مەملەكەتتىك كەڭەستىڭ اقپارات كەڭسەسى «جۇڭگونىڭ ينتەر تورابىنىڭ جاعدايى» جونىندەگى اق تىستى كىتاپتى جاريالادى

ينتەر تورابى - ادامزاتتىڭ اقىل - پاراساتىنىڭ جاۋھارى، 20 - عاسىرداعى ماڭىزدى عىلىم - تەحنيكالىق تاپقىرلىق، وسى زامانعى وزىق وندىرگىش كۇشتىڭ ماڭىزدى بەلگىسى. ينتەر تورابى الەمدىك ەكونوميكانىڭ، ساياسيدىڭ، مادەنيەتتىڭ جانە قوعامنىڭ دامۋىنا تەرەڭ ىقپال ەتىپ، قوعام، ءوندىرىس، تۇرمىس، ينفورماتسيا تاراتۋ جاعىنداعى وزگەرىستى جەبەيدى.

جۇڭگو مەملەكەتتىك كەڭەسىنىڭ اقپارات كەڭسەسى ماۋسىمنىڭ 8 - كۇنى «جۇڭگونىڭ ينتەر تورابى جاعدايى» جونىندەگى اق تىستى كىتاپتى جاريالادى. اق تىستى كىتاپتا بىلاي دەپ اتاپ كورسەتىلگەن: جۇڭگو ۇكىمەتى ينتەر تورابىنىڭ حالىق شارۋاشىلىعىنىڭ دامۋىن جەدەلدەتۋ، عىلىم - تەحنيكا العاباسارلىعىن ىلگەرىلەتۋ جانە قوعامدىق قىزمەت وتەۋ، ينفورماتسيالانۋ اياق الىسىن تەزدەتۋ جاعىنداعى ماڭىزدى رولىن تولىق تانىپ، ينتەر تورابىنىڭ دامۋى مەن قولدانىلۋىنا ايرىقشا ءمان بەردى ءارى ونى بەلسەنە جەبەدى.

اق تىستى كىتاپ جۇڭگو ينتەر تورابى دامۋىنىڭ نەگىزگى جاعدايىن تانىستىرۋدى، جۇڭگو ۇكىمەتىنىڭ ينتەر تورابى جونىندەگى نەگىزگى ساياساتىن، قاتىستى ماسەلەلەر جونىندەگى كوزقاراسىن ءتۇسىندىرۋدى، سونداي - اق حالىق بۇقاراسى مەن حالىقارالىق قوعامنىڭ جۇڭگونىڭ ينتەر تورابىن دامىتۋ، ونى باسقارۋ جونىندەگى ءىس جۇزىندىك جاعدايدى جان - جاقتى تۇسىنۋىنە دەم بەرۋدى ماقسات ەتەدى.

اق تىستى كىتاپ العى ءسوز، ينتەر تورابىنىڭ دامۋىن، جالپىلاسۋىن ىلگەرىلەتۋ، ونىڭ كەڭ كولەمدە قولدانىلۋىن جەبەۋ، ازاماتتاردىڭ پىكىر ءبىلدىرۋ ەركىندىگىن قامتاماسىزداندىرۋ، ينتەر تورابىن باسقارۋدىڭ نەگىزگى پرينسيبى مەن امالياتى، ينتەر تورابىنىڭ حاۋىپسى-زدىگىن قورعاۋ، حالىقارالىق اۋىس - كۇيىستى، ىنتىماقتاستىقتى بەلسەنە ورىستەتۋ، سوڭعى ءسوز سياقتى مازمۇندارعا ءبولىنىپ،  مولشەرمەن جالپى 13 مىڭ ءارىپ.

اق تىستى كىتاپتا بىلاي دەلىنگەن: جۇڭگو ۇكىمەتى ينتەر تورابىن دامىتۋدى مەملەكەتتىڭ ينفورماتسيالانۋ اياق الىسىن ىلگەرىلەتۋدىڭ، ەكونوميكانىڭ، قوعامنىڭ عىلمي دامۋىن جۇزەگە اسىرۋدىڭ جانە عىلىم - تەحنيكادا جاڭالىق جاراتۋ قۋاتى مەن حالىقتىڭ تۇرمىس ساپاسىن جوعارىلاتۋدىڭ ماڭىزدى شاراسى ەتەدى؛ ينتەر تورابىنىڭ دامۋىنا ءتيىمدى ساياسات، زاڭ - ەرەجە، بازار ورتاسىن بەلسەنە جاراتادى؛ مەملەكەتتىڭ ينفورماتسيا تورابى نەگىزدىك قۇرىلعىلارىن كەمەلدەندىرۋ، مەملەكەتتىڭ ءتۇيىندى ينفورماتسيا تورابى قۇرىلىسىن قۇرۋ، عىلىم - تەحنيكادا تاپقىرلىق جاراتۋعا شابىتتاندىرۋ، ينفورماتسيالىق تەحنيكا دارىندىلارىن بارىنشا باۋلۋ، كوپ ارنالى ينفورماتسيالىق حابارلاسۋ، قىزمەت وتەۋ بازارى نەگىزگى تۇلعاسىن جەتىلدىرۋ سىندى شارالار ارقىلى جۇڭگو ينتەر تورابىنىڭ باياندى، اقاۋسىز، تەز دامۋىن ۇزدىكسىز ىلگەرىلەتىپ، حالىقتىڭ كۇن سايىن ارتىپ وتىرعان ينفورماتسيا تۇتىنۋ قاجەتىن قاناعاتتاندىرۋ.

اق تىستى كىتاپتا بىلاي دەپ اتاپ كورسەتىلدى: جۇڭگو ۇكىمەتى ينتەر تورابىنىڭ جۇڭگوداعى دامۋى مەن كەڭىنەن قولدانىلۋىن بار كۇشپەن ۇگىتتەدى جانە بەلسەندى ىلگەرلەتتى. ينتەر تورابىنىڭ جۇڭگودا تەز قارقىنمەن دامۋىنا، كەڭ كولەمدە تارالۋىنا ساي ادامداردىڭ ءوندىرىس، قىزمەت، ۇيرەنۋ جانە تۇرمىس تاسىلىندە تەرەڭ وزگەرىستەر تۋىلدى. قازىر جۇڭگو دۇنيە بويىنشا ينتەر تورابىن ىستەتەتىن ادام سانى ەڭ كوپ مەملەكەتكە اينالدى.

اق تىستى كىتاپتا بىلاي دەلىندى: ينتەر تورابىن ويداعىداي كوركەيتۋ، پايدالانۋ جانە ويداعىداي باسقارۋ مەملەكەت ەكونوميكاسىنىڭ وركەندەۋى مەن دامۋىنا، مەملەكەتتىڭ حاۋىپسىزدىگى مەن قوعامىنىڭ جاراسىمدىلىعىنا، مەملەكەتتىڭ يەلىك ۇقىعىنا، بەدەلىنە جانە حالىقتىڭ ءتۇبىرلى مۇددەسىنە قاتىستى ءىس.

اق تىستى كىتاپتا بىلاي دەپ اتاپ كورسەتىلدى: جۇڭگو ۇكىمەتى ينتەر تورابىن دامىتۋ جانە باسقارۋ ساياساتىن ۇزدىكسىز كەمەلەندىرىپ، ونى ينتەر تورابىن دامىتۋ مەن باسقارۋدىڭ ىشكى قاعيداسىنا، وبيەكتيۆ قاجەتىنە بارىنشا سايكەستىرەدى. اماليات بارىسىندا جۇڭگو ۇكىمەتى ءار ەلدىڭ ينتەر تورابىن دامىتۋ جانە باسقارۋ جاعىنداعى پايدالى تاجىريبەلەردەن ۇلگى الۋعا باسا ءمان بەردى ءارى دۇنيە جۇزىندەگى ەلدەرمەن بىرلىكتە الەمدىك ينتەر تورابىنىڭ گۇلدەنىپ - كوركەيۋىن جانە دامۋىن بىرگە جەبەۋگە پەيىل.

(شينحۋا اگەنتتىگى)