<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>حابارلاندىرۋ

اۆتونوميالى وبلىستىق ۇلتتار ءتىل- جازۋ قىزمەتى كوميتەتىنىڭ اۆتونوميالى وبلىستىڭ ءتىل - جازۋ قىزمەتىن كۇشەيتۋ جونىندەگى پىكىرىن تاراتۋ جايلى ۇقتىرۋى

 

ءى و حالىق ۇكىمەتى كەڭسە مەڭگەرمەسىنەن [2006] 144- ءنومىرلى

 

 

تارباعاتاي، التاي ايماقتىق ءۋالي مەكەمەسىنە، وبلىسقا توتە قاراستى اۋدان، قالالىق حالىق ۇكىمەتتەرىنە، وبلىستىق حالىق ۇكىمەتىنىڭ تاراۋلارىنا، توتە قاراستى قۇرىلىمدارىنا، قورعاس، دۋلات وتكەلىن باسقارۋ كوميتەتتەرىنە:

اۆتونوميالى وبلىستىق ۇلتتىق ءتىل - جازۋ قىزمەتى كوميتەتىنىڭ «اۆتونوميالى وبلىستىڭ ءتىل - جازۋ قىزمەتىن كۇشەيتۋ جٶنىندەگى پىكىرى» وبلىستىق حالىق ۇكىمەتىنىڭ ماقۇلداۋىنان ءوتىپ،  سىزدەرگە تاراتىپ وتىرمىز، ءىس جۇزىندىككە بىرلەستىرە وتىرىپ، مۇقيات دايەكتى اتقارۋلارىڭىزدى سۇرايمىز.

 

اۆتونوميالى وبلىستىڭ ءتىل - جازۋ قىزمەتىن

 كۇشەيتۋ جونىندەگى پىكىرى

 

 

اۆتونوميالى وبلىستىق ۇلتتار ءتىل - جازۋ قىزمەتى كوميتەتى

(2006- جىلى 15- قازان)

 

اۆتونوميالى وبلىستىڭ ۇلتتار ءتىل - جازۋ قىزمەتىنىڭ دامۋى مەن گۇلدەنىپ - كوركەيۋىن ىلگەرىلەتۋ، ءار ۇلت حالقىنىڭ عىلمي مادەنيەت ورەسىن جٶعارىلاتۋ ءۇشىن، «جۇڭحۋا حالىق رەسپۋبليكاسىنىڭ مەملەكەتتە ءبىر تۇتاس قولدانىلاتىن ءتىل - جازۋ زاڭى» مەن «شينجياڭ ۇيعۇر اۆتونوميالى رايوننىڭ ءتىل - جازۋ قىزمەتى ەرەجەسى»، سونداي- اق «ىلە قازاق اۆتونوميالى وبلىسىنىڭ قوعامدىق ءتىل - جازۋدى باسقارۋ ادىسىنە» ساي، اۆتونوميالى وبلىستىڭ ءتىل - جازۋ قىزمەتىن كۇشەيتۋ جونىندە تومەندەگىدەي پىكىرلەردى العا قويدىق.

ءبىرىنشى، «مەملەكەتتە ءبىر تۇتاس قولدانىلاتىن ءتىل - جازۋ زاڭى» مەن «اۆتونوميالى رايوننىڭ ءتىل - جازۋ قىزمەت ەرەجەسىنىڭ» ۇگت تەبىنىن ۇزدىكسىز كۇشەيتىپ، «مەملەكەتتە ءبىر تۇتاس قولدانىلاتىن ءتىل - جازۋ زاڭى» مەن «اۆتونوميالى رايوننىڭ ءتىل - جازۋ قىزمەت ەرەجەسىن» ۇيرەنۋ ۇگت، ءتالىم - تاربيە قىزمەتىن اۋدان، قالالاردىڭ، تاراۋلاردىڭ زاڭ - ءتۇزىم ۇگىت ءتالىم - تاربيەسىنىڭ كۇن تارتىبىنە جانە «5 - بەسجىلدىق» زاڭ جالپىلاستىرۋدىڭ مازمۇنىنا ەنگىزىپ، ءتىل - جازۋ قىزمەتىن رۋحاني وركەنيەتتى ورىن قۇرۋ قىزمەتى مەن قوس وركەنيەت قۇرىلىسىن باعالاۋ نىساناسىنا كىرگىزىپ، گازەت -جۋرنال، راديو، تەلەۆيزور، توراپ سىندى ۇگىت دانەكەرلەرىنەن تولىق پايدالانىپ، «مەملەكەتتە ءبىر تۇتاس قولدانىلاتىن ءتىل - جازۋ زاڭى» مەن «اۆتونوميالى رايوننىڭ ءتىل - جازۋ قىزمەت ەرەجەسىن» بارىنشا ۇگىتتەۋ كەرەك. زەيىن سىناۋ جارىسىن ورىستەتۋگە ۇيىمداستىرۋ، ارناۋلى تاقىرىپتاعى لەكسيا سويلەۋ، گازەت - جۋرنالداردا ارناۋلى ايدار اشۋ قاتارلى فورمالار ارقىلى ۇگت كولەمىن كەڭەيتىپ، ءار دارەجەلى باسشى كادرلار مەن ءار ۇلت حالىق بۇقاراسىنىڭ ءتىل - جازۋ زاڭدىق تانىمىن جوعارىلاتۋعا كۇش سالىپ، ءتىل - جازۋدى زاڭ بويىنشا باسقاراتىن قوعامدىق جاعدايدى بىرتىندەپ قالىپتاستىرۋ كەرەك.

ەكىنشى، قوعامدىق ءتىل - جازۋدى قولدانۋ، باسقارۋدى اناعۇرلىم كۇشەيتىپ، قوعامدىق ءتىل - جازۋدى قولدانۋدىڭ باقىلاپ تەكسەرۋىن زاڭ بويىنشا كۇشەيتۋ. كەزەكتە، قوعامدىق ءتىل - جازۋدى قولدانۋ باسقارۋ قىزمەتىندە ساقتالىپ وتىرعان ماسەلەلەر باستىسى ماڭدايشالىق، قۇلاقتاندىرۋ، تاسجول كورسەتكىش تاقتالارى، جەر اتتارى كورسەتكىش تاقتالارى، جاريا ەتۋ تاقتاسى، ايگىلى ەسكەرتكىشتەردىڭ اتتارى مەن تۇسىندىرمەلەرىندە كورىنىپ وتىر. ءتىل - جازۋدى قولدانۋ باسقارۋ قوعامنىڭ ءارقايسى جاقتارىنا سايادى، اسىرەسە، ونەركاسىپ - ساۋدا، قاتىناس، دەنساۋلىق ساقتاۋ، حالىق ىستەرى قاتارلى تارۋلارمەن تىعىز بايلانىستى، اۆتونوميالى وبلىستىق ءتىل - جازۋ قىزمەتىنە باسشىلىق ەتۋ گرۋپپاسىنا مۇشە ورىنداردىڭ بارلىعى بەلسەندى تۇردە سايكەسىپ، ءوز جاۋاپكەرشىلىگىن ارقالاپ، بۇكىل قوعامدا ءتىل -جازۋدى ارناعا ءتۇسىرىپ، قولدانۋعا ءمان بەرەتىن جاعدايدى قۇلشىنا جاراتۋلارى كەرەك.

«11- بەسجىلدىق» مەزگىلىندە، اۆتونوميالى وبلىس ءتۇيىندى تۇردە پارتكوم مەن ۇكىمەت ورگاندارىنىڭ، مەكتەپ، اقپارات دانەكەرلەرىنىڭ، الەۋمەتتىك قىزمەت وتەۋ سالالارىنىڭ جازۋ قولدانۋىن جۇيەگە ءتۇسىرىپ، 2-، 3- تۇردەگى قالالارداعى ءتۇيىندى سالالاردىڭ قوعامدىق جازۋدى قولدانۋىن قالىپتى ارناعا تۇسىرەدى. رەداكتور، ءتىلشى، كورەكتور، لەكتور، كونسەرت جۇرگىزۋشى، ءانشى، كەسكىن تۇسىندىرمە اسپابىن مەڭگەرۋشى جانە ماڭدايشالىق، قۇلاقتاندىرۋ جاساۋ قاتارلى سالالارداعى قىزمەتكەرلەردىڭ از ۇلت ءتىل - جازۋىنىڭ ايتىلىمى، جازىلىمى، ورتاق ءتىلدى جانە جۇيەلىلەسكەن حانزۋشا ءارىپتى قولدانۋ ورەسىن جوعارىلاتىپ، كۋالىكپەن قىزمەت ىستەۋ ءتۇزىمىن بىرتىندەپ اتقارادى.

ءۇشىنشى، ءتىل - جازۋ قىزمەتى قۇرىلىمىن كۇشەيتىپ، جاڭا ءداۋىردىڭ قاجەتىنە ۇيلەسەتىن ءتىل - جازۋ قىزمەت قوسىنىن قۇرۋ. اۋدان، قالالار ءتىل - جازۋ قىزمەتى قۇرىلىمىن اناعۇرلىم كەمەلدەندىرىپ، كاسىپتىك قىزمەتكەرلەردى تەزارادا تولىقتاپ، بۇرىنعىداي  قوسىمشا قىزمەتكەرلەر ارقىلى ءتىل - جازۋ قىزمەتىنە توتەپ بەرەتىن جاعدايدى وزگەرتۋ كەرەك. ءىس جۇزىندىك قاجەتكە ساي، ءتىل - جازۋ كاسىپتىك كۋرسىلارىن اشىپ، ءتىل - جازۋ قىزمەتكەرلەرىنىڭ قىزمەت قابىلەتى مەن كاسىپتىك ورەسىن جوعارىلاتۋ كەرەك. ءتىل - جازۋ قىزمەتى تاراۋلارى قىزمەتتە تاجىريبە الماستىرۋدى كۇشەيتىپ، ءتىل - جازۋ قىزمەتى تاجىريبە الماستىرۋ جيىنى نەمەسە كاسىپتىك جيىندارىن مەرزىمسىز تۇردە اشىپ، قىزمەت تاجىريبەلەرىن دەر كەزىندە قورىتىندىلاپ، ءتىل - جازۋ قىزمەتى قۇرىلىمدارىنىڭ جەتەكشىلىك قابىلەتىن جوعارىلاتۋ كەرەك.

ءتورتىنشى، اۋدارماشىلىق قىزمەتى مەن اۋدارماشىلار قوسىنى قۇرىلىسىن كۇشەيتىپ، ۇلتتىقشا، حانزشا ەكى تىلدە جازباشا قۇجات تاراتۋدى اتقارۋ. كەزەكتە، اۋدان، قالالاردىڭ، تاراۋلاردىڭ اۋدارماشىلار قوسىنىندا جوتكەلىپ كەتۋ كوپ، كىرۋ از نەمەسە تولىقتاۋ كەمشىل بولۋ قۇبىلىسى كورىلىپ، اۋدارماشىلار قوسىنىنىڭ ءبىرشاما السىرەۋىن كەلتىرىپ شىعارىپ، اۋدارماشىلىق قىزمەتىنىڭ قانات جايدىرىلۋىنا تىكەلەي ىقپال جاساپ وتىر. «اۆتونوميالى رايوننىڭ ءتىل - جازۋ قىزمەتى ەرەجەسىنىڭ» بەلگىلەمەسىنە ساي، قىزمەت الماسۋ نەمەسە ءوسىرىپ ىستەتۋ سەبەبىنەن تۋىلعان اۋدارماشىلىق ورىندارىنىڭ بوس قالۋ ماسەلەسىن تەزارادا تولىقتاۋ كەرەك.

ءارقايسى اۋدان، قالالاردا اۋدارماشىلاردى تاربيەلەۋ تەبىنىن ارتتىرىپ، اۋدارماشىلاردى تاربيەلەيتىن ۇزىن - قىسقا مەرزىمدىك كۇرسىلار اشىپ، نەگىزگى ساتىلارعا اۋدارماشىلاردى تاربيەلەپ جەتكىزۋ كەرەك.

كەزەكتە اۋدان، قالالاردا، تاراۋلاردا ءبىر ءتۇرلى تىلدە (حانزۋ تىلىندە) قۇجات تاراتۋ احۋالى جالپى بەتتىك ساقتالۋدا، بۇل از ساندى ۇلت بۇقاراسى باسىم كوپ ساندى يەلەگەن اۋىل (قالاشىق) جانە تاراۋلاردىڭ قىزمەتىنە بەلگىلى قيىنشىلىقتاردى تۋدىرىپ وتىر. سوندىقتان، اۋدان، قالالار، تاراۋلار ۇلتتىقشا، حانزۋشا ەكى تىلدە قۇجات تاراتۋ تەبىنىن كۇشەيتىپ، اۋدان، قالالارداعى ءتىلدىڭ قاجەتىنە ساي ۇلتتىقشا، حانزۋشا ەكى تىلدە ءبىر ۋاقىتتا قۇجات تاراتۋدى قولدانۋ، ءىرى، شاعىن ماجىلىستەردە ماجىلىسكە قاتىناسۋشىلاردىڭ جاعدايىنا قاراي وتىرىپ، اۋدارماشى ورنالاستىرۋ، اسىرەسە، ساياساتشاڭدىعى كۇشتى، ەگىنشى، مالشىلاردىڭ ءتول مۇددەسىنە ساياتىن ماسەلەلەردە ءسوزسىز ۇلتتىقشا، حانزۋشا ەكى ءتۇرلى ءتىل - جازۋدى قولدانۋ كەرەك.

اۆتونوميالى رايونىمىزدىڭ اكىمشىلىك ءوڭىرى كولەمىندە كەلەلى قيمىلداردى ورىستەتۋدە ماڭىزدى ماجىلىستەردى اشۋدا قولدانىلاتىن ۇگىت لوزنكاسى جانە ءماجىلىس لوزنكاسىن جازۋدا ءسوزسىز ۇلتتىقشا، حانزۋشا ەكى ءتۇرلى ءتىل - جازۋدى قولدانۋ كەرەك.

بەسىنشى، قوس ءتىل ۇيرەنۋدى ويداعىداي يگەرىپ، قوس ءتىل ۇيرەنۋدىڭ قىزمەت تەبىنىن ارتتىرۋ. اۆتونوميالى رايوندىق پارتكوم مەن حالىق ۇكىمەتىنىڭ «<قوس تىلدە> وقىتۋ قىزمەتىن جاپپاي ىلگەرىلەتۋ جونىندەگى قارارى» (ش ۇ ا ر پارتكومنىڭ [2004] 2- ءنومىرلى) رۋحىن مۇقيات دايەكتىلەندىرىپ، ءار ۇلت ءوزارا ءتىل - جازۋدى ۇيرەنۋ قيمىلىن ءورىس الدىرىپ، مەكتەپتە تاربيەلەۋدى نەگىز ەتۋ، اۋدان، اۋىل نەگىزگى ساتى كادرلارىن ءتۇيىن ەتۋ، باعىتتامالى قىزمەت وتەۋدى ۇلگى ەتۋدەي قوس ءتىل ۇيرەنۋدىڭ ۇزاق ءونىمدى مەحانيزمىن ورناتىپ، ءار ۇلت كادر، بۇقاراسىنىڭ قوس ءتىل ۇيرەنۋ قيمىلىن جالعاستى ءونىمدى ءورىس الدىرۋعا كەپىلدىك ەتۋ كەرەك؛ ءار دارەجەلى پارتيا مەكتەپتەرى مەن  مەكتەپتەرگە  تايانىپ قوس  ءتىل ۇيرەنۋ بازاسىن قۇرۋ كەرەك. از ۇلت كادرلارىنا قوس ءتىل ۇيرەنۋدى كۇشەيتۋ كۋرسىلارىن جۇرگىزۋدە از ۇلت كادرلارىنىڭ ءتىل ورەسىن ءتۇيىندى تۇردە جوعارىلاتۋ كەرەك. نەگىزگى ساتىعا تاڭداپ جىبەرىلگەن حانزۋ كادرلاردى، جوعارى ورتا تەحنيكوم تاۋىسقان وقۋشىلاردى، اسكەردەن الماسقانداردى شوعىرلى تاربيەلەپ، ولاردى جەرگىلىكتى ورىنداعى از ۇلتتاردىڭ ءتىلىن يگەرۋىنە مۇمكىندىك جاراتۋ كەرەك. سونىمەن بىرگە، اۆتونوميالى وبلىسىمىزدىڭ ىسجۇزىندىك احۋالىنا بىرلەستىرە وتىرىپ، قوس ءتىل ۇيرەنۋ ماتەريالى، دىبىس - كەسكىن تاسپالارى، تەلەۆيزوردا وقىتۋ سياقتى فورمالار ارقىلى، قوس ءتىل ۇيرەنۋدى كۇشەيتىپ، ءار ۇلت كادر، بۇقاراسىنىڭ قوس ءتىل ورەسىن جوعارىلاتۋ كەرەك.

التىنشى، قوعامداعى ءتۇيىندى سالالاردىڭ ءبىر تۇتاس جوسپارلاپ سايكەستىرۋ قىزمەتىن جالعاستى جاقسى ىستەۋ. ءتىل- جازۋ قىزمەتى جۇيەلى قوعامدىق ينجەنەريا بولىپ، ول قوعامنىڭ ءار جاعىنا ساياتىن، ءار جاقتىڭ قولداۋى مەن اتسالىسۋىن قاجەت ەتەتىن قىزمەت. اۆتونوميالى وبلىستىق ءتىل - جازۋعا باسشىلىق ەتۋ گرۋپپاسىنا مۇشە ورىندار قىزمەت جاۋاپكەرشىلىگىن بەلسەنە مۇقيات ۇستىنە الۋلارى جانە اتقارۋلارى كەرەك؛ اۋدان، قالالارداعى ءتىل - جازۋ قىزمەت كوميتەتتەرى ءوز جەرلەرىندەگى ءتىل - جازۋ قىزمەتىنە بولعان ماكرولىق جەتەكشىلىك ەتۋدى شىنايى كۇشەيتىپ، تەكسەرۋ، باقىلاپ - قۋزاۋ قىزمەتىن جوسپارلى، ساتىلى تۇردە ءورىس الدىرۋ كەرەك.

اۆتونوميالى وبلىستىق ءتىل - جازۋ قىزمەتىنە باسشىلىق ەتۋ گرۋپپاسى ءار جىلى ءتىل - جازۋ قىزمەت ءماجىلىسىن اشىپ، اۆتونوميالى وبلىسىمىزدىڭ ءتىل - جازۋ قىزمەتىن قورىتىندىلاپ، ءتىل- جازۋ قىزمەتىندە جارىققا شىققان وزات كوللەكتيۆتەر مەن ىلعارى جەكەلەردى سيلاۋى كەرەك. اۋدان، قالالارداعى ءتىل - جازۋ قىزمەتى قۇرىلىمدارى، ۇكىمەتتىڭ فۋنكتسيالىق رولىن تولىق ساۋلەلەندىرىپ، ءونىمدى جۇرىلەتىن ماكرولىق باسقارۋ مەحانيزمىن بىرتىندەپ ورناتۋ كەرەك. وسى ارقىلى ءار دارەجەلى ۇكىمەتتەر ءبىر تۇتاس باسشىلىق ەتەتىن، ءار دارەجەلى ءتىل - جازۋ قىزمەت قۇرىلىمدارى ءبىر تۇتاس سايكەسەتىن، قاتىستى تاراۋلار مەن قوعامداعى ءار سالا بىرلىكتە مەڭگەرىپ ورتاق باسقاراتىن جاعداي قالىپتاستىرىپ، ءتىل - جازۋ قىزمەتىن اقاۋسىز ءتارتىپتى دامىتۋ كەرەك.

جەتىنشى، قالالاردىڭ ءتىل - جازۋىن باعالاۋ قىزمەتىن مۇقيات جاقسى ىستەۋ. قالالاردىڭ ءتىل - جازۋ قىزمەتىن باعالاۋدا ءسوزسىز ۇگىتتەۋ، اتتانىسقا كەلتىرۋ، كۇرسى اشىپ بايقاپ كورۋ، ەرەجە - ءتۇزىم ورناتۋ، ءوزىن - ءوزى تەكسەرۋ، تۇزەتۋ قاتارلى جاقتاعى قىزمەتتى جاقسى ۇستاۋ كەرەك. پارتيا، ۇكىمەت ورگاندارىنىڭ باستاماشىلدىق رولىن، تاربيەلەۋدىڭ نەگىزدىك رولىن، اقپارات دانەكەرلەرىنىڭ ۇلگىلىك رولىن، الەۋمەتتىك قىزمەت وتەۋ سالالارىنىڭ تەرەزەلىك رولىن تولىق ساۋلەلەندىرۋ كەرەك. ءار دارەجەلى ءتىل- جازۋ قىزمەت قۇرىلىمدارى، قاراستىلىعى بويىنشا باسقارۋ پرينسيبىنە ساي، باسقارۋ، باقىلاۋ فۋنكتسياسىن اتقارۋ كەرەك. قالالاردىڭ وزەكتى جەبەۋ رولىن ونان ارى ساۋلەلەندىرىپ، قالالاردىڭ ءتىل - جازۋ قىزمەتىن وزەك ەتىپ، نەگىزگى ساتىنى كوزدە ۇستاپ، اۋىل - قىستاقتى جەبەپ، ءتىل- جازۋ قىزمەتىنىڭ جالپى بەتتىك دامۋىن جەتەلەپ، قالالاردىڭ ءتىل - جازۋىن باعالاۋ قىزمەتىنىڭ ءتىل - جازۋدى جۇيەلىلەندىرۋ قۇرىلىسىن جاپپاي كۇشەيتۋ جاعىنداعى وزىندىك رولىن ساۋلەلەندىرۋگە مۇمكىندىك جاراتۋ كەرەك.

ورتاق ءتىل ورەسىنەن سىناۋ الۋ قىزمەتى مەن از ۇلت ادەبي ءتىلى ايتىلىمى، جازىلىمى ورەسىنەن كۋرسى اشىپ، سىناۋ الۋ سياقتى قىزمەتتەردى بەلسەندى تۇردە ورنىقتى قانات جايدىرۋ. قاتىستى كاسىپتىك قىزمەتكەرلەردەن ورتاق تىلمەن تاربيەلەپ سىناۋ الۋ جانە از ۇلت ادەبي ءتىلى ايتىلىمى، جازىلىمى ورەسىنەن تاربيەلەپ سىناۋ الۋ قىزمەتىن جالعاستى ىستەپ، قاتىستى قىزمەتكەرلەرگە ورتاق ءتىل دارەجە كۋالىگى مەن نەمەسە از ۇلت ادەبي ءتىل ايتىلىمى، جازىلىمى ورەسى دارەجە كۋالىگىمەن قىزمەت ىستەۋ ءتۇزىمىن جولعا قويۋ كەرەك. تاربيەلەپ سىناۋ الۋ قىزمەتىنە بولعان باسشىلىق پەن باسقارۋدى ونان ارى كۇشەيتىپ، ەرەجە - تۇزىمدەردى ورناتىپ جانە كەمەلدەندىرىپ، تاربيەلەپ سىناۋ الۋ قىزمەتىنىڭ عىلميلانۋ، جۇيەلىلەنۋ جانە تۇزىمدەنۋ ارناسىمەن اقاۋسىز دامۋىنا مۇمكىندىك تۋدىرۋ كەرەك. قازاق، ۇيعۇر ادام اتتارىن حانزۋ ءارىبىنىڭ دىبىسى بويىنشا اۋدارۋ، جازۋ قاعيداسىنىڭ اتقارىلۋ قىزمەتىن اناعۇرلىم ويداعىداي يگەرۋ كەرەك.

سەگىزىنشى، عىلىم - تەحنيكالىق جاڭالىق جاراتۋدى جەتەكشى ەتىپ، از ۇلت ءتىل - جازۋىن جۇيەلىلەندىرۋ، ولشەمدەندىرۋ، ينفورماتسيالاندىرۋ قۇرىلىسىن بەلسەنە ءورىس الدىرۋ. شينجياڭ ۇيعۇر اۆتونوميالى رايوندىق اتاۋ - تەرميندەردى بەكىتۋ كوميتەتىنىڭ ىلە قازاق اۆتونوميالى وبلىستىق قازاق ءتىلى ارناۋلى كاسىپ گرۋپپاسىنىڭ رولىن تولىق ساۋلەلەندىرىپ، جاڭا شىققان قازاق تىلىندەگى جاڭا اتاۋ تەرميندەردى ۇزدىكسىز جيناپ، رەتتەپ، ارناعا ءتۇسىرۋ كەرەك. ۇيعۇرشا، قازاقشا، قىرعىزشا ولشەمدى ءارىپ نۇسقاسىن قولدانۋ جۇمساق بولشەكتەرىن بەلسەندى جالپىلاستىرىپ، اۆتونوميالى رايوندىق ءتىل- جازۋ كوميتەتىنىڭ ورىستەتكەن قازىرگى زامان ۇيعۇر ءتىلى، قازاق ءتىلى ماتەريال قويما قۇرىلىسى جانە ءوزارا بايلانىس ورناتاتىن وسىزامانعى قازاق ءتىلى ماتەريال قويما قۇرىلىسىنان پايدالانىپ، اۆتونوميالى وبلىستىق ءتىل - جازۋ قىزمەتى توراپ پۋنكتىن قۇرۋعا شارت - جاعداي ازىرلەپ، بۇكىل وبلىستىڭ ءتىل - جازۋ قىزمەتىنە جەتەكشىلىك ەتۋ كەرەك.

 

 

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn