حابارلاندىرۋ

ىلە وزەنى وڭتۇستىك جاعالاۋ بەل توعانىندا 2010 - جىلى ساۋىردە سۋ اعىزىلادى. وڭتۇستىك جاعالاۋ بەل توعانى ينجەنەرياسىن باسقارۋ، قورعاۋ ىستەرىن كۇشەيتىپ، سۋمەن قامداۋدىڭ، ينجەنەريانىڭ حاۋىپسىزدىگىنە، سونداي - اق توعان جاعاسىنا ورنالاسقان حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتىپ، اۋىل شارۋاشىلىق وندىرىسىنە پايدالانىلاتىن سۋ قاجەتىن قامتاماسىزداندىرۋ ءۇشىن وڭتۇستىك جاعالاۋ بەل توعانىندا سۋ اعىزۋ جونىندە تومەندەگىدەي حابارلاندىرۋ تاراتىلدى.

1. وڭتۇستىك جاعالاۋ بەل توعانى ينجەنەرياسىنىڭ باسقارۋ كولەمى ىشىندە سۋ الۋعا، توپىراق الۋعا، شاعىل قازۋعا، ءىرى زاتتار مەن ماتەريالداردى، قوقىسىقتاردى ءۇيىپ قويۋعا تيىم سالىنادى؛ وڭتۇستىك جاعالاۋ بەل توعانى ينجەنەرياسىنىڭ باسقارۋ كولەمى ىشىندە اۋىل شارۋاشىلىق ءوندىرىس قيمىلىمەن شۇعىلدانۋعا، مال جايۋعا، سونداي - اق سۋ جەتكىزۋ ينجەنەرياسىنىڭ اتقارىلۋىنا ىقپال ەتەتىن، سۋ جەتكىزۋ ينجەنەرياسىنىڭ حاۋىپسىزدىگىنە زيان جەتكىزەتىن قيمىلدارمەن شۇعىلدانۋعا تيىم سالىنادى؛ ءارقانداي ورىننىڭ نەمەسە جەكەنىڭ سۋ جەتكىزۋ ينەنەرياسىنىڭ قۇرىلعىلارىن يەلەپ الۋىنا، الىپ تاستاۋىنا، بۇلدىرۋىنە تيىم سالىنادى؛ ءارقانداي ورىننىڭ نەمەسە جەكەنىڭ سۋ جەتكىزۋ ينەنەرياسىنىڭ قورعاۋ بەلگىلەرىن جوتكەۋىنە، وزگەرتۋىنە، بۇلدىرۋىنە تيىم سالىنادى.

ءارقانداي ورىننىڭ نەمەسە جەكەنىڭ توعانعا لاس زاتتاردى ىعىستىرۋىنا قاتاڭ تيىم سالىنادى.

2. حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋ ءۇشىن وڭتۇستىك جاعالاۋ بەل توعانى ينجەنەرياسىنىڭ جاعالاۋىنا ساقتىق بەلگىسى، ساقتىق تاقتاسى ورناتىلدى، ءارقانداي ورىن نەمەسە جەكە وسى ساقتىق بەلگىلەمەلەرىنە، ءسوزسىز، قاتاڭ بۇيسۇنۋى ءتيىس. ءىس باسقارۋعا قاتىسى جوق ماشينالاردىڭ توعان توسپاسىنىڭ جولىندا، توعاننىڭ جان جولىندا جۇرۋىنە تيىم سالىنادى، توعان جۇيەسىنىڭ قۇرىلىستارىنا ورمەلەپ شىعۋعا، ەلەكترلى، اۆتوماتتى قۇرىلعىلارعا جۇعىسۋعا، توعاندا مالتاۋعا، شومىلۋعا نەمەسە كيىم جۋۋعا، توعاندا بالىق اۋلاۋعا نەمەسە توعان جاعاسىندا قارماق سالۋ، ويىن ويناۋ سياقتى ءارقانداي حاۋىپتى ارەكەتتەرمەن شۇعىلدانۋعا قاتاڭ تيىم سالىنادى، قايشىلىق جاساعاندار ءىستىڭ بارلىق زاردابىنا ءوزى جاۋاپتى بولادى.

3. وڭتۇستىك جاعالاۋ بەل توعانى ينجەنەرياسىنىڭ جاعالاۋ لەنياسىنداعى ءارقايسى اۋداندىق، اۋىلدىق ۇكىمەتتەردىڭ، تۋان الاڭدارىنىڭ مەكەمەمىزبەن سايكەسىپ، ءار ۇلت حالىق بۇقاراسىنا ۇگىت - تاربيە جۇرگىزۋ قىزمەتىن بىرلىكتە ويداعىداي ىستەپ، حاۋىپسىزدىك تانىمىن جوعارىلاتىپ، حاۋىپسىزدىككە قاتىستى ساقتىق بەلگىلەمەلەرىنە بۇيسۇنىپ، ينجەنەريا قۇرىلعىلارىن سانالى تۇردە قورعاۋىن ءۇمىت ەتەمىز. ءارقانداي ورىننىڭ نەمەسە جەكەنىڭ وڭتۇستىك جاعالاۋ بەل توعانى ينجەنەرياسىنىڭ سۋ يگىلىگى قۇرىلعىلارىن ءبۇلدىرۋ جاعدايى بايقالسا، ولاردىڭ ازاماتتىق ىستەرگە، قىلمىستىق ىستەرگە نەمەسە اكىمشىلى-ك ىستەرگە قاتىستى زاڭدىق جاۋاپكەرشىلىگى قۋزاستىرىلادى.

شينجياڭ ىلە وزەنى الابىن اشۋ - كوركەيتۋ ءىسىن باسقارۋ مەكەمەسى