اقەركە كومەككە مۇقتاج

ءبىر جاق قيىنشىلىققا ۇشىراسا، كوپ بولىپ كومەك كورسەتۋ ەجەلدەن كەلە جاتقان ءداستۇرلى سالتىمىز. قورعاس اۋدانى چيڭشۇيحى قالاشىعى كوكدالا قىستاعىنىڭ تۇرعىنى ءادىل ءداۋىش ۇلى مەن ايگۇل جۇماق قىزى 1997 - جىلى باس قۇراعان سوڭ قورعاس شەكارا وتكەلىنە بارىپ، اۆتو كولىكتەردى جۋۋ، ساتراشحانا اشۋ سياقتى جۇمىستارمەن اينالىسادى. 2000 - جىلى ساۋىردە اقەركە، 2007 - جىلى جەلتوقساننىڭ 3 - كۇنى اينارا اتتى ەكى ۇرپاققا اتا - انا بولادى. ولاردىڭ ۇلكەن قىزى اقەركە تۋما مي سالدانۋ اۋرۋىنا تاپ بولىپ، 6 جاسقا جەتكەنشە ورنىنان تۇرىپ جۇرە دە المايدى، ونىڭ ۇستىنە اقىل - ەسى دە دۇرىس بولمايدى. ەرلى - زايىپتىنىڭ كۇندىك ىستەپ تاپقان - تايانعاندارىنىڭ بارلىعى وسى بالاسىن ەمدەتۋگە كەتەدى. جۇپىنى تۇرمىس وتكىزسە دە بالاسىنىڭ ساۋ دەنەلى بولۋىن تىلەگەن اتا - انا 2006 - جىلى قارىزدانىپ - قاۋعالانىپ 30 مىڭ يۋان اقشا جيناپ اقىرى بالاسىن شينجياڭ اۋە ارميا حالىق شيپاحاناسىنا اپارىپ بەس اي ەمدەتىپ قايتادى. بەس ايدا بالا بۇرىنعىعا قاراعاندا ورنىنان ءبىراز تۇرا الاتىن، اتتام جەرگە جۇرە الاتىن دارەجەگە جەتەدى. اياۋلى اتا - انا بالاسىن مەكتەپكە كوتەرىپ اپارىپ، كوتەرىپ اكەلىپ وقىتادى. بالا جۇرسە دە بىردە جىعىلىپ، بىردە تۇرىپ ارەڭ جۇرەدى. ونىڭ ۇستىنە 2009 - جىلى قاراشانىڭ 26 - كۇنى اقەركەنىڭ اكەسى ءادىل ۇزاق ۋاقىت ماشينا جۋۋدان قول اياعىنان وتكەن سۋىقتان رەۆماتيزم جۇرەككە شابۋ اۋرۋىنا دۋشار بولىپ، تۇتقيىل قايتىس بولادى. اياۋلى جارىنان ايىرىلىپ ەكى بالامەن قالعان ايگۇل وتباسىندا تۇراقتى باسپانادا جوق اۋىر قيىنشىلىقتا قالىپ وتىر. ءوزىنىڭ دە بۇرىننان اسقازان قابىنۋ ناۋقاسى بار ەدى. ول قازىر ءۇيىنىڭ ماي اقىسىن دا بەرە الماۋدان تىس، بالاسى اقەركەنى جالعاستى ەمدەتۋگە ءماجبۇر بولىپ وتىر. سوندىقتان، ايگۇل قوعامنان، جاناشىرى حالىقتان كومەك سۇرايدى. سىزدەردىڭ ايگۇلگە قارجى جاقتان جاقىننان جاردەمدە بولۋلارىڭىزدى سۇرايمىز.

حابارلاسۋ تەلەفونى:

13279750735

15999476777

بانكە كارتوچكا ءنومىرى:

6228482970394849212

ازاماتتىق كۋالىكتەگى اتى- ءجونىنىڭ حانزۋشا جازىلۋى: 阿黑力汗