ج ك پ ورتالىق كوميتەتى، مەملەكەتتىك كەڭەس شينجياڭ قىزمەتى اڭگىمە ءماجىلىسىن اشتى

حۋ جينتاۋ، ۋىن جياباۋ ماڭىزدى ءسوز سويلەدى، جوۋ يۇڭكاڭ قورىتىندى ءسوز سويلەدى

ۋ باڭگو، جيا چيڭلين، لي چاڭچۇن، شي جينپيڭ، لي كىچياڭ، حى گوچياڭ ماجىلىسكە قاتىناستى

شينحۋا اگەنتتىگى، بەيجيڭ، مامىردىڭ 20 - كۇنى. ج ك پ ورتالىق كوميتەتىنىڭ، مەملەكەتتىك كەڭەستىڭ شينجياڭ قىزمەتى اڭگىمە ءماجىلىسى مامىردىڭ 17 - كۇنىنەن 19 - كۇنىنە دەيىن بەيجيڭدە وتكىزىلدى.

ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى حۋ جينتاۋ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى ۋ باڭگو، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى ۋىن جياباۋ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى جيا چيڭلين، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى لي چاڭچۇن، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى، ورىنباسار مەملەكەت ءتوراعاسى شي جينپيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى حى گوچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ساياسي - زاڭ كوميتەتىنىڭ شۋجيى جوۋ يۇڭكاڭ ماجىلىسكە قاتىناستى.

حۋ جينتاۋ ماجىلىستە ماڭىزدى ءسوز سويلەپ، مىنانى دارىپتەدى: جاڭا جاعدايدا شينجياڭ قىزمەتىن ويداعىداي ىستەۋ - شينجياڭداعى ءار ۇلت بۇقاراسىنىڭ تۇرمىس دەڭگەيىن جوعارىلاتىپ، جاپپاي دوڭگەلەك داۋلەتتى قوعام قۇرۋ نىساناسىن جۇزەگە اسىرۋداعى قاجەتتى تالاپ، باتىس بولەكتى قاۋىرت اشۋ ستراتەگياسىن ىشكەرىلەي اتقارىپ، ەكونوميكانىڭ جاڭا ارتۋ ءتۇيىنىن قالىپتاستىرىپ، ەلىمىزدىڭ ەكونوميكالىق دامۋ اياسىن كەڭەيتۋدەگى ستراتەگيالىق تالعام، ەلىمىزدىڭ ءوزارا تيىمدىلىك جاراتىپ، پايدادان بىرگە يگىلىكتەنۋ سيپاتىنداعى قاقپا اشۋ ستراتەگياسىن اتقارىپ، سىرتقا شار تاراپتى قاقپا اشۋ جاعدايىن قالىپتاستىرۋىنداعى ماڭىزدى ورنالاستىرۋ، ۇلتتار ىنتىماعىن كۇشەيتىپ، وتان تۇتاستىعىن قورعاپ، شەكارا ءوڭىردىڭ باياندى تىنىشتىعىنا كەپىلدىك ەتۋدەگى كوكەيتەستى تالاپ. گۇلدەنگەن، باي، جاراسىمدى، ورنىقتى سوتسياليستىك شينجياڭ قۇرۋ اياق الىسىن جەدەلدەتۋ - بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق قالاۋى، كۇللى جۇڭحۋا ۇلاندارىنىڭ ورتاق مىندەتى. بۇكىل پارتيا، بۇكىل ەل شينجياڭ قىزمەتىن ويداعىداي ىستەۋدىڭ پارتيا، مەملەكەت قىزمەتىنىڭ جالپى جاعدايىنداعى كەلەلى ماڭىزىن تولىق تانىپ، دىڭ شياۋپيڭ جولداستىڭ «ەكى جالپى جاعداي» ستراتەگيالىق وي جەلىسى مەن ورتالىقتىڭ باتىس بولەكتى قاۋىرت اشۋ ستراتەگيالىق شەشىمىنىڭ كەلەلى ءمانىن ىشكەرىلەي ۇعىنىپ، جاڭا جاعدايدا شينجياڭ قىزمەتىن شىنايى ويداعىداي ىستەپ، شينجياڭنىڭ ەكونوميكاسىنىڭ، قوعامىنىڭ دامۋىن تىڭ بەلەسكە كوتەرۋى، شينجياڭنىڭ باياندى تىنىشتىعى قىزمەتىن تىڭعىلىقتى ىستەپ، شينجياڭنىڭ سەكىرمەلى دامۋى مەن باياندى تىنىشتىعىن ىلگەرىلەتىپ، شينجياڭ قىزمەتىنىڭ جاڭا جاعدايىن جاراتا بەرۋى كەرەك.

ۋىن جياباۋ شينجياڭ قىزمەتىنىڭ ورنالاستىرىلۋى جونىندە ءسوز سويلەدى. جوۋ يۇڭكاڭ ءماجىلىس اياقتالاردا ءسوز سويلەدى.

بۇل رەتكى ءماجىلىس ەلىمىزدىڭ جاپپاي دوڭگەلەك داۋلەتتى قوعام قۇرۋى شەشۋشى مەزگىلگە وتكەن، شينجياڭنىڭ دامۋى مەن ورنىقتىلىعى زور وراي مەن سايىسقا ءدوپ كەلگەن جاڭا جاعدايدا اشىلدى. ماجىلىستە جاڭا جۇڭگو قۇرىلعاننان بەرى، اسىرەسە، رەفورما جۇرگىزىلىپ، قاقپا اشىلعاننان بەرى شينجياڭنىڭ دامۋ جانە ورنىقتىلىق قىزمەتىندە قول جەتكىزىلگەن ناتيجە مەن تاجىريبە جاپپاي قورىتىندىلاندى، شينجياڭ قىزمەتى ءدوپ كەلگەن جاعداي مەن مىندەتكە ىشكەرىلەي تالداۋ جاسالدى، قازىر جانە مۇنان سوڭعى ءبىر مەزگىلدە شينجياڭ قىزمەتىن ويداعىداي ىستەۋدەگى جەتەكشى يدەيا، باستى مىندەت، قىزمەت تالابى اناعۇرلىم ايقىندالدى، شينجياڭنىڭ سەكىرمەلى دامۋى مەن باياندى تىنىشتىعىن ىلگەرىلەتۋ جونىنەن ستراتەگيالىق ورنالاستىرۋ جاسالدى.

حۋ جينتاۋ سوزىندە مىنانى اتاپ كورسەتتى: شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىنعا يە. شينجياڭنىڭ دامۋى مەن ورنىقتىلىعى بۇكىل ەلدىڭ رەفورما جۇرگىزۋ، دامۋ، ورنىقتىلىق جالپى جاعدايىنا سايادى، وتان تۇتاستىعىنا، ۇلتتار ىنتىماعىنا، مەملەكەتتىڭ حاۋىپسىزدىگىنە سايادى، جۇڭحۋا ۇلتتارىنىڭ ۇلى گۇلدەنۋىنە سايادى. جاڭا جۇڭگو قۇرىلعاننان بەرى ورتالىق شينجياڭ قىزمەتىنە باستان - اياق ايرىقشا نازار اۋدارىپ كەلدى. ورتالىقتىڭ دۇرىس باسشىلىعىندا، رايونداردىڭ، تاراۋلاردىڭ زور كۇشپەن قولداۋىندا، شينجياڭداعى ءار دارەجەلى پارتكوم مەن ۇكىمەت ءار ۇلت كادرلارىن، بۇقارانى قاجىرلىلىقپەن كۇرەس جۇرگىزۋگە، ەرلىكپەن العا باسۋعا ىنتىماقتاستىرىپ جانە باستاپ، شينجياڭنىڭ ەكونوميكاسىنىڭ، قوعامىنىڭ دامۋىندا دۇنيە ءجۇزىن جالت قاراتارلىقتاي ناتيجەگە قول جەتكىزدى، شينجياڭ قازىر ەكونوميكاسى، قوعامى جەدەل دامىعان، جالپىلىق قۋاتى كورنەكتى ارتقان، ءار ۇلت بۇقاراسى تيىمدىلىكتەن ەڭ كوپ كەنەلگەن مەزگىلدە تۇر، ءار ۇلت حالقىنىڭ ىنتىماقتاسا كۇرەس جۇرگىزۋىندەگى زاتتىق نەگىزى، ساياسي نەگىزى، يدەيالىق نەگىزى، بۇقارالىق نەگىزى ۇزدىكسىز بەكەمدەلدى، ءتۇرلى ىستەر جاڭا تاريحي باستالۋ تۇيىنىندە تۇر.

حۋ جينتاۋ مىنانى دارىپتەدى: شينجياڭ قىزمەتىنىڭ ۇزاق ۋاقىتتىق امالياتى ورتالىقتىڭ ءار مەزگىلدەگى شينجياڭ قىزمەتى جونىندەگى باعىت - ساياساتىنىڭ دۇرىس ەكەندىگىن، ەلىمىزدىڭ مەملەكەت جاعدايىنا، شينجياڭنىڭ ءىس جۇزىندىگىنە جانە شينجياڭداعى ءار ۇلت حالقىنىڭ ءتۇبىرلى مۇددەسىنە ۇيلەسەتىندىگىن ايگىلەدى. ءبىز شينجياڭدى دامىتۋ قىزمەتىنىڭ قۇندى تاجىريبەلەرىن مۇقيات قورىتىندىلاپ جانە ۇزدىكسىز بايىتىپ، جاڭا جاعدايداعى شينجياڭ قىزمەتىن شىنايى ويداعىداي ىستەۋىمىز كەرەك. شينجياڭنىڭ ەكونوميكاسى مەن قوعامى جەدەل دامىعان جاعدايدا ءبىز تاريحي، جاراتىلىستىق، قوعامدىق سەبەپتەردەن شينجياڭ مەن ەلىمىزدىڭ شىعىس بولەگىندەگى رايونداردىڭ دامۋىندا كورنەكتى پارىق بار ەكەندىگىن سەرگەكتىكپەن كورە ءبىلۋىمىز كەرەك. ەلىمىزدىڭ باسقا جەرلەرىندەگى سياقتى شينجياڭداعى قوعامدىق باستى قايشىلىق ءالى دە حالىقتىڭ كۇننەن كۇنگە ارتتىرىپ وتىرعان زاتتىق مادەنيەت قاجەتى مەن مەشەۋ قوعامدىق ءوندىرىس اراسىنداعى قايشىلىق. سونىمەن بىرگە، بولشەكتەۋشى ەلەمەنتتەردىڭ وتاندى بولشەكتەۋ قيمىلى شينجياڭدا ءالى دە ورىن تەۋىپ وتىر. بۇل جاڭا جاعدايدا شينجياڭ قىزمەتىن ويداعىداي ىستەۋدە، ءسوزسىز، شينجياڭنىڭ سەكىرمەلى دامۋى مەن باياندى تىنىشتىعىن ىلگەرىلەتۋ سىندى كەلەلى ءارى شۇعىل مىندەتتى تىعىز توڭىرەكتەي وتىرىپ جۇرگىزۋدى بەلگىلەگەن.

كەزەكتەگى جانە الداعى ءبىر مەزگىلدەگى شينجياڭ قىزمەتىنىڭ جەتەكشى يدەياسى: جۇڭگوشا سوتسياليزم ۇلى تۋىن بيىك كوتەرىپ، دىڭ شياۋپيڭ نازارياسى مەن «ۇشكە ۋاكىلدىك ەتۋ» ماڭىزدى يدەياسىن جەتەكشى ەتىپ، عىلمي دامۋ كوزقاراسىن ىشكەرىلەي دايەكتى تياناقتاندىرىپ، جۇڭگو كوممۋنيستىك پارتياسىنىڭ باسشىلىعىنا، سوتسياليستىك تۇزىمگە، ۇلتتىق تەرريتوريالى اۆتونوميا تۇزىمىنە، ءار ۇلت حالقىنىڭ ىنتىماقتاسا كۇرەس جاساۋ، ورتاق گۇلدەنىپ - كوركەيۋ ، شينجياڭدى ورنىقتىرىپ، شينجياڭدى كوركەيتۋ، حالىقتى اۋقاتتاندىرىپ، شەكارانى بەكەمدەۋ ستراتەگياسىندا تاباندى بولىپ، عىلمي دامۋدى ىلگەرىلەتۋدى باستان - اياق بارلىق ماسەلەنى شەشۋدىڭ نەگىزى، رەفورما جاساپ، ەسىك اشۋدى دامۋدى جەدەلدەتۋدىڭ قوزعاۋشى كۇشى، حالىق تۇرمىسىنا كەپىلدىك ەتۋ مەن ونى جاقسارتۋدى بارلىق قىزمەتتىڭ نەگىزى جانە تياناعى، ۇلتتار ىنتىماعىن كۇشەيتۋدى باياندى تىنىشتىقتىڭ نەگىزگى كەپىلى، قوعام ورنىقتىلىعىن قورعاۋدى دامۋدى ىلگەرىلەتۋدىڭ نەگىزگى العى شارتى ەتىپ شينجياڭنىڭ سەكىرمەلى دامۋى مەن باياندى تىنىشتىعىن قۇلشىنا جەبەۋ.

حۋ جينتاۋ مىنانى اتاپ كورسەتتى: جاڭا جاعدايداعى شينجياڭ قىزمەتىنىڭ نىساناسى مەن مىندەتى - جۇڭگوشا ەرەكشەلىككە يە، شينجياڭنىڭ ءىس جۇزىندىك دامۋىنا ۇيلەسەتىن جولمەن جۇرۋدە تاباندى بولىپ، ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، سونداي - اق ەكولوگيالىق وركەنيەت قۇرىلىسى مەن پارتيا قۇرىلىسىن جاپپاي ىلگەرىلەتىپ، 2015 - جىلعا بارعاندا شينجياڭنىڭ ادام باسىنا تۋرا كەلەتىن ءوندىرىس جالپى ءونىم قۇنىن مەملەكەتتىڭ ورتاشا ورەسىنە، قالا - قالاشىق تۇرعىندارىنىڭ كىرىسى مەن ادام باسىنا تۋرا كەلەتىن الەۋمەتتىك قىزمەت وتەۋ قۋاتىن باتىس رايونداردىڭ ورتاشا ورەسىنە جەتكىزىپ، نەگىزدىك قۇرىلعى قۇرىلىسىن كورنەكتى جاقسارتىپ، ءوزىن - ءوزى دامىتۋ قۋاتىن كورنەكتى جوعارىلاتىپ، ۇلتتار ىنتىماعىن كورنەكتى نىعايتىپ، قوعام ورنىقتىلىعىن بارىنشا بەكەمدەۋ؛ 2020 - جىلعا بارعاندا شينجياڭنىڭ وڭىرلىك سايكەستى دامۋىن جەبەپ، حالىقتى اۋقاتتاندىرىپ، ەكولوگيالىق ورتانى جاقسارتىپ، ۇلتتار ىنتىماعىن نىعايتىپ، قوعام ورنىقتىلىعىن ساقتاپ، شەكارانى بەكەمدەپ، وركەنيەتتى العا باستىرىپ، دوڭگەلەك داۋلەتتى قوعام قۇرۋ كۇرەس نىساناسىن جۇزەگە اسىرۋعا كەپىلدىك ەتۋ كەرەك.

حۋ جينتاۋ مىنانى باسا دارىپتەدى: جاڭا جاعدايداعى شينجياڭ قىزمەتىنىڭ جەتەكشى يدەياسى مەن نىسانالىق مىندەتىن دايەكتى تياناقتاندىرۋدا بىرىنشىدەن، عىلمي دامۋ كوزقاراسىنىڭ تالابىنا ساي شينجياڭنىڭ سەكىرمەلى دامۋىن ىلگەرىلەتىپ، عىلمي دامۋ جولىمەن ءجۇرۋدى، دامۋدى جەدەلدەتۋدى باستان - اياق شينجياڭنىڭ ماسەلەسىن شەشۋدەگى ءتۇبىرلى جول رەتىندە قاراپ، ەكونوميكا مەن قوعامنىڭ ءارى ويداعىداي، ءارى جەدەل دامۋىن بۇلجىماي ىلگەرىلەتۋ كەرەك. ەكىنشىدەن، ءار ۇلت حالقىنىڭ تۇرمىس ورەسىن جوعارىلاتۋدى باستان - اياق بارلىق قىزمەتتىڭ نەگىزى جانە تياناعى ەتىپ، بۇقارالار ارمانداعان ءىستى ويداعىداي ىستەپ، ءار ۇلت جۇرتشىلىعىنىڭ، اسىرەسە، شارۋالاردىڭ ءوندىرىس، تۇرمىس شارت - جاعدايىن جاقسارتۋدى جەدەلدەتۋ كەرەك. ۇشىنشىدەن، ءار ۇلت حالقىنىڭ ىنتىماقتاسا كۇرەس جاساۋ، بىرگە گۇلدەنىپ - كوركەيۋ باستى تاقىرىبىن مىقتى يگەرىپ، ۇلتتار ىنتىماعى ۇلى تۋىن باستان - اياق بيىل كوتەرىپ، شينجياڭنىڭ سەكىرمەلى دامۋى مەن باياندى تىنىشتىعىن ىلگەرىلەتۋدىڭ مىعىم بىرىككەن كۇشىن قالىپتاستىرۋ كەرەك. تورتىنشىدەن، رەفورما مەن دامۋدى جەبەۋدى ورنىقتىلىقتى قورعاۋمەن ۇشتاستىرىپ، دامۋ مەن ورنىقتىلىقتى بىردەي يگەرۋدە تاباندى بولىپ، قوعام ورنىقتىلىعىن، سوتسياليستىك زاڭ - ءتۇزىمدى، حالىق جۇرتشىلىعىنىڭ ءتۇبىرلى مۇددەسىن، وتاننىڭ تۇتاستىعىن، ۇلتتار ىنتىماعىن قورعاپ، شينجياڭنىڭ قوعامدىق جالپى جاعدايىنىڭ ورنىقتىلىعىنا كەپىلدىك ەتۋ كەرەك.

حۋ جينتاۋ مىنانى باسا دارىپتەدى: شينجياڭنىڭ ەكونوميكاسى مەن قوعامىنىڭ ءارى ويداعىداي، ءارى جەدەل دامۋىن ىلگەرىلەتۋدە ورتالىقتىڭ شەشىمدەرى مەن ورنالاستىرۋلارىن شينجياڭنىڭ ءىس جۇزىندىگىمەن تىعىز ۇشتاستىرۋدا تاباندى بولىپ، جۇرت تىلەگى مەن كۇش - قۋاتىن عىلمي دامۋ نەگىزىندە ويداعىداي ۇيىستىرىپ، تابان تىرەر تياناقتى ءوزىن دامىتۋ قۋاتىن كۇشەيتۋگە قويۋ، مەملەكەتتىڭ ساياسات جاعىنداعى قولداۋى مەن بۇكىل ەلدەگى جەر - جەردىڭ كومەگىنەن تولىق پايدالانىپ، ءوزىنىڭ ءتيىستى ابزالدىلىعى مەن كومەسكى دامۋ ابزالدىلىعىن، ءار ۇلت كادرلارى مەن جۇرتشىلىعىنىڭ بەلسەندىلىگىن، ىرىقتىلىعىن، جاسامپازدىعىن تولىق ساۋلەلەندىرىپ، جوعارى باستالۋ تۇيىنىندە تۇرىپ، جوعارى ورەدە، جوعارى ءونىمدى دامۋدى كۇش سالا ىلگەرىلەتىپ، باتىس رايوندارمەن بولعان دامۋداعى پارىقتى ازايتۋدى جەدەلەتىپ، وڭتۇستىك - سولتۇستىك شينجياڭنىڭ سايكەستى دامۋىن جەبەپ، قالا مەن اۋىل - قىستاقتىڭ ەكونوميكاسىن، قوعامىن دامىتۋدى ءبىر تۇلعالاندىرۋدىڭ تىڭ جاعدايىن جاراتۋدى، ءار ۇلت حالقىنىڭ تۇرمىس ورەسىن جوعارىلاتۋدى جەدەلدەتۋ كەرەك.

حۋ جينتاۋ مىنالاردى باسا دارىپتەدى: ەكونوميكالىق قۇرىلىستى بارىنشا ىلگەرىلەتىپ، ەكونوميكانى دامىتۋ اياق الىسىن جەدەلدەتىپ، بايلىق ابزالدىعىن ەكونوميكالىق ابزالدىققا اينالدىرىپ، ابزال، ەرەكشە كاسىپتەردىڭ دامۋىن سۇيەمەلدەپ، اۋىل شارۋاشىلىعىنىڭ ۋنيۆەرسالدى ءوندىرىس قۋاتى قۇرىلىسىن كۇشەيتىپ، عىلىم - تەحنيكادا جاڭالىق جاراتۋ جۇيەسى قۇرىلىسىن جەدەلدەتىپ، جوعارى، جاڭا تەحنيكالىق كاسىپتەردى، ساياحات كاسىبىن دامىتىپ، وڭىرلەردىڭ سايكەستى دامۋىن جەبەپ، نەگىزدىك قۇرىلعىلار قۇرىلىسىن ىلگەرىلەتىپ، ورتالىقتىڭ نەگىزگى قۇرىلىسقا قارجى قوسىپ قاتىناس نەگىزدىك قۇرىلعىلار قۇرىلىسىن قولداۋ تەبىنىن ارتتىرىپ، حالىققا قولايلى نەگىزدىك قۇرىلعىلار قۇرىلىسى وبيەكتىسىن الدىمەن ورنالاستىرۋ كەرەك. قوعامدىق قۇرىلىستى بارىنشا ىلگەرىلەتىپ، ءتىپتى دە كوپ قارجى قۋاتىن  الەۋمەتتىك قىزمەت وتەۋ سالاسىنا جۇمساپ، كەلەلى الەۋمەتتىك سيپاتتى وبيەكتى جاعىنا تياناقتاندىرىپ، قوعامدىق ىستەردى دامىتۋ ورەسىن جوعارىلاتىپ، الەۋمەتتىك قىزمەت وتەۋ ورەسىن جوعارىلاتىپ، ءار دارەجەلى، ءار ءتۇرلى وقۋ - اعارتۋدى جاپپاي دامىتىپ، مەملەكەتتىڭ ءتىل - جازۋدى ءبىر تۇتاس قولدانۋ زاڭىن دايەكتى تياناقتاندىرىپ، قالا - اۋىل تۇرعىندارىنىڭ قوعامدىق قامتاماسىزداندىرۋ جۇيەسى مەن قوعامدىق قۇتقارۋ - كومەك بەرۋ جۇيەسىن قۇرىپ جانە جالپىلاستىرىپ، جاڭاشا اۋىل - قىستاق قوعامدىق زەينەتكەرلىك قامسىزداندىرۋ ءتۇزىمىن ورناتۋدى جەدەلدەتىپ، 2012 - جىلعا بارعاندا العاشقى قادامدا قالا - اۋىل تۇرعىندارىنىڭ نەگىزگى ەمدەلۋ - دەنساۋلىق ساقتاۋ ءتۇزىمىن ورناتىپ، ءار ۇلت جۇرتشىلىعىن بىرتىندەپ وسى زامانعى مادەنيەت تۇرمىسىنان يگىلىكتەندىرۋ كەرەك. ەكولوگيالىق مادەنيەت قۇرىلىسىن بارىنشا ىلگەرىلەتىپ، ەكولوگيالىق حاۋىپسىز قورعان قۇرۋدى جەدەلدەتىپ، اينالىم ەكونوميكاسىن بەلسەنە دامىتىپ، قالا تۇرعىندارىنىڭ تۇرعىن ءۇي ورتاسىن جاقسارتىپ، اۋىل - قىستاقتىڭ ەكولوگياسىن ۋنيۆەرسالدى وڭاۋدى ىلگەرىلەتىپ، شينجياڭنىڭ تاۋ - وزەندەرىنىڭ كورىكتى، جاسىلدىعىنا كەپىلدىك ەتۋ كەرەك. ءتۇزىلىس رەفورماسىن ىلگەرىلەتىپ، ءىش پەن سىرتقا ەسىك اشۋ اياق الىسىن جەدەلدەتىپ، بازاردىڭ بايلىقتى ءبولىپ ورنالاستىرۋداعى نەگىزدىك رولىن ءتىپتى دە ساۋلەلەندىرىپ، شينجياڭنىڭ ىشكى ولكەلەرمەن ەكونوميكالىق - تەحنيكالىق ىستەستىگىن قولداپ - قۋاتتاپ، شەكارا ءوڭىردى اشۋ تەبىنىن ارتتىرىپ، شينجياڭدى ەلىمىزدىڭ سىرتقا ەسىك اشۋىنداعى ماڭىزدى قاقپا جانە بازا ەتىپ قۇلشىنا قۇرىپ شىعۋ كەرەك. شينجياڭعا سالالار بويىنشا كومەكتەسۋ قىزمەتىن بارىنشا كۇشەيتىپ، ورتالىقتىڭ ءمان بەرۋى مەن مەملەكەت بويىنشا قولداۋ كورسەتۋدى شينجياڭداعى ءار ۇلت كادر - جۇرتشىلىعىنىڭ ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋىمەن ۇشتاستىرىپ، ەلىمىزدىڭ سوتسياليستىك ءتۇزىمىنىڭ ابزالدىعىن تولىق ساۋلەلەندىرۋ كەرەك.

حۋ جينتاۋ مىنالاردى اتاپ كورسەتتى: حالىق تۇرمىسىن بارىنشا قامتاماسىزداندىرىپ جانە جاقسارتىپ، قالا - اۋىل تۇرعىندارىنىڭ تۇرمىس ورەسىن جوعارىلاتۋدى جەدەلدەتۋ كەرەك. ورتالىقتىڭ شينجياڭعا قوسقان قارجىسى مەن ولكە، قالالارعا بەرگەن كومەك قارجىسىن ءار ۇلت جۇرتشىلىعىنىڭ ءوندىرىس - تۇرمىس شارت - جاعدايىن جاقسارتۋعا ءتۇيىندى ىستەتىپ، بايلىق باجىسى سياقتى جاقتارداعى رەفورمالار ارقىلى ارتتىرىلعان قازىنا قۋاتىن حالىق تۇرمىسىن جاقسارتۋعا ءتۇيىندى تۇردە ىستەتىپ، بايلىقتان شينجياڭداعى ءار ۇلت جۇرتشىلىعىن ءتىپتى دە تىكە يگىلىكتەندىرۋ كەرەك. كاسىپتەندىرۋ ارەكەت جوسپارىن جاپپاي ىلگەرىلەتىپ، ءتىپتى دە كوپ جۇمىس ورنىن ازىرلەپ، ءار ۇلت جۇرتشىلىعىنىڭ كاسىپتەنۋ قۋاتىن جوعارىلاتىپ، كەدەيلەردى سۇيەمەلدەۋ - سەرپىلتۋ تەبىنىن ارتتىرىپ، اۋىل - قىستاقتاعى تومەن كىرىستى جان سانى جونىنەن كەدەيلەردى سۇيەمەلدەۋ ساياساتىن جاپپاي اتقارىپ، 2020 - جىلعا بارعاندا كەدەيلىكتەن تۇبەگەيلى ارىلتۋ كەرەك. قالا - اۋىلداردىڭ الەۋمەتتىك مادەنيەت قىزمەت وتەۋدى جالپىلاستىرۋ جۇيەسىن قالىپتاستىرىپ، الەۋمەتتىك مادەنيەت نەگىزدىك قۇرىلعىلار قۇرىلىسى مەن مادەنيەت بازاسى قۇرىلىسىن جەدەلدەتىپ، مادەنيەتتە حالىققا تيىمدىلىك جاساۋ ينجەنەرياسىن ۇزدىكسىز اتقارىپ، ءار ۇلت جۇرتشىلىعىن باي مازمۇندى، الۋان ءتۇرلى، اقاۋسىز، العاباسار رۋحاني وركەنيەت تۇرمىسىنان يگىلىكتەندىرۋ كەرەك.

حۋ جينتاۋ مىنالاردى باسا دارىپتەدى: پارتيانىڭ ۇلت، ءدىن ساياساتىن جاپپاي دايەكتىلەندىرىپ، ۇگىت، يدەيا، مادەنيەت قىزمەتىن جالپى بەتتىك كۇشەيتىپ جانە جاقسارتىپ، سوتسياليستىك وزەكتى قۇن جۇيەسى ۇگىت - تاربيەسىن ىشكەرىلەي ورىستەتىپ، سوتسياليستىك وزىق مادەنيەتتى ساۋلەلەندىرىپ، ۇلتتار ىنتىماعى ۇگىت - تاربيەسى مەن ۇلتتار ىنتىماعى العاباسارلىعى قيمىلىن كەڭ كولەمدى ورىستەتىپ، ءار ۇلت جۇرتشىلىعىنىڭ ۇلى وتان، جۇڭحۋا ۇلتتارى، جۇڭحۋا مادەنيەتى، جۇڭگوشا سوتسياليزم جولى تانىمىن كۇشەيتىپ، ءار ۇلت كادر - جۇرتشىلىعىنىڭ ىنتىماقتاسا كۇرەس جۇرگىزۋ، بىرگە كوركەيىپ - دامۋ يدەيالىق نەگىزىن بەكەمدەپ، ۇلتتاردىڭ تاتۋ - ءتاتتى، بەرەكە - بىرلىكتە، جاراسىمدى دامۋىن ىلگەرىلەتۋ كەرەك. ارميانى قورعاپ، ولاردىڭ وتباسىنداعىلارعا قامقورلىق جاساۋدا، ۇكىمەتتى قورعاپ، حالىقتى سۇيۋدە تاباندى بولىپ، ارميا مەن حالىق بىرلىكتە قۇرۋدى بەلسەنە ورىستەتىپ، ارميا مەن ۇكىمەت، ارميا مەن حالىق بىرلەسىپ ساقتانۋدى كۇشەيتىپ، ارميا مەن ۇكىمەتتىڭ، ارميا مەن حالىقتىڭ ىنتىماعىن بەكەمدەۋ كەرەك. دامۋ ارقىلى ورنىقتىلىقتى ىلگەرىلەتىپ، ورنىقتىلىق ارقىلى دامۋدى جەبەپ، نەگىزگى زاڭ مەن زاڭ - ءتۇزىمدى جاپپاي، باتىل اتقارىپ، قوعامدىق باسقارۋ ءتۇزىلىسىن اقاۋسىزداندىرىپ، نەگىزگى ساتى قىزمەتى مەن بۇقارالىق قىزمەتتى، يدەيالىق - ساياسي قىزمەتتى كۇشەيتىپ، پارتيا مەن ۇكىمەت نەگىزىنەن جەتەكشىلىك ەتكەن جۇرتشىلىقتىڭ ۇقىق - مۇددەسىن قورعاۋ مەحانيزمىن ورناتىپ، قوعام اماندىعىن ۋنيۆەرسالدى وڭاۋدى كۇشەيتىپ، تىنىشتىق قۇرىلىسىن ىشكەرىلەي ىلگەرىلەتىپ، ۇلتتىق بولشەكتەۋشى كۇشتەرگە ايقىن تۋ ۇستاي وتىرىپ قارسى تۇرىپ جانە ولارعا سوققى بەرىپ، حالىقتىڭ كاسىپپەن الاڭسىز شۇعىلدانۋىنا، قوعامنىڭ تىنىش، ءتارتىپتى بولۋىنا كەپىلدىك ەتۋ كەرەك.

حۋ جينتاۋ مىنانى اتاپ كورسەتتى: پارتيا باسشىلىعى - جاڭا جاعدايدا شينجياڭ قىزمەتىن جاقسى ىستەۋدىڭ تەتىگى، شينجياڭنىڭ سەكىرمەلى دامۋى مەن باياندى تىنىشتىعىنىڭ ءتۇبىرلى كەپىلى. پارتيانىڭ 17 - قۇرىلتايى مەن پارتيا 17 - كەزەكتى ورتالىق كوميتەتى 4 - جالپى ءماجىلىسىنىڭ ورنالاستىرۋى بويىنشا، رەفورما جاساۋ، جاڭالىق جاراتۋ رۋحىمەن پارتيا قۇرىلىسىن كۇشەيتىپ جانە جاقسارتىپ، پارتيانىڭ يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتۇزىم قۇرىلىسىن جانە ءىرىپ - شىرۋگە قارسى تۇرىپ، پاكتىكتى دارىپتەۋ قۇرىلىسىن جان - جاقتى ىلگەرىلەتىپ، نەگىزگى ساتىنىڭ پارتيا قۇرىلىسىن، باسشىلىق القا قۇرىلىسى مەن كادرلار قوسىنى قۇرىلىسىن، پارتيا ستيلى، پاكتىك قۇرىلىسىن شىنايى كۇشەيتىپ، پارتيا قۇرىلىسىنىڭ عىلميلاندىرىلۋ ورەسىن جاپپاي جوعارىلاتىپ، شينجياڭنىڭ سەكىرمەلى دامۋى مەن باياندى تىنىشتىعىن ىلگەرىلەتۋدى مىعىم، پارمەندى ساياسي جانە ۇيىمدىق كەپىلدىككە يە ەتۋىمىز كەرەك.

 حۋ جينتاۋ مىنانى باسا دارىپتەدى: شينجياڭ ءوندىرىس - قۇرىلىس بيڭتۋانى شينجياڭدا ءىرى قوسىن قۇرۋ، تىرەكتىك، قۇرىش قورعاندىق رولىن ساۋلەلەندىرۋدە. شينجياڭ ۇيعۇر اۆتونوميالى رايونىن قولداۋ ساياساتى بيڭتۋانعا دا ۇيلەسەدى. قيىنشىلىعى بار وڭىرلەر مەن سالالار بويىنشا وڭىرلەردى سۇيەمەلدەۋ ساياساتى دا سول ورىنداعى بيڭتۋاندار مەن ديۆەزيا، الاڭدارعا ۇيلەسەدى. قالاشىقتاندىرۋدى، جاڭاشا ونەركاسىپتەندىرۋدى، اۋىل شارۋاشىلىعىن وسىزامانداندىرۋدى بيڭتۋاننىڭ ەرەكشە ءتۇزىلىسى مەن سوتسياليستىك بازار شارۋاشىلىعى ءتۇزىلىسىن تىعىز ۇشتاستىرۋدىڭ ءونىمدى شاراسىنا اينالدىرىپ، ورتالىقتىڭ مەجە ەسەپ ىشىندەگى قارجىسى مەن مەملەكەت مەنشىگىندەگى كاپيتال تيجاراتى مەجە ەسەبى سياقتى جولدارمەن بيڭتۋاننىڭ ءوندىرىسىنىڭ دامۋىن سۇيەمەلدەپ، بيڭتۋانعا  قازىنالىق جاقتان كومەك بەرۋ تەبىنىن ارتتىرىپ، ورتالىق قازىنانىڭ بيڭتۋاننىڭ الەۋمەتتىك ىستەرىنىڭ دامۋىن قامتاماسىزداندىرۋ دەڭگەيىن جوعارىلاتىپ، بيڭتۋانداعى كادرلار مەن دارىندىلار قوسىنى قۇرىلىسىن كۇشەيتىپ، بيڭتۋاننىڭ ءوزىن - ءوزى دامىتۋ قۋاتىن ارتتىرىپ، بيڭتۋان ورنىنىڭ تىڭ يگەرۋ، شەكارانى قورعاۋداعى ماڭىزدى بورىشىن شىنايى اتقارۋىن قولداۋ كەرەك.

 حۋ جينتاۋ سوڭىندا مىنانى اتاپ كورسەتتى: پارتيا ورتالىق كوميتەتى مەن مەملەكەتتىك كەڭەستىڭ پارمەندى باسشىلىعىندا، ەلىمىزدىڭ سوتسياليستىك ءتۇزىمىنىڭ ابزالدىعى، ەلىمىزدەگى ءار ۇلت حالقىنىڭ زور كۇشپەن قولداۋى، شينجياڭداعى ءار ۇلت كادرلارى مەن بۇقارانىڭ ىنتىماقتاسىپ كۇرەس جاساۋىندا، شينجياڭنىڭ سەكىرمەلى دامۋى مەن باياندى تىنىشتىعىن ىلگەرىلەتۋ ستراتەگيالىق نىساناسى،ءسوزسىز، جۇزەگە اسىرىلادى، شينجياڭداعى ءار ۇلت بۇقاراسىنىڭ تۇرمىسى، ءسوزسىز، بارعان سايىن جاقسارا تۇسەدى.

 ۋىن جياباۋ مىنانى اتاپ كورسەتتى: جاڭا جاعدايدا شينجياڭنىڭ ەكونوميكاسىنىڭ، قوعامىنىڭ جەدەل دامۋىن ىلگەرىلەتۋ ءۇشىن، ءسوزسىز، ساياساتتىق قولداۋ تەبىنىن ارتتىرۋ كەرەك. ورتالىق مىنانى ۇيعاردى: بايلىق باجىسى رەفورماسىن شينجياڭدا الدىمەن جۇرگىزىپ، وڭدەلمەگەن مۇناي، جاراتىلىستىق گاز بايلىعى باجىسىن مولشەرگە قاراي جيۋدى باعاسىنا قاراي جيۋعا وزگەرتۋ؛ شينجياڭنىڭ قيىنشىلىعى بار وڭىرلەرىندەگى شارت - جاعدايى ۇيلەسەتىن كاسىپورىندارعا كاسىپورىن تابىس باجىسىنداعى «ەكىنى كەشىرىم ەتۋ، ءۇشتى جارتىلاي ازايتۋ» تيىمدىلىگىن بەرۋ؛ ورتالىقتىڭ قازىناسىن شينجياڭعا جانە شينجياڭداعى بيڭتۋان ورىندارىنا باعىتتاپ، «12 - بەس جىلدىق» مەزگىلىندە شينجياڭنىڭ قوعامدىق تۇراقتى مۇلىككە قارجى قوسۋ كولەمىن «11 - بەس جىلدىق» مەزگىلىندەگىدەن ءبىر ەسەدەن ارتىق مولايتۋ؛ ءتۇرلى بانكە قۇرىلىمدارىنىڭ شالعاي رايونداردا قىزمەت وتەۋ توراپ تۇيىندەرىن قۇرۋىنا دەم بەرىپ، جارنا تۇزىمىندەگى ساۋدا بانكەلەرى مەن شەتەل كاپيتالى بانكەلەرىن شينجياڭدا بولىمشە قۇرىلىمدارىن قۇرۋعا شابىتتاندىرۋ؛ قۇرىلىسقا ىستەتىلەتىن جەر كولەمى مەن جاڭادان سالىناتىن قۇرىلىستارعا ىستەتىلەتىن جەر كولەمىنىڭ ىستەتىلمەگەن جەردەگى يەلەۋ كورسەتكىشىن ۇيلەسىمدى ارتتىرۋ؛ شينجياڭداعى بايلىق باسىمدىعىنا يە، سول ءوڭىر مەن اينالاسىنداعى وڭىرلەردىڭ بازار قاجەتىنە يە كاسىپتەرگە قويىلاتىن شەكتەمەنى ۇيلەسىمدى تۇردە بوساڭسىتۋ؛ تابيعي گازدى پايدالانۋ ساياساتىن بىرتىندەپ ىرقىنا قويا بەرىپ، جەرگىلىكتى ورىنداردىڭ تابيعي گازدان پايدالانۋ كولەمىن ارتتىرۋ.

ورتالىق بەلگىلەگەن بۇل ساياساتتىق شارالار مىنالار: حالىق تۇرمىسىن قامتاماسىزداندىرۋ مەن جاقسارتۋدا تاباندى بولۋدى شينجياڭنىڭ دامۋىنداعى باستى نىسانا ەتىپ، ەكونوميكانىڭ دامۋىن جەدەلدەتۋدى قوعامدىق ىستەردى دامىتۋمەن، حالىق تۇرمىسىنا ساياتىن كورنەكتى ماسەلەلەردى ءبىر جاقتى ەتۋمەن بىرلەستىرۋ؛ عىلمي دامۋعا تاباندى بولۋدى شينجياڭ ماسەلەسىن شەشۋدەگى ءتۇبىرلى شارا رەتىندە قاراپ، قىسقا مەرزىمدىك كورنەكتى قيىنشىلىقتاردى شەشۋدى ەكونوميكانىڭ باياندى دامۋ نەگىزىمەن بىرلەستىرۋ؛ رەفورما جاساۋ، ەسىك اشۋ ارقىلى دامۋداعى قيىن ماسەلەلەردى شەشۋدە تاباندى بولىپ، ۇكىمەتتىڭ رولىن ءونىمدى ساۋلەلەندىرۋدى بازار مەحانيزمىنەن تولىق پايدالانۋمەن بىرلەستىرۋ؛ شينجياڭنىڭ وزىندىك دامۋ قۋاتىن ارتتىرۋدى تياناق ەتىپ، ورتالىق پەن تۋىسقان ولكە، قالالاردىڭ قولداپ - قۋاتتاۋىن، كومەك بەرۋىن شينجياڭنىڭ وزىندىك ابزالدىعىن تولىق ساۋلەلەندىرۋمەن، كومەسكى دامۋ ابزالدىعىمەن بىرلەستىرۋ.  بۇل ورتالىقتىڭ شينجياڭنىڭ جەدەل دامۋىن ىلگەرىلەتۋدەگى بەرىك سەنىمىن اڭعارتادى.

ۋىن جياباۋ الداعى ءبىر مەزگىلدەگى شينجياڭنىڭ ەكونوميكاسىن، قوعامىن دامىتۋ قىزمەتى جونىندە ناقتى ورنالاستىرۋ جاسادى. حالىق تۇرمىسىن جاقسارتۋدى ءتۇيىن ەتكەن قوعامدىق قۇرىلىستى جەدەل ىلگەرىلەتىپ، كەدەي رايونداردىڭ دامۋىنا بارىنشا قولداۋ كورسەتۋدى؛ نەگىزدىك قۇرىلعى مەن ەكولوگيالىق ورتا قۇرىلىسىن كۇشەيتۋدى؛ ەرەكشە ابزال كاسىپتەردى بارىنشا دامىتۋدى؛ ستراتەگيالىق تۇرعىدان شينجياڭنىڭ ەل ءىشى - سىرتىنا ەسىك اشۋىن كەڭەيتىپ، ەلىمىزدىڭ باتىسقا ەسىك اشۋداعى قامالىنا اينالدىرۋدى؛ شينجياڭ ءوندىرىس - قۇرىلىس بيڭتۋانىنىڭ جالپىلىق قۋاتىن قۇلشىنا جوعارىلاتىپ، شينجياڭنىڭ ورنىقتىلىعى مەن گۇلدەنىپ - كوركەيۋىندەگى ەرەكشە رولىن ساۋلەلەندىرۋدى؛ مەملەكەت قۋاتىن نىعايتۋدا شينجياڭ سىندى ۇلى وتاننىڭ ىرىستى القابىن ءتىپتى دە كوركەم ەتىپ قۇرىپ شىعۋدى تالاپ ەتتى.

جوۋ يۇڭكاڭ ءماجىلىس اياقتالاردا مىنانى اتاپ كورسەتتى: ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ اشىلۋى - شينجياڭ قىزمەتى تاريحىندا بەلەستىك مانگە يە بولىپ قالماستان، پارتيا مەن مەملەكەت قىزمەتىندە جالپى جاعداي سيپاتىندىق مانگە يە. وڭىرلەر، تاراۋلار، ورىندار يدەيا مەن ارەكەتتى ورتالىقتىڭ رۋحى بويىنشا بىرلىككە كەلتىرىپ، ءماجىلىستىڭ كەلەلى ءمانىن جەتە تانىپ، ورتالىقتىڭ شەشىمدەرى مەن ورنالاستىرۋلارىن ىشكەرىلەي ۇعىنىپ، سەنىمدى اناعۇرلىم بەكەمدەپ، رۋحتى سەرپىلتىپ، گۇلدەنىپ - كوركەيگەن، قۇدىرەتتى، جاراسىمدى، ورنىقتى سوتسياليستىك شينجياڭدى جەدەل قۇرىپ شىعۋ ءۇشىن قۇلشىنا كۇرەس جاساۋى كەرەك.

جوۋ يۇڭكاڭ مىنانى باسا دارىپتەدى: وڭىرلەر، تاراۋلار، ورىندار شينجياڭنىڭ سەكىرمەلى دامۋى مەن باياندى تىنىشتىعىن ىلگەرىلەتۋدى پارتيا مەن مەملەكەت قىزمەتىنىڭ جالپى جاعدايى نەگىزىندە جوسپارلاپ، ءوز وڭىرىنىڭ، تاراۋىنىڭ، ورنىنىڭ تۇلعالىق قىزمەتىنە ەنگىزۋ، كۇشتى شوعىرلاندىرىپ، تۇرعىن ءۇي قۇرىلىسى، ەلەكتر، گاز ىستەتۋ، ەڭبەكاقى مامىلەسى، قوعامدىق قامتاماسىزداندىرۋ، قوس ءتىل وقىتۋى، كاسىپتەنۋ جانە مادەنيەت، حالىق قالاۋى ينجەنەرياسى سياقتى حالىق تۇرمىسىن جاقسارتۋعا قاتىستى ءىرى ىستەردى ناقتى، ويداعىداي ىستەپ، ءار ۇلت بۇقاراسىنىڭ تۇرمىسىن اناعۇرلىم جاقسارتۋى كەرەك. دامۋدى جەدەلدەتىپ، عىلمي دامۋعا قاتىستى ساياساتتىق شارالاردى تياناقتاندىرۋدى مىقتى يگەرىپ، شينجياڭنىڭ ەكونوميكاسى مەن قوعامىنىڭ ءارى ويداعىداي، ءارى جەدەل دامۋىن پارمەندى ىلگەرىلەتۋ كەرەك. ۇلتتار ىنتىماعىن كۇشەيتۋگە قاتىستى ساياساتتىق شارالاردى تياناقتاندىرۋدى مىقتى يگەرىپ، تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەۋ جانە دامىتۋ كەرەك. ورنىقتىلىقتى قورعاۋعا قاتىستى ساياساتتىق شارالاردى تياناقتاندىرۋدى مىقتى يگەرىپ، جاراسىمدى، ورنىقتى قوعامدىق جاعدايدى بەكەمدەۋ جانە دامىتۋ كەرەك. شينجياڭ ۇيعۇر اۆتونوميالى رايونى، شينجياڭ ءوندىرىس - قۇرىلىس بيڭتۋانى تۇلعالىق رولىن تولىق ساۋلەلەندىرىپ، يدەيانى ازات ەتىپ، كوزقاراستا بۇرىلىس جاساپ، تاريحي سيپاتتى ورايدى مىقتى يگەرىپ، جاپپاي دوڭگەلەك داۋلەتتى قوعام قۇرۋ نىساناسىن جۇزەگە اسىرۋعا كەپىلدىك ەتۋى كەرەك. وڭىرلەر شينجياڭنىڭ ءىسىن ءوزىنىڭ ءىسى رەتىندە قاراپ، سالالار بويىنشا كومەك بەرۋ قىزمەتىن ءتۇيىندى تۇردە ويداعىداي ىستەپ، شينجياڭنىڭ سەكىرمەلى دامۋى مەن باياندى تىنىشتىعىن قۇلشىنا قولداۋى كەرەك. ورتالىقتىڭ قاتىستى تاراۋلارى، ورىندارى قولداۋ كورسەتۋگە قاتىستى ساياسات، شارالاردى جاسامپازدىقپەن ويداعىداي تياناقتاندىرىپ، شينجياڭنىڭ دامۋى مەن ورنىقتىلىعىنا كەدەرگى بولاتىن ءتۇبىرلى، ۇزاق ۋاقىتتىق، نەگىزدىك سيپاتتاعى ماسەلەلەردى شەشۋ جاعىندا تىڭ قامال الۋعا كەپىلدىك ەتۋى كەرەك.

پارتيا ورتالىق كوميتەتى، مەملەكەتتىك كەڭەستىڭ قاتىستى مينيسترلىكتەرى مەن كوميتەتتەرى، شينجياڭ ۇيعۇر اۆتونوميالى رايونى، شينجياڭ ءوندىرىس - قۇرىلىس بيڭتۋانىنداعى نەگىزگى جاۋاپتى جولداستار مەن شينجياڭعا سالالار بويىنشا كومەكتەسۋدى مىندەتىنە العان ولكە، قالالاردىڭ جانە مەملەكەت مەنشىگىندەگى ءىرى كاسىپورىندارداعى جاۋاپتى جولداستار ماجىلىستە سوزگە شىقتى. ماجىلىسكە قاتىناسقان ۋاكىلدەر ءبىر اۋىزدان بىلاي دەپ قارادى: پارتيا ورتالىق كوميتەتى مەن مەملەكەتتىك كەڭەستىڭ شينجياڭ قىزمەتى جونىندەگى اڭگىمە ءماجىلىسىن اشىپ، شينجياڭنىڭ سەكىرمەلى دامۋى مەن باياندى تىنىشتىعىن ىلگەرىلەتۋ جونىندە ستىراتەگيالىق ورنالاستىرۋ جاساۋى - ورتالىقتىڭ شينجياڭدى ورنىقتىرىپ، شينجياڭدى گۇلدەندىرۋدەگى نەگىزگى جالپى جوباسىن بايىتىپ جانە دامىتىپ، حۋ جينتاۋ جولداس باس شۋجي بولعان پارتيا ورتالىق كوميتەتىنىڭ شينجياڭ حالقىنا بولعان شىنايى قامقورلىعىن، بۇكىل پارتيا، بۇكىل ارميا، بۇكىل ەل حالقىنىڭ شينجياڭعا بولعان زور قولداۋىن تولىق ايگىلەدى. ماجىلىسكە قاتىناسقان ۋاكىلدەر ءبىر اۋىزدان مىنانى ءبىلدىردى: وسكەلەڭ ساياسي جاۋاپكەرشىلىك پەن كۇشتى تاريحي بورىشتىلىق تانىمدا بولا وتىرىپ، ءماجىلىستىڭ رۋحىن ۇيرەنىپ، يگەرىپ، ورتالىقتىڭ شەشىمدەرى مەن ورنالاستىرۋلارىن دايەكتى تياناقتاندىرىپ، كوركەيىپ - گۇلدەنگەن، باي - باقىتتى، جاراسىمدى دا ورنىقتى سوتسياليستىك شينجياڭ قۇرىپ شىعۋ ءۇشىن ۇلەس قوسايىق.

وسى رەتكى ماجىلىسكە ۋاڭ گاڭ، ۋاڭ لىچۋان، ۋاڭ جاۋگو، ۋاڭ چيشان، حۇي لياڭيۇي، ليۋ چي، ليۋ يۇنشان، ليۋ ياندۇڭ، لي يۋانچاۋ، جاڭ دىجياڭ، شۇي سايحوۋ، حى يۇڭ، ليڭ جيحۋا، ۋاڭ حۋنيڭ، لياڭ گۋاڭليە، ما كاي، مىڭ جيانجۋ، داي بيڭگو، ۋاڭ شىڭجۇن، دۋ چيڭلين جانە ورتالىق اسكەري ىستەر كوميتەتىنىڭ مۇشەلەرى چىن بيڭدى، لي جيناي، لياۋ شيلۇڭ، چاڭ ۋانچۋان قاتارلى جولداستار قاتىناستى.

شينجياڭ ۇيعۇر اۆتونوميالى رايوندىق پارتكوم، ۇكىمەتتىڭ جانە اۆتونوميالى رايوننىڭ ءارقايسى قالا، ايماق، وبلىستارى مەن اۆتونوميالى رايوننىڭ قاتىستى تاراۋلارىنىڭ جاۋاپتى جولداستارى، شينجياڭ ءوندىرىس - قۇرىلىس بيڭتۋانى پارتيا، ۇكىمەتىنىڭ نەگىزگى جاۋاپتىلارى مەن بيڭتۋاننىڭ ءارقايسى ديۆيزياسىنىڭ جانە قاتىستى تاراۋلارىنىڭ نەگىزگى جاۋاپتىلارى، ءارقايسى ولكە، اۆتونوميالى رايون، توتە قاراستى قالالار مەن جوسپارى بولەك قالالاردىڭ جاۋاپتىلارى، پارتيا ورتالىعى مەن مەملەكەتتىك كەڭەستىڭ مينيسترلىكتەرىنىڭ، كوميتەتتەرىنىڭ جاۋاپتىلارى جانە حالىق ازاتتىق ارمياسىنىڭ، قارۋلى ساقشى ءبولىمىنىڭ قاتىستى جاۋاپتىلارى بولىپ 359 ادام ماجىلىسكە قاتىناستى.

