ءى و حالىق ۇكىمەتىنەن [2010] 5- ءنومىرلى

اۆتونوميالى وبلىسقا توتە قاراستى اۋداندىق، قالالىق حالىق ۇكىمەتتەرىنە، وبلىستىق حالىق ۇكىمەتىنىڭ تاراۋلارىنا، قورعاس، دۋلات وتكەلىن باسقارۋ كوميتەتتەرىنە:

2009- جىلى، ىلە وبلىسنا توتە قاراستى ورىنداردىڭ ەكونوميكا - ساۋدا قىزمەتى اۆتونوميالى رايوندىق پارتكوم، حالىق ۇكىمەتىنىڭ جانە وبلىستىق پارتكوم، وبلىستىق حالىق ۇكىمەتىنىڭ باسشىلىعىندا، اۆتونوميالى رايوندىق ساۋدا ىستەرى مەڭگەرمەسىنىڭ ۇقىپتى جەتەكشىلىگىندە جانە پارمەندى قولداۋىندا، فينانس داعدارىسى مەن «5- شىلدە» ۋاقيعاسىنىڭ بۇرىن - سوڭدى بولماعان سوققسىنا بەلسەنە توتەپ بەرىپ، سىرتقا ەسىك اشۋ ستراتەگياسىن بارىنشا اتقارىپ، قىينشىلىقتى جەڭىپ العا ىلگەرىلەپ، ءورىس اشا جاڭالىق جاراتىپ، وبلىسقا توتە قاراستى ورىنداردىڭ تۇتاس جىلداعى ەكسپورت - يمپورت سوماسى 3 ميلليارد 707 ميلليون امەريكا دوللارىنا جەتىپ، شينجياڭ بويىنشا جالعاستى ءبىرىنشى ورىندى يەلەپ، وبلىسمىزدىڭ حالىق شارۋاشىلىعىنىڭ ۇرتىس ورنىقتى ارتتىرۋ ءۇشىن بەلسەندى ۇلەس قوستى. وبلىستىق حالىق ۇكىمەتى وبلىسقا توتە قاراستى ورىندارداعى 2009- جىلعى سىرتقى ەكونوميكا - ساۋدا قىزمەتىندە كورنەكتى ناتيجە جاراتقان قۇلجا قالاسى سياقتى 7 اۋدان، قالا (وتكەلدى)، سىرتقا باعىتتالعان ەكونوميكاعا قىزمەت وتەۋ ءونىمدىلىگى كورنەكتى بولعان ىلە وبلىستىق مەملەكەت باجى مەكەمەسى سياقتى 5 ورىن مەن شينجياڭ قورعاس سىرتقا باعىتتالعان ەكونوميكا - ساۋدا شەكتى سەرىكتىگى سياقتى 12 ۇزدىك كاسىپورىندى ماداقتاۋدى ۇيعاردى.

ماداقتالعان ۇزدىك اۋدان، قالالار، ورىندار جانە كاسىپورىندار، جاڭا ءبىر جىلدا ناتيجەنى ساۋلەلەندىرىپ، كۇش ۇستىنە كۇش قوسىپ، تاعدا تاماشا ناتيجەلەردى جاراتۋىن ءۇمىت ەتەمىز. اۋدان، قالالار، تاراۋلار، كاسىپورىندار، ۇزدىك اۋدان، قالالار مەن تاراۋلاردىڭ، كاسىپورىنداردىڭ قىزمەتتەگى تاجىريبەلەرىن مۇقيات ۇيرەنىپ، يدەيا مەن ارەكەتى ورتالىقتىڭ مەملەكەت ءىشى - سىرتىنداعى ەكونوميكا جاعدايىنا تالداۋ جاساۋ، تۇجىرىمداۋ نەگىزىندە بىرلىككە كەلتىرىپ، دامۋ سەنىمىن ءتىپتى دە بەكەمدەپ، نىسانا مەن مىندەتتەردى ايقىنداپ، قىزمەت وتەۋ تانىمىن كۇشەيتىپ، قىزمەت شارالارىن كەمەلدەندىرىپ، جاۋاپكەرلىكتى تياناقتاندىرۋدى مىقتى يگەرىپ، سىرتقى ساۋدانى دامىتۋ تاسىلىندە بۇرىلىس جاساۋدى جەدەلدەتىپ، ەكسپورتتىڭ - يمپورت ورنىقتى ارتۋىن ساقتاپ، اۆتونوميالى وبلىسمىزدىڭ سىرتقى ەكونوميكا - ساۋداسىنىڭ اناعۇرلىم جاقسى، اناعۇرلىم جەدەل دامۋى ءۇشىن تىڭ ۇلەس قوسۋلارى كەرەك.

قوسىمشا: وبلىسقا توتە قاراستى ورىندارداعى 2009- جىلعى سىرتقى ەكونوميكا - ساۋدا قىزمەتىندەگى وزات اۋدان، قالالار (وتكەلدەر)، وزات ورىندار مەن ۇزدىك كاسىپورىنداردىڭ ەسىمدىگى

ىلە قازاق اۆتونوميالى وبلىستىق حالىق ۇكىمەتى

2010- جىلى 1- اقپان

قوسىمشا:

وبلىسقا توتە قاراستى ورىندارداعى 2009- جىلعى سىرتقى ەكونوميكا - ساۋدا قىزمەتىندەگى وزات اۋدان، قالالار (وتكەلدەر)، وزات ورىندار مەن ۇزدىك كاسىپورىنداردىڭ ەسىمدىگى

ءبىرىنشى، وزات اۋدان، قالالار (وتكەلدەر) 7

قۇلجا قالاسى، كۇيتۇن قالاسى، قورعاس اۋدانى، تەكەس اۋدانى، قۇلجا اۋدانى، كۇنەس اۋدانى، قورعاس وتكەلى

ەكىنشى، وزات ورىندار (5 ورىن)

ىلە وبلىستىق مەملەكەت باجى مەكەمەسى، ىلە شەتەل اقشاسىن باسقارۋ مەكەمەسى، قورعاس كەدەنى، ىلە شەكارادان كىرىپ- شىعۋدى تەكسەرۋ كارەنتيندەۋ مەكەمەسى، قورعاس شەكارالىق تەكسەرۋ پۋنكيتى

ءۇشىنشى، ۇزدىك كاسىپورىندار (12 ورىن)

شينجياڭ قورعاس سىرتقى ەكونوميكا - ساۋدا شەكتى سەرىكتىگى، قورعاس اۋداندىق حۋارۇن يمپورت - ەكسپورت ساۋدا شەكتى سەرىكتىگى، قورعاس ليڭشۋان ساۋدا شەكتى سەرىكتىگى، قۇلجا قالالىق شەكارالىق ىستەستىك رايونىنىڭ جاڭا بىرلەسپە سىرتقى ساۋدا شەكتى سەرىكتىگى، كۇيتۇن حۇڭقو ساۋدا شەكتى سەرىكتىگى، قورعاس جۇڭگو مۇناي حالىقارالىق كاسىبى شەكتى سەرىكتىگى، قورعاس جىڭچىڭ ونەركاسىپ - ساۋدا شەكتى سەرىكتىگى، قورعاس ۋانشين شەكتى جاۋاپكەرلىك سەرىكتىگى، شينجياڭ جينحۇي ازىق - تۇلىك شەكتى سەرىكتىگى، شينجياڭ مالي ازىق - تۇلىك شەكتى سەرىكتىگى، شينجياڭ مانشا توقىماشىلىق شەكتى سەرىكتىگى، شينجياڭ چاپچال سىبە اۆتونوميالى اۋداندىق دۋلات وتكەلىن دامىتۋ شەكتى سەرىكتىگى.

نەگىزگى تاقىرىبى:  سىرتقى ساۋدا   ماداقتاۋ   قارار