<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ىلە كەلبەتى>>اۋدان-قالالار كەلبەتى

ﻗﯘﻟﺠﺎ ﺍﯞﺩﺍﻧﯩﻨﯩﯔ ﺟﺎﻟﭙﻰ ﺍﺣﯟﺍﻟﻰ

 

 

ﻗﯘﻟﺠﺎ ﺍﯞﺩﺍﻧﻰ _ ﯨﻠﻪ ﻭﺯﻩﻧﻰ ﺍﯕﻌﺎﺭﯨﻨﯩﯔ ﻭﺭﺗﺎ ﺑﻮﻟﻪﮔﯩﻨﻪ ﻭﺭﻧﺎﻻﺳﻘﺎﻥ، ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﯩﻨﺪﺍﻋﻰ ﻗﯘﺭﯨﻠﻌﺎﻧﯩﻨﺎ ﻩﯓ ﯗﺯﺍﻕ ﺑﻮﻟﻌﺎﻥ، ﻩﯓ ﻩﺭﺗﻪ ﺗﯩﯔ ﻳﮕﻪﺭﯨﻠﮕﻪﻥ، ﺣﺎﻟﯩﻖ ﺳﺎﻧﻰ ﻩﯓ ﻛﻮﭖ ﺍﯞﺩﺍﻥ. ﻗﺎﺭﺍﻣﺎﻋﯩﻨﺪﺍ 16 ﺍﯞﯨﻞ، 2 ﻗﺎﻻﺷﯩﻖ، 2 ﺟﻪﺭﮔﯩﻠﯩﻜﺘﻰ ﻣﻪﻣﻠﻪﻛﻪﺕ ﻳﻪﻟﯩﮕﯩﻨﺪﻩﮔﻰ ﻩﮔﯩﻨﺸﯩﻠﯩﻚ ﺍﻻﯕﻰ ﺑﺎﺭ، ﺟﺎﻟﭙﻰ ﺟﻪﺭ ﺍﯞﻣﺎﻋﻰ 6150 ﺷﺎﺭﺷﻰ ﻛﻴﻠﻮﻣﻪﺗﺮ، ﺟﺎﻟﭙﻰ ﺟﺎﻥ ﺳﺎﻧﻰ 377 ﻣﯩﯔ ﺑﻮﻟﯩﭗ، ﯗﻳﻌﯘﺭ، ﺣﺎﻧﺰﯞ، ﻗﺎﺯﺍﻕ، ﺣﯘﻳﺰﯞ ﺳﻴﺎﻗﺘﻰ 28 ﯗﻟﺘﺘﺎﻥ ﻗﯘﺭﺍﻡ ﺗﺎﭘﻘﺎﻥ. ﺍﯞﺩﺍﻥ ﻗﺎﻻﺷﯩﻌﻰ ﺟﻪﻟﯩﻴﯘﺯ ﻗﺎﻻﺷﯩﻨﻌﺎ ﻭﺭﻧﺎﻻﺳﻘﺎﻥ، ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﯔ ﻭﺭﺗﺎﻟﯩﻌﻰ ﻗﯘﻟﺠﺎ ﻗﺎﻻﺳﯩﻨﺎﻥ 18 ﻛﻴﻠﻮﻣﻪﺗﺮ، ﻗﻮﺭﻋﺎﺱ ﻭﺗﻜﻪﻟﯩﻨﻪﻥ 90 ﻛﻴﻠﻮﻣﻪﺗﺮ ﻗﺎﺷﯩﻘﺘﯩﻘﺘﺎ. 218- ﻣﻪﻣﻠﻪﻛﻪﺕ ﺗﺎﺳﺠﻮﻟﻰ ﻣﻪﻥ 220- ﻭﻟﻜﻪ ﺗﺎﺳﺠﻮﻟﻰ ﻩﻧﺪﻩﻱ ءﻭﺗﯩﭗ ﺟﺎﺗﺎﺩﻯ، ﺳﺎﻟﯩﻨﯟ ﯗﺳﺘﯩﻨﺪﻩﮔﻰ ﺟﯩﯔ- ﻗﯘﻟﺠﺎ- ﻗﻮﺭﻋﺎﺱ ﺗﻪﻣﯩﺮﺟٶﻟﻰ ﺩﺍ ﻭﺳﻰ ﺍﯞﺩﺍﻧﺪﻯ ﺑﺎﺳﯩﭗ ﻭﺗﻪﺩﻯ، ﻭﻧﺪﺍ 4 ﺍﻳﺎﻟﺪﺍﻣﺎ ﺳﺎﻟﯩﻨﺎﺩﻯ، ﻣﯘﻧﯩﯔ ﯨﺸﯩﻨﺪﻩ، ﻧﻪﮔﯩﺰﮔﻰ ﺟﯘﻙ ﺍﻳﺎﻟﺪﺍﻣﺎﺳﻰ ﺍﯞﺩﺍﻧﻨﯩﯔ ﻭﺭﺗﺎ ﺑﻮﻟﻪﮔﯩﻨﻪ ﻭﺭﻧﺎﻻﺳﺎﺩﻯ. ﻗﯘﻟﺠﺎ ﺍﯞﺩﺍﻧﯩﻨﯩﯔ ﺷﯩﻌﯩﺴﭙﻪﻥ ﺑﯩﺮﻟﻪﺳﯩﭗ ﺑﺎﺗﯩﺴﻘﺎ ﺷﯩﻌﺎﺭﯞ ﺳﺘﺮﺍﺗﻪﮔﻴﺎﺳﯩﻨﺪﺍﻋﻰ ﺑﺎﺳﺘﺎﻣﺎﺷﯩﻠﺪﯨﻖ ﻭﺭﻧﻰ ﺍﻳﯩﺮﯨﻘﺸﺎ ﻛﻮﺭﻧﻪﻛﺘﻰ. ﻗﯘﻟﺠﺎ ﺍﯞﺩﺍﻧﯩﻨﯩﯔ ﺍﯞﺍﺭﺍﻳﻰ ﺟﺎﻧﻌﺎ ﺟﺎﻳﻠﻰ، ﺳﯟ ﺑﺎﻳﻠﯩﻌﻰ ﻣﻮﻝ، ﻛﯘﻥ ﻧﯘﺭﻯ ﺟﻪﺗﻜﯩﻠﯩﻜﺘﻰ، ﺗﻮﭘﯩﺮﺍﻋﻰ ﻗﯘﻧﺎﺭﻟﻰ، «ﺷﻪﻛﺎﺭﺍ ﻭﯕﯩﺮﺩﻩﮔﻰ ﯨﺮﯨﺴﺘﻰ ﻣﻪﻛﻪﻥ 1- ﺍﯞﺩﺍﻧﻰ» ﺩﻩﮔﻪﻥ ﺗﺎﻣﺎﺷﺎ ﺍﺗﻰ ﺑﺎﺭ. ﺍﯞﺩﺍﻥ ﺑﻮﻳﯩﻨﺸﺎ ﻣﻴﻠﻠﻴﻮﻥ ﻣﯟ ﻩﮔﯩﺴﺘﯩﻚ ﺟﻪﺭ، 4 ﻣﻴﻠﻠﻴﻮﻥ 200 ﻣﯩﯔ ﻣﯟ ﺗﺎﺑﻴﻌﻲ ﺟﺎﻳﯩﻠﯩﻢ ﺑﺎﺭ. ﻩﮔﯩﻨﺸﯩﻠﯩﻜﻜﻪ، ﻭﺭﻣﺎﻥ ﺷﺎﺭﯞﺍﺷﯩﻠﯩﻌﯩﻨﺎ، ﻣﺎﻝ ﺷﺎﺭﯞﺍﺷﯩﻠﯩﻌﯩﻨﺎ ﺑﺎﭖ ﻛﻪﻟﻪﺩﻯ، ﺯﺍﺗﺘﯩﻖ ﺑﺎﻳﻠﯩﻌﻰ ﺗﻮﺗﻪﻧﺸﻪ ﻣﻮﻝ، ﻗﺎﺯﯨﺮ ﺷﻴﻨﺠﻴﺎﯕﺪﺍﻋﻰ ﺍﺳﺘﯩﻖ، ﻩﺕ، ءﯗﻱ ﻗﯘﺳﻰ - ﺟﯘﻣﯩﺮﺗﻘﺎ، ﻗﺎﻧﯩﺖ ﻗﯩﺰﯨﻠﺸﺎﺳﻰ، ﺗﺎﻟﺸﯩﻘﺘﻰ ﺯﯨﻌﯩﺮ، ﺟﻪﻣﯩﺲ - ﺟﻴﺪﻩﻙ ﻭﻧﺪﯨﺮﻩﺗﯩﻦ ﻣﺎﯕﯩﺰﺩﻯ ﺑﺎﺯﺍﻋﺎ ﺍﻳﻨﺎﻟﯩﭗ ﻭﺗﯩﺮ.

ﻗﯘﻟﺠﺎ ﺍﯞﺩﺍﻧﯩﻨﯩﯔ ﺗﺎﺭﻳﺤﻰ ﯗﺯﺍﻕ، ﺑﺎﺗﯩﺲ ءﻭﯕﯩﺮﺩﯨﯔ ﯗﻟﺘﺘﯩﻖ ﺳﺎﻟﺖ- ﺳﺎﻧﺎﺳﻰ ﺗﻪﺭﻩﯓ ﺳﯩﯖﮕﻪﻥ. ﺣﺎﻥ ﺩﺍﯞﯨﺮﯨﻨﺪﻩﮔﻰ ءﯗﻳﺴﯩﻦ ﺑﺎﻳﯩﺮﻋﻰ ﻗﺎﺑﯩﺮﻻﺭ ﺷﻮﻋﯩﺮﻯ، ﺗﺎﯓ ﺩﺍﯞﯨﺮﯨﻨﺪﻩﮔﻰ ﺟﯩﺒﻪﻙ ﺟﻮﻟﯩﻨﯩﯔ ﺳﻮﻟﺘﯘﺳﺘﯩﻚ ﺟﻪﻟﯩﺴﯩﻨﺪﻩﮔﻰ ﻣﺎﯕﯩﺰﺩﻯ ﻗﺎﻻﺷﯩﻖ ﻗﻮﻳﻠﯩﻖ ﻗﺎﻻﺳﯩﻨﯩﯔ ﻩﺳﻜﻰ ﺟﯘﺭﺗﻰ، ﻣﻴﯔ ءﺩﺍﯞﯨﺮﯨﻨﯩﯔ ﯨﻠﻪ ﺑﺎﻟﯩﻖ ﺣﺎﻧﺪﯨﻌﯩﻨﺪﺍﻋﻰ ﺳﯘﻟﺘﺎﻥ ﯞﺍﻳﯩﺴﻘﺎﻧﻨﯩﯔ ﻣﺎﺯﺍﺭﻯ، ﭼﻴﯔ ﺩﺍﯞﯨﺮﯨﻨﺪﻩﮔﻰ ﻟﻴﻦ ﺯﯨﺸﯘﻳﺪﯨﯔ ﺑﺎﺳﺘﺎﻣﺎﺷﯩﻠﺪﯨﻌﯩﻨﺪﺍ ﻗﺎﺯﯨﻠﻌﺎﻥ ﺍﻕ ﻭﺳﺘﻪﯓ ﺳﻴﺎﻗﺘﻰ ﺗﺎﺭﻳﺤﻲ ﻣﯘﺭﺍﻻﺭ ﻭﺳﻰ ﺍﯞﺩﺍﻧﺪﺍ. ﻭﺯﮔﻪﺷﻪﻟﯩﻜﻜﻪ ﻳﻪ ﺗﺎﻳﺤﻲ ﻣﺎﺩﻩﻧﻴﻪﺕ، ﺍﺯ ﯗﻟﺘﺘﺎﺭﺩﯨﯔ ﺳﺎﻟﺖ - ﺳﺎﻧﺎﺳﻰ، ﺳﻮﻧﺪﺍﻱ- ﺍﻕ، ﻛﻮﺭﻛﻰ ﻛﻮﺯ ﺗﺎﺭﺗﺎﺗﯩﻦ ﺗﺎﯞ - ﺳﯟﻯ، ﺑﺎﯞ- ﺑﺎﻗﺸﺎﻟﻰ ﻭﺭﻣﺎﻥ - ﺗﻮﻋﺎﻳﻼﺭﻯ «ﻩﮔﯩﻨﺸﻰ، ﺑﺎﻟﯩﻘﺸﻰ، ﻣﺎﻟﺸﻰ ﻛﻮﯕﯩﻞ ﺍﺷﯟ» ﺳﺎﻳﺎﺣﺎﺗﻰ، ﯗﻟﺘﺘﯩﻖ ﺳﺎﻟﺖ - ﺳﺎﻧﺎ ﺳﺎﻳﺎﺣﺎﺗﻰ، ﺳﻪﻳﯩﻞ - ﺳﻪﺭﯞﻩﻥ ﺳﺎﻳﺎﺣﺎﺗﻰ، ﺟﺎﮬﺎﻧﮕﻪﺯﺩﯨﻚ ﺳﺎﻳﺎﺣﺎﺗﻰ ﺳﻴﺎﻗﺘﻰ ﺳﺎﻳﺎﺣﺎﺕ ﻛﺎﺳﯩﭙﺘﻪﺭﯨﻨﯩﯔ ﺑﺎﺭﯨﻨﺸﺎ ﻭﺭﻛﻪﻧﺪﻩﯞﯨﻨﻪ ﻛﻪﯓ ءﻭﺭﯨﺲ ﺍﺷﯩﭗ ﺑﻪﺭﺩﻯ.

ﻗﯘﻟﺠﺎ ﺍﯞﺩﺍﻧﯩﻨﯩﯔ ﻣﻮﻝ ﺍﯞﯨﻞ ﺷﺎﺭﯞﺍﺷﯩﻠﯩﻖ ﻭﻧﯩﻤﺪﻩﺭﻯ ﺑﺎﻳﻠﯩﻌﻰ، ﻛﻪﻥ ﺑﺎﻳﻠﯩﻌﻰ ﺟﺎﻧﻪ ﻣﻮﻝ ءﺍﺭﻯ ﺍﺭﺯﺍﻥ ﻩﻟﻪﻛﺘﺮ ﺑﺎﻳﻠﯩﻌﻰ ﻭﻧﻪﺭﻛﺎﺳﯩﭙﺘﯩﯔ ﺩﺍﻣﯟﯨﻨﺎ ﺗﺎﻣﺎﺷﺎ ﺷﺎﺭﺕ - ﺟﺎﻋﺪﺍﻱ ﺍﺯﯨﺮﻟﻪﭖ ﺑﻪﺭﺩﻯ. ﺍﯞﺩﺍﻥ ﺍﯞﻣﺎﻋﯩﻨﺪﺍ ﺍﺷﯟ ﻗﯘﻧﯩﻨﺎ ﻳﻪ ﻛﻪﻥ ﺑﺎﻳﻠﯩﻘﺘﺎﺭﯨﻨﺎﻥ ﻛﻮﻣﯩﺮ، ﺍﻟﺘﯩﻦ، ﻛﯘﻣﯩﺲ، ﺗﻪﻣﯩﺮ، ﻣﯩﺲ، ﺍﻟﯟﻣﻴﻦ، ﻧﻴﻜﻪﻝ، ﻛﯚﺍﺭﺗﯩﺲ ﻗﯘﻡ، ﺍﻙ ﺗﺎﺱ، ﮔﺮﺍﻧﺖ ﺗﺎﺱ ﺳﻴﺎﻗﺘﻰ 20 ﻧﻪﺷﻪ ءﺗﯘﺭﻟﻰ ﻛﻪﻥ ﻭﻧﯩﻤﺪﻩﺭﻯ ﺗﻪﻛﺴﻪﺭﯨﭗ ﺍﻧﯩﻘﺘﺎﻟﺪﻯ، ﻣﯘﻧﯩﯔ ﯨﺸﯩﻨﺪﻩ ﻛﻮﻣﯩﺮﺩﯨﯔ ﺍﻧﯩﻘﺘﺎﻟﻌﺎﻥ ﺯﺍﭘﺎﺱ ﻗﻮﺭﻯ 2 ﻣﻴﻠﻠﻴﺎﺭﺩ 500 ﻣﻴﻠﻠﻴﻮﻥ ﺗﻮﻧﻨﺎ، ﻛﯚﺍﺭﺗﯩﺲ ﻗﯘﻡ ﻗﻮﺭﻯ 750 ﻣﻴﻠﻠﻴﻮﻥ ﺗﻮﻧﻨﺎ، ﺍﻙ ﺗﺎﺳﯩﻨﯩﯔ ﮔﻪﻭﻟﻮﮔﻴﺎﻟﯩﻖ ﻗﻮﺭﻯ 653 ﻣﻴﻠﻠﻴﺎﺭﺩ 100 ﻣﻴﻠﻠﻴﻮﻥ ﺗﻮﻧﻨﺎ، ﻗﯘﺭﯨﻠﯩﺲ ﻣﺎﺗﻪﺭﻳﺎﻟﻰ ﺑﻮﻟﻌﺎﻥ ﮔﺮﺍﻧﺖ ﺗﺎﺳﻰ 188 ﻣﻴﻠﻠﻴﺎﺭﺩ ﺗﻪﻛﺸﻪ ﻣﻪﺗﺮ. ﻛﻪﻥ ﻭﺭﯨﻨﺪﺍﺭﯨﻨﯩﯔ ﻗﺎﺗﯩﻨﺎﺳﻰ ﻗﻮﻻﻳﻠﻰ ﺑﻮﻟﯩﭗ، ﻛﻪﯓ ﻛﻮﻟﻪﻣﺪﻩ ﺍﺷﯟﻋﺎ ﯗﻳﻠﻪﺳﻪﺩﻯ. ﺍﯞﺩﺍﻥ ﺍﯞﻣﺎﻋﯩﻨﺪﺍ ﺣﺎﻟﯩﻖ، ﯨﻨﺘﯩﻤﺎﻕ، ﺗﻮﻗﺎﻱ ﺳﯩﻨﺪﻯ ءﯗﺵ ﯗﻟﻜﻪﻥ ﺳﯟ ﻩﻟﻪﻛﺘﺮ ﺳﺘﺎﻧﺴﻴﺎﺳﻰ ﺑﺎﺭ، ﺟﺎﻟﭙﻰ ﮔﻪﻧﺎﺭﺍﺗﻮﺭ ﺳﻴﯩﻤﺪﯨﻠﯩﻌﻰ 70 ﻣﯩﯔ ﻛﻴﻠﻮﯙﺍﺕ ﻛﻪﻟﻪﺩﻯ، ﺗﻮﯕﯩﺮﻩﮔﯩﻨﺪﻩ ﺟﯩﺮﯨﻨﺘﺎﻱ، ﻗﺎﭘﺸﺎﻋﺎﻱ ﺳﯩﻨﺪﻯ ﮔﻪﻧﺎﺭﺍﺗﻮﺭ ﺳﻴﯩﻤﺪﯨﻠﯩﻌﻰ 700 ﻣﯩﯔ ﻛﻴﻠﻮﯙﺍﺕ ﻛﻪﻟﻪﺗﯩﻦ  ﻩﻛﻰ ءﯨﺮﻯ ﺳﯟ ﻩﻟﻪﻛﺘﺮ ﺳﺘﺎﻧﺴﻴﺎﺳﻰ ﺑﻮﻟﯩﭗ، ﺍﯞﺩﺍﻧﯩﻤﯩﺰﺩﯨﯔ ﻩﻧﻪﺭﮔﻴﺎ ﺟﯘﻣﺴﺎﻟﯩﻤﻰ ﺟﻮﻋﺎﺭﻯ ﻛﺎﺳﯩﭙﺘﻪﺭﯨﻦ ﻣﻮﻝ ءﺍﺭﻯ ﺍﺭﺯﺍﻥ ﻩﻧﻪﺭﮔﻴﺎﻣﻪﻥ ﻗﺎﻣﺘﺎﻣﺎﺳﯩﺰ ﻩﺗﯩﭗ ﻭﺗﯩﺮ. ﻛﻪﺯﻩﻛﺘﻪ، ﺍﻟﺘﯩﻦ ﻗﯘﺭﯨﻠﯩﺲ ﻣﺎﺗﻪﺭﻳﺎﻟﺪﺍﺭﯨﻦ ﺍﺷﯟ ﺟﯘﻣﯩﺴﻰ ﺑﺎﺳﺘﺎﻟﯩﭗ، ﻗﺎﻧﺖ ﻗﯩﺰﯨﻠﺸﺎﺳﻰ، ﺗﺎﻟﺸﯩﻘﺘﻰ ﺯﯨﻌﯩﺮ، ﺍﻋﺎﺵ ﻣﺎﺗﻪﺭﻳﺎﻟﺪﺍﺭﯨﻦ ﻣﺎﻧﻪﺭﻟﻪﯞ ﻛﺎﺳﯩﭙﺘﻪﺭﯨﻨﺪﻩ ﺍﻟﻌﺎﺷﻘﻰ ﻛﻮﻟﻪﻡ ﻗﺎﻟﯩﭙﺘﺎﺳﻘﺎﻧﻨﺎﻥ ﺳﯩﺮﺕ، ﺑﺎﺳﻘﺎ ﻛﻪﻥ ﺑﺎﻳﻠﯩﻘﺘﺎﺭﯨﻦ، ﺍﯞﯨﻞ ﺷﺎﺭﯞﺍﺷﯩﻠﯩﻖ ﻭﻧﯩﻤﺪﻩﺭﻯ ﺑﺎﻳﻠﯩﻘﺘﺎﺭﯨﻦ ﺍﺷﯟ، ﻣﺎﻧﻪﺭﻟﻪﯞ ﺟﯘﻣﯩﺴﺘﺎﺭﻯ ﻧﻪﮔﯩﺰﯨﻨﻪﻥ ﺍﻕ ﺗﺎﯕﺪﺍﻕ ﻛﯘﻳﺪﻩ ﺗﯘﺭ.

ﺳﻮﯕﻌﻰ ﺟﯩﻠﺪﺍﺭﺩﺍﻥ ﺑﻪﺭﻯ، ﻗﯘﻟﺠﺎ ﺍﯞﺩﺍﻧﺪﯨﻖ ﭘﺎﺭﺗﻜﻮﻡ، ﺣﺎﻟﯩﻖ ﯗﻛﯩﻤﻪﺗﻰ ﺑﺎﺗﯩﺲ ﺑﻮﻟﻪﻛﺘﻰ ﻗﺎﯞﯨﺮﺕ ﺍﺷﯟ ﻭﺭﺍﻳﯩﻦ ﺑﻪﻟﺴﻪﻧﻪ ﻣﯩﻘﺘﻰ ﻳﮕﻪﺭﯨﭗ، ﻩﻛﻮﻟﻮﮔﻴﺎﻟﯩﻖ ﺍﯞﺩﺍﻥ ﻗﯘﺭﯞ، ﺍﯞﯨﻞ ﺷﺎﺭﯞﺍﺷﯩﻠﯩﻌﻰ ﺍﺭﻗﯩﻠﻰ ﻭﺭﻧﯩﻘﺘﯩﺮﯞ، ﻭﻧﻪﺭﻛﺎﺳﯩﭗ ﺍﺭﻗﯩﻠﻰ ﻛﯘﺷﻪﻳﺘﯟ، ﺳﺎﻳﺎﺣﺎﺕ ﺍﺭﻗﯩﻠﻰ ﺟﺎﻧﺪﺍﻧﺪﯨﺮﯞ، ﻋﯩﻠﯩﻢ - ﺗﻪﺣﻨﻴﻜﺎ، ﻭﻗﯟ - ﺍﻋﺎﺭﺗﯟ ﺍﺭﻗﯩﻠﻰ ﮔﯘﻟﺪﻩﻧﺪﯨﺮﯞ ﺳﯩﻨﺪﻯ ﺩﺍﻣﯟ ﻳﺪﻩﻳﺎﺳﯩﻦ ﻭﺭﻧﺎﺗﯩﭗ، ﺩﺍﻣﯟ ﻣﻪﻥ ﻭﺭﻧﯩﻘﺘﯩﻠﯩﻖ ﺳﯩﻨﺪﻯ ﻧﻪﮔﯩﺰﮔﻰ ﺗﺎﻗﯩﺮﯨﭙﺘﻰ ﻣﯩﻘﺘﻰ ﻳﮕﻪﺭﯨﭗ، ﻩﻛﻮﻧﻮﻣﻴﻜﺎﻧﻰ، ﻗﻮﻋﺎﻣﺪﻯ ﺳﺎﻳﻜﻪﺳﺘﻰ ﺗﻪﺯ ﺩﺍﻣﯩﺘﯟﺩﻯ، ﻗﺎﺯﯨﻨﺎﻟﯩﻖ ﻛﯩﺮﯨﺴﺘﻰ، ﺷﺎﺭﯞﺍﻻﺭ ﻛﯩﺮﯨﺴﯩﻦ ﺍﺭﺗﺘﯩﺮﯞﺩﻯ ﺗﻮﯕﯩﺮﻩﻛﺘﻪﻱ ﻭﺗﯩﺮﯨﭗ، ﺍﯞﯨﻞ ﺷﺎﺭﯞﺍﺷﯩﻠﯩﻌﯩﻦ ﻛﺎﺳﯩﭗ ﺳﺎﻻﻻﻧﺪﯨﺮﯞ، ﻭﻧﻪﺭﻛﺎﺳﯩﭗ ﺍﺭﻗﯩﻠﻰ ﺍﯞﺩﺍﻧﺪﻯ ﻗﯟﺍﺗﺘﺎﻧﺪﯨﺮﯞ، ﺷﺎﻋﯩﻦ ﻗﺎﻻ - ﻗﺎﻻﺷﯩﻘﺘﺎﺭ ﺍﺭﻗﯩﻠﻰ ﻗﻮﺯﻋﺎﯞﺷﯩﻠﯩﻖ ﻩﺗﯟ، ﺍﯞﺩﺍﻧﺪﻯ ﻋﯩﻠﯩﻢ - ﺗﻪﺣﻨﻴﻜﺎ، ﻭﻗﯟ - ﺍﻋﺎﺭﺗﯟ ﺍﺭﻗﯩﻠﻰ ﻭﺭﻛﻪﻧﺪﻩﺗﯟ ﺳﺘﺮﺍﺗﻪﮔﻴﺎﺳﯩﻦ ﺑﺎﺭﯨﻨﺸﺎ ﺍﺗﻘﺎﺭﯨﭗ، ﺳﺎﯞﺩﺍﮔﻪﺭ ﺷﺎﻗﯩﺮﯨﭗ ﻗﺎﺭﺟﻰ ﻩﻧﮕﯩﺰﯞ، ﻧﻪﮔﯩﺰﺩﯨﻚ ﻗﯘﺭﯨﻠﯩﺲ، ﺳﺎﻳﺎﺣﺎﺕ ﻛﺎﺳﺒﻰ، ﻭﻗﯟ - ﺍﻋﺎﺭﺗﯟ، ﺟﺎﯕﺎﺷﺎ ﺍﯞﯨﻞ - ﻗﯩﺴﺘﺎﻕ ﻗﯘﺭﯨﻠﯩﺴﻰ ﺳﻴﺎﻗﺘﻰ 5 ءﺗﯘﻳﯩﻨﺪﻯ ﻗﯩﺰﻣﻪﺗﺘﻰ ﻛﻮﺭﻧﻪﻛﺘﯩﻠﻪﻧﺪﯨﺮﯨﭗ، ﺍﯞﯨﻞ ﺷﺎﺭﯞﺍﺷﯩﻠﯩﻌﯩﻨﺪﺍ ﻗﯟﺍﺗﺘﻰ، ﻭﻧﻪﺭﻛﺎﺳﯩﭙﺘﻪ ءﯨﺮﻯ، ﻣﺎﺩﻩﻧﻴﻪﺗﺘﻪ ﺍﻳﮕﯩﻠﻰ، ﺟﺎﺭﺍﺳﯩﻤﺪﻯ ﻗﯘﻟﺠﺎ ﺍﯞﺩﺍﻧﯩﻦ ﺟﺎﺭﺍﺗﯟﻋﺎ ﻗﯘﻟﺸﯩﻨﯩﭗ، ﻩﻛﻮﻧﻮﻣﻴﻜﺎﺳﯩﻨﯩﯔ ﺩﺍﻣﯟﻯ ﺑﺎﻳﺎﻧﺪﻯ، ﺗﻪﺯ، ﻭﺭﻧﯩﻘﺘﻰ ﺍﺭﺗﯟﺩﯨﯔ ﺟﺎﯕﺎ ﻛﻪﺯﻩﯕﯩﻨﻪ ﻗﺎﺩﺍﻡ ﺗﺎﺳﺘﺎﺩﻯ. 2005- ﺟﯩﻠﻰ ﺍﯞﺩﺍﻥ ﺑﻮﻳﯩﻨﺸﺎ ﯨﺸﻜﻰ ءﻭﻧﺪﯨﺮﯨﺴﺘﯩﯔ ﺟﺎﻟﭙﻰ ﻗﯘﻧﻰ ءﺑﯩﺮ ﻣﻴﻠﻠﻴﺎﺭﺩ 930 ﻣﻴﻠﻠﻴﻮﻥ ﻳﯟﺍﻧﻌﺎ ﺟﻪﺗﯩﭗ، ٪15.3 ﺍﺭﺗﯩﭗ، ﺗﺎﺭﻳﺤﺘﺎﻋﻰ ﻩﯓ ﺟﻮﻋﺎﺭﻯ ﻭﺭﻩ ﺟﺎﺭﺍﺗﯩﻠﺪﻯ؛ 3 ﻛﺎﺳﯩﭙﺘﯩﯔ ﻗﯘﺭﯨﻠﯩﻤﻰ 25: 38: 37 ﻧﺎ ﻭﺯﮔﻪﺭﺩﻯ. ﺟﻪﺭﮔﯩﻠﯩﻜﺘﻰ ﻗﺎﺯﯨﻨﺎﻟﯩﻖ ﻛﯩﺮﯨﺴﻰ 66 ﻣﻴﻠﻠﻴﻮﻥ 700 ﻣﯩﯔ ﻳﯟﺍﻧﻌﺎ ﺟﻪﺗﯩﭗ، ﻭﺗﻜﻪﻥ ﺟﯩﻠﻌﻰ ﯗﻗﺴﺎﺱ ﻣﻪﺯﮔﯩﻠﺪﻩﮔﯩﺪﻩﻥ ٪25.9 ﺍﺭﺗﺘﻰ؛ ﻭﻧﻪﺭﻛﺎﺳﯩﭗ ﺟﺎﻟﭙﻰ ءﻭﻧﯩﻢ ﻗﯘﻧﻰ 390 ﻣﻴﻠﻠﻴﻮﻥ ﻳﯟﺍﻧﻌﺎ ﺟﻪﺗﯩﭗ، ٪21.5 ﺍﺭﺗﺘﻰ، ﻩﮔﯩﻨﺸﻰ، ﻣﺎﻟﺸﯩﻼﺭﺩﯨﯔ ﺟﺎﻥ ﺑﺎﺳﯩﻨﺪﯨﻖ ﻛﯩﺮﯨﺴﻰ 3154 ﻳﯟﺍﻧﻌﺎ ﺟﻪﺗﺘﻰ؛ ﺍﯞﺩﺍﻧﻨﯩﯔ ﻭﯕﯩﺮﻟﯩﻚ ﻩﻛﻮﻧﻮﻣﻴﻜﺎﺳﯩﻨﺪﺍ ﻗﺎﻟﯩﭙﺘﺎﻥ ﺗﯩﺲ ﺩﺍﻣﯟ ﺍﯞﻗﯩﻤﻰ ﺑﺎﺭﻟﯩﻘﻘﺎ ﻛﻪﻟﺪﻯ.

ﻗﺎﺭﯨﺸﺘﺎﭖ ﺩﺍﻣﯟ ﯗﺳﺘﯩﻨﺪﻩﮔﻰ ﻗﯘﻟﺠﺎ ﺍﯞﺩﺍﻧﻰ ﻛﻪﯓ ﻗﯘﺷﺎﻋﯩﻤﻪﻥ، ءﺗﻴﯩﻤﺪﻯ ﺳﺎﻳﺎﺳﺎﺗﯩﻤﻪﻥ، ﺗﯩﻨﯩﺴﺘﻰ ﻭﺭﺗﺎﺳﯩﻤﻪﻥ، ﻩﻝ ءﯨﺸﻰ - ﺳﯩﺮﺗﯩﻨﺪﺍﻋﻰ ﻗﺎﻳﺮﺍﺗﻜﻪﺭﻟﻪﺭﺩﯨﯔ ﻗﯘﻟﺠﺎ ﺍﯞﺩﺍﻧﯩﻨﺎ ﻛﻪﻟﯩﭗ ﻗﺎﺭﺟﻰ ﻗﻮﺳﯩﭗ، ﻛﺎﺳﯩﭙﺘﻪﺭﯨﻦ ﻛﻮﺭﻛﻪﻳﺘﯟﯨﻦ، ﺳﺎﻳﺎﺣﺎﺗﺘﺎﻱ ﻛﻪﻟﯟﯨﻦ ﺷﯩﻦ ﯨﻘﯩﻼﺳﭙﻪﻥ ﻗﺎﺭﺳﻰ ﺍﻻﺩﻯ، ﻗﯘﻟﺠﺎ ﺍﯞﺩﺍﻧﻰ ﺳﯩﺰﺑﻪﻥ ﻗﻮﻝ ﯗﺳﺘﺎﺳﺎ ﻭﺗﯩﺮﯨﭗ، ﻛﻮﺭﻛﻪﻡ ﺑﻮﻻﺷﺎﻗﺘﻰ ﻭﺭﺗﺎﻕ ﺟﺎﺭﺍﺗﺎﺩﻯ.

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn