<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ماڭىزدى حابارلار

ۇيىرمە ۇلگىسىندەگى شينجياڭعا كومەك بەرۋ بويىنشا «ءبىلىم ۇيرەتۋ، كومەكتەسۋ، جەتەكشىلىك ەتۋ» بارىس -كەلىستى جيىلەتىپ، قارىم -قاتىناستى ءتىپتى دە جەبەدى

وتكەن جىلى 10 -ايدىڭ 27 -كۇنى كوپتىڭ ىزگى تىلەگىن ارقالاعان ءبىر رەتكى وپەراتسيا قورعاس قالالىق حالىق شيپاحاناسىندا جاسالدى. ناۋقاس ءامينا يكىمجان وتىنە، ءوت جولىنا تاس بايلانۋ اۋرۋىنا كىرىپتار بولىپ، ونىڭ اياعى شۇعىل حاراكتەرلى ءوت جولى توسىلۋ، ءوت قابىنۋ اۋرۋىنا ۇلعايىپ، كۇندە قۇرساعى اۋىرىپ، قىزۋى توقتاماعان ەدى...... جياڭسۋ ولكەسىنەن شينجياڭعا كومەككە كەلگەن شيپاگەر فان جيلۇڭنىڭ دياگنوز قويۋى ارقىلى وعان شۇعىل وپەراتسيا جاسالاتىن بولدى. «ناۋقاسقا دەركەزىندە وپەراتسيا جاسالماسا، ومىرىنە حاۋىپ تونەدى» دەدى شيپاگەر فان جيلۇڭ.

سول كۇنى وپەراتسيا ءبىر ساعاتتان ارتىق ۋاقىت جاسالدى، ناۋقاستىڭ وتباسىنداعىلار مەن قىستاق كادرلارى ابىرجۋلى كوڭىل كۇيمەن وپەراتسيانىڭ اقىرلاسۋىن كۇتتى. ساعات 13 تەن 22 مينۋت وتكەندە فان جيلۇڭ شيپاگەر وپەراتسيا بولىمىنەن شىقتى. ناۋقاس ءامينا يكىمجاننىڭ جولداسى شيپاگەر فان جيلۇڭنىڭ قولىن قاتتى قىسىپ، اسەرلەنگەنىنەن بىلاي دەدى: «فان شيپاگەر، سىزگە راقىمەت، شينجياڭعا كومەككە كەلگەن كادرلارعا راقىمەت، سىزدەر مەنىڭ جۇبايىمنىڭ جانىن الىپ قالدىڭىزدار». ۇعىسۋعا قاراعاندا، 26 جاستاعى ءامينا يكىمجاننىڭ وپەراتسيادان كەيىنگى دەنساۋلىعىنىڭ قالپىنا كەلۋى تەز بولعان. وسىلايشا شينجياڭعا كومەك بەرۋدەي دوستىق سۇيىسپەنشىلىكتىڭ تۇقىمى تاعى ءبىر رەت ىلە القابىندا تامىر تارتىپ وركەن جايدى.

جياڭسۋ ولكەسىنىڭ دارىندىلار بايلىعى ابزالدىعىن تولىق ساۋلەلەندىرىپ، ۇيىرمە ۇلگىسىندەگى شينجياڭعا كومەك بەرۋدى اتقارىپ، جياڭسۋ ولكەسىنىڭ وقۋ -اعارتۋ، دەنساۋلىق ساقتاۋ جاقتارىنداعى ابزال بايلىعىن، العاباسار كوزقاراسىن ىلەگە ەنگىزىپ، ىلەنىڭ دامۋ، ورنىقتىلىق ىستەرىن دارىندى كەپىلىمەن قامداپ، ءبىلىم جاعىنان قولداۋ كورسەتۋى - جياڭسۋ ولكەسىنىڭ شينجياڭعا اقىل - پاراسات جاعىنان كومەك بەرۋدە تابىسقا جەتكەن تاجىريبەسى سانالادى. جياڭسۋ ولكەسى ەمدەۋ ۇيىرمەسى ۇلگىسىندە شينجياڭعا كومەك بەرۋ فورماسىندا جاڭالىق اشىپ، شيپاحانالاردىڭ جەكەلەي كومەك بەرۋىن تۇتاس دەنساۋلىق ساقتاۋ جۇيەسى بويىنشا ۇيىرمە ۇلگىسىندە شينجياڭعا كومەك بەرۋگە كەڭەيتىپ، شينجياڭعا كومەك بەرۋشى 80 ەمدەۋ مامانىن كومەك قابىلداۋشى جەرلەرگە ءبىرتۇتاس سەپتەپ، كاسىپتىك اۋىس -كۇيىس ورناتۋ، تەحنيكالىق جاقتان جەتەكشىلىك ەتۋ، لەكسيا سويلەپ، كورسەتپەلى وقىتۋ سياقتى قىزمەتتەردى ورىستەتتى. 2017 -جىلدان بەرى شينجياڭعا كومەككە كەلگەن شيپاگەرلەر رەت سانى بويىنشا 75 مىڭ 800 ادامعا دياگنوز قويىپ، ەمدەپ، 4 مىڭ 912 رەت وپەراتسيا جاساپ، رەت سانى بويىنشا ءبىر مىڭ 789 اۋىر، سالماقتى ناۋقاستى شۇعىل قۇتقاردى. جاڭا تەحنيكا تۇرىنەن 172 سىن ەنگىزىپ، 98 كەزەك لەكسيا سويلەۋ قيمىلىن ورىستەتىپ، ەمدەۋ قىزمەتكەرلەرىنەن رەت سانى بويىنشا 11 مىڭ 100 ادامدى تاربيەلەدى. سونىمەن بىرگە وبلىستىق دوستىق شيپاحاناسىندا شينجياڭ بويىنشا تۇڭعىش رەت تۋما جۇرەك اۋرۋىن ەمدەيتىن كوپ ۇلتتان قۇرالعان ماماندار قامباسىن قۇرىپ، ءبىر توپ ايگىلى ەمدەۋ بولىمدەرى قۇرىلىپ، كومەك قابىلداۋشى جەرلەردىڭ كلينيكالىق ەمدەۋ ورەسى مەن الەۋمەتتىك دەنساۋلىق ساقتاۋ ۋنيۆەرسالدى قىزمەت وتەۋ قۋاتىن شىنايى جوعارىلاتتى.

اۆتونوميالى وبلىستاعى وبلىس، اۋدان ەكى دارەجەلى ورىنداعى 32 دەنساۋلىق ساقتاۋ قۇرىلىمى، 231 ءتۇيىندى ەمدەۋ بولىمدەرى جياڭسۋ ولكەسىنىڭ قالالارىنداعى شيپاحانا جانە ەمدەۋ بولىمدەرىمەن اۋىس -كۇيىس ورناتۋ مەحانيزمىن قۇرىپ، شينجياڭعا كومەك رەتىندە سالىنعان الىس ارالىقتى دياگنوز قويۋ -ەمدەۋ ورتالىعى، شينجياڭعا كومەك رەتىندە بەرىلگەن جۇمساق بولشەك قۇرىلعىلارى ەمدەۋ بايلىعىنان ءوزارا يگىلىكتەنۋدى جۇزەگە اسىردى. سونىمەن بىرگە، «ۇيىرمە ۇيىرمەنى جەتەكتەۋ»، «ءبولىم ءبولىمدى جەتەكتەۋ» جانە «ماماندار تىرەكتى شيپاگەرلەردى جەتەكتەۋ»، «ۇستاز شاكىرتتى جەتەكتەۋ» فورماسىنداعى ەمدەۋ ۇيىرمەسى ۇلگىسىندە شينجياڭعا كومەك بەرۋ بويىنشا «ءبىلىم ۇيرەتۋ، كومەكتەسۋ، جەتەكتەۋ» ۇلگىسىندەگى دارىندىلاردى تاربيەلەۋ مەحانيزمى كۇن سايىن كەمەلدەنە ءتۇستى.

بيىل جياڭسۋ ولكەلىك دەنساۋلىق ساقتاۋ، جوسپارلى تۋىت كوميتەتىنىڭ بار كۇشپەن قولداۋىندا جياڭسۋ ولكەسىندەگى 6 ايگىلى ماماندار ۇيىرمەسىنەن 36 مامان شينجياڭعا كومەككە كەلىپ، جۇرەك -قان تامىر اۋرۋىنا دياگنوز قويۋ جانە ونى ەمدەۋ، كلينيكالىق ءوربۋ مەديتسيناسى سياقتى 6 ءىرى ورتالىق قۇرىلىپ، «دەنە سىرتىندا ۇرىقتاندىرۋ – ەمبرويىن كوشىرۋ» سياقتى 17 ءتۇرلى وزىق تەحنيكانىڭ ەنگىزىلۋى ىلە وبلىسىنىڭ مەديتسينا سالاسىنداعى اق تاڭداقتى تولتىرىپ، ءامينا يكىمجان سياقتى كۇردەلى، سالماقتى ناۋقاسقا شالدىققانداردى ساپالى ەمدەۋ قىزمەت وتەۋىنەن يگىلىكتەندىردى.

تەك ەمدەۋ جاعىنان ۇيىرمە ۇلگىسىندە شينجياڭعا كومەك بەرۋ عانا ەمەس، وقۋ -اعارتۋ جاعىنان ۇيىرمە ۇلگىسىندە شينجياڭعا كومەك بەرۋدىڭ دە ناتيجەسى كورنەكتى بولدى. نانجيڭ پەداگوگيكا ۋنيۆەرسيتەتى، يانچىڭ پەداگوگيكا ۋنيۆەرسيتەتى سياقتى جياڭسۋ ولكەسىندەگى ايگىلى جوعارى مەكتەپتەر ىلە پەداگوگيكا ۋنيۆەرسيتەتىمەن سەلبەستىك ورناتىپ، وقىتۋشىلاردىڭ مەملەكەتتە ءبىرتۇتاس قولدانىلاتىن ورتاق ءتىل -جازۋ بويىنشا قىزمەت ورنىنا ۇيلەسۋ قابىلەتىن جوعارىلاتتى. ءارقايسى قىزمەت گرۋپپالارى قۇنى 19 ميلليون يۋاننان استام 800 مىڭ نۇسقادان اساتىن كىتاپ تارتۋ ەتىپ، ءار ۇلت وقۋشىلارىنىڭ كىتاپ وقۋ ورتاسى مەن ساپاسىن جاپپاي جاقسارتتى. جاڭادان بىرلەسىپ قۇرعان مەكتەپ سانى 162 گە، جالپى سانى 608 گە جەتىپ، كومەك قابىلداۋشى جەرلەردەگى مەكتەپتەر سانىنىڭ %56.6 ىن يەلەدى. 80 تاڭداۋلى تىرەكتى وقىتۋشىلاردى ىلەگە كەلىپ ساباق وتۋگە تاڭداپ جىبەرىپ، جوعارى مەكتەپ بىتىرگەن وقۋشىلاردان 196 سىن قابىلداپ، ىلە وبلىسىنىڭ وقىتۋشىلار قوسىنىن تولىقتىردى. ولكەگە توتە قاراستى جوعارى مەكتەپتەردەگى 10 اسپيرانت پەن 148 تولىق كۋرس ماعلۇماتىنا يە وقۋشىلاردى ىلەگە كەلىپ باعىتتامالى تۇردە پراكتيكا كورىپ، ساباق وتۋگە ۇيىمداستىردى، سونداي -اق « توراپتا الىس ارالىقتى ساباق ءوتۋ» سىندى توراپ جولدارى ارقىلى جياڭسۋ ولكەسىنىڭ وقۋ -وقىتۋ تاجىريبەلەرىن ىلەگە جەتكىزدى. بيىل 8 -ايدا جياڭسۋ ولكەسى تاڭداۋلى تىرەكتى وقىتۋشىلاردان 320 ادامدى ىلە وبلىسى مەن بيڭتۋان 4-ديۆيزياسى، 7-ديۆيزياسى سياقتى جەرلەرگە ساباق وتۋگە تاڭداپ جىبەرىپ، وقۋ-اعارتۋ جاعىنان ۇيىرمە ۇلگىسىندە شينجياڭعا كومەك بەرۋدى اناعۇرلىم تولىق جالپىلاستىردى. شينجياڭنىڭ ىشكى ولكەدەگى تولىق ورتا كلاسىنان 11 ىن، ورتا تەحنيكۋم كاسىپتىك كلاسىنان 3 ىن ويداعىداي قۇرۋعا جالعاستى قولداۋ كورسەتىپ، قۇلجا قالالىق 8 -ورتا مەكتەپ سياقتى 6 تولىق ورتا مەكتەپتە نانجيڭ شياۋجۋاڭ ينيستيتۋتى ساپالى وقۋشى تاربيەلەۋ بازاسى ماڭدايشالىعىن اسىپ، 235 تاڭداۋلى وقۋشىنى جياڭسۋ ولكەسىندەگى ءتۇيىندى ورتالاۋ، تولىق ورتا كلاسىنا وقۋعا جىبەردى.

جياڭسۋ كاسىپتىك مەكتەبى كومەك قابىلداۋشى جەرلەردەگى 17 كاسىپتىك مەكتەپتەرمەن جۇپ قۇراپ سەلبەسۋدى تولىق جالپىلاستىرىپ، وقىتۋشى قاينارى، قۇرىلعى، ءپان قۇرىلىسى جاعىنان ءتۇيىندى قولداۋ كورسەتىپ، «كاسىپتىك اتاق پەن كاسىپتىك قابىلەتكە يە» وقىتۋشىلاردان 51 ىن تاربيەلەدى. 11 مىڭ 400 بوس ەڭبەككۇشتى تەحنيكالىق جاقتان تاربيەلەپ، ولاردىڭ ءوز جەرىندە كاسىپتەنۋىنە مۇمكىندىك جاراتىپ، 460 كاسىپ كۇتكەن جوعارى مەكتەپ وقۋشىلارىن جياڭسۋعا پراكتيكا كورۋگە، تاربيەلەنۋگە جىبەرىپ، كاسىپتەنۋ قابىلەتىن جوعارىلاتۋعا كومەكتەستى.

2017-جىلدان بەرى جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى كومەك قابىلداۋشى جەرلەردىڭ ورنىقتىلىق، رەفورما، دامۋ قاجەتىن توڭىرەكتەپ، قولدانىلمالى، تاپشى دارىندىلاردى باۋلۋ جانە تاڭداپ جىبەرۋ تەبىنىن ۇزدىكسىز ارتتىرىپ، دارىندىلار شوعىرلانعان، ساپاسى جوعارى، حالىق تۇرمىسى مەن كاسىپتەندىرۋگە قولايلى، ەمدەۋ – وقۋ اعارتۋ جاعىنان حالىقتى يگىلىككە كەنەلتۋ، نەگىزگى ساتىنىڭ نەگىزىن بەكەمدەۋ سىندى «بەس ءىرى ارەكەت جوسپارىن» اتقارىپ، جىل سايىن پارتيا، ۇكىمەت كادرلارىن، جاڭالىق اشۋ، كاسىپ جاراتۋ دارىندىلارىن، الەۋمەتتىك قىزمەت وتەۋ سالاسىنداعى دارىندىلار مەن نەگىزگى ساتى پارتيا ىستەرى قىزمەتكەرلەرىنەن رەت سانى بويىنشا 100 مىڭعا جۋىق ادامدى تاربيەلەۋگە كومەكتەستى. 2017 - جىلى ءبىر مىڭ 200 دەن استام قىستاق (الەۋمەتتىك اۋماق) پارتيا ۇيىمى شۋجيلەرى مەن اۋىل – قالاشىق ۇيىمى كوميتەتى مۇشەلەرىن جياڭسۋ ولكەسىنە بارىپ تاربيەلەۋگە ۇيىمداستىرىپ، نەگىزگى ساتى پارتيا ۇيىمى شۋجيلەرىنىڭ قابىلەت ساپاسى مەن نەگىزگى ساتى پارتيا قۇرىلىسى ورەسىن ءونىمدى جوعارىلاتتى.

شينجياڭعا كومەك بەرۋشى ءارقايسى قىزمەت گرۋپپالارىنىڭ اقىل – پاراسات جاعىنان شينجياڭعا كومەك بەرۋدەگى جارقىن تۇيىندەرى دە كورنەكتىلەنۋدە. جياڭيىڭ قىزمەت گرۋپپاسى «ءجۇز، مىڭ، ون مىڭ» (ءجۇز پارتيا – ۇكىمەت ىستەرىن باسقارۋشى كادرلاردىڭ قابىلەتىن جوعارىلاتۋ، مىڭ كاسىپتىك تەحنيكالىق دارىندىلاردىڭ ءبىلىمىن تولىقتىرۋ، ون مىڭ نەگىزگى ساتى كادرلارىنىڭ ساپاسىن جوعارىلاتۋ) جوسپارىن ورىستەتىپ، جەرگىلىكتى ورىننان جالپى 11 مىڭ 500 ادامدى (رەت) تاربيەلەۋگە كومەكتەستى؛ شۇيجوۋ قىزمەت گرۋپپاسى شۇيجوۋدىڭ قالا باسقارۋ ۇلگىسى مەن تاجىريبەسىن كۇيتۇن قالاسىن باسقارۋ جاعىندا ءساتتى پايدالانىپ، كۇيتۇن قالاسىنىڭ قارىشتاپ دامۋىن جۇزەگە اسىرىپ، كۇيتۇن قالالىق قالا باسقارۋ مەكەمەسى مەملەكەتتىك تۇرعىن ءۇي جانە قالا – اۋىل قۇرىلىسىن باسقارۋ تاراۋى جاعىنان «مەملەكەت بويىنشا قالا باسقارۋ قىزمەتىندەگى ۇزدىك ورىن» بولىپ سيلاندى؛ ياڭجوۋ قىزمەت گرۋپپاسى «باسشى كادرلاردى ايگىلى مەكتەپتەرگە بارىپ وقىپ، قابىلەتىن جوعارىلاتۋ ينجەنەرياسىن» اتقارىپ، كۇنەس اۋدانىنداعى باسشى كادرلاردى بەيجيڭ، چيڭحۋا سياقتى ايگىلى ۋنيۆەرسيتەتتەرگە بارىپ ءبىلىم تولىقتاۋعا ۇيىمداستىردى.

جياڭسۋ ولكەسىنىڭ ىلەگە باعىتتامالى كومەك بەرۋ الدىڭعى شەپ قولباسشىلىق شتابى دارىندىلاردى يكەمدى ەنگىزۋ، اشىق قابىلداۋ قىزمەتىن زور كۇشپەن اتقارىپ، وقۋ – اعارتۋ، ەمدەۋ، عىلىم – تەحنيكا سياقتى سالالاردان دەمالىسقا شىققان مامانداردى «اق شاشتىلاردىڭ شينجياڭعا كومەك بەرۋى» اتتى ينجەنەرياعا اتسالىسۋعا ۇيىمداستىرىپ، دارىندىلار جاعىنان قولداۋ قۋاتىن اناعۇرلىم كۇشەيتتى. 2017 – جىلى ءارقايسى سالاعا شۇعىل قاجەت بولىپ وتىرعان ارناۋلى تەحنيكالىق دارىندىلاردان 766 ادامدى، «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، ساپالى قىزمەت وتەۋ» رەفورماسى ارناۋلى كاسىپتىك دارىندىسىنان 10 ادامدى يكەمدى ەنگىزىپ، ىلەنىڭ رەفورما جاساپ دامۋىن پارمەندى ىلگەرىلەتتى. 2018 – جىلى قالا جوباسى، باقشا رايونىن دامىتۋ، ساياحاتقا قىزمەت وتەۋ جانە باسقارۋ سياقتى سالالارعا شۇعىل قاجەت بولىپ وتىرعان 645 دارىندىنى يكەمدى ەنگىزۋدى جوسپارلاپ وتىر، قازىرگە دەيىن 420 دارىندى قابىلدانىپ بولدى.

«وسى جولى نانجيڭگە ساپارلاي بارىپ، شينجياڭدا جوق كوپتەگەن دۇنيەلەرمەن تانىستىم» ،- دەدى قۇلجا قالاسىنىڭ وقۋشىسى تۇمارىس ابدىراحمان ءوزىنىڭ بيىل جازعى لاگەرگە قاتىناسۋ بارىسىنداعى ەستەن كەتپەس شاقتارىن ەسىنە الىپ. جياڭسۋ مەن ىلە جاس وسىپىرىمدەرىنىڭ دوستىعىن اناعۇرلىم نىعايتۋ ءۇشىن «بولاشاققا قول ۇستاسىپ اتتانۋ» اتىنداعى نانجيڭ -ىلە جاس وسپىرىمدەرىنىڭ قول ۇستاسۋ قيمىلى بيىل 7 – ايدا تاعى ورىستەتىلدى. قيمىلعا قاتىناسقان جاس وسپىرىمدەر وسى رەتكى «ۇلتتار ىنتىماعىنىڭ بەرەكەلى شاڭىراعى» اتتى جازدىق لاگەر قيمىلىنا قاتىناسۋ ارقىلى كوز ايالارىن كەڭەيتىپ، وي ورىستەرىن بايىتىپ، وزىندىك مادەنيەتتەن ءنار الىپ، ەكى جەردىڭ ءار ۇلت بالالارى دوستىق كوپىرىن سالدى.

شينجياڭعا باعىتتامالى كومەك بەرۋ قىزمەتىن ۇلتتار ىنتىماعىن كۇشەيتۋ ينجەنەرياسىنا اينالدىرۋ ـ جياڭسۋ ولكەسىنىڭ شينجياڭعا باعىتتامالى كومەك بەرۋ قىزمەتىندەگى ماڭىزدى ولشەم. جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق ىشتابى شينجياڭعا باعىتتامالى كومەك بەرۋدەگى كوپىرلىك، دانەكەرلىك رولىن تولىق ساۋلەلەندىرىپ، جياڭسۋ مەن ىلەدەگى ءار ۇلت حالقىنىڭ ءبىر ءۇيلى جانداي ەتەنە بايلانىسىن بەلسەنە قالىپتاستىرىپ، جياڭسۋدان شينجياڭعا كومەككە كەلگەن بارشا كادر ـ دارىندىلار مەن كومەك قابىلداۋشى ورىنداعى ءار ۇلت كادر ـ بۇقاراسىنىڭ كوڭىل توعىستىرا دوستاسىپ، بارىس ـ كەلىس جاساپ، پىكىر الماستىرىپ، ءبىر تۇلعا بولىپ توعىسۋىنا جەتەكشى بولىپ، شىنايى ۇلەس قوسۋ، ىنتىماقتاسا توعىسۋ تۇقىمىن ىلە القابىندا وركەن جايدىرۋدى ناقتى ءىس -ارەكەتتەرى ارقىلى جۇزەگە اسىردى.

جياڭسۋ ولكەسىنىڭ جوعارى ولشەمدى ۇيىمدىق پارتيا ـ ۇكىمەت ۋاكىلدەر ۇيىرمەسى شينجياڭعا كەلىپ، شينجياڭعا كومەك بەرۋ ۇلى جوسپارىن بىرلىكتە اقىلداسىپ، شينجياڭعا كومەك بەرۋ قىزمەتىن جوعارى دەڭگەيدە ىلگەرىلەتتى. شينجياڭعا كومەك بەرەتىن ءارقايسى قالا (اۋدان، رايون) جانە كاسىپورىن، ءىسورىندار ىلەدەگى جانە بيڭتۋان 4 ـ ديۆيزياسىنداعى، 7 ـ ديۆيزياسىنداعى ءار دارەجەلى پارتكوم، ۇكىمەتتەرمەن سونداي ـ اق قاتىستى تاراۋلارمەن ۇدايى بارىس ـ كەلىس جاساپ، ءوزارا جاعداي ۇعىسىپ، تەكسەرۋ جۇرگىزىپ، ىستەستىك ورناتىپ، شينجياڭعا كومەك بەرۋ قىزمەتىن ورتاق ىلگەرىلەتتى. 2017 ـ جىلدان بەرى جياڭسۋ ولكەسىندەگى 10نان استام ولكە دارەجەلى باسشى، 120 دان استام قالا (اۋدان، رايون) جانە ولكە دارەجەلى ورگان باسشىسى، 260 تان استام كاسىپورىن، ءىسورىندار شينجياڭعا كەلىپ تەكسەرۋ ـ زەرتتەۋ جۇرگىزىپ، شينجياڭعا كومەك بەرۋ قىزمەتى جونىندە وي ورتاقتاستىرىپ، پىكىر الماستىردى. بيىل 8 ـ ايدىڭ 8 ـ كۇنى جياڭسۋ مەن ىلەدەگى 66 جۇپ كاسىپورىننىڭ پارتيا ۇيىمدارى جاراسىمدىلىقپەن جۇپ قۇراپ، قىزمەت جۇرگىزدى. جۇپ قۇراعان ەكى جاق «بايلىق قاينارىنان ورتاق يگىلىكتەنۋ، ابزالدىقتارمەن ءوزارا تولىقتاۋ، سەلبەسە دامۋ، تيىمدىلىك جاساسىپ، ورتاق يگىلىكتەنۋ» پرينسيبى بويىنشا ۇيىممەن بىرلەسىپ قۇرۋ، قوسىندى بىرلەسىپ باسقارۋ، كاسىپتى بىرلەسىپ وركەندەتۋ، دارىندىلاردى بىرلەسىپ باۋلۋ، بايلىق قاينارىنان بىرلىكتە پايدالانۋ، ايگىلى ماركانى بىرلىكتە جاراتۋ سىندى شارالار ارقىلى پارتيا ۇيىمىنىڭ جۇپ قۇراپ، بىرلىكتە قۇرۋ قىزمەتىن كەدەيلىكتەن قۇتىلدىرۋدان قامال الۋ، اۋىل ـ قىستاقتى كوركەيتۋ، كاسىپتەردى وركەندەتۋ سياقتى قىزمەتتەرگە دەم بەرۋمەن ىشكەرىلەي توعىستىرىپ، ىلەدەگى كاسىپورىنداردىڭ «پارتيا قۇرىلىسىن نىعايتىپ، دامۋدى جەدەلدەتۋ» نىساناسىن جۇزەگە اسىرۋلارىنا كومەكتەستى.

سونىمەن قوسا، جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق ىشتابى اۆتونوميالى وبلىستاعى جانە بيڭتۋان 4 ـ ديۆيزياسىنداعى، 7 ـ ديۆيزياسىنداعى ۇلتتار ىنتىماعى العا باسارلىعىنداعى ۇزدىك ۋاكىلدەردەن، وتانشىل ءدىني قايراتكەر ۋاكىلدەرىنەن، ۇزدىك جاستار ۋاكىلدەرىنەن، قىستاق دارەجەلى از ۇلت كادر ۋاكىلدەرىنەن 125 ادامدى ۇيىمداستىرىپ «ءتورت تۇردەگى جياڭسۋعا ساپار» قيمىلىن ورىستەتىپ، جاڭجياگاڭ مەن توعىزتاراۋ اۋدانىنىڭ «ءبىر وتباسىنداي ەتەنە بولۋ»، ۋ جيننىڭ «نىلقىمەن سەرىكتەسىپ، شينجياڭعا كومەك ساپارىن بىرلىكتە باسۋ»، حۋاي ـ اننىڭ بيڭتۋان 7 ـ ديۆيزياسى، پولىك، اۋداندارمەن بولعان «التى ءبىر» ينجەنەرياسى سىندى جەلىلەس ەرەكشە قيمىلدارىن اتقارىپ، جان ـ جاقتى پىكىر الماستىرىپ، بارىس ـ كەلىس جاسايتىن كوپىر ورناتىپ، ەكى جەردەگى بۇقارانىڭ ۇنەمى بارىس ـ كەلىس جاساۋىنا، ءوزارا ارالاسۋ بارىسىندا ىشكەرىلەي تۇسىنىسۋىنە، سۇيىسپەنشىلىكتەرىن نىعايتۋلارىنا مۇمكىندىك جاسادى.

ەكونوميكا ـ ساۋدا، وقۋ ـ اعارتۋ، دەنساۋلىق ساقتاۋ، مادەنيەت، عىلىم ـ تەحنيكا سياقتى سالالارداعى كەڭىنەن ورىستەتىلگەن ءوزارا پىكىرلەسۋ، بارىس ـ كەلىس جاساۋ قيمىلى ـ جياڭسۋ ولكەسىنىڭ ىلەگە باعىتتامالى كومەك بەرۋ قىزمەتىندەگى ۇلتتار ىنتىماعى ينجەنەرياسىن اتقارۋدىڭ تاعى ءبىر كۇش سالۋ ءتۇيىنى. نانجيڭ ۋنيۆەرسيتەتى سىندى جوعارى مەكتەپتەردەگى ماماندار، پروفەسسورلار جانە ورتا ـ باستاۋىش مەكتەپتەگى تىرەكتى وقىتۋشىلاردان قۇرالعان 142 ادام 26 توپ بويىنشا ارت ـ ارتىنان ىلەگە كەلىپ لەكسيا سويلەپ، تەكسەرۋ جۇرگىزدى.

جياڭسۋ ولكەلىك جۇڭگوشا ەمدەۋ شيپاحاناسى سىندى ەمدەۋ قۇرىلىمدارىنداعى 286 جوعارى ورەلى ماماندار ىلەگە كەلىپ تەحنيكالىق جاقتان اۋىس ـ كۇيىس جاسادى. جياڭسۋ ولكەلىك سەرىك ۇيىرمەسى سىندى كوركەمونەر ۇيىرمەلەرى ىلەگە كەلىپ مادەنيەت كونسەرتىنەن شاشۋ شاشتى ءارى ىلە وبلىستىق ءان ـ ءبي ۇيىرمەسىن نانجيڭ، چاڭجوۋ جانە يانچىڭ سىندى ءۇش جەرگە بارىپ «ۇلتتار ىنتىماعىنىڭ بەرەكەلى شاڭىراعى» اتىنداعى الەۋمەتتىك يگىلىك سيپاتىنداعى ارالاپ كونسەرت قويۋ قيمىلىنا ۇيىمداستىرىپ، ەكى جەردەگى كوركەمونەرشىلەر ۇلتتار ىنتىماعى نەگىزگى اۋەنىن بىرلىكتە اسقاقتاتا شىرقادى. نانجيڭ قىزمەت گرۋپپاسى قۇلجا قالالىق جاس وسپىرىمدەر كوركەمونەر ۇيىرمەسىن نانجيڭدەگى 2018 ـ جىلعى جۇڭگو «بەيزاتتىق مادەنيەت» اتىنداعى كوكتەم مەرەكەسى بىرلەسپە ساۋىق كەشىنە قاتىناسىپ كونسەرت قويۋعا ۇيىمداستىردى. جياڭيىن قىزمەت گرۋپپاسى «لين زىشۇي وتباسى ستيلى كورمەسى» سىندى شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقاردى. ياڭجوۋ قىزمەت گرۋپپاسى «شي جۇن حانىشانىڭ ياڭجوۋعا تۋىسشىلاي بارۋى» قيمىلىن وتكىزدى. ياڭجوۋ قالاسى شي جۇن حانىشا مادەنيەت باقشاسىن قۇرىپ، ەكى جەردىڭ تەرەڭ دوستىعىنىڭ باياندىلىعىن، ءار ۇلت حالقىنىڭ ىنتىماقتى، جاراسىمدىلىعىن، جۇڭحۋا مادەنيەتى ورتاق تانىمىنىڭ تىم ەرتەدەن باستاۋ العاندىعىن تولىق ايگىلەدى.

كەلۋ قاينارى:ىلە اقپارات تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ