<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>> الۋان ارنا>>ساياحات

ﻛﻮﭖ ﻳﮕﯩﻠﯩﮕﯩﻨﻪ ﺟﺎﺭﺍﻋﺎﻥ ﻛﻮﻛﺴﯟ ﺍﺭﺍﺳﺎﻧﻰ

 

ﯨﺒﯩﺮﺍﻱ ﺍﻣﻪﺗﻘﺎﻥ ﯗﻟﻰ


ﺗﻪﻛﻪﺱ ﺍﯞﺩﺍﻧﻰ ﺷﻮﻻﻗﺘﻪﺭﻩﻙ ﺍﯞﯨﻠﯩﻨﯩﯔ ﻣﻪﺗﯩﮕﻪﺭ ﺩﻩﮔﻪﻥ ﺟﻪﺭﯨﻨﺪﻩ ﻛﻮﻛﺴﯟ  ﺩﻩﭖ ﺍﺗﺎﻻﺗﯩﻦ ﺍﺭﺍﺳﺎﻥ ﺑﺎﺭ. ﺑﯘﻝ ﺍﺭﺍﺳﺎﻧﻨﯩﯔ ﺳﯟ ﻗﯘﺭﺍﻣﯩﻨﺪﺍ ﺩﻩﻧﺴﺎﯞﻟﯩﻘﻘﺎ ﭘﺎﻳﺪﺍﻟﻰ 43 ءﺗﯘﺭﻟﻰ ﺯﺍﺕ ﺑﺎﺭ ﺩﻩﭖ ﺗﯘﺭﺍﻗﺘﺎﻧﺪﯨﺮﯨﻠﻌﺎﻥ. ﺍﺭﺍﺳﺎﻧﻨﯩﯔ ﺟﺎﻧﯩﻨﺪﺍ ﻛﯘﻛﯩﺮﺗﺘﻰ ﺳﯟ ﺑﺎﺭ. ﻭﻧﻰ ﻩﻝ - ﺟﯘﺭﺕ ﺍﺳﻘﺎﺯﺍﻥ ﺍﯞﺭﯞﯨﻨﺎ، ﺗﺎﻣﺎﻕ ﺳﯩﯖﯩﺮﯞﮔﻪ ﭘﺎﻳﺪﺍﻟﻰ ﺩﻩﭖ ﯨﺸﻪﺩﻯ ءﺍﺭﻯ ﺗﻮﺭﺳﯩﻘﻘﺎ ﻗﯘﻳﯩﭗ  ﯗﻳﻠﻪﺭﯨﻨﻪ ﺍﻻ ﻛﻪﺗﻪﺩﻯ. ﺍﺭﺍﺳﺎﻧﻨﯩﯔ ﻭﺭﻧﻰ ﻛﻮﺭﻛﻪﻡ ﺗﺎﯞ ﺍﺭﺍﺳﻰ ﺑﻮﻟﻌﺎﻧﺪﯨﻘﺘﺎﻥ ﻩﻡ ﯨﺰﺩﻩﯞﺷﯩﻠﻪﺭ، ﺳﺎﻳﺎﺣﺎﺕ ﺟﺎﺳﺎﯞﺷﯩﻼﺭ ﻛﻮﺑﻪﻳﺪﻯ. ﺩﻩﺳﻪ ﺩﻩ، ﺍﺭﺍﺳﺎﻧﻨﯩﯔ ﺗﺎﺭﻳﺤﻰ ﺟﻮﻧﯩﻨﺪﻩ ﻛﻮﭖ ءﺗﯘﺭﻟﻰ ﺗﯘﺟﯩﺮﯨﻤﺪﺍﺭ ﺍﻳﺘﯩﻠﯩﭗ ءﺟﯘﺭ. ﻣﻪﻥ ﻛﻮﺯﻗﺎﺭﺍﻗﺘﻰ ﻗﺎﺭﻳﺎﻻﺭﺩﯨﯔ ﺍﻳﺘﻘﺎﻥ ﺍﯕﮕﯩﻤﻪﻟﻪﺭﯨﻨﻪ ﺗﻮﻣﻪﻧﺪﻩﮔﯩﺪﻩﻱ ﺗﯘﺟﯩﺮﯨﻢ ﺟﺎﺳﺎﯞﺩﻯ ءﺟﻮﻥ ﻛﻮﺭﺩﯨﻢ.

ﻛﻮﻛﺴﯟ ﻭﺯﻩﻧﻰ ﺑﻮﺯﺍﺩﯨﺮﺩﯨﯔ ﺑﺎﺱ - ﺍﻳﺎﻋﯩﻨﺪﺍﻋﻰ ﺑﯘﻻﻗﺘﺎﺭﺩﺍﻥ ﻗﻮﺳﯩﻠﯩﭗ ﺍﻋﯩﭗ ﺟﺎﺗﻘﺎﻥ ﻭﺯﻩﻥ، ﺳﯟﺩﯨﯔ ﺭﻩﯕﻰ ﺗﻮﺗﻴﺎﻳﯩﻨﺪﺍﻱ ﻛﻮﻙ ﺑﻮﻟﻌﺎﻧﺪﯨﻘﺘﺎﻥ ﺟﻪﺭﮔﯩﻠﯩﻜﺘﻰ ﺣﺎﻟﯩﻖ «ﻛﻮﻛﺴﯟ» ﺩﻩﭖ ﺍﺗﺎﻋﺎﻥ. ﺍﻝ ﻛﻮﻛﺴﯟ ﺍﺭﺍﺳﺎﻧﻰ ﺷﻮﻻﻗﺘﻪﺭﻩﻙ ﺍﯞﯨﻠﯩﻨﺎ ﻗﺎﺭﺍﺳﺘﻰ ﺟﻪﺭﺩﻩ.

 ﻛﻮﻛﺴﯟ ﺍﺭﺍﺳﺎﻧﯩﻨﯩﯔ ﻭﺭﻧﻰ ﺑﯘﺭﯨﻦ ﯗﻳﺴﯩﻨﺪﻩﺭﺩﯨﯔ ﺍﺳﻜﻪﺭﻱ ﺑﻪﻛﯩﻨﯩﺴﻰ ﺑﻮﻟﻌﺎﻥ ﺩﻩﺳﻪﺩﻯ. ﻣﻪﻥ ﺗﻪﻛﻪﺱ ﺍﯞﺩﺍﻧﺪﯨﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪﺳﯩﻨﯩﯔ ﻭﺭﯨﻨﺒﺎﺳﺎﺭ ﻣﻪﯕﮕﻪﺭﯞﺷﯩﺴﻰ ﻣﯩﻨﺪﻩﺗﯩﻦ ﻭﺗﻪﭖ ﺟﯘﺭﮔﻪﻥ 1989 - ﺟﯩﻠﺪﯨﯔ ﺷﯩﻠﺪﻩ ﺍﻳﯩﻨﺪﺍ ﻗﺎﺯﺍﻕ  ﺗﺎﺭﻳﺤﯩﻦ ﺯﻩﺭﺗﺘﻪﯞﺷﻰ ﻋﺎﻟﯩﻢ ﺳﯟ ﺑﻴﺤﺎﻱ ﻣﯩﺮﺯﺍ ﺗﻪﻛﻪﺳﻜﻪ ﻛﻪﻟﯩﭗ ﺯﻩﺭﺗﺘﻪﯞ ﺟﯘﺭﮔﯩﺰﮔﻪﻥ ﻛﻪﺯﺩﻩ ﺍﺑﺪﯗﺷﻜﯘﺭ ﺗﯘﺭﺩﯨﺒﻪﻙ ﺍﻋﺎ ﻩﻛﻪﯞﯨﻤﯩﺰ ﻭﺳﻰ ﻛﯩﺴﯩﮕﻪ ءﺑﯩﺮ ﺍﭘﺘﺎ ﺟﻮﻝ ﺳﻪﺭﯨﻚ ﺑﻮﻟﯩﭗ ﺗﯘﺭﻣﯩﺴﯩﻦ، ﻗﺎﺗﯩﻨﺎﺳﯩﻦ ﻭﺭﻧﺎﻻﺳﺘﯩﺮﯨﭗ ﺟﯘﺭﺩﯨﻚ. ءﺑﯩﺰ ﺟﻪﺭﮔﯩﻠﯩﻜﺘﻰ ﺍﺩﺍﻣﺪﺍﺭﺩﯨﯔ ﺟﻮﻝ ﻛﻮﺭﺳﻪﺗﯟﯨﻨﺪﻩ ﻭﻝ ﺍﺭﺍﻋﺎ ﺑﺎﺭﺩﯨﻖ.  ﺳﯟ ﺑﻴﺤﺎﻱ ﻣﯩﺮﺯﺍ ﺳﻮﻝ ﺗﺎﯞ ﻗﺎﭘﺘﺎﻟﯩﻨﺪﺍﻋﻰ  ﺗﺎﺳﺘﺎﺭﻋﺎ ﺳﯩﺰﯨﻠﻌﺎﻥ ﻛﯘﻥ، ﺍﻱ، ﺑﯘﻋﻰ، ﺍﯓ ﺍﯞﻻﻋﺎﻥ ﺑﻪﻳﻨﻪﻟﻪﺭ ﺑﻪﻳﻨﻪﻟﻪﻧﮕﻪﻥ ﺳﯩﺰﺑﺎ ﺳﯟﺭﻩﺗﺘﻪﺭﺩﻯ ﻗﯩﺰﯨﻌﺎ ﺯﻩﺭﺗﺘﻪﭖ ﺑﻮﺭﻣﻪﻥ ءﯗﺳﺘﯩﻦ ﺑﺎﺳﺘﯩﺮﯨﭗ ﺳﯩﺰﯨﭗ ﺍﻟﻌﺎﻥ ﺳﻮﯓ ﺳﯟﺭﻩﺗﻜﻪ ءﺗﯘﺳﯩﺮﯨﭗ ﺍﻟﺪﻯ، ﺗﺎﯞﺩﯨﯔ ﻩﺗﻪﮔﯩﻨﻪ ﺟﻪﺭﻟﻪﻧﮕﻪﻥ ءﺑﯩﺮ ﺗﺎﺱ ﻣﯘﺭﺩﻩﺩﻩﻥ ﺍﺩﺍﻣﻨﯩﯔ ﺟﺎﻕ ﺳﯘﻳﻪﮔﯩﻦ ﺗﺎﯞﯨﭗ ﻭﻟﺸﻪﭖ ﺍﻟﺪﻯ. ﺑﯘﻝ ﺟﻪﺭﺩﻩﮔﻰ ﻣﯘﺭﺩﻩﻟﻪﺭ ءﯗﺵ ﺑﯘﺭﯨﺶ ﻓﻮﺭﻣﺎﺳﯩﻨﺪﺍ ﺟﻪﺭﻟﻪﻧﮕﻪﻧﺪﯨﮕﯩﻦ، ﺑﯘﻝ ﺟﻪﺭﺩﯨﯔ ﯗﻳﺴﯩﻨﺪﻩﺭﺩﯨﯔ ﺍﺳﻜﻪﺭﻱ ﺑﺎﺯﺍﺳﻰ ﺑﻮﻟﻌﺎﻥ ﺟﻪﺭ ﻩﻛﻪﻧﺪﯨﮕﯩﻦ ﺗﯘﺭﺍﻗﺘﺎﻧﺪﯨﺮﺩﻯ. ﻛﻪﻳﯩﻦ ﻭﺳﻰ ﺟﻮﻧﯩﻨﺪﻩ ﺍﺭﻧﺎﯞﻟﻰ ﻣﺎﻗﺎﻻ ﺟﺎﺭﻳﺎﻻﻋﺎﻧﺪﯨﻌﯩﻦ ﺣﺎﺑﺎﺭﻻﺩﻯ.

 ﺟﺎﺭﺍﺱ ﯗﻟﻰ ءﺟﯘﺯ ﺍﻟﺒﺎﻥ ﯨﺸﯩﻨﺪﻩ ﺷﺎﺟﺎ. ﺷﺎﺟﺎ ﯨﺸﯩﻨﺪﻩ ﻗﺎﻟﻜﻪ - ﺟﺎﺩﯨﻚ. ﺟﺎﺭﺍﺱ ﺍﯞﯨﻠﻰ ءﻭﺳﯩﭗ - ﻭﻧﮕﻪﻥ ﯗﻟﻜﻪﻥ ﺍﯞﯨﻞ، ﺑﯘﻝ ﺍﯞﯨﻠﺪﻯ «ﺷﯩﻨﺠﯩﺮﺑﺎﻻﻕ، ﺷﯘﺑﺎﺭ ءﺗﻮﺱ» ﺩﻩﭖ ﺍﺗﺎﻋﺎﻥ. ﺳﻪﺑﻪﺑﻰ ﺑﯘﻝ ﺍﯞﯨﻠﺪﺍﻥ ﺗﺎﺭﻳﺤﺘﺎﻥ ﻗﺎﺯﯨﺮﮔﻪ ﺩﻩﻳﯩﻦ ﺑﺎﻳﻠﯩﻖ ﭘﻪﻥ ﺑﺎﺗﯩﺮﻟﯩﻖ ﯗﺯﯨﻠﻤﻪﮔﻪﻥ. ﺟﺎﺭﺍﺱ ﺯﻭﺭ ﺩﻩﻧﻪﻟﻰ، ﻣﻪﺭﮔﻪﻥ، ﺍﻗﻮﺗﺸﻰ ﺍﺩﺍﻡ ﺑﻮﻟﯩﭗ، ﻗﺎﻳﯩﺮ، ﺟﺎﻧﺎﺭ، ﺍﻣﺎﻧﺸﺎﻝ ﺩﻩﮔﻪﻥ ءﯗﺵ ﯗﻟﻰ ﺑﻮﻟﻌﺎﻥ. ءﯗﺵ ﯗﻟﻰ ﺩﺍ ﺑﺎﻱ ءﯗﺵ ﺍﯞﯨﻞ ﺑﻮﻻﺩﻯ.

ﺑﺎﻻﻻﺭﯨﻨﯩﯔ ﯨﺸﯩﻨﺪﻩ ﺍﻣﺎﻧﺸﺎﻝ ﺍﻛﻪ ﺟﻮﻟﯩﻦ ﯗﺳﺘﺎﻧﯩﭗ ﺍﻗﻮﺗﺸﻰ، ﻣﻪﺭﮔﻪﻥ ﺑﻮﻻﺩﻯ. ﻗﯘﺷﺘﺎﻳﺪﺍ ﻭﺗﯩﺮﻋﺎﻥ ﻛﻪﺯﯨﻨﺪﻩ ﺟﻴﻪﻧﻰ ﺟﺎﻣﺎﻧﻘﺎﺭﺍﻧﻰ ﻩﺭﺗﯩﭗ ﺍﻟﯩﭗ ﻛﯘﻧﻪﺱ ﺟﺎﻗﻘﺎ ﺍﯕﻌﺎ ﺷﯩﻌﺎﺩﻯ. ﺳﻮﻝ ﺟﻮﻟﻰ ﻭﻥ ﻩﻛﻰ ﺍﻳﯩﺮ ءﻣﯘﻳﯩﺰﺩﻯ ﺑﯘﻋﻰ ﺍﺗﯩﭗ ﺍﻟﯩﭗ، ﺟﺎﺱ 12 ﺍﻳﯩﺮ ﻣﯘﻳﯩﺰﮔﻪ 70 ﺗﯘﺳﺎﻕ ﺍﻳﯩﺮ ﺑﺎﺳﺘﺎﭖ ﺍﻟﯩﭗ ﻭﺳﯩﺪﺍﻥ ﻛﻪﻳﯩﻦ ﺩﺍﯞﻟﻪﺗﻰ ﻭﺭﻛﻪﻧﺪﻩﻱ ﺑﻪﺭﮔﻪﻥ.

 ﺟﺎﺭﺍﺱ ﺍﯞﯨﻠﯩﻨﯩﯔ ﺑﺎﻳﻠﯩﻌﻰ ﻣﻮﻝ، ﺑﻪﺕ - ﺑﻪﺩﻩﻟﻰ ﺟﻮﻋﺎﺭﻯ ﺑﻮﻟﻌﺎﻥ. ﻣﺎﺳﻪﻟﻪﻥ، ﺍﻣﺎﻧﺸﺎﻟﺪﯨﯔ ﻩﻛﯩﻨﺸﻰ ﯗﻟﻰ ﻭﺭﺍﺯﺍﻗﯩﻦ ﺍﻟﺘﻰ ﺑﻮﻟﯩﺲ ﺍﻟﺒﺎﻧﻨﯩﯔ ﯗﺳﺘﯩﻨﻪﻥ ﻗﺎﺭﺍﻳﺘﯩﻦ ﺑﺎﺱ ﺷﺎﺭﻻﯞﺷﻰ ﺑﻮﻟﯩﭗ ﯨﺴﺘﻪﭖ، ﺍﺯﺍﺗﺘﯩﻘﺘﺎﻥ ﻛﻪﻳﯩﻦ  ﻗﯩﺰﯨﻠﺒﯘﻻﻕ ﻓﻪﺭﻣﺎﺳﯩﻨﯩﯔ ﺑﺎﺳﺘﯩﻌﻰ ﺑﻮﻻﺩﻯ.

 ﺍﻣﺎﻧﺸﺎﻝ ﻗﯩﺰﯨﻠﺒﯘﻻﻗﻘﺎ ﻛﻮﺷﯩﭗ ﻗﯩﺰﯨﻠﺒﯘﻻﻗﺘﺎﻥ ﻗﯩﺴﺘﺎﯞﻟﯩﻖ ءﯗﺷﯩﻦ ﺍﻋﺎﺵ ءﯗﻱ ﺟﺎﺳﺎﻳﺪﻯ. ﻛﻪﻟﻪﺳﻰ ﺟﯩﻠﻰ ﺗﺎﻣﯩﺰﺩﺍ ﻗﻮﺱ ﺗﯩﮕﯩﭗ ﺑﻮﺯﺍﺩﯨﺮﺩﯨﯔ ﺍﯞﺯﯨﻨﺪﺍﻋﻰ ﻣﻪﺗﯩﮕﻪﺭﺩﯨﯔ ﯗﺳﺘﯩﻨﺪﻩﮔﻰ ﺍﻗﺘﻪﻛﺸﻪ ﺩﻩﮔﻪﻥ ﺟﻪﺭﺩﻩ ﻭﺗﯩﺮﺍﺩﻯ. ءﯗﻱ ﺟﯘﻣﯩﺴﺘﺎﺭﯨﻦ ﻭﺭﻧﺎﻻﺳﺘﯩﺮﯨﭗ ﻗﻮﻳﯩﭗ ﺑﯩﺮﻧﻪﺷﻪ ﺍﺩﺍﻣﺪﻯ ﻩﺭﺗﯩﭗ ﺍﯕﻌﺎ ﺷﯩﻌﺎﺩﻯ. ﻭﺳﻰ ﺟﻮﻟﻰ ﺩﯗﯕﻘﺎﺭﺍﻋﺎﻱ ﺩﻩﮔﻪﻥ ﺟﻪﺭﺩﻩﻥ ﻭﻥ ﺍﻟﺘﻰ ﺍﻳﯩﺮ ءﻣﯘﻳﯩﺰﺩﻯ ﺑﯘﻋﻰ ﺍﺗﺎﺩﻯ، ﻭﻕ ءﺗﻴﯩﭗ ﻗﯘﻻﭖ ﺑﺎﺭﺍ ﺟﺎﺗﻘﺎﻥ ﺑﯘﻋﻰ ﺍﭘﭙﺎﻕ ﻗﯟﺩﺍﻱ ﺑﻮﻟﯩﭗ ﻛﻮﺭﯨﻨﻪﺩﻯ. ﺍﻣﺎﻧﺸﺎﻝ ﺍﯕﻨﯩﯔ ﻛﻴﻪﺳﯩﻨﻪ ﺟﻮﻟﯩﻘﺘﯩﻢ ﺩﻩﭖ ﻗﺎﺗﺘﻰ ﻧﺎﺯﺍﻻﻧﺎﺩﻯ. ﺍﻣﺎﻟﻴﺎﺗﺘﺎ ﺑﯘﻋﻰ ﻩﺳﯩﻦ ﺟﻴﯩﭗ ﻗﺎﺷﯩﭗ ﻛﻪﺗﻪﺩﻯ. ﺍﻣﺎﻧﺸﺎﻝ ﺍﺗﺎ ﺟﻮﻟﺪﺍﺳﺘﺎﺭﯨﻤﻪﻥ ﺑﯩﺮﮔﻪ ﺍﺭﺗﯩﻨﺎﻥ ﻗﺎﺗﻪﺭﻟﻰ ﺗﺎﯞ ﺟﻮﻟﯩﻦ، ﻧﯟ ﻭﺭﻣﺎﻧﺪﺍﺭﺩﻯ ﻛﻪﺳﯩﭗ ءﻭﺗﯩﭗ ﻛﻪﻟﺴﻪ، ﺑﯘﻋﻰ ﺟﺎﺭﺍﻻﻧﻌﺎﻥ ﺟﻪﺭﯨﻦ ﺳﯟﻋﺎ ﺳﻮﻗﺘﯩﺮﯨﭗ ﺟﺎﺗﺎﺩﻯ. ﻭﺳﻰ ﺟﻪﺭﺩﻩ ﺑﯘﻋﯩﻨﻰ ﻗﺎﻳﺘﺎﺩﺍﻥ ﺍﺗﯩﭗ ﺍﻟﯩﭗ ﻩﺗﯩﻦ ﻗﺎﺭﻋﺎ، ﻗﯘﺯﻋﯩﻨﻌﺎ ﺷﻮﻗﯩﺘﭙﺎﻳﻤﯩﺰ ﺩﻩﭖ  ﻗﺎﺭﺍﻋﺎﻳﻌﺎ ﺍﺳﯩﭗ، ﺑﺎﺳﻰ ﻣﻪﻥ ءﻣﯘﻳﯩﺰﯨﻦ ﺗﺎﺳﻘﺎ ﺑﻪﻟﮕﻰ ﺭﻩﺗﯩﻨﺪﻩ ﻗﻮﻳﯩﭗ ﻛﻪﺗﻪﺩﻯ. ﺳﻮﻝ ﺍﺭﺍﻋﺎ ﻗﺎﺳﻴﻪﺗﺘﻰ ﺍﺭﺍﺳﺎﻥ ﻩﭖ ﺗﺎﺳﺘﺎﻥ ﺑﻪﻟﮕﻰ ﻗﻮﻳﯩﭗ ﻗﺎﻳﺘﺎﺩﻯ. ﻛﻪﻳﯩﻦ ﻭﺳﻰ ﺟﻪﺭﺩﻯ ﻗﺎﺳﻴﻪﺗﺘﻰ ﺩﻩﭖ ءﺑﯩﻠﯩﭗ ﺷﯘﻋﺎﻧﺎﻕ ﺟﺎﺳﺎﭖ ﻛﻪﻟﯩﭗ ﺳﯟﻋﺎ ءﺗﯘﺳﯩﭗ  ﺗﯘﺭﺍﺩﻯ. ﻣﺎﻟﺸﻰ ﻗﺎﯞﯨﻢ ﺩﺍ ﻗﺎﺳﻴﻪﺗﺘﻰ ﺳﯟﺩﯨﯔ ﻩﻣﺪﯨﻚ ﺭﻭﻟﯩﻦ ﺗﺎﻧﯩﭗ ﺟﻪﺗﯩﭗ ﻗﺎﯞﯨﺮﺕ ﻛﻪﻟﻪ ﺑﺎﺳﺘﺎﻳﺪﻯ. ﺍﻣﺎﻧﺸﺎﻝ ﺍﺗﺎ  ﺗﺎﺳﺘﺎﻥ ءﯗﻱ ﺟﺎﺳﺎﻳﺪﻯ. ﻛﻪﻳﯩﻨﺪﻩﭖ ﻗﻮﺑﯩﺪﺍﻥ ﯗﻳﻌﯘﺭ ﯗﺳﺘﺎ ﺍﻟﺪﯨﺮﯨﭗ، ﻩﻛﻰ ﺍﯞﯨﺰﺩﻯ ﺍﻋﺎﺵ ءﯗﻱ ﺟﺎﺳﺎﺗﺎﺩﻯ. ﻣﻪﺗﯩﮕﻪﺭﺩﻩﻥ ﻭﺭﻟﻪﭖ ﺟﯘﺭﻩﺗﯩﻦ ﺟﺎﻟﻌﯩﺰ ﺍﻳﺎﻕ ﺟﻮﻝ ﺍﺷﯩﻠﯩﭗ، ﻣﺎﻟﺸﯩﻼﺭ ﻛﻴﻪﻟﻰ ﺍﺭﺍﺳﺎﻧﻨﯩﯔ ﺭﻭﻟﯩﻦ ﻛﻮﺭﻩ ﺑﺎﺳﺘﺎﻳﺪﻯ. ﺍﺳﯩﺮﻩﺳﻪ، ﺍﺭﺍﺳﺎﻧﻨﯩﯔ ﺳﯟﯨﻨﺎ ﺗﯘﺳﻜﻪﻧﺪﻩ ﺩﻩﻧﻪﻧﻰ ﺑﺎﻟﺒﯩﺮﺍﺗﯩﭗ، ﺭﻩﯙﻣﺎﺗﻴﺰﻡ ، ﺳﺎﻝ، ﺟﺎﺭﺍﻗﺎﺕ، ﻗﻮﺗﯩﺮ ﺳﻴﺎﻗﺘﻰ ﺍﯞﺭﯞﻻﺭﻋﺎ ﻩﻡ ﺑﻮﻻﺗﯩﻨﯩﻦ ﺳﻮﻝ ﻛﻪﺯﺩﻩ ﺑﺎﻳﻘﺎﻋﺎﻥ. ﺳﻮﺩﺍﻥ ﻛﻮﺭﺷﻰ ﺍﯞﺩﺍﻧﺪﺍﺭﺩﺍﻥ، ﺑﺎﺳﻘﺎ ﺩﺍ ﺟﻪﺭﻟﻪﺭﺩﻩﻥ ﻩﻡ ﯨﺰﺩﻩﮔﻪﻥ ﺍﺩﺍﻣﺪﺍﺭ ﺍﺭﻧﺎﻳﻰ ﻛﻪﻟﻪ ﺑﺎﺳﺘﺎﻳﺪﻯ.

ﺍﻣﺎﻧﺸﺎﻝ ﻗﯩﺰﯨﺮﻟﻰ ﺍﺩﺍﻡ ﺑﻮﻟﻌﺎﻥ. ﻗﯩﺰﯨﻠﺒﯘﻻﻗﺘﺎ ﻗﯩﺰﺍﻳﺒﺎﻱ ﺍﺗﺘﻰ ﻛﺎﺭﻳﺎ ﺑﺎﺭ ﺑﻮﻻﺗﯩﻦ. ءﺑﯩﺰﺩﯨﯔ ﺑﺎﻻ ﻛﻪﺯﯨﻤﯩﺰﺩﻩ ﻭﻝ ﻛﯩﺴﻰ ﺷﺎﺷﯩﻤﯩﺰﺩﻯ  ﺍﻟﯩﭗ ﺑﻪﺭﯞﺷﻰ ﻩﺩﻯ. ﻭﺳﻰ ﻛﯩﺴﻰ ﺍﻳﺘﯩﭗ ﺑﻪﺭﮔﻪﻥ ﻣﯩﻨﺎ ءﺑﯩﺮ ﺍﯕﮕﯩﻤﻪ ءﺍﻟﻰ ﻛﯘﻧﮕﻪ ﺩﻩﻳﯩﻦ ﻩﺳﯩﻤﺪﻩ، ﻗﯩﺰﺍﻳﺒﺎﻱ ﻛﺎﺭﻳﺎﻧﯩﯔ ﻗﻮﻝ - ﺍﻳﺎﻋﻰ ﺳﺎﻟﺪﺍﻧﯩﭗ ﻗﺎﻻﺩﻯ، ﺑﺎﺭﻣﺎﻋﺎﻥ ﺷﻴﭙﺎﺣﺎﻧﺎﺳﻰ، ﻛﻮﺭﯨﻨﺒﻪﮔﻪﻥ ﺷﻴﭙﺎﮔﻪﺭﻯ ﻗﺎﻟﻤﺎﻳﺪﻯ. ﺳﻮﯕﯩﻨﺪﺍ ﻛﻮﻛﺴﯟ ﺍﺭﺍﺳﺎﻧﯩﻨﺎ ﺑﺎﺭﯨﭗ ﺗﯘﺳﻪﺩﻯ. ﺍﺭﺍﺳﺎﻧﻌﺎ ءﺗﯘﺳﯩﭗ ﺟﺎﺗﻘﺎﻥ ﻛﻪﺯﯨﻨﺪﻩ ﺑﺎﺳﯩﻦ ﻛﻮﻟﺸﯩﻜﺘﻪﻥ ﻭﺭﮔﻪ  ﻗﺎﻳﻘﺎﻳﺘﯩﭗ ءﺟﯘﺯﯨﭗ ﻛﻪﻟﻪ ﺟﺎﺗﻘﺎﻥ ﺟﯩﻼﻧﺪﻯ ﺑﺎﻳﻘﺎﻳﺪﻯ. ﻛﻮﺭﮔﻪﻥ ﺟﻪﺭﺩﻩﻥ ﻛﻮﺯﯨﻦ ﺗﺎﺭﺱ ﺟﯘﻣﯩﭗ ﯨﺸﯩﻨﻪﻥ ﺳﻴﯩﻨﯩﭗ ﻭﺗﯩﺮﺍﺩﻯ. ﻗﺎﺳﻴﻪﺗﺘﻰ ﺟﯩﻼﻥ ﺩﻩﻧﻪﺳﯩﻦ ءﺑﯩﺮ ﺍﻳﻨﺎﻟﯩﭗ ﻋﺎﻳﯩﭗ ﺑﻮﻻﺩﻯ. ﺳﻮﺩﺍﻥ ﺑﺎﺳﺘﺎﭖ ﺍﯞﺭﯞﺩﺍﻥ ﻗﯘﻻﻥ ﺗﺎﺯﺍ ﺳﺎﻗﺎﻳﺎﺩﻯ. ﻭﻝ ﻛﯩﺴﻰ: «ﺍﺗﺎﻣﯩﺰ  ﺑﺎﻳﻘﺎﻋﺎﻥ ﻗﺎﺳﻴﻪﺗﺘﻰ ﺍﺭﺍﺳﺎﻧﻨﯩﯔ ﻗﺎﺳﻴﻪﺗﻰ ﻣﻪﻥ ﺷﺎﺭﺍﭘﺎﺗﻰ ﻣﺎﻋﺎﻥ ﻩﻡ ﺑﻮﻟﺪﻯ» ﺩﻩﭖ ﺑﯩﺰﺩﻩﻥ ﯗﺩﺍﻳﻰ ﺣﺎﻝ - ﺟﺎﻱ ﯗﻋﯩﭗ ﺗﯘﺭﺍﺩﻯ.

 ﺍﻣﺎﻧﺸﺎﻝ ﺍﺭﺍﺳﺎﻧﻨﯩﯔ ﺍﺗﯩﻦ ﻗﻮﻳﯟﺩﺍ ﻩﺭﻩﻛﺸﻪ ﻛﻮﺭﻩﮔﻪﻧﺪﯨﻚ ﻛﻮﺭﺳﻪﺗﻜﻪﻥ. ﻛﻮﭖ ﺍﺩﺍﻡ ءﺳﯩﺰﺩﯨﯔ ﺍﺗﯩﯖﯩﺰﺑﻪﻥ ﺍﺗﺎﺳﺎﻕ ﺩﻩﮔﻪﻧﺪﻩ ﻭﻝ ﻛﯩﺴﻰ: «ﻣﻪﻥ ﯗﻟﻰ ﺍﺩﺍﻡ ﺑﻮﻟﯩﭗ ﺍﻻﺗﯩﻦ ﺑﺎ ﻩﺩﯨﻢ، ﻣﯩﻨﺎ ﻗﺎﺳﻴﻪﺗﺘﻰ ﺳﯟﺩﯨﯔ ﯗﻟﻰ ﻛﻮﻛﺴﯟﻋﺎ ﻗﯘﻳﯩﭗ، ﺳﻮﻧﯩﯔ ﺟﺎﻋﺎﺳﯩﻨﺪﺍ ﺟﺎﺗﻘﺎﻧﯩﻦ ﻛﻮﺭﻣﻪﻳﺴﯩﯖﺪﻩﺭ ﻣﻪ؟ ﺳﻮﻧﺪﯨﻘﺘﺎﻥ «ﻛﻮﻛﺴﯟ ﺍﺭﺍﺳﺎﻧﻰ» ﺩﻩﭖ ﺍﺗﺎﯞﯨﻤﯩﺰ ﻛﻪﺭﻩﻙ ﺩﻩﭖ ﺗﯘﺟﯩﺮﯨﻤﺪﺍﻋﺎﻥ.

 

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn