<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ورتالىقتىڭ ءۇنى

مەملەكەتتىك كەڭەس كەڭسەسى 3 جىلدىق ارەكەت جوسپارىن باسىپ تاراتىپ، تاسىمال قۇرىلىمىن رەتتەۋدى ىلگەرىلەتپەك

     شينحۋا اگەنتتىگى، 9 – قازان، بەيجيڭ. تاياۋدا مەملەكەتتىك كەڭەس كەڭسەسى «تاسىمال قۇرىلىمىن رەتتەپ ىلگەرىلەتۋدىڭ 3 جىلدىق ارەكەت جوسپارىن (2018 – 2020)» (تومەندە قىسقاشا «ارەكەت جوسپارى» دەلىنەدى) باسىپ تاراتتى. 
   «ارەكەت جوسپارىندا» مىنالار تالاپ ەتىلدى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، پارتيا 19 – قۇرىلتايى مەن 19 – كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، قاتىناس – تاسىمال قامداۋى جاعىنداعى قۇرىلىمدىق رەفورمانى تەرەڭدەتۋدى وزەك، بەيجيڭ – تيانجين – حىبەي جانە ونىڭ اينالاسىنداعى وڭىرلەر، چاڭجياڭ اتىراۋى ءوڭىرى، فىنحى – ۋەيحى جازىعى سىندى وڭىرلەردى نەگىزگى شايقاس مايدانى ەتىپ، قوماقتى زاتتاردى تاسىمالداۋدا «تاس جولدان تەمىر جولعا ويىسۋ، تاس جولدان سۋ جولدارىنا ويىسۋدى» قامال الۋ ءتۇيىنى ەتە ىلگەرىلەتىپ، 3 جىلدىق شوعىرلى قامال الۋ شايقاسىن جۇرگىزۋ ارقىلى، بۇكىل ەلدەگى تەمىر جولدىڭ تاسىمال مولشەرىن 2017 – جىلداعىدان ءبىر ميلليارد 100 ميلليون توننا، سۋ جولدارىنىڭ تاسىمال مولشەرىن 2017 – جىلداعىدان 500 ميلليون توننا، قوماقتى زاتتاردى تەڭىز جاعالاۋىنداعى پورتتارمەن جونەلتىپ، تاس جولداردىڭ تاسىمال مولشەرىن 440 ميلليون توننا ازايتۋ نىساناسى جۇزەگە اسىرىلادى. 2020 – جىلعا بارعاندا، تۇتاس ەلدىڭ زات تاسىمالى قۇرىلىمى كورنەكتى جاقسارىپ، تەمىر جول، سۋ جولدارى مىندەتىنە العان قوماقتى زاتتاردى تاسىمالداۋ مولشەرى كورنەكتى جوعارىلايدى، بەيجيڭ – تيانجين – حىبەي جانە ونىڭ اينالاسىنداعى وڭىرلەر تۇتاس ەلدىڭ تاسىمال قۇرىلىمىن رەتتەۋدەن ۇلگى كورسەتۋ رايونى بولىپ قۇرىلادى. 
  قىزمەت نىساناسىن جۇزەگە اسىرۋ ءۇشىن، «ارەكەت جوسپارىندا» التى ءىرى ارەكەت جۇرگىزىلەتىندىگى ورتاعا قويىلدى: ءبىرىنشى، تەمىر جولداردىڭ تاسىمال قۋاتى جوعارىلاتىلادى. ەكىنشى، سۋ جولدارى تاسىمال جۇيەسىنىڭ دارەجەسى جوعارىلاتىلادى. ءۇشىنشى، تاس جولدارداعى جۇك تاسىمالى جونگە سالىنادى. ءتورتىنشى، كوپ فورمالى، ۇلاسپالى تاسىمال قارقىنى جەدەلدەتىلەدى. بەسىنشى، قالالاردىڭ جاسىل جەتكىزۋى سايكەستىرىلەدى. 
   «ارەكەت جوسپارىندا» مىنالار دارىپتەلدى: ساياساتتىق قامتاماسىزداندىرۋدى كۇشەيتىپ، قازىنا جانە جەر، سۋ ايدىندارىن پايدالانۋعا قولداۋ كورسەتۋ ساياساتتارىن بەلسەنە تياناقتاندىرىپ، تاسىمال قۇرىلىمىن رەتتەۋدىڭ ناقتى ونىمدىلىگىنە قول جەتكىزۋگە كەپىلدىك ەتۋ كەرەك. جەرگىلىكتى ۇكىمەتتەر تاسىمال قۇرىلىمىن رەتتەۋ قىزمەتىنىڭ اتقارۋ جوباسىن تىزگىن ۇشىمەن جاساۋعا ۇيىمداسۋى، نىسانالىق مىندەتتەردى جىنتىكتەي ورنالاستىرۋى، جاۋاپكەرشىلىكتىڭ جەرىنە جەتە تياناقتانۋىنا كەپىلدىك ەتۋلەرى كەرەك.
  كەلۋ قاينارى: حالىق تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ