<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ورتالىقتىڭ ءۇنى

شي جينپيڭ: ەلىمىزدىڭ جاراتىلىستىق اپاتتان ساقتانۋ جانە ونى تەجەۋ قۋاتىن بار كۇشپەن جوعارىلاتىپ، سىچۋان – شيزاڭ تەمىر جولىن جوبالاۋدى، سالۋدى جاپپاي باستاۋىمىز كەرەك

 شينحۋا اگەنتتىگى، 10 – قازان، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق قازىنا – ەكونوميكا كوميتەتىنىڭ مەڭگەرۋشىسى شي جينپيڭ 10 – قازان تۇستەن كەيىن ورتالىق قازىنا – ەكونوميكا كوميتەتىنىڭ 3 – ءماجىلىسىن باسقارىپ اشىپ، ەلىمىزدىڭ جاراتىلىستىق اپاتتان ساقتانۋ جانە ونى تەجەۋ قۋاتىن جوعارىلاتۋ، سىچۋان – شيزاڭ تەمىر جولىن جوبالاۋ، سالۋ ماسەلەلەرىن اقىلداستى. شي جينپيڭ ماجىلىستە ماڭىزدى ءسوز سويلەپ، مىنالاردى دارىپتەدى: جاراتىلىستىق اپاتتان ساقتانۋ جانە ونى تەجەۋدى كۇشەيتۋ مەملەكەت شارۋاشىلىعىنا جانە حالىق تۇرمىسىنا سايادى، جاراتىلىستىق اپاتتان ساقتانۋ جانە ونى تەجەۋدىڭ ءونىمدى دە عىلمي جۇيەسىن ورناتىپ، بۇكىل قوعامنىڭ جاراتىلىستىق اپاتتان ساقتانۋ جانە ونى تەجەۋ قۋاتىن جوعارىلاتىپ، حالىق جۇرتشىلىعىنىڭ باس اماندىعى مەن مال – مۇلىك حاۋىپسىزدىگىن جانە مەملەكەت حاۋىپسىزدىگىن قورعاۋعا پارمەندى كەپىلدىك ازىرلەۋ كەرەك؛ سىچۋان – شيزاڭ تەمىر جولىن جوبالاۋ جانە سالۋ مەملەكەتتىڭ باياندى تىنىشتىعى مەن شيزاڭنىڭ ەكونوميكالىق، قوعامدىق دامۋىندا ماڭىزدى دا تەرەڭ مانگە يە، وسى ءىرى ءىستى، ءسوزسىز، ويداعىداي ىستەۋ كەرەك.
  ماجىلىستە مىنالار اتاپ كورسەتىلدى: ەلىمىز − دۇنيە جۇزىندەگى جاراتىلىستىق اپاتتىڭ ىقپالى ەڭ اۋىر مەملەكەتتەردىڭ ءبىرى. جاڭا جۇڭگو قۇرىلعاننان بەرى پارتيا مەن ۇكىمەت جاراتىلىستىق اپاتتان ساقتانۋعا جانە ونى تەجەۋگە باسا نازار اۋدارىپ، ەلىمىزدىڭ سوتسياليستىك ءتۇزىمىنىڭ كۇشتى شوعىرلاندىرىپ ءىرى ىستەر تىندىرۋ ساياسي ارتىقشىلىعىن ساۋلەلەندىرىپ، اپاتتان قورعانۋ، اپات زيانىن ازايتۋ، اپاتتان قۇتقارۋدا قول جەتكەن تابىستارىمەن دۇنيە ءجۇزىن مويىنداتتى. سونىمەن بىرگە، ەلىمىزدىڭ جاراتىلىستىق اپاتتان ساقتانۋ جانە ونى تەجەۋ قۋاتى، جالپىلاي العاندا، ءالى دە ءبىرشاما ءالسىز، جاراتىلىستىق اپاتتان ساقتانۋ جانە ونى تەجەۋ قۋاتىن جوعارىلاتۋ − «ەكى 100 جىلدىق» كۇرەس نىساناسى مەن جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن ىسكە اسىرۋدىڭ قاجەتتى تالابى، حالىق جۇرتشىلىعىنىڭ باس اماندىعى مەن مال – مۇلىك حاۋىپسىزدىگىنە جانە مەملەكەتتىڭ حاۋىپسىزدىگىنە قاتىستى ءىرى ءىس، سونداي – اق پارتيامىزدىڭ بيلىك جۇرگىزۋ قۋاتى جونىنەن ماڭىزدى سىناق، ونى مىقتاپ، ناقتاپ يگەرۋىمىز كەرەك.
  كەلۋ قاينارى: حالىق تورابى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ