<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ماڭىزدى حابارلار

وبلىستىق پارتكوم 2018 - جىلعى 25 - رەتكى تۇراقتى مۇشەلەر (كەڭەيتىلگەن) ءماجىلىسىن جانە نازاريا ۇيرەنۋ وزەكتى گرۋپپاسىنىڭ 18 – رەتكى توپتىق ۇيرەنۋىن وتكىزدى

ورتالىقتىڭ، اۆتونوميالى رايوننىڭ قاتىستى قۇجاتتارىن جەتكىزىپ، اۆتونوميالى وبلىستىڭ دايەكتى تياناقتاندىرۋ پىكىرىن اقىلداستى جانە قارادى

ءتىلشىمىز لي شين - ان حابارلايدى. 10 - ايدىڭ 8 - كۇنى - مەملەكەت مەرەكەسى دەمالىسىنان كەيىنگى العاشقى قىزمەت كۇنى وبلىستىق پارتكوم 2018 - جىلعى 25 - رەتكى تۇراقتى مۇشەلەر (كەڭەيتىلگەن) ءماجىلىسىن جانە نازاريا ۇيرەنۋ وزەكتى گرۋپپاسىنىڭ 18 - رەتكى توپتىق ۇيرەنۋىن وتكىزىپ، بارشا پارتيالى كادرلاردى زەيىندى قىزمەتكە شوعىرلاندىرىپ، رۋحتى سەرپىلتىپ، باس نىسانانى تىعىز توڭىرەكتەپ، بەلگىلەنگەن قىزمەت ورنالاستىرۋىنا ساي زەيىن - قۋاتتى شوعىرلاندىرىپ، ۋاقىتتى، تياناقتاندىرۋدى مىقتى يگەرىپ، ءتورتىنشى توقسانداعى قىزمەتتەردى كۇش سالا مىقتى يگەرىپ، تۇتاس جىلداعى نىسانا - مىندەتتەردى تابىستى ورىنداۋعا كەپىلدىك ەتۋگە جۇمىلدىردى.

وبلىستىق پارتكومنىڭ شۋجيى جاۋ تيانجيە ءماجىلىستى باسقاردى.

وبلىس باسشىلارىنان قۇرماش سىرجان ۇلى، لي جيانگو، ابدۇسالام سادىق، سەرجان ۇعىباي ۇلى، جياۋ يمين، شى گاڭ، ليۋ شينلي پارحات ءسايدي، ليۋ جيانگو، كۇلان سەيپىلقان قىزى، رازبەك قامزا ۇلى، جيا ي - شىڭ، لي شينجۇن، جۋ ۋىنۋەي، تاۋ چيڭسۇڭ ماجىلىسكە قاتىناستى.

ماجىلىستە الدىمەن مەملەكەت مەرەكەسى ۇزاق دەمالىسى كەزىندەگى اۆتونوميالى وبلىستىڭ ءتۇرلى قىزمەتتەرىنىڭ ورىستەتىلۋ جاعدايى حابارلاندىرىلدى.

ماجىلىستە بىلاي دەپ اتاپ كورسەتىلدى: بيىل مەملەكەت مەرەكەسى كەزىندە تۇتاس وبلىستاعى ءار دارەجەلى تاراۋلار، ورىندار، ورنىقتىلىقتى قورعاۋ كۇشتەرى قىزمەت مىندەتىن مۇقيات اتقارىپ، ىرىقتىلىقپەن قىزمەت ىستەپ، اۆتونوميالى رايوندىق پارتكوم مەن وبلىستىق پارتكومنىڭ شەشىم - ورنالاستىرۋلارىن بۇلجىتپاي دايەكتىلەندىرىپ، شارالاردى قاتاڭ تياناقتاندىرىپ، ءتۇرلى قىزمەتتىڭ قالىپتى جۇرىلۋىنە، قوعامدىق جالپى جاعدايدىڭ جاراسىمدىلىعى مەن ورنىقتىلىعىنا، ءار ۇلت جۇرتشىلىعىنىڭ مەرەكەنى تىنىش، بەرەكەلى، شات - شادىمان وتكىزۋىنە كەپىلدىك ەتتى. مەرەكە كەزىندە ىلەنىڭ قالا - قالاشىقتارىنان اۋىل - قىستاقتارىنا دەيىن، جەر - جەرىندە شىراقتار جايناپ، مەملەكەت تۋى جەلبىرەپ، ءار ۇلت جۇرتشىلىعى شاتتىققا بولەنىپ، تۇتاس وبلىستا قوعامدىق جالپى جاعداي ورنىقتى، حاۋىپسىز؛ ءتۇرلى قامتاماسىزداندىرۋلار پارمەندى، جۇرتشىلىقتىڭ ءجۇرىپ - ءتۇرۋى ىركىلىسسىز؛ ساۋدا جاندى، مەرەكە مەرەيلى؛ قىزمەت، ۇيرەنۋ تابىستى بولۋ، دۇرىس ستيل، تاماشا سالت قالىپتاسۋ سىندى ەرەكشەلىكتەر كورنەكتىلەندى.

ماجىلىستە بىلاي دەپ باسا دارىپتەلدى: مەرەكە دەمالىسىنىڭ ورنىقتى دا ءتارتىپتى، شات - شادىمان، بەرەكەلى ءوتۋى - ءار دارەجەلى پارتيا، ۇكىمەتتەردىڭ وسكەلەڭ ءمان بەرۋىنىڭ، تۇتاس وبلىس بويىنشا جوعارى - تومەن بولىپ تىزە قوسا سەلبەسۋىنىڭ، مەرەكە كەزىندە قىزمەت ورنىندا تاپجىلماي ىستەگەن جولداستاردىڭ قاجىرلى ەڭبەگىنىڭ ناتيجەسى.

قازىر ءتورتىنشى توقسانعا قادام تاستادىق، تۇتاس جىلداعى نىسانا - مىندەتتەردى ورىنداۋدا ۋاقىت توتەنشە تىعىز، تۇتاس وبلىستاعى ءار دارەجەلى پارتكومدار مەن ۇكىمەتتەر، ءار دارەجەلى كادرلار شارشاپ - شالدىعۋدان قورىقپاۋ، تىنباي كۇرەس جۇرگىزۋ، قاجىرلىلىقپەن شايقاسۋ رۋحىن ۇزدىكسىز ساۋلەلەندىرىپ، كوزسىزدىكپەن ءماز بولۋ، بەيعامدىققا سالىنۋ، بوساڭسۋ يدەياسىن باتىل جەڭىپ، تىنىستاۋ، ۋاقىت تىعىز بولعان سايىن بوساڭسۋ سىندى جايىتتەردى باتىل تيىپ، ستراتەگيالىق تۇراقتىلىقتى ساقتاپ، شىندىقتى ءىس جۇزىنەن ىزدەۋدە تاباندى بولىپ، جىل باسىندا بەلگىلەنگەن نىسانا – مىندەتتەرمەن سالىستىرا وتىرىپ، ءوزىن مۇقيات تەكسەرىپ، ءبىر تۇتاس جوسپارلاپ، تياناقتاندىرۋ كەرەك. اسىرەسە، نازاردى باس نىساناعا شوعىرلاندىرۋدان جازباي، «كەشەندى شارالاردى» تاباندىلىقپەن ويداعىداي اتقارىپ، قىزمەت نىساناسىن ءساتتى جۇزەگە اسىرۋى؛ جوعارى ساپالى دامۋ تالابىن توڭىرەكتەپ، شىنايى اتقارۋعا بولاتىن شارالاردى قولدانىپ، تياناقتاندىرۋدى مىقتى يگەرىپ، قارقىندى جەدەلدەتىپ، دامۋدى جەبەپ، ءتۇرلى ەكونوميكالىق كورسەتكىشتەردىڭ ۋاعىندا ورىندالۋىن جەبەپ، ورنىقتىلىقتا، دامۋدا قوس ونىمدىلىككە قول جەتكىزۋگە كەپىلدىك ەتۋى كەرەك.

ماجىلىستە 9 - ايدىڭ 21 - كۇنى اشىلعان ورتالىق كوميتەت ساياسي بيۋروسى ءماجىلىسىنىڭ رۋحى جەتكىزىلدى، ۇيرەنىلدى.

ماجىلىستە مىنالار اتاپ كورسەتىلدى: پارتيانىڭ بارلىق قىزمەتى ياچەيكاعا تياناقتايتىندىعى سىندى باعىتتى ەستە بەرىك ساقتاپ، پارتيا ياچەيكاسىن ولشەمدەندىرۋ، تۇزىمدەندىرۋ قۇرىلىسىن، پارتيا ياچەيكاسىنىڭ جاپپاي العا ىلگەرىلەۋىن، جالپى بەتتىك قاتاڭ بولۋىن ىلگەرىلەتۋ كەرەك. كادرلاردى تاربيەلەۋ ـ باۋلۋ قىزمەتىنە وسكەلەڭ ءمان بەرىپ، تاربيەلەۋ كۋرسىنىڭ باعىتتامالىلىعىن، ناقتى ونىمدىلىگىن جوعارىلاتىپ، كادرلاردىڭ قابىلەتىن جوعارىلاتۋدى مىقتى يگەرۋ كەرەك. بۇكىل وبلىستاعى بارشا پارتيالى كادرلار وزىندىك قابىلەتتى جەتىلدىرىپ، ساپانى كۇشەيتىپ، وبرازدى تىكتەۋى كەرەك. باسشى كادرلاردىڭ كوز اياسى كەڭ، وي جەلىسى ايقىن، ءبىلىمى مول، كورگەن ـ بىلگەنى، ىستەگەنى كوپ بولعاندا عانا ءبىلىم اياسى كەڭ بولادى، سوندا عانا ىلەگە ءتان وبرازدى كورنەكتىلەندىرە الادى.

ماجىلىستە باس شۋجي شي جينپيڭنىڭ پارتيا ورتالىق كوميتەتى ساياسي بيۋروسىنىڭ 8 ـ رەتكى توپتىق ۇيرەنۋى كەزىندە سويلەگەن ماڭىزدى ءسوزىنىڭ رۋحى جەتكىزىلدى، ۇيرەنىلدى.

ماجىلىستە مىنالار باسا دارىپتەلدى: تۇڭعىش كەزەكتى جۇڭگو ديقاندار مول ءونىم مەرەكەسى قارساڭىندا پارتيا ورتالىق كوميتەتى ساياسي بيۋروسى اۋىل ـ قىستاقتى كوركەيتۋ ستراتەگياسىن اتقارۋ جونىندە توپتىق ۇيرەنۋ وتكىزىپ، باس شۋجي شي جينپيڭ ماڭىزدى ءسوز سويلەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ اۋىل ـ قىستاقتى كوركەيتۋ ستراتەگياسىن اتقارۋعا وسكەلەڭ كوڭىل بولەتىندىگى مەن ءجۇز ميلليون شارۋالارعا ىقىلاستى قامقورلىق جاسايتىندىعىن تاعى ءبىر رەت ايگىلەدى.

بۇكىل وبلىستاعى ءار دارەجەلى، ءارقايسى تاراۋلار، اسىرەسە، اۋىل شارۋاشىلىق سالاسى اۋىل ـ قىستاقتى كوركەيتۋ ستراتەگياسىن اتقارۋعا بولعان تانىمدى اناعۇرلىم تەرەڭدەتىپ، اۋىل ـ قىستاقتى كوركەيتۋ ستراتەگياسىنىڭ نەگىزگى تالاپتارىن دۇرىس مەڭگەرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جەرگىلىكتى جاعدايعا ساي ءىس كورىپ، ەرەكشەلىكتى كورنەكتىلەندىرىپ، ولقىلىقتاردى تولىقتاپ، ناقتى ونىمدىلىكتى كۇشەيتىپ، بار قايراتتى جۇمساپ ارەكەتكە كەلىپ، اۋىل ـ قىستاق كاسىپتەرىنىڭ، دارىندىلاردىڭ، مادەنيەتتىڭ، ەكولوگيانىڭ، ۇيىمنىڭ كوركەيۋىن جەدەل ىلگەرىلەتىپ، اۋىل ـ قىستاقتى كوركەيتۋ ستراتەگياسىنىڭ جالپى قاعيداسى جونىندە ىزدەنىس جاساپ، ۇلگىلىلەرگە قاراپ العا ىلگەرىلەپ، پارىقتاردى تاۋىپ، ولقىلىقتاردى تولىقتاۋ ءارى ىلەنىڭ ءىس جۇزىندىگىنە ۇيلەسەتىن، ىلە ەرەكشەلىگىنە يە اۋىل ـ قىستاقتى كوركەيتۋ جولدارىن قاراستىرۋ كەرەك. تاراۋلار جوعارى ورەلى جوبالاۋ مەن نەگىزگى ساتىنىڭ امالياتىن ءوزارا ۇشتاستىرۋعا تاباندى بولىپ، اۋىل ـ قىستاقتى كوركەيتۋ ستراتەگياسىنا قىزمەت وتەپ، جاڭا داۋىردەگى ىلە اۋىل ـ قىستاقتارىن كوركەيتۋدە ۇزدىكسىز جاڭا جاعداي اشۋ كەرەك.

ماجىلىستە باس شۋجي شي جينپيڭنىڭ ورتالىق مەملەكەتتى جاپپاي زاڭمەن باسقارۋ كوميتەتىنىڭ 1 ـ رەتكى ماجىلىسىندە سويلەگەن ماڭىزدى ءسوزى جەتكىزىلگەننەن جانە ۇيرەنىلگەننەن كەيىن بىلاي دەپ اتاپ كورسەتىلدى: نازاردى مەملەكەتتى جاپپاي زاڭمەن باسقارۋ جەتى ءتۇيىندى قىزمەتىنە شوعىرلاندىرىپ، ىلەنىڭ ءىس جۇزىندىگىمەن بىرلەستىرىپ، ماسەلەنى، ونىمدىلىكتى نىشان ەتۋدى كورنەكتىلەندىرىپ، ناقتى دايەكتىلەندىرۋ شارالارىن كەمەلدەندىرىپ، ءتۇرلى مىندەتتەردى اناعۇرلىم دالمە ـ ءدال، جان ـ جاقتى ورنالاستىرىپ، عىلمي زاڭ شىعارۋدى ءبىرتۇتاس ىلگەرىلەتىپ، زاڭدى قاتاڭ اتقارىپ، زاڭدى ءادىل جۇرگىزىپ، جالپى حالىق زاڭعا بويسۇنىپ، ىلەنى زاڭمەن باسقارۋ قۇرىلىسىنىڭ ساپاسى مەن ورەسىن ۇزدىكسىز جوعارىلاتۋ كەرەك. پارتيانىڭ باسشىلىعىن كۇشەيتىپ، پارتيا باسىشىلىعىن زاڭمەن باسقارۋ قۇرىلىسىنىڭ جالپى بارىسىنا ءسىڭىرىپ، «شەشۋشى از ساندىلاردىڭ» رولىن ويداعىداي ساۋلەلەندىرىپ، ساتىلار بويىنشا باسىم ءتۇسىرىپ، جاۋاپكەرلىكتى شىنايى كۇشەيتىپ، پارتيا ورتالىق كوميتەتىنىڭ مەملەكەتتى جاپپاي زاڭمەن باسقارۋ ستراتەگياسىنىڭ ىلەدە تەرەڭ تامىر تارتىپ، وركەن جايۋىنا كەپىلدىك ەتۋ كەرەك.

ماجىلىستە «اۆتونوميالى رايوندىق پارتكوم كەڭسە مەڭگەرمەسىنىڭ پارتيالى باسشى كادرلاردىڭ قوس ۇيىمدىق تۇرمىس ءتۇزىمىن قاتاڭ تياناقتاندىرۋ جونىندەگى ۇقتىرۋى» جەتكىزىلدى، ۇيرەنىلدى.

ماجىلىستە مىنالار باسا دارىپتەلدى: پارتيالى باسشى كادرلاردىڭ قوس ۇيىمدىق تۇرمىسقا قاتىناسۋى ـ پارتيا ۋستاۆىندا پارتيالى باسشى كادرلارعا قويعان نەگىزگى تالاپ ءارى تولىمدى پارتيا مۇشەسى بولۋدىڭ نەگىزگى شارتى. بۇكىل وبلىستاعى ءار دارەجەلى پارتيا ۇيىمدارى بۇعان وسكەلەڭ ءمان بەرىپ، بارشا پارتيالى كادرلاردى، اسىرەسە، باسشى كادرلاردى پارتيا ۋستاۆىن جانە «جاڭا جاعدايداعى پارتيانىڭ ىشكى ساياسي تۇرمىسى جونىندەگى ءبىرقانشا ولشەمدى» ۇيرەنۋگە ۇيىمداستىرىپ، اۆتونوميالى رايوندىق پارتكومنىڭ «ۇقتىرۋىنىڭ» رۋحىن ىشكەرىلەي دايەكتىلەندىرىپ، پارتيالى باسشى كادرلاردىڭ قوس ۇيىمدىق تۇرمىسىنا قاتىستى بەلگىلەمەلەردى ىشكەرىلەي ۇعىنىپ جانە يگەرىپ، ءار دارەجەلى پارتيالى باسشى كادرلاردىڭ يدەيالىق سانالىلىعى مەن ارەكەت سانالىلىعىن ۇزدىكسىز كۇشەيتۋ كەرەك. ءار دارەجەلى پارتيالى باسشى كادرلار، اسىرەسە، وبلىستىڭ ءتورت باسشىلىق القاسىنداعى باسشىلار وزدەرى باستاماشى بولىپ، جاي پارتيا مۇشەسى سالاۋاتىمەن ءوزى قاراستى پارتيا ياچەيكاسىنىڭ، پارتيا شاعىن گرۋپپاسىنىڭ ۇيىمدىق تۇرمىسىنا قاتىناسۋى كەرەك. ءار دارەجەلى پارتكومدار مەن ۇيىمداستىرۋ تاراۋلارى تياناقتاندىرۋ بارىسىندا كەزدەسكەن جاڭا ماسەلەلەر مەن جاڭا جاعدايلارعا مۇقيات زەرتتەۋ جۇرگىزۋ، ويداعىداي شەشۋ قاجەت. ناقتى جوبا ـ جوسپارلارمەن ءادىس ـ امالداردى بەلگىلەۋ، جاۋاپكەرلىكتى قاتاڭ، شىنايى تياناقتاندىرىپ، قۋزاۋ ـ جەتەكشىلىك ەتۋ، باعالاۋدى كۇشەيتىپ، پارتيالى باسشى كادرلاردىڭ قوس ۇيىمدىق تۇرمىسقا قاتىناسۋىن ولشەمدەندىرۋ مەن ۇدايىلاندىرۋدى ىلگەرىلەتۋ كەرەك.

ماجىلىستە اۆتونوميالى رايوننىڭ ءوندىرىس حاۋىپسىزدىگى جونىندەگى قاتىستى قۇجاتى جەتكىزىلگەننەن ءارى ۇيرەنىلگەننەن كەيىن مىنالار اتاپ كورسەتىلدى: تۇتاس وبلىسىمىزداعى ءار دارەجەلى پارتيا، ۇكىمەت، ءار قايسى تاراۋلار مەن ورىندار حاۋىپسىزدىك تانىمىن، قىزىل سىزىق تانىمىن بەرىك ورناتىپ، «پارتكوم مەن ۇكىمەت ورتاق جاۋاپكەرلىك ارقالاۋ، ءبىر ورىندا قوس جاۋاپكەرلىك ارقالاۋ، بىرلىكتە يگەرىپ ورتاق باسقارۋ، مىندەتىنەن اعاتتىق جىبەرگەندەردىڭ جاۋاپكەرلىگىن قۋزاستىرۋ» تالابىن ىشكەرىلەي دايەكتىلەندىرۋ، وبلىستىق پارتكومنىڭ تۇراقتى مۇشەلەرىنەن باستاپ ىسكە كىرىسىپ، ءتۇر، تارماقتار بويىنشا سالىستىرىپ، قىزمەت جاۋاپكەرشىلىگى مەن بورىشىن تولىق تانىپ، «سالانى، كاسىپتى، ءوندىرىستى، تيجاراتتى باسقارۋدا، ءسوزسىز، حاۋىپسىزدىكتى باسقارۋعا» تاباندى بولىپ، سانالى تۇردە حاۋىپسىزدىك كوزقاراستى كۇندەلىكتى قىزمەتپەن توعىستىرىپ، جاۋاپكەرلىك ارقالاۋ، جاۋاپتى بولۋ، جاۋاپكەرلىكتى وتەۋ بورىشىن تولىق ادا ەتۋ كەرەك.

ماجىلىستە وبلىستىق ۇكىمەت پارتگرۋپپاسىنىڭ اۆتونويالى رايوندىق پارتكوم تۇراقتى كوميتەتى(كەڭەيتىلگەن) ءماجىلىسىنىڭ رۋحىن دايەكتى تياناقتاندىرۋ جونىندەگى دوكلادى تىڭدالدى.

ماجىلىستە مىنالار اتاپ كورسەتىلدى: جىل باسىنان بەرى تۇتاس وبلىسىمىز ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، تىڭ دامۋ ۇستانىمىن دايەكتى تياناقتاندىرىپ، جوعارى ساپالى دامۋ تالابىن تياناقتاندىرىپ، نازاردى باس نىساناعا شوعىرلاندىرىپ، قىزمەت ورنالاستىرۋلارىن قاداعالاپ، ورنىقتى ارتتىرۋ، رەفورمانى جەبەۋ، قۇرىلىمداردى رەتتەۋ، حالىق تۇرمىسىنا تيىمدىلىك جاساۋ، قاتەردەن ساقتانۋ سىندى ءتۇرلى قىزمەتتەردى ءبىرتۇتاس ىلگەرىلەتىپ، قوعامدىق جالپى جاعدايدىڭ جاراسىمدى دا ورنىقتى بولۋىنا، ەكونوميكانىڭ ورنىقتى اقاۋسىز دامۋىنا كەپىلدىك ەتتى.

ماجىلىستە مىنالار تالاپ ەتىلدى: نازاردى باس نىساناعا شوعىرلانۋدان جازباي، قوعامدىق جالپى جاعدايدىڭ ورنىقتىلىعىن بار كۇشپەن قورعاپ، ورنىقتىلىقتىڭ تيىمدىلىگىن ۇزدىكسىز كورنەكتىلەندىرىپ، ەكونوميكانىڭ دامۋىنا تاماشا قوعامدىق ورتا جاراتۋ؛ «ەكى باسشىلىق القا» قىزمەت مەحانيزمىن بوساڭسىتپاي تياناقتاندىرىپ، قىزمەت جاۋاپكەرلىگىن شىنايى ارقالاپ، ءبىرتۇتاس سايكەستىرۋدى كۇشەيتىپ، قىزمەتتە بىرىككەن كۇش قالىپتاستىرىپ، ورنىقتىلىق، دامۋ سىندى ەكى ءىرى ءىستى ويداعىداي يگەرۋ؛ ءتۇرلى قىزمەتتى ءبىرتۇتاس ىلگەرىلەتۋدەن جازباي، ەكونوميكانىڭ ورنىقتى، اقاۋسىز دامۋىنا كەپىلدىك ەتۋ؛ ەكونوميكا قىزمەتىنە باسشىلىق ەتۋدى كۇشەيتۋدەن جازباي، شەگەلىك رۋحپەن ءتۇرلى قىزمەتتى تياناقتاندىرۋدى مىقتى يگەرىپ، ەكونوميكانىڭ جوعارى ساپالى دامۋىن ىلگەرىلەتۋدىڭ ساياسي جاۋاپكەرلىگىن شنايى ارقالاۋ كەرەك.

ماجىلىستە «ىلە وبلىسىنىڭ ‹اۆتونوميالى رايوندىق پارتكومنىڭ، اۆتونوميالى رايوندىق حالىق ۇكىمەتىنىڭ، شينجياڭ اسكەري رايونىنىڭ جاڭا داۋىردە پارتيا، ۇكىمەت، ارميا، ساقشى، بيڭتۋان، حالىق جاساعىنىڭ بىرىككەن كۇشىمەن شەكارانى كۇشەيتۋ، قورعانىستى بەكەمدەۋ جونىندەگى اتقارۋ پىكىرىن› دايەكتىلەندىرۋ جاۋاپكەرلىگىن ءبولۋ جوباسى» سياقتىلار قارالدى جانە پرينسيپ جاقتان ماقۇلداندى.

ماجىلىسكە وبلىس باسشىلارىنان تاعى تۇڭ رۇيچيڭ، رازيا ابليز، سۇن پىڭ، مەي يۇي، جاڭ جۇي، ەلشات تۇرسىنباي ۇلى، ليۋ كىحۋا، پان شيڭكى، گۇلبارشىن سەرىكباي قىزى، لاگۋا سايبۇگجاپ، ليۋ چيڭحۋا قاتىناستى.

كەلۋ قاينارى:ىلە اقپارات تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ