<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ماڭىزدى حابارلار

اۆتونوميالى وبلىس «بۇلت شۇعىلاسىنداعى زەردەلى كاسىپورىن» اتىندا كاسىپورىنداردىڭ بۇلتتىق سيستەما ينجەنەرياسىن ىسكە قوستى

بىرلەسپە حابارلاسۋ سەرىكتىگى ميلليون يۋان قارجى شىعارىپ ىلە اڭعارىنداعى كاسىپورىنداردىڭ بۇلتتىق سيستەما ينجەنەرياسىنا دەم بەردى

9 -ايدىڭ 13 -كۇنى وبلىسىتىق پارتكومنىڭ تۇراقتى مۇشەسى، وبلىستىڭ ورىنباسار باستىعى تاۋ چيڭسۇڭ وبلىسىمىزدىڭ «بۇلت شۇعىلاسىنداعى زەردەلى كاسىپورىن» اتىنداعى كاسىپورىنداردىڭ بۇلتتىق ينجەنەريانى ىسكە قوسۋ ماجىلىسىندە مىنالاردى تالاپ ەتتى:« بۇگىنگى اتتانىسقا كەلتىرۋ جيىنىنىڭ مازمۇنى مامانداردىڭ ساباق ءوتۋى، ارناۋلى بايانداما جاساۋ، قول قويۋ سالتىن قامتىعان، كوپشىلىكتىڭ ورايدى قاستەرلەپ، ماجىلىسكە قاتىناسقان ءارقايسى كاسىپورىنداردىڭ ءىس جۇزىندىك جاعدايىمەن بىرلەستىرىپ، بىرلەسپە حابارلاسۋ سەرىكتىگىمەن ۇشتاسۋ تالابىن سايكەستىرىپ، بۇلتتىق ينجەنەريا جونىندە وي ءبولىسۋىن؛ ءارقايسى اۋدان -قالالاردىڭ تياناقتاندىرۋدى، ءسوزسىز، مىقتى ۇستاپ، ىرىقتىلىقپەن جەرگىلىكتى ورىندارداعى ورتا، شاعىن تيپتەگى كاسىپورىنداردىڭ بۇلتتىق ينجەنەريا قىزمەتىنە بەلسەنە جەتەكشىلىك ەتۋىن؛ وبلىسقا توتە قاراستى كولەمدى كاسىپورىنداردىڭ وي جەلىسىنە بۇرىلىس جاساپ، ىرىقتىلىقپەن بۇلتتىق ينجەنەرياعا قوسىلىپ، وبلىسقا توتە قاراستى كاسىپورىنداردىڭ بۇلتتىق ينجەنەرياسىنىڭ قىزمەت ساپاسىن ۇزدىكسىز جوعارىلاتۋىن ءۇمىت ەتەمىن».

»بۇلت شۇعىلاسىنداعى زەردەلى كاسىپورىن» - ىلە بىرلەسپە حابارلاسۋ سەرىكتىگىنىڭ اۆتونوميالى وبلىستىڭ دامۋ قاجەتىنە نازار اۋدارىپ، ىلە اڭعارىنداعى كاسىپورىنداردىڭ بۇلتتىق ينجەنەرياسىن ىلگەرىلەتۋ ءۇشىن اتقارعان ارناۋلى قيمىلى، بۇل بۇلتتىق سيستەما بويىنشا قىزمەت وتەۋ، تاڭداۋلى وپتيكالىق توراپ پەن بۇلتتىق توراپ جۇيەسى ءبىر تۇلعادا ىسكە قوسىلۋداي وزگەشەلىكپەن ورتا -شاعىن كاسپورىنداردىڭ زەردەلى دامۋىنا دەم بەرەدى. ول جۇڭگو بىرلەسپە حابارلاسۋ سەرىكتىگىنىڭ ارالاس مەنشىك ءتۇزىمى رەفورماسىنان كەيىن تىڭشۇن، ءالي سياقتى توراپتىق كاسىپورىندارمەن ەتەنە توعىسۋدى سۇيەنىش ەتىپ جۇرگىزگەن تىڭ ۇلگىدەگى ينفورماتسيا تەحنيكاسىندىق قىزمەت وتەۋ، ابونتتاردىڭ بۇلتتىق سيستەما توڭىرەگىندە توعىسۋ قاجەتىن تولىق قاناعاتتاندىرىپ، كىرىس كوزىن اشىپ، شىعىندى ازايتۋىنا جاردەمدەسىپ، وزىندىك قۇندى تومەندەتىپ، ءونىمدى جوعارىلاتىپ، كاسىپورىنداردىڭ وزەكتى باسەكەلىك قۋاتىن كۇشەيتەدى.

ماجىلىستە بىلاي دەپ اتاپ كورسەتىلدى: «بۇلت شۇعىلاسىنداعى زەردەلى كاسىپورىن» اتىنداعى كاسىپورىنداردى بۇلتتىق سيستەما ينجەنەرياسىنا كوتەرۋ وبلىسىمىزداعى ءداستۇرلى ونىمدەردىڭ سيفرلانۋىن، توراپتانۋىن، زەردەلىلەنۋىن تەزدەتىپ، تىڭ قادامعا بەتالدىرادى. اسىرەسە، بۇلتتىق ەسەپتەۋ، ءىرى ساندى مالىمەت، زات اينالىمى تورابى مەن ءداستۇرلى كاسىپتەر تەرەڭدەي توعىسا، اۆتونوميالى وبلىس ەكونوميكاسىنىڭ جوعارى ساپادا دامۋىن زور كۇشپەن ىلگەرىلەتەدى.

ماجىلىستە مىناۋ باسا دارىپتەلدى: كاسىپورىنداردىڭ بۇلتتىق ينجەنەرياعا قوسىلۋى ۇلكەن اۋقىم، اۆتونوميالى وبلىس كولەمىندە كاسىپورىنداردى بۇلتتىق ينجەنەريالاستىرۋ قىزمەتىن مۇقيات دايەكتىلەندىرۋ سيفرلى ەكونوميكانى وزەك ەتكەن، وسىزاماندانعان ەكونوميكالىق ۇلگىدەگى «زەردەلى ىلە» قۇرۋدىڭ ماڭىزدى جولى.

اتتانىسقا كەلتىرۋ ءماجىلىسىن وبلىستىق ۇكىمەت ۇيىمداستىرىپ، وبلىستىق ەكونوميكا جانە ينفورماتسيالاندىرۋ كوميتەتى مەن جۇڭگو بىرلەسپە حابارلاسۋ سەرىكتىگى ىلە بولىمشە سەرىكتىگى مىندەتىنە الىپ وتكىزدى. وبلىسقا توتە قاراستى ءار قايسى اۋداندىق-قالالىق حالىق ۇكىمەتىنىڭ ينفورماتسيالاندىرۋ قىزمەتىنە جاۋاپتى باسشىلار، اۋداندىق -قالالىق ەكونوميكا جانە ينفورماتسيالاندىرۋ كوميتەتتەرىنىڭ، كاسىپورىنداردىڭ ۋاكىلدەرىنەن بولىپ 200 دەي ادام مامانداردىڭ لەكسياسىن تىڭدادى.

سول كۇنى شينجياڭ رۇنكى الاڭى ەرەن بازارى شەكتى سەرىكتىگى، شينجياڭ كاڭ جىيۋان ءدارى-دارمەك شەكتى سەرىكتىگى، شينجياڭ ىلە بولات - تەمىر شەكتى جاۋاپكەرلىك سەرىكتىگى، ىلە بىرلەسپە حابارلاسۋ سەرىكتىگىمەن ناق مايداندا بۇلت ينجەنەرياسىندىق قىزمەت وتەۋ ستراتەگيالىق سەلبەستىك كەلىسىمىن جاساستى.

كەلۋ قاينارى:ىلە اقپارات تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ