<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ورتالىقتىڭ ءۇنى

لي كىچياڭ 4 – كەزەكتى جۇڭگو - جاپونيا كاسىپورىنشىلارى مەن بۇرىنعى جوعارى دارەجەلى ءمانساپتىلارىنىڭ سۇحپات ماجىلىسىنە قاتىناسقان جاپونيا ۋاكىلدەرىمەن، گەرمانيا كاسىپورىندارىنىڭ جاۋاپتىلارىمەن كەزدەستى

10-قازان، بەيجيڭ (ءتىلشى ۋاڭ دي). مەملەكەتتىك كەڭەستىڭ زۇڭليى لي كىچياڭ 10 – قازان تۇستەن بۇرىن جۇڭنانحايداعى زىگۋاڭگى سارايىندا 4 – كەزەكتى جۇڭگو - جاپونيا كاسىپورىنشىلارى مەن بۇرىنعى جوعارى دارەجەلى ءمانساپتىلارىنىڭ سۇحپات ماجىلىسىنە قاتىناسقان جاپونيا ۋاكىلدەرىمەن كەزدەستى ءارى اڭگىمەلەستى.
  لي كىچياڭ بىلاي دەدى: بيىلعى جىل جۇڭگو مەن جاپونيانىڭ بەيبىتشىلىك دوستىق شارتىن جاساسقانىنىڭ 40 جىلدىعىنا تۋرا كەلىپ وتىر. ەكى جاقتىڭ بىرگە قۇلشىنۋىندا جۇڭگو – جاپونيا قاتىناسىنىڭ جاقسارۋ بەتالىسى بەكەمدەلدى. ەكى جاقتىڭ جۇڭگو مەن جاپونيانىڭ 4 ساياسي قۇجاتىنىڭ پرينسيبىنە ءۇرتىس بويسۇنىپ، تاريحتان ونەگە الۋ، بولاشاققا بەت الۋ رۋحى بويىنشا، ءوز جولدارىمەن العا تارتىپ، ەكى ەل قاتىناسىنىڭ ۇزاق ۋاقىت ورنىقتى بولۋىن ىلگەرىلەتۋىن ءۇمىت ەتەمىن.
  لي كىچياڭ بىلاي دەدى: دۇنيە جۇزىندەگى باستى ەكونوميكالىق تۇلعالار سانالاتىن جۇڭگو مەن جاپونيانىڭ ەكونوميكا، ساۋدا سەلبەستىگىن تەرەڭدەتۋى ەكى جاققا پايدالى بولىپ قانا قويماي، تۇتاس دۇنيە ءجۇزىنىڭ ەكونوميكاسى مەن ساۋداسىنىڭ دامۋىنا دا ءتيىمدى. ەكى جاقتىڭ ارتىقشىلىق جاعىندا ءبىر - ءبىرىن تولىقتاپ، ساۋدا، قارجى قوسۋ، قازىنا، فينانس، جاڭالىق جاراتۋ جانە جوعارى تەحنيكا سياقتى سالالارداعى سەلبەستىكتى كەڭەيتىپ، ءۇشىنشى جاق بازارىن بىرگە اشىپ، كوپ جاقتىلىقتى جانە ەركىن ساۋدا ءتۇزىلىسىن قورعاۋىن ءۇمىت ەتەمىن. جۇڭگو قاقپا اشۋدى ءۇرتىس كەڭەيتەدى، جاپونيا كاسىپورىنشىلارىنىڭ جۇڭگوعا كوپتەپ قارجى قوسۋىن، جۇڭگو مەن جاپونيانىڭ اۋىس – كۇيىسىن، سەلبەستىگىن جەبەۋدەگى رولدارىن ءۇرتىس ساۋلەلەندىرۋىن، جۇڭگو – جاپونيا قاتىناسىنىڭ اقاۋسىز، ورنىقتى دامۋىن جەبەۋىن، باياندى دامىپ، گۇلدەنۋدى بىرگە ىسكە اسىرۋىن قارسى الادى.
  كەلۋ قاينارى: حالىق تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ