جاڭ چۇنشيان ورتالىقتىڭ شينجياڭ قىزمەتى جونىندەگى اڭگىمە ماجىلىسىنە قاتىناساتىن اۆتونوميالى رايون قىزمەتكەرلەرىنەن مىنانى تالاپ ەتتى

ءماجىلىستى وسكەلەڭ ساياسي جاۋاپكەرلىكپەن جانە

تاماشا رۋحاني بەينەمەن ويداعىداي اشۋ كەرەك

شينجياڭ گازەتى تورىنان. ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلۋ الدىندا مامىردىڭ 16 - كۇنى اۆتونوميالى رايون شينجياڭنىڭ بەيجيڭدەگى ءىس باسقارماسىندا جيىن اشىپ، اڭگىمە ءماجىلىسىن ويداعىداي اشۋ جونىندە قىزمەتكەرلەردى تاعى دا جۇمىلدىردى. اۆتونوميالى رايوندىق پارتكومنىڭ شۋجيى جاڭ چۇنشيان جيىندا ماجىلىسكە قاتىناساتىن شينجياڭداعى قىزمەتكەرلەردەن يدەيالىق تانىمدى اناعۇرلىم بىرلىككە كەلتىرىپ، ءماجىلىستى وسكەلەڭ ساياسي جاۋاپكەرلىكپەن جانە تاماشا رۋحاني بەينەمەن ويداعىداي اشىپ، اڭگىمە ءماجىلىسىنىڭ رۋحىن ويداعىداي ۇيرەنىپ، ويداعىداي يگەرۋدى تالاپ ەتتى.

جاڭ چۇنشيان بىلاي دەدى: ورتالىقتىڭ شينجياڭ قىزمەتى جونىندەگى اڭگىمە ءماجىلىسى - ورتالىقتىڭ شينجياڭدا رەفورما جاساۋ، قاقپا اشۋ جانە سوتسياليستىك وسىزامانداندىرۋ قۇرىلىسى ىستەرىنىڭ ماڭىزدى كەزەڭگە وتكەن مەزگىلىندە اشاتىن ءبىر رەتكى توتەنشە ماڭىزدى ءماجىلىس، وندا شينجياڭ قىزمەتىندە ءدوپ كەلىپ وتىرعان جاعداي مەن مىندەتتەرگە جاپپاي تالداۋ جاسالىپ، قازىرگى جانە بۇدان بىلايعى ءبىر مەزگىلدەگى شينجياڭ قىزمەتىنىڭ جەتەكشى يدەياسى، نىساناسى مەن مىندەتتەرى، ءتۇيىندى قىزمەتتەرى مەن كەلەلى ساياسي شەشىمدەرى ايقىندالادى، بۇل شينجياڭنىڭ سەكىرمەلى دامۋى مەن باياندى تىنىشتىعىن ىلگەرىلەتۋدە كەلەلى دە تەرەڭ ىقپال تۋدىرادى. ورتالىق وسى رەتكى اڭگىمە ءماجىلىسىن اشۋ ارقىلى بۇكىل پارتيا مەن بۇكىل ەلدەگى كۇشتى جۇمىلدىرىپ، ۇيىمداستىرىپ، جۇڭگوشا، شينجياڭنىڭ ءىس جۇزىندىگىنە ۇيلەسەتىن دامۋ جولىمەن ءجۇرىپ، 2020 - جىلعا بارعاندا شينجياڭنىڭ بۇكىل مەملەكەتپەن بىرگە جاپپاي دوڭگەلەك داۋلەتتى قوعام قۇرۋ نىساناسىن جۇزەگە اسىرۋىنا كەپىلدىك ەتپەكشى. اۆتونوميالى رايونىمىزدا جوعارىدان تومەنگە دەيىن وسى رەتكى ماجىلىسكە تولىق سەنىم بايلاۋدا، ماجىلىسكە قاتىناساتىن جولداستار ماڭىزدى بورىش پەن جاۋاپكەرلىكتى ارقالاپ وتىر. ءبىز، ءسوز جوق، مۇنى جالپى جاعداي جانە ستراتەگيالىق وسكەلەڭ تۇرعىدان ىشكەرىلەي تانىپ، جاپپاي يگەرىپ، جاۋاپكەرلىك تانىمىن، شۇعىلدىق تانىمىن، بورىشتىلىق تانىمىن شىنايى كۇشەيتىپ، ءتىپتى دە زور يرادا، ءتىپتى دە تەبىندى شارالارمەن ءتۇرلى جاقتاعى قىزمەتتى تىڭعىلىقتى دا ويداعىداي ىستەۋىمىز كەرەك.

جاڭ چۇنشيان بىلاي دەدى: جاعدايعا جەدەل ۇيلەسىپ، ءماجىلىس قۇجاتتارىن مۇقيات ۇيرەنىپ، رۋحاني ءمانىن يگەرىپ، ءىس جۇزىندىككە ۇشتاستىرا ىشكەرىلەي وي جۇگىرتىپ، شينجياڭ قىزمەتى ءدوپ كەلىپ وتىرعان جاڭا جاعدايدى، پارتيانىڭ شينجياڭ قىزمەتى جونىندەگى جەتەكشى يدەياسىن دۇرىس يگەرىپ، جاڭا جاعدايدا شينجياڭ قىزمەتى جونىندەگى نىسانا مەن مىندەتتەردى ويداعىداي ىستەۋدى اناعۇرلىم ايقىنداپ، ەندىگى ساتىدا اۆتونوميالى رايون بويىنشا ءماجىلىس رۋحىن مۇقيات ۇيرەنۋ جانە ونى دايەكتى تياناقتاندىرۋ ءۇشىن ويداعىداي نەگىز قالاۋىمىز كەرەك.

جاڭ چۇنشيان اۆتونوميالى رايونىمىزدان ماجىلىسكە قاتىناساتىن قىزمەتكەرلەردەن مىنالاردى تالاپ ەتتى: زەيىندى شوعىرلاندىرىپ، ءماجىلىستى ويداعىداي اشۋ كەرەك. شينجياڭنىڭ سەكىرمەلى دامۋى مەن باياندى تىنىشتىعىن نازارعا الىپ، بەلسەنە اقىل - كەڭەس بەرىپ، شينجياڭنىڭ ەكونوميكاسى مەن قوعامىنىڭ دامۋى جولىندا ءتىپتى دە ءتيىمدى ساياساتتىق قولداۋعا يە بولۋ؛ ۇيىمدىق كوزقاراستى كۇشەيتىپ، ءماجىلىستىڭ ءتۇرلى بەلگىلەمەلەرى مەن تالاپتارىنا قاتاڭ بويسۇنۋ؛ قۇپيالىقتى ساقتاۋ  بەلگىلەمەسىنە قاتاڭ بويسۇنۋ كەرەك. سونىمەن بىرگە، ماجىلىسكە قاتىناساتىن ورتالىقتىڭ قاتىستى تاراۋلارىنداعى، تۋىسقان ولكە، رايون، قالالارداعى باسشى جولداستاردان كىشىپەيىلدىكپەن ۇيرەنىپ، بارىس - كەلىس جاساۋدى كۇشەيتىپ، تۇسىنىسۋگە دەن قويىپ، ءتىپتى دە زور كومەككە قول جەتكىزۋىمىز، سونىمەن بىرگە، كوز ايامىزدى كەڭەيتىپ، ورەمىزدى جوعارىلاتۋىمىز كەرەك.

اۆتونوميالى رايون باسشىلارىنان نۇر باكىر، ەركىن يمىرباقى، اسحات كەرىمباي ۇلى، نيە ۋەيگو جيىنعا قاتىناستى.