<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>شينجياڭ حابارلارى

اۆتونوميالى رايوندىق حالىق ۇكىمەتى بەيجيڭ بانكەسىمەن جالپى بەتتىك ستراتەگيالىق سەلبەستىك كەلىسىمىن جاساستى

ءتىلشىمىز جاۋ جىيۇن 10 - ايدىڭ 10 - كۇنى ۇرىمجىدەن حابارلايدى. 10 - ايدىڭ 10 - كۇنى تۇستەن كەيىن، اۆتونوميالى رايوندىق حالىق ۇكىمەتى بەيجيڭ بانكەسى شەكتى جارنا سەرىكتەستىگىمەن جالپى بەتتىك ستراتەگيالىق سەلبەستىك كەلىسىمىن جاساستى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق پارتكوم مەن ۇكىمەت اتىنان جالپى بەتتىك ستراتەگيالىق سەلبەستىك كەلىسىمىنە قول قويىلعاندىعىن قىزۋ قۇتتىقتادى.

  شوكىرات زاكىر بىلاي دەدى: بۇكىل رايونىمىز جوعارىدان تومەنگە دەيىن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، نازاردى قوعام ورنىقتىلىعى مەن باياندى تىنىشتىق باس نىساناسىنا مىقتاپ شوعىرلاندىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ «كەشەندى شارالارىن» ويداعىداي اتقارىپ، قوعامدىق جالپى جاعداي ورنىقتى، اۋقىم مەڭگەرىمدى، بەتالىس جاقسى بولىپ، ەكونوميكالىق، قوعامدىق دامۋعا كەپىل ازىرلەدى، ورنىقتىلىق يگىلىك اكەلدى. سونىمەن بىرگە بۇكىل رايونىمىز ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جەتكىزۋ، ولقىلىقتاردى تولىقتاۋ، حاۋىپ - قاتەردەن ساقتانۋ سياقتى ءتۇرلى قىزمەتتەردى كۇش سالا ويداعىداي ىستەپ، ەكونوميكانىڭ دامۋ ساپاسىنىڭ ونىمدىلىگى كورنەكتى جوعارىلادى.

  شوكىرات زاكىر مىنانى اتاپ كورسەتتى: سوڭعى جىلداردان بەرى، ءارقايسى ۇلكەن فينانس قۇرىلىمدارى رايونىمىزدىڭ ءتۇرلى ىستەرىن قولداۋ سەرپىنىن ۇزدىكسىز كۇشەيتتى. بەيجيڭ بانكەسى شينجياڭعا كىرگەن تۇڭعىش ءوڭىر ارا تيجارات جۇرگىزەتىن قالا ساۋدا بانكەسى رەتىندە، رايونىمىزبەن جالپى بەتتىك ستراتەگيالىق سەلبەستىكتى تەرەڭدەتىپ، شينجياڭنىڭ قوعام ورنىقتىلىعى مەن باياندى تىنىشتىعىنا بەلسەندى ۇلەس قوستى. بۇگىن بەيجيڭ بانكەسى اۆتونوميالى رايوندىق حالىق ۇكىمەتىمەن جالپى بەتتىك ستراتەگيالىق سەلبەستىك كەلىسىمىنە تاعى دا قول قويدى، بۇل اۆتونوميالى رايوندىق حالىق ۇكىمەتى مەن بەيجيڭ بانكەسىنىڭ سەلبەستىگىنىڭ تىڭ ساتىعا قادام تاستاعاندىعىن بەينەلەيدى، ول رايونىمىزدىڭ باس نىسانانى تاباندىلىقپەن تياناقتاندىرۋدا، جاڭا دامۋ ۇستانىمىن ىشكەرىلەي دايەكتىلەندىرۋدە، جوعارى ساپالى دامۋدى ىلگەرىلەتۋدە، جاپپاي دوڭگەلەك داۋلەتتى قوعام قۇرۋدا شەشۋشى جەڭىسكە جەتۋى ءۇشىن، ءسوز جوق، اناعۇرلىم پارمەندى قولداۋ كورسەتەدى.

  شوكىرات زاكىر بىلاي دەدى: ءبىز بەيجيڭ بانكەسىن قامتىعان ءارقايسى ۇلكەن فينانس قۇرىلىمدارىمەن كەڭەسۋدى، پىكىرلەسۋدى، سەلبەستىكتى اناعۇرلىم كۇشەيتىپ، تاماشا قارجى قوسۋ، قارجى قۇراۋ ورتاسىن قۇلشىنا دايىنداپ، باسىمدىقتارى ارقىلى ءبىرىن - ءبىرى تولىقتاپ، سەلبەستىك جاساسىپ، تەڭ يگىلىككە كەنەلۋدى ىسكە اسىرامىز. بەيجيڭ بانكەسىنىڭ شينجياڭداعى دامۋ سەنىمىن بەكەمدەپ، شينجياڭنىڭ ءتۇرلى ىستەرىنىڭ دامۋى ءۇشىن اناعۇرلىم جالپى بەتتىك، قولايلى، ساپالى فينانستىق قىزمەت وتەۋىن ءۇمىت ەتەمىن.

  بەيجيڭ بانكەسى جارنا شەكتى سەرىكتەستىگى پارتكومىنىڭ شۋجيى، باسالقا جاڭ دۇڭنيڭ بىلاي دەدى: سوڭعى جىلداردان بەرى، اۆتونوميالى رايوندىق پارتكوم مەن ۇكىمەت نازاردى قوعام ورنىقتىلىعى مەن باياندى تىنىشتىق باس نىساناسىنا مىقتاپ شوعىرلاندىرىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەل ىلگەرىلەتىپ، شينجياڭنىڭ جان - جاقتى ەسىك اشۋ ورەسىن اناعۇرلىم ءوسىرىپ، فينانس كاسىبىنىڭ دامۋى ءۇشىن وراسان زور وراي ازىرلەدى. بەيجيڭ بانكەسى شينجياڭنىڭ جىبەك جولى ەكونوميكالىق بەلدەۋىندەگى وزەكتى رايون قۇرىلىسىنا ۇزدىكسىز بەلسەنە ات سالىسىپ، جۇڭگوشا سوتسياليستىك شينجياڭ قۇرۋعا ءوز ۇلەسىن قوسادى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين مەن جاڭ دۇڭنيڭ ەكى جاق اتىنان جالپى بەتتىك ستراتەگيالىق سەلبەستىك كەلىسىمىنە قول قويدى.

كەلۋ قاينارى:تاڭىرتاۋ تورابى  


 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ