ەلىمىزدىڭ كوپ جىكتەگى رەفورما سىناق ءتۇيىنى جاعدايى نەگىزىنەن قالىپتاستى

مەملەكەتتىك دامۋ - رەفورما كوميتەتىنىڭ ورىنباسار مەڭگەرۋشىسى پىڭ سىن ماۋسىمنىڭ 7 - كۇنى مىنانى ءبىلدىردى: ەلىمىزدىڭ كوپ جىكتەگى رەفورما سىناق ءتۇيىنى جاعدايى نەگىزىنەن قالىپتاستى، بۇل مەملەكەتتىڭ ۋنيۆەرسالدى ءبىر تۇلعالانعان رەفورما سىناق ءتۇيىنى، مەملەكەتتىڭ ءىرى ارناۋلى رەفورما سىناق ءتۇيىنى، رەفورما - دامۋ كوميتەتىنىڭ رەفورما قىزمەتى بايلانىس ءتۇيىنى، جەر - جەردە دەربەس ورىستەتىلگەن ولكە دارەجەلى ۋنيۆەرسالدى ءبىر تۇلعالانعان رەفورما سىناق ءتۇيىنى سىندى 4 جاقتى قامتيدى.

پىڭ سىن چىڭدۋدا وتكىزىلگەن مەملەكەتتىك ۋنيۆەرسالدى ءبىر تۇلعالانعان رەفورما سىناق ءتۇيىنى قىزمەتى ماجىلىسىندە بىلاي دەدى: جاڭا داۋىردەگى مەملەكەتتىڭ ۋنيۆەرسالدى ءبىر تۇلعالانعان رەفورما سىناق ءتۇيىنى قىزمەتى 5 جىل ورىستەتىلدى، قازىر شىعىس، ورتا جانە باتىس بولەكتەر ءوزارا سايكەسكەن، كوپ جىكتە ىلگەرىلەتىلگەن ۋنيۆەرسالدى ءبىر تۇلعالانعان رەفورما سىناق ءتۇيىنى جاعدايى قالىپتاستى.

مەملەكەت ىلگەرىندى - كەيىندى شاڭحاي پۋدۇڭ جاڭا رايونى، تيانجين بينحاي جاڭا رايونى، چىڭدۋ قالاسى، چۇڭچيڭ قالاسى، ۋحان قالاسى شوعىرى، چاڭجياڭ، جۋجياڭ اتىراۋى قالا شوعىرى، شىنجىن ەكونوميكالىق ەرەكشە رايونى، شىنياڭ ەكونوميكالىق ەرەكشە رايونى سىندى 8 مەملەكەتتىك ۋنيۆەرسالدى ءبىر تۇلعالانعان رەفورما سىناق ءتۇيىنى بەكىتىلىپ، شىعىس، ورتا، باتىس بولەكتى، شىعىس سولتۇستىكتى قامتىپ، رايوندىق پارىق پەن وندىرگىش كۇشتىڭ دامۋ ساتىسى سيپاتتى پارىق ەسكەرىلدى. سىناق ءتۇيىنىنىڭ نەگىزگى تاقىرىبى ەكونوميكانىڭ دامۋ فورماسىندا بۇرىلىس جاساۋ، قالا مەن اۋىلدىڭ دامۋىن ءبىر تۇتاس جوسپارلاۋ، «ەكى تيپتەگى» قوعامدىق قۇرىلىس، جاڭاشا ونەركاسىپتەندىرۋ سياقتىلار بولىپ، نەگىزىنەن ەلىمىز رەفورماسىنىڭ دامۋىنداعى ءىرى ستراتەگيالىق مىندەتتەر قامتىلدى.

مەملەكەتتىڭ ءىرى ارناۋلى رەفورما سىناق تۇيىندەرى نەگىزىنەن زەيىن - زەردەنى شوعىرلاندىرىپ، تيپتىك، ۇلگىلىك مانگە يە ماڭىزدى ارناۋلى رەفورما جونىندە زەرتتەۋ، قامال الۋ قىزمەتىن جۇرگىزەدى. قازىر قاتىستى قىزمەتتەر باستالدى، مەملەكەت رەفورمانىڭ، دامۋدىڭ ءىس جۇزىندىك قاجەتىنە ساي ءبىر تۇتاس ويلاستىرىپ، ءبىر تۇتاس ورنالاستىرىپ، قاتاڭ يگەرىپ، ناقتى ونىمدىلىككە تالپىنىس جاسايدى.

قازىر دامۋ - رەفورما كوميتەتى يۇننان ولكەسىنىڭ ساياحات ۋنيۆەرسالدى رەفورما سىناق ءتۇيىنىن، جىجياڭ ولكەسى ەكونوميكانىڭ دامۋ فورماسىندا بۇرىلىس جاساۋ ۋنيۆەرسالدى ءبىر تۇلعالانعان رەفورما سىناق ءتۇيىنىن بەكىتتى.

جەر - جەردە دەربەس ورىستەتىلگەن ولكە دارەجەلى ۋنيۆەرسالدى ءبىر تۇلعالانعان رەفورما سىناق ءتۇيىنى جاعىندا، بۇكىل ەل بويىنشا 21 ولكە، اۆتونوميالى رايون، قالادا دەربەس سىناق ءتۇيىنى ورىستەتىلىپ، جالپى 70 تەن استام ولكە دارەجەلى ۋنيۆەرسالدى ءبىر تۇلعالانعان رەفورما سىناق ءتۇيىنى رايونى قۇرىلىپ، نەگىزىنەن جەرگىلىكتى ەكونوميكالىق، قوعامدىق دامۋدى تەجەيتىن ءتۇزىلىس، مەحانيزم سيپاتتى بوگەتتەر جونىندە جەرگىلىكتى ورىننىڭ جاعدايىنا قاراي شارا قولدانۋ ارقىلى رەفورما جونىندە ىزدەنىس جاسالۋدا. پىڭ سىن بىلاي دەدى: بۇل ءتورت جىكتەگى رەفورما سىناق ءتۇيىنىنىڭ باعىتى ۇقسامايدى، ءارقايسىسىنىڭ ماڭىزدى جاعى بار، مەملەكەتتىڭ ستراتەگيالىق مىندەتىن اتقارۋ مەن جەرگىلىكتى ورىننىڭ جاڭالىق جاراتۋ رۋحىنا قۇرمەت ەتۋدى ۇشتاستىرۋعا، ەكى جاقتاعى بەلسەندىلىكتى تولىق ساۋلەلەندىرىپ، رەفورمادا بىرىككەن كۇش قالىپتاستىرۋعا ءتيىمدى.

(شينحۋا اگەنتتىگى)