اۆتونوميالى رايون ارناۋلى تاقىرىپتا زەرتتەۋ ءماجىلىسىن اشىپ، عىلمي جوبا جاساپ، تياناقتاندىرۋدى مىقتى يگەرۋدى باسا دارىپتەدى

حالىق تۇرمىسىن جاقسارتۋدىڭ ءتۇرلى قىزمەتىن كۇش سالا ويداعىداي ىستەۋ كەرەك

شينجياڭ گازەتى تورابىنان. ماۋسىمنىڭ 7 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر ءماجىلىستى باسقارىپ اشىپ، «اۆتونوميالى رايوندىق پارتكومنىڭ، اۆتونوميالى رايوندىق حالىق ۇكىمەتىنىڭ <ج ك پ ورتالىق كوميتەتىنىڭ، مەملەكەتتىك كەڭەستىڭ شينجياڭنىڭ سەكىرمەلى دامۋى مەن باياندى تىنىشتىعىن ىلگەرىلەتۋ پىكىرىندەگى> مىندەت ءبولسى جوباسىن دايەكتى تياناقتاندىرۋدى» تەرەڭدەتۋ جانە ناقتى ورنالاستىرۋ قىزمەتى، شينجياڭنىڭ اۋىل - قىستاقتارىندا بەيقۇت ءۇي ينجەنەرياسىن اتقارۋ، قالا - قالاشىق تۇرعىندارىنىڭ تۇرعىن ءۇي شارت - جاعدايىن جاقسارتۋ سياقتى 9 سالاداعى ءتۇيىندى قىزمەت جونىندە ارناۋلى زەرتتەۋ جۇرگىزىپ، قاتىستى تاراۋلاردىڭ مىندەتتى ءبولۋ، تياناقتاندىرۋ جاعدايىنان جاساعان دوكلادىن تىڭدادى.

نۇر باكىر مىنانى تالاپ ەتتى: حالىق تۇرمىسىن باستى ورىنعا قويۋدا تاباندى بولىپ، حالىققا وسكەلەڭ جاۋاپتى بولۋ پوزيتسياسىمەن مۇقيات وي جۇگىرتىپ، عىلمي جوبا جاساپ، ۇقىپتىلىقپەن ۇيىمداستىرىپ، ويداعىداي ورنالاستىرۋ جاساپ، بىرىككەن كۇش قالىپتاستىرىپ، تياناقتاندىرۋدى مىقتى يگەرىپ، ءار ۇلت حالقىنا ورتالىقتىڭ قامقورلىعى مەن وتانىمىز ۇلى شاڭىراعىنىڭ مەيىرىن سەزىندىرۋ كەرەك.

نۇر باكىر مىنالاردى تالاپ ەتتى: وبيەكتىگە جەتەكشىلىك ەتۋشى باسشى، سەلبەسۋشى باسشى جانە جەتەكشىلىك ەتۋشى ورىن، سونداي - اق قاتىستى تاراۋلار حالىق تۇرمىسىن قامتاماسىزداندىرۋ جانە جاقسارتۋدى  بارلىق قىزمەتتىڭ شىعار ءتۇيىنى جانە تياناعى ەتىپ، حالىق تۇرمىسىنا ساياتىن ءتۇرلى قىزمەتتىڭ ونىمدىلىگىن كورنەكتىلەندىرۋدى قامتاماسىزداندىرىپ، ءار ۇلت جۇرتشىلىعىن رەفورمانىڭ، دامۋدىڭ تابىسىنان يگىلىكتەندىرىپ، ولارعا ورتالىق پەن بۇكىل ەل حالقىنىڭ كوڭىل ءبولۋى مەن قولداۋىن سەزىندىرۋى كەرەك. ءبىرىنشى، يدەيانى ۇزدىكسىز ازات ەتىپ، ورايدى مىقتى يگەرىپ، جاۋاپكەرلىك تانىمدى، شۇعىلدىق تانىمدى جانە بورىشتىلىق تانىمدى ۇزدىكسىز كۇشەيتىپ، حالىق تۇرمىسىنا ساياتىن ءتۇرلى ينجەنەريانىڭ تياناقتانۋىن شىنايى يگەرۋ؛ ەكىنشى، جوعارى باستالۋ ءتۇيىنى، جوعارى ولشەم، جوعارى ورەدە بولۋ تالابىنا ساي، جۇرتشىلىق شەشۋدى ەڭ قاجەت ەتىپ وتىرعان ماسەلەدەن باستاپ كىرىسىپ، عىلمي جوبا جاساپ، حالىق تۇرمىسى ينجەنەريالارىنىڭ اتقارۋىلۋىن ورنىقتى ىلگەرىلەتۋ؛ ءۇشىنشى، مەملەكەتتىڭ قاتىستى تاراۋلارىمەن بايلانىستى ىرىقتىلىقپەن كۇشەيتىپ، مەملەكەتتىڭ قاتىستى جاقتارداعى قولداۋىنا بەلسەنە قول جەتكىزۋ كەرەك. ءار دارەجەلى قازىنا تاراۋلارى شىعىن قۇرىلىمىن رەتتەپ جانە ساپالىلاندىرىپ، اناعۇرلىم مول قارجىنى حالىق تۇرمىسى سالاسىنا قوسۋعا كۇش سالۋ؛ ءتورتىنشى، مۇقيات جوبا جاساپ، جاۋاپكەرلىكتى تياناقتاندىرىپ، ءاربىر قىزمەتتى ناقتى ورىنعا، ناقتى ادامعا دەيىن تياناقتاندىرۋعا كەپىلدىك ەتۋ؛ بەسىنشى، ءبىر تۇتاس ورنالاستىرۋ جاساپ، تىعىز سايكەسىپ، قىزمەتتى ىلگەرىلەتۋدىڭ مىعىم بىرلەسكەن كۇشىن قالىپتاستىرىپ، حالىق تۇرمىسىنا ساياتىن ءتۇرلى قىزمەتتى ناقتى، ويداعىداي يگەرۋگە كۇش سالىپ، ءار ۇلت حالقىنا يگىلىك جاراتۋ كەرەك.