<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ىلە كەلبەتى>>تاريحي دامۋى

ﻋﺎﺳﯩﺮﻻﺭ ﻗﻮﻳﻨﺎﯞﯨﻨﺎﻥ

 


ﻛﻮﺭﻧﯩﺴﻰ ﻛﻮﺭﻛﻪﻡ، ﻗﻮﻳﻨﺎﯞﻯ ﺑﺎﻳﻠﯩﻘﻘﺎ ﺗﻮﻟﻌﺎﻥ، ﺑﺎﻋﻰ ﺯﺍﻣﺎﻧﻨﺎﻥ ﺑﻪﺭﻯ ﺍﺩﺍﻣﺰﺍﺗﺘﯩﯔ ﻳﮕﯩﻠﯩﮕﻰ ءﯗﺷﯩﻦ ﯨﺮﯨﺴﺘﻰ ﻣﻪﻛﻪﻥ ﺑﻮﻟﯩﭗ ﻛﻪﻟﮕﻪﻥ ﯨﻠﻪ ﺗﺎﺭﻳﺤﺘﯩﯔ ﻛﯟﺍﺳﻰ، ﺷﯩﻨﺪﯨﻘﺘﯩﯔ ﺍﻳﻌﺎﻋﻰ، ﺍﺩﺍﻣﺰﺍﺕ ﺟﺎﺭﺍﺗﻘﺎﻥ ﺯﺍﺗﺘﯩﻖ ﻭﺭﻛﻪﻧﻴﻪﺕ ﭘﻪﻥ ﺭﯞﺣﺎﻧﻲ ﻭﺭﻛﻪﻧﻴﻪﺗﺘﯩﯔ ﻗﺎﻣﺒﺎﺳﻰ

ﺗﺎﺭﻳﺤﺘﻰ ﭘﺎﺭﺍﻗﺘﺎﭖ ﻛﻮﺭﮔﻪﻧﯩﻤﯩﺰﺩﻩ، ﯨﻠﻪ ءﻭﺯ ﺑﺎﺳﯩﻨﺎﻥ ﺳﯩﺮﻯ ﻣﻪﻥ ﻗﯩﺮﻯ ﻛﻮﭖ، ﺑﺎﻱ ﻣﺎﺯﻣﯘﻧﺪﻯ ﺗﺎﺭﻳﺤﺘﻰ ﻛﻪﺷﯩﺮﯨﭗ ﺑﯘﮔﯩﻨﮕﻰ ﻛﯘﻧﮕﻪ ﺟﻪﺗﻜﻪﻥ ﻩﻛﻪﻥ. ﺳﻪﻧﯩﻤﺪﻯ ﺟﺎﺯﺑﺎ ﺩﻩﺭﻩﻛﺘﻪﺭ ﻣﻪﻥ ﺍﺭﺣﻪﻭﻟﻮﮔﻴﺎﻟﯩﻖ ﻗﺎﺯﺑﺎﻻﺭﺩﯨﯔ ﺩﺍﻟﻪﻟﺪﻩﯞﯨﻨﺸﻪ، ﯨﻠﻪ ﺍﺩﺍﻣﺰﺍﺗﺘﯩﯔ ﺍﻟﻌﺎﺵ ﺗﺎﺭﺍﻟﻌﺎﻥ ﻣﻪﻛﻪﻧﻰ ﺑﻮﻟﻤﺎﺳﺎ ﺩﺍ ﺷﺎﻣﺎﻣﻪﻥ ﺑﯘﺩﺍﻥ 10 ﻣﯩﯔ ﺟﯩﻞ ﺑﯘﺭﯨﻦ ﺟﺎﯕﺎ ﺗﺎﺱ ﻗﯘﺭﺍﻟﺪﺍﺭ ﺩﺍﯞﯨﺮﯨﻨﻪ ﻩﻧﯩﭗ، ﺍﺩﺍﻣﺰﺍﺗﺘﯩﯔ ﺍﻟﺘﯩﻦ ﺑﻪﺳﯩﮕﯩﻨﻪ ﺍﻳﻨﺎﻻ ﺑﺎﺳﺘﺎﻋﺎﻥ ﻩﻛﻪﻥ. ﮔﻪﻭﻟﻮﮔﻴﺎ ﻋﯩﻠﯩﻤﻰ ﺗﯘﺭﻋﯩﺴﯩﻨﺎﻥ ﻗﺎﺭﺍﻋﺎﻧﺪﺍ، ﯨﻠﻪ ﻭﯕﯩﺮﯨﻨﯩﯔ ﻗﺎﺯﯨﺮﮔﻰ ﺟﻪﺭ ﻗﯩﺮﺗﯩﺴﻰ ﻭﺗﻪ ﯗﺯﺍﻕ ءﺑﯩﺮ ﻭﺯﮔﻪﺭﯨﺴﺘﻰ ﺑﺎﺳﯩﭗ ﻭﺗﯩﭗ، ﺍﺩﺍﻣﺰﺍﺗﺘﯩﯔ ﺗﯩﺮﺷﯩﻠﯩﻚ ﻩﺗﯟﯨﻨﻪ، ءﻭﺳﯩﭗ- ﻭﺭﺑﯟﯨﻨﻪ ﻗﻮﻻﻳﻠﻰ ﻭﺭﺗﺎﻋﺎ ﺍﻳﻨﺎﻟﻌﺎﻥ. ﺑﯩﻼﻳﺸﺎ ﺍﻳﺘﻘﺎﻧﺪﺍ، ءﯗﺵ ﺗﺎﯞ ﻗﻮﺭﺷﺎﻋﺎﻥ ﯨﻠﻪ ﺍﯕﻌﺎﺭﻯ ﺟﻪﺭ ﻗﯩﺮﺗﯩﺴﯩﻨﯩﯔ ﻧﻮﺑﺎﻳﻰ ﺑﯘﺩﺍﻥ 330 ﻣﻴﻠﻠﻴﻮﻥ ﺟﯩﻠﺪﯨﯔ ﺍﻟﺪﯨﻨﺪﺍﻋﻰ ﺍﺭﻋﻰ ﺯﺍﻣﺎﻧﻌﻰ ﺗﯩﺮﺷﯩﻠﯩﻚ ءﺩﺍﯞﯨﺮﯨﻨﯩﯔ ﺗﺎﺱ ﻛﻮﻣﯩﺮ  ﻋﺎﺳﯩﺮﯨﻨﺪﺍ ﻗﺎﻟﯩﭙﺘﺎﺳﻘﺎﻥ ﺩﺍ، ﺟﻪﺭ ﻗﯩﺮﺗﯩﺴﯩﻨﯩﯔ ﻛﯘﺷﺘﻰ ﻗﻮﺯﻋﺎﻟﯩﺴﯩﻨﺎ ﯨﻠﻪﺳﻪ ﻗﯘﺭﻟﯩﻖ ﻛﻮﺗﻪﺭﯨﻠﯩﭗ، ﺗﻪﯕﯩﺰ ﺳﯟﻯ ﺑﯩﺮﺗﯩﻨﺪﻩﭖ ﺷﻪﮔﯩﻨﮕﻪﻥ. ﺷﺎﻣﺎﻣﻪﻥ ﺑﯘﺩﺍﻥ 230 ﻣﻴﻠﻠﻴﻮﻥ ﺟﯩﻠﺪﯨﯔ ﺍﻟﺪﯨﻨﺪﺍﻋﻰ ﭘﻪﺭﯨﻢ ﻛﻪﺯﻩﯕﯩﻨﺪﻩ ﻩﺭﺗﻪﺩﻩﮔﻰ ءﺗﺎﯕﯩﺮ ﺗﺎﯞﯨﻨﯩﯔ (ﺗﻴﺎﻧﺸﺎﻥ ﺗﺎﯞﯨﻨﯩﯔ) ﻗﺎﺯﯨﺮﮔﻰ ﻛﻪﻟﺒﻪﺗﻰ ﻓﻮﺭﻣﺎﻻﻧﻌﺎﻥ، ﻭﺭﺗﺎ ﺗﯩﺮﺷﯩﻠﯩﻚ ﺩﺍﯞﯨﺮﯨﻨﺪﻩ ﯨﻠﻪ ﺍﯕﻌﺎﺭﻯ ﻭﺭﺍﺳﺎﻥ ﺯﻭﺭ ﯨﺸﻜﻰ ﻗﯘﺭﻟﯩﻖ ﻛﻮﻝ ﺗﺎﻋﺎﻧﯩﻨﺎ ﺍﻳﻨﺎﻟﻌﺎﻥ ﺩﺍ ﺍﺷﯩﻖ ﺗﯘﻗﯩﻤﺪﻯ ﻭﺳﯩﻤﺪﯨﻜﺘﻪﺭ ﻗﺎﯞﻻﻱ ﻭﺳﻪﺗﯩﻦ ﻳﯟﺩﺍ ﻛﻪﺯﻩﯕﯩﻦ ﺑﺎﺳﯩﭗ ءﻭﺗﯩﭙﺘﻰ. ﺟﺎﯕﺎ ﺗﯩﺮﺷﯩﻠﯩﻚ ءﺩﺍﯞﯨﺮﻯ ﺑﺎﺳﺘﺎﻟﻌﺎﻥ ﺳﻮﯓ  ﮔﻴﻤﺎﻻﻱ ﺗﺎﯞ ﻗﯩﺮﺗﯩﺴﯩﻨﯩﯔ ﻗﻮﺯﻋﺎﻟﯩﺴﻰ ﻭﺭﺍﺳﺎﻥ ﺗﻪﺯﺩﻩﭖ، ﺑﻮﻟﺸﻪﻛﺘﻪﻧﯟ ﺟﺎﻋﺪﺍﻳﻰ ﻛﯘﺷﻪﻳﮕﻪﻥ. ﻭﺳﻰ ﻛﻪﺯﺩﻩ ﻛﻮﻧﻪ ءﺗﺎﯕﯩﺮ ﺗﺎﯞﯨﻨﯩﯔ ﻗﯩﺮﻗﺎﻻﺭﻯ ﻛﻮﺗﻪﺭﯨﻠﻪ ﺗﯘﺳﯩﭗ، ﺑﻴﯩﻚ ﺗﺎﯞﻻﺭ ﻣﻪﻥ ﺗﻪﺭﻩﯓ ﺷﺎﺗﻘﺎﻟﺪﺍﺭ ﭘﺎﻳﺪﺍ ﺑﻮﻟﯩﭗ، ﻭﺯﻩﻥ ﺍﺭﻧﺎﻻﺭﻯ ﺗﻮﻟﯩﺴﯩﭗ، ﺟﻪﺭ ﻗﺎﺑﺎﺗﺘﺎﺭﻯ ﻗﺎﻟﯩﭙﺘﺎﺳﯩﭗ، ﯨﻠﻪ ﻭﯕﯩﺮﯨﻨﯩﯔ ﻗﺎﺯﯨﺮﮔﻰ ﺟﻪﺭ ﺑﻪﺩﻩﺭﺩﻯ ﺑﯩﺮﺗﯩﻨﺪﻩﭖ ﻗﺎﻟﯩﭙﺘﺎﺳﺎ ﺑﺎﺳﺘﺎﻋﺎﻥ، ﺟﺎﯕﺎ ﺗﯩﺮﺷﯩﻠﯩﻚ ءﺩﺍﯞﯨﺮﯨﻨﯩﯔ ﺍﻟﻌﺎﺷﻘﻰ ءﯗﺷﯩﻨﺸﻰ ﻛﻪﺯﻩﯕﯩﻨﻪ ﻭﺗﻜﻪﻧﺪﻩ ﺑﯘﻛﯩﻞ ﺟﻪﺭ ﺷﺎﺭﯨﻨﺪﯨﻖ ﯨﻠﻌﺎﻟﺪﻯ ﮔﻪﻭﻟﻮﮔﻴﺎﻟﯩﻖ ءﺩﺍﯞﯨﺮ ﺑﺎﺳﺘﺎﻟﯩﭗ، ﻗﺎﺑﯩﻘﺘﻰ ﻭﺳﯩﻤﺪﯨﻜﺘﻪﺭ ﻗﺎﯞﻻﻱ ءﻭﺳﯩﭗ، ﻭﺳﯩﻤﺪﯨﻜﺘﻪﺭ ﺷﻮﻋﯩﺮﻯ ﻛﯩﻠﻪﯓ ﻳﻨﻪ ﺟﺎﭘﯩﺮﺍﻗﺘﯩﻠﯩﻘﺘﺎﻥ، ﺟﻪﻣﯩﺴﻰ ﺗﻮﻟﯩﺴﻘﺎﻥ ﻛﻪﯓ، ﺟﺎﺳﯩﻞ ﺟﺎﭘﯩﺮﺍﻗﺘﯩﻠﯩﻘﻘﺎ ﺍﻳﻨﺎﻟﻌﺎﻥ، ﺟﺎﯕﺎ ﺗﯩﺮﺷﯩﻠﯩﻚ ﺩﺍﯞﯨﺮﯨﻨﯩﯔ ءﯗﺷﯩﻨﺸﻰ ﻛﻪﺯﻩﯕﯩﻨﯩﯔ ﺍﻟﻌﺎﺷﻘﻰ ﻣﻪﺯﮔﯩﻠﯩﻨﺪﻩ ﺍﯞﺍ ﺭﺍﻳﯩﻨﯩﯔ ﻭﺯﮔﻪﺭﯞﯨﻨﻪ ﺑﺎﻳﻼﻧﯩﺴﺘﻰ، ﻛﻪﯓ، ﺟﺎﺳﯩﻞ، ﺟﺎﭘﯩﺮﺍﻗﺘﻰ ﺍﻋﺎﺷﺘﺎﺭ ﺟﺎﭘﯩﺮﺍﻕ ﺗﻮﮔﻪﺗﯩﻦ ﺍﻋﺎﺷﺘﺎﺭﻋﺎ ﺍﻳﻨﺎﻟﯩﭗ، ﻗﺎﻟﯩﯔ ﺟﺎﭘﯩﺮﺍﻗﺘﻰ، ﺗﺎﻣﯩﺮﻟﻰ ﻭﺳﯩﻤﺪﯨﻜﺘﻪﺭﺩﻯ ﻧﻪﮔﯩﺰ ﻩﺗﻜﻪﻥ ﺟﺎﻳﻠﯩﻢ ﻗﺎﻟﯩﭙﺘﺎﺳﺘﻰ. ﯨﻠﻪﻧﯩﯔ ﻩﯓ ﻩﺭﺗﻪﺩﻩﮔﻰ ءﺑﯩﺮﺳﯩﭙﯩﺮﺍ ﻭﺳﯩﻤﺪﯨﻜﺘﻪﺭﻯ، ﻣﯩﻨﻪ ﻭﺳﻰ ﻛﻪﺯﺩﻩ ﭘﺎﻳﺪﺍ ﺑﻮﻟﻌﺎﻥ، ﺟﺎﯕﺎ ﺗﯩﺮﺷﯩﻠﯩﻚ ﺩﺍﯞﯨﺮﯨﻨﯩﯔ ءﯗﺷﯩﻨﺸﻰ ﻛﻪﺯﻩﯕﯩﻨﻪﻥ ﺑﺎﺳﺘﺎﭖ ﯨﻠﻪﻧﯩﯔ ﺍﯞﺍ ﺭﺍﻳﻰ ﺑﯩﺮﺗﯩﻨﺪﻩﭖ ﯨﺸﻜﻰ ﻗﯘﺭﻟﯩﻘﺘﺎﻧﯩﭗ، ﺟﺎﯕﺎ ﺗﯩﺮﺷﯩﻠﯩﻚ ﺩﺍﯞﯨﺮﯨﻨﯩﯔ، ءﺗﻮﺭﺗﯩﻨﺸﻰ ﻛﻪﺯﻩﯕﯩﻨﻪ ﻩﻧﮕﻪﻥ، ﻭﺳﻰ ﻛﻪﺯﻩﯕﺪﻩ ﺩﯗﻧﻴﻪ ءﺟﯘﺯﻯ ﺑﻮﻳﯩﻨﺸﺎ ﺍﻟﺪﻩ ﻧﻪﺷﻪ ﺭﻩﺗﻜﻰ ﺳﯟﯨﻘﺘﺎﻧﯟ ﺩﺍﯞﯨﺮﻯ ﺑﺎﺳﺘﺎﻟﻌﺎﻥ. ﺳﯟﯨﻘﺘﺎﻧﯟ ﺩﺍﯞﯨﺮﻯ ﻣﻪﻥ ﺍﺭﺍﻟﯩﻖ ﺳﯟﯨﻘﺘﺎﻧﯟ ﺩﺍﯞﯨﺮﯨﻨﯩﯔ ﺍﻟﻤﺎ- ﻛﻪﺯﻩﻙ ﺍﻟﻤﺎﺳﯟﻯ ﺑﺎﺭﯨﺴﯩﻨﺪﺍ ﯨﻠﻪﻧﯩﯔ ﺍﯞﺍ ﺭﺍﻳﻰ ﺑﯩﺮﺗﯩﻨﺪﻩﭖ ﻗﯘﺭﺩﺍﻕ ﺳﯟﯨﻖ ﺑﻮﻟﯩﭗ ﻗﺎﻟﯩﭙﺘﺎﺳﺘﻰ. ﺷﺎﻣﺎﻣﻪﻥ ﺳﯟﯨﻘﺘﺎﻧﯟﻯ ﺍﻳﺎﻗﺘﺎﻟﯩﭗ، ﯨﻠﻪﻧﯩﯔ ﻛﻪﻳﯩﻨﮕﻰ ﻛﻪﺯﺩﻩﮔﻰ ﺍﯞﺍ ﺭﺍﻳﻰ ﻩﺭﻩﻛﺸﻪﻟﯩﮕﻰ ﺑﯩﺮﺗﯩﻨﺪﻩﭖ ﻗﺎﻟﯩﭙﺘﺎﺳﻘﺎﻥ.

      ﺍﺭﺣﻪﻭﻟﻮﮔﻴﺎﻟﯩﻖ ﻗﺎﺯﺑﺎﻻﺭ ﺗﺎﺑﯩﺴﯩﻨﯩﯔ ﺩﺍﻟﻪﻟﺪﻩﯞﯨﻨﺸﻪ، ﯨﻠﻪ ﻭﺯﻩﻧﯩﻨﯩﯔ ﺍﻻﺑﻰ ﺳﻪﻛﯩﻠﺪﻯ ﺟﻪﺭﻟﻪﺭﺩﻩ« ﻧﺎﺯﯨﻚ ﺗﺎﺱ ﻗﯘﺭﺍﻟﺪﺍﺭ ﻣﺎﺩﻩﻧﻴﻪﺗﻰ» ﺍﺗﺎﻻﺗﯩﻦ ﯨﻠﻪﻧﯩﯔ ﺍﻟﻌﺎﺷﻘﻰ ﻣﺎﺩﻩﻧﻴﻪﺗﻰ ﻛﻪﯓ ﻛﻮﻟﻪﻣﺪﻩ ﺳﺎﻗﺘﺎﻟﻌﺎﻥ. ﯨﻠﻪﺩﻩﮔﻰ ﭘﯩﻠﯩﻜﺸﯩﻦ ﻭﺯﻩﻧﯩﻨﯩﯔ ﺳﯟ ﺍﻋﺎﺭﯨﻨﺪﺍﻋﻰ ﺍﻗﺘﻮﺑﻪﺩﻩﻥ، ﺗﺎﻋﻰ ﺑﺎﺳﻘﺎ ﺟﻪﺭﻟﻪﺭﺩﻩﻥ، ﺳﯩﭙﺎﻳﻰ ﺗﺎﺱ ﻗﯘﺭﺍﻟﺪﺍﺭ ﻣﺎﺩﻩﻧﻴﻪﺗﯩﻦ ﺑﻪﻳﻨﻪﻟﻪﻳﺘﯩﻦ ﻣﺎﺩﻩﻧﻲ ﻣﯘﺭﺍﻻﺭ ﻛﻮﭘﺘﻪﭖ ﺗﺎﺑﯩﻠﻌﺎﻥ. ﺑﯘﻝ ﺍﺭﺍﺩﺍ ءﺑﯩﺮﺗﺎﻻﻱ ﺟﺎﺳﺎﻧﺪﻯ ﺗﺎﺱ ﯗﻳﯩﻨﺪﯨﻠﻪﺭﻯ ﺑﻮﻟﻌﺎﻥ. ﻭﻻﺭﺩﯨﯔ ﯨﺸﯩﻨﻪﻥ ﯗﯕﻌﯩﻠﻰ ﺗﺎﺱ ﺑﺎﻟﺘﺎ، ﺗﺎﺱ ﻛﻪﻟﺴﺎﭖ، ﺗﺎﺱ ﺟﻪﺑﻪ، ﺗﺎﺱ ﭘﯩﺸﺎﻕ، ﺗﺎﺱ ﻧﺎﻳﺰﺍ ﺟﺎﻧﻪ ﺗﺎﺳﺘﺎﻥ ﺟﺎﺳﺎﻟﻌﺎﻥ ﺑﺎﺳﻘﺎ ﺩﺍ ﻗﯘﺭﺍﻝ- ﺟﺎﺑﺪﯨﻘﺘﺎﺭ ءﺍﺭﻯ ﻭﻻﺭﺩﯨﯔ ﺗﺎﺳﻘﺎ ﺍﻳﻨﺎﻟﻌﺎﻥ ﻗﺎﻟﺪﯨﻘﺘﺎﺭﻯ ﺑﺎﻳﻘﺎﻟﻌﺎﻥ. ﻭﺳﯩﻼﺭﺩﯨﯔ ﺑﺎﺭﻟﯩﻌﻰ ﺍﺩﺍﻣﺰﺍﺗﺘﯩﯔ ﻭﺳﻰ ﺳﯩﭙﺎﻳﻰ ﺗﺎﺱ ﻗﯘﺭﺍﻟﺪﺍﺭ ﺩﺍﯞﺭﯨﺮﯨﻨﺪﻩ ﯨﻠﻪ ﻭﯕﯩﺮﯨﻨﺪﻩ ﻗﺎﺩﺍﻡ ﺗﺎﺳﺘﺎﻋﺎﻧﺪﯨﻌﯩﻦ، ﺍﻟﻌﺎﺷﻘﻰ ﻭﻧﺪﯨﺮﯨﺴﺘﯩﻚ ﻗﻴﻤﯩﻠﺪﺍﺭ ﻣﻪﻥ ﺷﯘﻋﯩﻠﺪﺍﻧﻌﺎﻧﺪﯨﻌﯩﻦ ﺩﺍﻟﻪﻟﺪﻩﻳﺪﻯ.

 

                                                                                       «ﯨﻠﻪﻧﯩﯔ ﺗﺎﺭﻳﺢ - ﺷﻪﺟﯩﺮﻩﺳﻰ» ﻛﯩﺘﺎﺑﯩﻨﺎﻥ

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn