ءى و  حالىق  ۇكىمەتىنەن  [2010] 3- ءنومىرلى

اۆتونوميالى وبلىسقا توتە قاراستى اۋداندىق، قالالىق حالىق ۇكىمەتتەرىنە، وبلىستىق حالىق ۇكىمەتىنىڭ تاراۋلارىنا، توتە قاراستى قۇرىلىمدارىنا، قورعاس، دۋلات وتكەلىن باسقارۋ كوميتەتتەرىنە:

2009- جىلى، اۆتونوميالى وبلىسىمىزدىڭ ەكونوميكالىق قۇرىلىسى ىستەرىندە ءورىس اشا جاڭالىق جاراتىپ، سەنىمدى تيجارات جۇرگىزىپ، كورنەكتى ناتيجە جاراتقان ءبىر توپ ۇزدىك كاسىپورىنشىلار مەن وزات كاسىورىن كوللەكتيۆى جارىققا شىقتى. ولار عىلىم - تەحنيكالىق ينفورماتسيالاندىرۋ قۇرىلىسى ارقىلى كاسىپورىننىڭ دامۋىن جەبەۋگە باسا ءمان بەرىپ، باياندى دامۋ كوزقاراسىندا تاباندى بولىپ، ىلە وبلىسىنىڭ ەكونوميكاسىنىڭ سەكىرمەلى، باياندى دامۋىنا كورنەكتى ۇلەستەر قوستى. كاسپورىنشىلاردىڭ جاڭالىق جاراتۋ رۋحىن ساۋلەلەندىرىپ، عىلمي دامۋ كوزقاراسىن دايەكتى تياناقتاندىرۋ بارىسىنداعى قوسقان سۇبەلى ۇلەستەرىن تۇراقتاندىرىپ، اۆتونوميالى وبلىسىمىزداعى كاسپورىنشىلار قوسىنىنىڭ اقاۋسىز دامۋىن جەبەۋ ءۇشىن، وبلىستىق حالىق ۇكىمەتى جاڭ شۋشان قاتارلى 5 ۇزدىك كاسپورىنشى مەن 4 وزات كاسپورىندى ماداقتاپ، ۇزدىك كاسىپورىنشى مەن وزات كاسىپورىننىڭ نەگىزگى جاۋاپتىلارىن 50 مىڭ يۋانمەن سيلاۋدى ۇيعاردى (كاسىپورىننىڭ ازىرلەگەن قارجىسىنان ورنالاستىرىلادى).

ماداقتالعان كاسپورىنشىلار مەن كاسىپورىنداردىڭ كۇش ۇستىنە كۇش قوسىپ، تاعى دا تاماشا ناتيجە جاراتۋىن، سونىمەن بىرگە تۇتاس وبلىستاعى كاسىپورىندار مەن كاسپورىن تيجاراتىن باسقارۋشىلاردىڭ ماداقتالعان كاسىپورىنشىلار مەن وزات كاسىپورىنداردى ۇلگى ەتىپ، ولاردىڭ قاجىرلىلىقپەن كۇرەس جاساپ، ءورىس اشا جاڭالىق جاراتىپ، عىلمي باسقارىپ، باتىلدىقپەن العا ۇمتىلاتىن جاڭالىق جاراتۋ رۋحىنان ۇيرەنىپ، سەنىمدى بەكەمدەپ، قيىنشىلىققا مويىماي العا ۇمتىلىپ، كاسپورىندى باسقارۋ ورەسىن،ءوز كۇشىنە سۇيەنىپ جاڭالىق جاراتۋ قابىلەتىن جانە بازارداعى باسەكەلىك قۋاتىن جاپپاي جوعارىلاتىپ، ەنەرگيانى ۇنەمدەۋ، ورتانى قورعاۋ تانىمىن ارتتىرىپ، اۆتونوميالى وبلىسىمىزدىڭ ەكونوميكاسى مەن قوعامنىڭ سەكىرمەلى دامۋىنا اناعۇرلىم تىڭ دا زور ۇلەس قوسۋلارىن ۇمىت ەتەمىز.

قوسىمشا: 2009- جىلعى ىلە وبلىسىنا توتە قاراستى ورىندارداعى ۇزدىك كاسىپورىنشىلار مەن وزات كاسىپورىنداردىڭ ەسىمدىگى

ىلە قازاق اۆتونوميالى وبلىستىق حالىق ۇكىمەتى

 2010- جىلى 28- قاڭتار

نەگىزگى تاقىرىبى: شارۋاشىلىق باسقارۋ كاسىپورىن  ماداقتاۋ  قارار

قوسىمشا :

2009- جىلعى ىلە وبلىسىنا توتە قاراستى ورىندارداعى ۇزدىك كاسپورىنشىلار مەن وزات كاسىپورىنداردىڭ ەسىمدىگى

1. ۇزدىك كاسىپورىنشى (5 ادام )

جاڭ  شۋشان    حۇڭيۇن حۇڭحى وراۋلى تەمەكى (توبى)  شەكتى جاۋاپكەرلىك سەرىكتىگى شينجياڭ وراۋلى تەمەكى زاۆودى پارتكومىنىڭ شۋجيى، زاۆود باستىعى

شۇي  يۇڭحۇي   شينجياڭ ىلەتى كاسپتىك جارنا شەكتى سەرىكتىگىنىڭ باس جوراسى  

يان باۋجيان    مەملەكەتتىك ەلەكتر قارجىلاندىرۋ سەرىكتىگى شينجياڭ جىرىنتاي سۋ ەلەكتر اشۋ شەكتى سەرىكتىگىنىڭ باس دەرەكتورى

ۋاڭ تيانبيىڭ  ىلە سوربۇلاق اراق كاسىبى شەكتى جاۋاپكەرلىك سەرىكتىگىنىڭ باس جوراسى ، باس دەرەكتورى

يە  ليگو    شينجياڭ ىلە بولات-تەمىر شەكتى جاۋاپكەرلىك سەرىكتىگى پارتكومنىڭ شۋجيى، باس جوراسى، باس دەرەكتورى

2. ەنەرگيانى ۇنەمدەۋ، لاس زاتتاردى ازايتۋداعى وزات كاسىپورىن ( 2 ورىن )

قورعاس اۋداندىق سانشان سەمونت شەكتى جاۋاپكەرلىك سەرىكتىگى

چيڭشۇيحى سىليما  ورتا دارەجەلى تالشىقتى تاقتا ءوندىرۋ شەكتى سەرىكتىگى

3. ينفورماتسيالاندىرۋ قۇرىلىسىنداعى وزات كاسىپورىن ( 2 ورىن )

شينجياڭ ىلە باكوۋشياڭ كاسىپتىك شەكتى سەرىكتىگى

شينجياڭ جيڭتيان قارجىلاندىرۋ (توبى) شەكتى سەرىكتىگى