<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ىلە كەلبەتى>>تاريحي دامۋى

ﯗﻳﺴﯩﻨﺪﻩﺭ ﻛﻪﺯﯨﻨﺪﻩﮔﻰ ﯨﻠﻪ

 

 

 


ﺟﺎﯕﺎ ﻩﺭﺍﻋﺎ ﺩﻩﻳﯩﻨﮕﻰ 2- ﻋﺎﺳﯩﺮﺩﯨﯔ ﺳﻮﯕﻌﻰ ﺟﺎﺭﯨﻤﯩﻨﺎﻥ، ﺟﺎﯕﺎ ﻩﺭﺍﻧﯩﯔ 5- ﻋﺎﺳﯩﺮﯨﻨﯩﯔ ﻭﺭﺗﺎ ﺷﻪﻧﯩﻨﻪ ﺩﻩﻳﯩﻦ ﯨﻠﻪ ﻭﺯﻩﻧﻰ ﺍﻻﺑﯩﻦ ﻩﺟﻪﻟﮕﻰ ﯗﻳﺴﯩﻨﺪﻩﺭ ﻣﻪﻛﻪﻧﺪﻩﮔﻪﻥ. ءﯗﻳﺴﯩﻦ ﺗﯟﺭﺍﻟﻰ ﻣﺎﻟﯩﻤﻪﺕ ﻩﻟﯩﻤﯩﺰﺩﯨﯔ ﻩﻛﻰ ﻣﯩﯔ ﺟﯩﻠﺪﯨﯔ ﺍﻟﺪﯨﻨﺪﺍﻋﻰ ﺟﺎﺯﺑﺎﻻﺭﯨﻨﺪﺍ ﯞﺳﯘﻥ ﺩﻩﮔﻪﻥ ﺍﺗﭙﻪﻥ ﺑﻪﻟﮕﯩﻠﻰ ﺑﻮﻟﻌﺎﻥ. ﺍﻟﻌﺎﺷﻘﻰ ﺩﻩﺭﻩﻙ «ﺣﺎﻧﻨﺎﻣﺎ» ﺩﻩﮔﻪﻥ ﺍﺗﭙﻪﻥ ﻛﯩﺘﺎﭘﺘﯩﯔ ﺑﺎﺗﯩﺲ ءﻭﯕﯩﺮ ﺷﻪﺟﯩﺮﻩﺳﻰ ءﯗﻳﺴﯩﻦ ﺗﺎﺭﺍﯞﺷﺎﺳﯩﻨﺪﺍ ﺍﺭﻧﺎﻳﻰ ﺟﺎﺯﯨﻠﻌﺎﻥ. ﺍﻝ، ﮔﺮﻩﻙ، ﭘﺎﺭﺳﻰ ﺟﺎﺯﺑﺎﻻﺭﯨﻨﺪﺍ ﻳﺴﺴﻪﺩﻭﻥ ﺩﻩﮔﻪﻥ ﺍﺗﭙﻪﻥ ءﻣﺎﻟﯩﻢ. ﻭﻝ ﻛﻪﺯﺩﻩ ﯗﻳﺴﯩﻨﺪﻩﺭ ﺩﯞﺣﺎﻥ، ﻣﻪﻥ ﺷﯘﻟﻪﻥ ﺗﺎﯞﻯ ﺍﺭﺍﻟﯩﻌﯩﻦ ﻣﻪﻛﻪﻧﺪﻩﮔﻪﻥ ﮬﯘﻧﺪﺍﺭﺩﯨﯔ ﺑﺎﺗﯩﺴﯩﻨﺪﺍﻋﻰ ﺷﺎﻋﯩﻦ ﻩﻝ ﺑﻮﻻﺗﯩﻦ. ﻭﻝ ﻛﻪﺯﺩﻩ ءﯗﻳﺴﯩﻦ ﻩﻟﯩﻦ ءﻧﺎﻧﺪﻯ ءﺑﻲ ﺍﺗﺘﻰ ءﺑﻲ ﺑﻴﻠﻪﮔﻪﻥ. ءﻧﺎﻧﺪﻯ ﯗﻟﻰ ﺟﯘﺯﺩﻩﺭ ﺟﺎﺳﺎﻋﺎﻥ ءﺑﯩﺮ ﺭﻩﺗﻜﻰ ﺷﺎﺑﯟﯨﻠﺪﺍ ﻗﺎﺯﺍ ﺗﺎﺑﺎﺩﻯ. ﻩﺭﻯ ءﻭﻟﯩﭗ، ﻩﻟﻰ ﺷﺎﺑﯩﻠﯩﭗ، ﻭﺭﺩﺍﺳﻰ ﺷﺎﻋﯩﻠﻌﺎﻥ ءﯗﻳﺴﯩﻦ ﻩﻟﻰ ﺗﻪﻟﯩﻢ-ﺗﻪﻟﯩﻢ ﺑﻮﻟﯩﭗ، ءﺍﺭ ﺟﺎﻗﻘﺎ ﺍﯕﺸﺎ ﺑﻮﺳﻘﺎﻥ ﺷﺎﻗﺘﺎ ءﻧﺎﻧﺪﻯ ءﺑﻴﺪﯨﯔ ﺟﺎﯕﺎ ﺗﯟﯨﻠﻌﺎﻥ ﻩﻟﺠﺎﯞ ءﺑﻲ ﺍﺗﺘﻰ ﺑﺎﻻﺳﯩﻦ ﺗﯟﯨﺴﻰ ﺑﻮﺟﻪﻭﯕﻘﺎ ﻛﻮﻙ ءﺑﻮﺭﻯ ﻩﻣﯩﺰﯨﭗ، ﻗﯘﺳﺘﺎﺭ ﻩﺕ ﺍﻛﻪﻟﯩﭗ ﺑﻪﺭﯨﭗ ﺍﺳﯩﺮﺍﭖ ﺟﯘﺭﮔﻪﻥ ءﺷﻮﭖ ﺍﺭﺍﺳﯩﻨﺎﻥ ﺗﺎﯞﯨﭗ ﺍﻟﯩﭗ، ﮬﯘﻥ ءﺗﺎﯕﯩﺮ ﻗﯘﺗﯩﻨﺎ ﺍﭘﺎﺭﯨﭗ ﺑﻪﺭﻩﺩﻯ. ءﺗﺎﯕﯩﺮﻗﯘﺕ ﺑﯘﻝ ﺑﺎﻻﻧﻰ «ﻛﻴﻪﻟﻰ» ﺑﺎﻻ ﺩﻩﭖ ﻗﺎﺭﺍﭖ، ﺍﺳﯩﺮﺍﭖ ﻩﺭﺟﻪﺗﻜﯩﺰﻩﺩﻯ.

ﻩﻟﺠﺎﯞ ءﺑﻲ ﮬﯘﻥ ءﺗﺎﯕﯩﺮ ﻗﯘﺗﯩﻨﯩﯔ ﺗﺎﺭﺑﻴﻪﺳﯩﻨﺪﻩ ﻩﺭﺟﻪﺗﯩﭗ، ﺍﺕ ﺟﺎﻟﯩﻦ ﺗﺎﺭﺗﯩﭗ ﻣﯩﻨﻪﺗﯩﻦ ﺣﺎﻟﮕﻪ ﺟﻪﺗﻜﻪﻧﻨﻪﻥ ﻛﻪﻳﯩﻦ، ﻩﺳﯩﻦ ﺟﻴﻌﺎﻥ ﻩﻟﯩﻦ ﺑﺎﺳﻘﺎﺭﯨﭗ، ﺍﻛﻪﺳﯩﻨﯩﯔ ﺗﺎﻋﯩﻨﺎ ﻭﺗﯩﺮﺍﺩﻯ. ﺷﻪﺭﯞ ﺗﺎﺭﺗﯩﭗ ﺟﻮﺭﯨﻘﻘﺎ ﺍﺗﺘﺎﻧﯩﭗ، ﻩﺭﻟﯩﻚ ﻛﻮﺭﺳﻪﺗﯩﭗ، ﮬﯘﻥ ﺗﺎﯕﯩﺮﻗﯘﺗﯩﻨﺎ ﻩﯕﺒﻪﻙ ﺳﯩﯖﯩﺮﻩﺩﻯ. ﺳﻪﻧﯩﻤﮕﻪ ﻳﻪ ﺑﻮﻟﻌﺎﻥ ﻩﻟﺠﺎﯞ ءﺑﻲ ءﺗﺎﯕﯩﺮ ﻗﯘﺕ ﺟﺎﻋﯩﻨﺎﻥ ﮬﯘﻥ ﻩﻟﯩﻨﻪ ﻗﺎﺭﺍﺳﺘﻰ ﺑﺎﺗﯩﺲ ﻭﯕﯩﺮﺩﻯ ﻗﻮﺭﻋﺎﯞ ﻣﯩﻨﺪﻩﺗﯩﻦ ءﻭﺯ ﯗﺳﺘﯩﻨﻪ ﺍﻻﺩﻯ. ﻭﻥ ﻣﯩﯖﺪﺍﻋﺎﻥ ﺟﺎﺳﺎﻕ ﺟﻴﻨﺎﭖ، ﻭﻻﺭﻋﺎ ﺳﻮﻋﯩﺲ ﻭﻧﻪﺭﯨﻦ ﯗﻳﺮﻩﺗﻪﺩﻯ. ﺗﻮﻟﯩﺴﯩﭗ ﻩﺭﺟﻪﺗﻜﻪﻥ ﻩﻟﺠﺎﯞ ءﺑﻲ ﯗﻟﻰ ﺟﯘﺯﺩﻩﺭﺩﻩﻥ ﺍﺗﺎ ﻛﻪﮔﯩﻦ ﺍﻟﯟ ءﯗﺷﯩﻦ  ﮬﯘﻥ ءﺗﺎﯕﯩﺮ ﻗﯘﺗﯩﻨﺎﻥ ﺭﯗﻗﺴﺎﺕ ﺍﻟﯩﭗ، ﺟﺎﯕﺎ ﻩﺭﺍﻋﺎ ﺩﻩﻳﯩﻨﮕﻰ 161- ﺟﯩﻠﻰ ﯨﻠﻪ ﺍﻟﻘﺎﺑﯩﻨﺪﺍﻋﻰ ﯗﻟﻰ ﺟﯘﺯﺩﻩﺭﮔﻪ ﺷﺎﺑﯟﯨﻞ ﺟﺎﺳﺎﭖ، ﻭﻻﺭﺩﻯ ﺗﺎﻟﻘﺎﻧﺪﺍﭖ، ﺍﻣﯟ ءﺩﺍﺭﻳﺎﺳﯩﻨﺎ ﻗﺎﺭﺍﻱ ﯨﻌﯩﺴﺘﯩﺮﺍﺩﻯ.ءﻭﺯﻯ ﻩﻟﯩﻦ ﺑﺎﺳﺘﺎﭖ، ﯨﻠﻪ ﺍﻟﻘﺎﺑﯩﻨﺎ ﻛﻪﻟﯩﭗ ﻗﻮﻧﯩﺴﺘﺎﻧﺎﺩﻯ. ﯗﻳﺴﯩﻨﺪﻩﺭ ﺑﯘﺭﯨﻨﻨﺎﻥ ﯨﻠﻪ ﻭﯕﯩﺮﯨﻨﺪﻩ ﻗﺎﻟﻌﺎﻥ ءﺑﯩﺮ ءﺑﻮﻟﯩﻢ ﺳﺎﻕ ﺗﺎﻳﭙﺎﻻﺭﻯ ﻣﻪﻥ ﯗﻟﻰ ﺟﯘﺯﺩﻩﺭﺩﻩﻥ ﻗﺎﻟﻌﺎﻥ ﻩﻟﺪﻯ ﻭﺯﯨﻨﻪ ﻗﻮﺳﯩﭗ ﺍﻟﯩﭗ، ﻟﻪﺯﺩﻩ ﯨﻠﻪﺩﻩﮔﻰ ﻭﺭﻛﻪﻥ ﺟﺎﻳﻌﺎﻥ ﯨﺮﮔﻪﻟﻰ ﻩﻟﮕﻪ ﺍﻳﻨﺎﻟﯩﭗ، ﻗﯘﺩﯨﺮﻩﺗﺘﻰ ﻣﻪﻣﻠﻪﻛﻪﺕ ﻗﯘﺭﺍﺩﻯ. ﻭﻧﯩﯔ ﺗﻪﺭﻳﺘﻮﺭﻳﺎﺳﻰ ﺑﺎﺗﯩﺴﺘﺎ ﺷﯟ، ﺗﺎﻻﺱ ﻭﺯﻩﻧﺪﻩﺭﯨﻨﻪ ﺩﻩﻳﯩﻨﮕﻰ، ﺷﯩﻌﯩﺴﺘﺎ ءﺗﺎﯕﯩﺮ ﺗﺎﯞﻻﺭﯨﻨﯩﯔ ﺷﯩﻌﯩﺲ ﺳﯩﻠﻪﻣﺪﻩﺭﯨﻨﻪ ﺩﻩﻳﯩﻨﮕﻰ، ﺳﻮﻟﺘﯘﺳﺘﯩﻜﺘﻪ ﺑﺎﻟﻘﺎﺵ ﻛﻮﻟﯩﻨﻪﻥ ﺑﺎﺳﺘﺎﭖ، ﻭﯕﺘﯘﺳﺘﯩﻜﺘﻪ ﯨﺴﺘﯩﻘﻜﻮﻟﺪﯨﯔ ﻭﯕﺘﯘﺳﺘﯩﻚ ﺟﺎﻋﺎﻻﯞﯨﻨﺎ ﺩﻩﻳﯩﻨﮕﻰ ﺟﻪﺭﻟﻪﺭﺩﻯ ﻗﺎﻣﺘﻴﺪﻯ، ﻭﻝ ﺷﯩﻌﯩﺴﺘﺎ ﮬﯘﻧﺪﻩﺭﻣﻪﻥ ﺳﻮﻟﺘﯘﺳﺘﯩﻜﺘﻪ ﻗﺎﯕﻠﯩﻼﺭﻣﻪﻥ، ﺑﺎﺗﯩﺴﺘﺎ ﯗﻟﻰ ﺟﯘﺯﺩﻩﺭ ﻣﻪﻛﻪﻧﺪﻩﮔﻪﻥ ﭘﻪﺭﻋﺎﻧﺎﻣﻪﻥ، ﻭﯕﺘﯘﺳﺘﯩﻜﺘﻪ ﺗﺎﺭﯨﻢ ﻭﻳﭙﺎﺗﯩﻨﺪﺍﻋﻰ ﻗﺎﻻﻟﻰ ﻩﻟﺪﻩﺭﻣﻪﻥ ﻛﻮﺭﺷﯩﻠﻪﺱ ﺑﻮﻻﺩﻯ. ﭼﯩﮕﯟ(ﺷﯩﻌﯟ) ﻗﺎﻻﺳﯩﻦ ﻭﺭﺗﺎﻟﯩﻖ ﻩﺗﻪﺩﻯ.

ﻭﺳﻰ ﻛﻪﺯﺩﻩ ءﯗﻳﺴﯩﻦ ﻩﻟﻰ ﺍﺗﺎﻟﯩﻖ ﺭﯞﻟﯩﻖ ﻗﯘﺭﻟﯩﺴﯩﻨﺎﻥ ﻩﺭﻩﻛﺸﻪ ءﺗﯘﺱ ﺍﻟﻌﺎﻥ ﻗﯘﻟﺪﯨﻖ ءﺗﯘﺯﯨﻤﮕﻪ ﻩﻧﮕﻪﻥ. ﻭﺳﯩﻌﺎﻥ ﻭﺭﺍﻱ ءﺑﯩﺮﺷﺎﻣﺎ ﻛﻪﻣﻪﻟﯩﻨﻪ ﻛﻪﻟﮕﻪﻥ ﺍﻛﯩﻤﻴﺎﺗﺘﯩﻖ ﻗﯘﺭﯨﻠﻤﺪﺍﺭ ﻗﯘﺭﯨﻠﺪﻯ. ﻣﻪﻣﻠﻪﻛﻪﺗﺘﯩﯔ ﺟﻮﻋﺎﺭﻯ ﺑﻴﻠﻪﯞﺷﯩﺴﻰ ﻛﯘﻧﻤﯟ- ﻛﯘﻧﺒﻲ ﺩﻩﭖ ﺍﺗﺎﻟﺪﻯ. ﻭﻝ ءﻭﺯﻯ ﺗﺎﻋﺎﻳﯩﻨﺪﺍﻋﺎﻥ ﺍﺳﻜﻪﺭﻱ - ﺍﻛﯩﻤﺸﯩﻠﯩﻚ ءﻣﺎﻧﺴﺎﭘﺘﯩﻼﺭ ﺍﺭﻗﯩﻠﻰ ﻩﻟﯩﻦ ﻭﻧﺪﯨﻖ ءﺗﯘﺯﯨﻢ ﺑﻮﻳﯩﻨﺸﺎ ﺍﻛﯩﻤﺸﯩﻠﯩﻚ ﻭﯕﯩﺮﻟﻪﺭﮔﻪ ءﺑﻮﻟﯩﭗ ﺑﺎﺳﻘﺎﺭﻋﺎﻥ. ﻩﯓ ﺩﺍﯞﯨﺮﻟﻪﮔﻪﻥ ﻛﻪﺯﺩﻩ ءﯗﻳﺴﯩﻦ ﻩﻟﯩﻨﺪﻩ 120 ﻣﯩﯔ ءﺗﯘﺗﯩﻦ، 630 ﻣﯩﯔ ﺍﺩﺍﻡ، 188 ﻣﯩﯔ 800 ﺗﺎﯕﺪﺍﯞﻟﻰ ﺟﺎﺳﺎﻕ ﺑﻮﻟﻌﺎﻥ. ﺳﯘﻳﺘﻪ ﺗﯘﺭﺍ ﻭﻝ ﻛﻪﺯﺩﻩ ﯗﻳﺴﯩﻨﺪﻩﺭ ﮬﯘﻧﺪﺍﺭﺩﯨﯔ ﯨﻘﭙﺎﻟﯩﻨﺎﻥ ءﺍﻟﻰ ﻗﻮﻝ ﯗﺯﻩ ﺍﻟﻤﺎﻋﺎﻥ ﻩﺩﻯ.

ﺗﯘﺗﺎﺱ ﺑﺎﺗﯩﺲ ءﻭﯕﯩﺮﺩﯨﯔ ﻣﯩﻘﺘﻰ ﮬﯘﻧﺪﺍﺭﺩﯨﯔ ﻳﻪﻟﯩﮕﯩﻨﺪﻩ ﺑﻮﻟﯟﻯ، ﻭﻧﯩﯔ ﯗﺳﺘﯩﻨﻪ ﯗﻳﺴﯩﻨﺪﻩﺭﺩﯨﯔ ﯨﺮﮔﻪﻟﻰ ﻩﻟﮕﻪ ﺍﻳﻨﺎﻟﯩﭗ ﮬﯘﻧﺪﺍﺭﺩﯨﯔ ﯨﻘﭙﺎﻟﯩﻨﺪﺍ ﺑﻮﻟﯟﻯ ﺳﻮﻝ ﻛﻪﺯﺩﻩﮔﻰ ﻭﺭﺗﺎ ﺟﺎﺯﯨﻘﺘﺎﻋﻰ ﺣﺎﻥ ﭘﺎﺗﺸﺎﻟﯩﻌﯩﻨﺎ ﻗﺎﺗﺘﻰ ﺣﺎﯞﯨﭗ ﺗﻮﻧﺪﯨﺮﻩﺩﻯ. ﻭﺳﻰ ﺟﺎﻋﺪﺍﻳﺪﻯ ﻭﻳﻼﻋﺎﻥ ﺣﺎﻥ ﭘﺎﺗﺸﺎﻟﯩﻌﯩﻨﯩﯔ ﺣﺎﻥ ﯞﺩﻱ ﭘﺎﺗﺸﺎﺳﻰ ﺟﺎﯕﭽﻴﺎﻥ ﺍﺗﺘﻰ ﻩﻟﺸﯩﻨﻰ ﻩﻛﻰ ﺭﻩﺕ(ﺟﺎﯕﺎ ﻩﺭﺍﻋﺎ ﺩﻩﻳﯩﻨﮕﻰ 138- ﺟﯩﻠﻰ ﺟﺎﻧﻪ 119- ﺟﯩﻠﻰ)ﯨﻠﮕﻪﺭﯨﻨﺪﻯ - ﻛﻪﻳﯩﻨﺪﻯ ﯗﻟﻰ ﺟﯘﺯﺩﻩﺭ ﻣﻪﻥ ءﯗﻳﺴﯩﻦ ﻩﻟﯩﻨﻪ ﺟﯩﺒﻪﺭﻩﺩﻯ. ﺟﺎﯕﺎ ﻩﺭﻩﻋﺎ ﺩﻩﻳﯩﻨﮕﻰ 115- ﺟﯩﻠﻰ ءﯗﻳﺴﯩﻦ ﻩﻟﺸﯩﻠﻪﺭﻯ ﺣﺎﻥ ﭘﺎﺗﺸﺎﻟﯩﻌﯩﻨﯩﯔ ﺍﺳﺘﺎﻧﺎﺳﻰ ﭼﺎﯓ-ﺍﻧﻌﺎ ﻛﻪﻟﯩﭗ، ﺣﺎﻥ ﭘﺎﺗﺸﺎﻟﯩﻌﯩﻨﯩﯔ ءﻣﺎﻥ- ﺟﺎﻳﯩﻦ ﯗﻋﯩﭗ ﻗﺎﻳﺘﺎﺩﻯ. ءﻭﺯﺍﺭﺍ ﺗﯘﺳﯩﻨﯟﺩﻩﻥ ﺳﻮﯓ، ﻩﻛﻰ ﺟﺎﻕ ﺑﻪﻟﮕﯩﻠﻰ ﺳﺎﻳﺎﺳﻲ ﺟﺎﻧﻪ ﺍﺳﻜﻪﺭﻱ ﻣﺎﻗﺴﺎﺗﭙﻪﻥ ﻗﯘﺩﺍﻧﺪﺍﻟﯩﻖ ﻗﺎﺭﯨﻢ- ﻗﺎﺗﯩﻨﺎﺱ ﻭﺭﻧﺎﺗﺘﻰ. ﺟﺎﯕﺎ ﻩﺭﺍﻋﺎ ﺩﻩﻳﯩﻨﮕﻰ 109-110 - ﺟﯩﻠﺪﺍﺭﻯ ءﯗﻳﺴﯩﻦ ﻛﯘﻧﺒﻲ ﺣﺎﻥ ﭘﺎﺗﺸﺎﺳﯩﻨﯩﯔ ﺣﺎﻧﯩﺸﺎﺳﯩﻦ ﺍﻳﺘﺘﯩﺮﯨﭗ ﺍﻟﯟﻋﺎ ﻣﯩﯔ ﺟﯩﻠﻘﻰ ﻗﺎﻟﯩﯔ ﻣﺎﻝ ﺍﻳﺪﺍﺗﯩﭗ، ﻭﻻﺭﻋﺎ ﺍﺭﻧﺎﯞﻟﻰ ﺍﺩﺍﻡ ﺟﯩﺒﻪﺭﺩﻯ. ﻭﺳﯩﺪﺍﻥ ﻛﻪﻳﯩﻦ ﺣﺎﻥ ﭘﺎﺗﺸﺎﻟﯩﻌﻰ ﻭﺭﺩﺍﺳﯩﻨﺎﻥ ءﯗﻳﺴﯩﻦ ﻛﯘﻧﺒﻴﻠﻪﺭﯨﻨﻪ ﺷﻴﺠﯘﻥ، ﺟﻴﻪﻳﯘﻱ ﺳﻴﺎﻗﺘﻰ ﺣﺎﻧﯩﺸﺎﻻﺭ ﯗﺯﺍﺗﯩﻠﯩﭗ ﻛﻪﻟﻪﺩﻯ. ﺳﻮﻧﯩﻤﻪﻥ ﻩﻛﻰ ﻩﻝ ﺍﺭﺍﺳﯩﻨﺪﺍﻋﻰ ﺳﺎﻳﺎﺳﻲ، ﺷﺎﺭﯞﺍﺷﯩﻠﯩﻖ ﺟﺎﻧﻪ ﻣﺎﺩﻩﻧﻴﻪﺕ ﺟﺎﻗﺘﺎﻋﻰ ﻗﺎﺭﯨﻢ- ﻗﺎﺗﯩﻨﺎﺱ ﻛﯘﻧﻨﻪﻥ-ﻛﯘﻧﮕﻪ ﻗﻮﻳﯟﻻﺳﺎ ﺗﯘﺳﻪﺩﻯ.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn