلىسىندا جۇمىس باستاپ، ءۇش جىلدا بۇلاردى جالپى بەتتىك ءبىتىرۋ جانە ولاردىڭ رولىن ساۋلەلەندىرۋ ارناۋلى تالقىلانىپ، ۇيعارىلدى.

اۆتونوميالى رايوندىق پارتكومنىڭ شۋجيى جاڭ چۇنشيان ءماجىلىستى باسقاردى ءارى ماڭىزدى ءسوز سويلەدى.

اۆتونوميالى رايون باسشىلارىنان نۇر باكىر، اسحات كەرىمباي ۇلى قاتارلىلار ماجىلىسكە قاتىناستى.

مال شارۋاشىلىق رايونىنداعى سۋ يگىلىگى قۇرىلىسى - اۆتونوميالى رايونىمىز كوپ جىلدان بەرى جوسپارلاپ كەلگەن ماڭىزدى قۇرىلىس، اۆتونوميالى رايونىمىزداعى مالشىلاردىڭ ءوندىرىس، تۇرمىس شارت - جاعدايىن جاقسارتىپ، مالشىلاردىڭ كىرىسىن ارتتىرۋداعى شەشۋشى قۇرىلىس. ماۋسىمنىڭ 9 - كۇنى جاڭ چۇنشيان اۆتونوميالى رايوندىق سۋ ىستەرى مەڭگەرمەسىندە تەكسەرىپ - زەرتتەۋ جۇرگىزگەندە اۆتونوميالى رايونىمىزدىڭ سۋ يگىلىگى قۇرىلىسى قادامىن جەدەلدەتۋ جونىندە ماڭىزدى نۇسقاۋ بەرىپ، اۆتونوميالى رايونىمىزداعى ءىرى كاسىپورىندار، اۆتونوميالى رايونىمىزدا ىرگە تەپكەن كاسىپورىندار جانە باسقا كاسىپورىندار قۇرىلىسقا اتىن قويۋ فورماسىندا اقىسىز كومەك بەرۋ دارىپتەمەسىن ورتاعا قويىپ، حالىقتى بايىتىپ، مال شارۋاشىلىعىن گۇلدەندىرەتىن سۋ ىستەرى قۇرىلىسىن جۇرگىزۋدى ورنالاستىرعان بولاتىن.

اۆتونوميالى رايوندىق پارتكومنىڭ تالابى بويىنشا، اۆتونوميالى رايوندىق حالىق ۇكىمەتى مەن باسقا قاتىستى ورىندار جەدەل ارەكەتكە كەلدى، ءتوراعا نۇر باكىر باسشىلىعىندا ماۋسىمنىڭ 10 - كۇنى جيىندى باسقارىپ اشىپ، ارناۋلى زەرتتەپ، ورنالاستىرۋ جاساپ، مىندەتتى ايقىنداپ، جاۋاپكەرلىكتى تياناقتاندىرىپ، شارانى كۇشەيتتى.

جاڭ چۇنشيان بىلاي دەدى: اۆتونوميالى رايونىمىزداعى قاتىستى ورىنداردىڭ سەلبەسىپ قيمىلداپ، مال شارۋاشىلىق رايونىنداعى سۋ يگىلىگى قۇرىلىسىندا جۇمىس باستاۋعا ازىرلىك كورۋ قىزمەتىن قىسقا ۋاقىتتا اياقتاتۋى - عىلىمدى، رۋحتى دارىپتەۋدىڭ ناقتى بەينەسى، وسى بارىستا «شينجياڭ قارقىنى» جارىققا شىعىپ، جالپى جۇمىلا ىستەۋدەي تاماشا جاعداي قالىپتاستى.

جاڭ چۇنشيان بىلاي دەدى: مال شارۋاشىلىق رايونىنداعى سۋ يگىلىگى قۇرىلىسى مال شارۋاشىلىق رايوندارىنىڭ سۋعا قاراي جەر، جەرگە قاراي جايىلىم، جايىلىمعا قاراي مال، مالعا قاراي ادام بەلگىلەۋىنە تىكە قاتىستى، اۆتونوميالى رايونىمىزداعى 160 مىڭ ءار ۇلت مالشىسىنىڭ ءوندىرىس، تۇرمىس شارت - جاعدايىن جاقسارتۋعا جانە ەگىن، مال شارۋاشىلىعىنىڭ باياندى دامۋىنا قاتىستى، 2020 - جىلعا بارعاندا اۆتونوميالى رايونىمىزداعى 100 مىڭ كوشپەلى مالشىنى وتىرىقتاندىرۋ مىندەتىن تولىق ورىنداپ، سوتسياليستىك جاڭاشا مال شارۋاشىلىق رايونىن قۇرۋدا، رايونداردىڭ سايكەستى دامۋىن جەبەۋدە رەال ماڭىزعا يە. اۆتونوميالى رايونىمىزداعى قاتىستى جاقتار شۇعىلدىق، جاۋاپكەرلىك تانىمىن كۇشەيتىپ، بۇل قىزمەتتى مىقتى يگەرۋى كەرەك.

جاڭ چۇنشيان مىناداي تالاپتاردى العا قويدى: ءبىرىنشى، مال شارۋاشىلىق رايوندارىنىڭ سۋ يگىلىگى ينجەنەرياسى قۇرىلىسىن مىقتى يگەرە وتىرىپ، ءبىر تۇتاس جوسپارلاپ، تەڭ ءمان بەرىپ، اۆتونوميالى رايوننىڭ «حالىقتى اۋقاتتاندىرىپ، مال شارۋاشىلىعىن دامىتۋ» جەلىلەس ينجەنەرياسىن اتقارۋدى جەدەلدەتۋ كەرەك. سۋ يگىلىگى ينجەنەرياسى قۇرىلىسىنا ساياتىن كوشى - قون جۇمىسى، وتىرىقتاندىرۋ ينجەنەرياسىنا ساياتىن جايىلىم اۋىستىرۋ سياقتى قىزمەتتەر جونىندە جەرگىلىكتى ۇكىمەت جاۋاپكەرلىك ءتۇزىمىن اتقارىپ، قىزمەتتى ىشكەرىلەي مۇقيات ىستەۋ؛ سالالار بويىنشا كومەكتەسەتىن ولكە - قالالاردىڭ قولداۋىنا يە بولىپ، جوعارى باستامالى، جوعارى دەڭگەيلى، جوعارى ءونىمدى بولۋ پرينسيبىنە ساي، شارۋالاردى وتىرىقتاندىرۋ جانە قۇرىلعىلاردى تولىقتاۋ، ەكولوگيانى وڭاۋ سياقتى قىزمەتتەردى عىلمي، ۋنيۆەرسالدى جوبالاۋ جانە جۇرگىزۋ؛ ەكىنشى، ساپاعا كەپىلدىك ەتۋ العى شارتىندا ءتارتىپتى قاراپايىمداستىرىپ، قارقىندى تەزدەتىپ، ونىمگە كەپىلدىك ەتىپ، مال شارۋاشىلىق رايوندارىنىڭ سۋ يگىلىگى ينجەنەرياسىنىڭ ۋاعىندا جۇمىس باستاۋىنا، ۋاعىندا جۇمىستى اياقتاتۋىنا كەپىلدىك ەتۋ؛ ءۇشىنشى، جاۋاپكەرلىكتى تياناقتاندىرىپ، ستيلدە بۇرىلىس جاساپ، سوڭىنا دەيىن مىقتى يگەرىپ، قۇرىلىستىڭ ءساتتى جۇرگىزىلۋىنە كەپىلدىك ەتۋ كەرەك.

جاڭ چۇنشيان تاعى جۋىقتاعى قىزمەتتەر جونىندە ورنالاستىرۋ جاسادى. ول بىلاي دەپ اتاپ كورسەتتى: تەك العا ۇمتىلۋ رۋحى ارقىلى قىزمەتتى كوكەيتەستىلىك سەزىممەن بەلسەنە ىستەپ، «شينجياڭنىڭ ونىمدىلىگىن» قۇلشىنا جاراتقاندا عانا ءداۋىردىڭ وزگەرۋ تالابىنا ۇزدىكسىز سايكەسىپ، ءتۇرلى قىزمەتتە ۇزدىكسىز جاڭا بەينە جاراتىپ، ورتالىقتىڭ ماڭىزدى تاپسىرماسىن، شينجياڭداعى ءار ۇلت حالىق بۇقاراسىنىڭ جاڭا ءۇمىتىن جەردە قالدىرماي، شينجياڭنىڭ عىلمي، سەكىرمەلى دامۋىن جانە باياندى تىنىشتىعىن جۇزەگە اسىرۋعا بولادى.

اۆتونوميالى رايوندىق پارتكومنىڭ تۇراقتى مۇشەلەرى، اۆتونوميالى رايوننىڭ ورىنباسار ءتوراعالارى، ءوندىرىس - قۇرىلىس بيڭتۋانىنىڭ قاتىستى باسشىلارى، اۆتونوميالى رايوندىق ۇكىمەت پارتگرۋپپاسىنىڭ مۇشەلەرى، اۆتونوميالى رايوندىق پارتكوم مەن ۇكىمەتتىڭ قاتىستى ورىنباسار باس حاتشىلارى ماجىلىسكە قاتىناستى. اۆتونوميالى رايوننىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.