<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ماڭىزدى حابارلار

ج ك پ ورتالىق كوميتەتىنىڭ ساياسي بيۋروسى ءماجىلىس اشتى

«جۇڭگو كوممۋنيستىك پارتياسىنىڭ ياچەيكا قىزمەتى ەرەجەسىن (سىناق رەتىندە اتقارىلادى)» جانە «2018 - جىلدان 2022 - جىلعا دەيىنگى مەملەكەتتىڭ كادرلاردى تاربيەلەۋ - باۋلۋ جوباسىن» قارادى

ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

شينحۋا اگەنتتىگىنىڭ 9 - ايدىڭ 21 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 9 - ايدىڭ 21 - كۇنى ءماجىلىس اشىپ، «جۇڭگو كوممۋنيستىك پارتياسىنىڭ ياچەيكا قىزمەتى ەرەجەسىن (سىناق رەتىندە اتقارىلادى)» جانە «2018 - جىلدان 2022 - جىلعا دەيىنگى مەملەكەتتىڭ كادرلاردى تاربيەلەۋ - باۋلۋ جوباسىن» قارادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس بىلاي دەپ اتاپ كورسەتتى: پارتيا ياچەيكاسى − پارتيانىڭ نەگىزدىك ۇيىمى، پارتيانىڭ ۇيىمدىق جۇيەسىنىڭ نەگىزگى بىرلىگى. پارتيانىڭ 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا ياچەيكاسى قۇرىلىسىنا وسكەلەڭ ءمان بەرىپ، پارتيانى جاپپاي قاتاڭ جونگە سالۋدى ءاربىر ياچەيكاعا، ءاربىر پارتيا مۇشەسىنە دەيىن تياناقتاندىرۋدى تالاپ ەتىپ، بۇكىل پارتيادا نەگىزگى ساتىنى جاپپاي يگەرەتىن، ياچەيكانى جاپپاي يگەرەتىن تاماشا جاعدايدىڭ قالىپتاسۋىن ىلگەرىلەتىپ، كورنەكتى ناتيجەگە قول جەتكىزدى.

ءماجىلىس بىلاي دەپ قارادى: «ەرەجە» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيامىزدىڭ پارتيا ياچەيكاسى قۇرىلىسىندا ۇزاق ۋاقىتتان بەرى توپتاعان قىمباتتى ءداستۇرىن ساۋلەلەندىرۋمەن بىرگە، پارتيانىڭ 18 - قۇرىلتايىنان بەرى نەگىزگى ساتىدا جارىققا شىققان تاماشا ادىستەردى، تارتىمدى تاجىريبەلەردى ايگىلەدى، ونداعى بەلگىلەمەلەر ايقىن، ءىس جۇزىندىك جاعدايعا ۇيلەسەدى. «ەرەجەنى» بەلگىلەۋ جانە اتقارۋ − پارتيانى جاپپاي قاتاڭ جونگە سالۋدى نەگىزگى ساتىعا قاراي كەڭەيتۋدى ىلگەرىلەتۋدىڭ ماڭىزدى شاراسى، ول جاڭا داۋىردەگى پارتيانىڭ ياچەيكا قۇرىلىسىن نەگىزگى دايەكپەن قامتاماسىز ەتىپ، پارتيانىڭ ۇيىمدىق جۇيە قۇرىلىسىن كۇشەيتۋدە، پارتيا ياچەيكاسىنىڭ ۇيىمداستىرۋ قۋاتىن جاپپاي جوعارىلاتۋدا، پارتيا ياچەيكاسىنىڭ ساياسي يقۋاتىن ارتتىرۋدا، پارتيانىڭ ۇزاق ۋاقىت بيلىك جۇرگىزۋدەگى ۇيىمدىق نەگىزىن بەكەمدەۋدە اسا كەلەلى ماڭىز الادى.

ءماجىلىس مىنانى باسا دارىپتەدى: پارتيا ياچەيكاسىن جاقسى يگەرۋدى ۇيىمدىق جۇيە قۇرىلىسىنىڭ نەگىزگى مازمۇنى ەتىپ، ءداستۇرلى سالادا پارتيانىڭ ياچەيكا قۇرىلىسىن بەكەمدەپ، جاڭادان گۇلدەنگەن سالادا پارتيا ياچەيكاسىن كەڭەيتىپ قۇرىپ، قامتۋ اۋماعىن ۇزبەي كەڭەيتىپ، ۇيىمداستىرۋ قۋاتى مەن باسشىلىق ەتۋ قۋاتىن بارىنشا جوعارىلاتىپ، ساياسي يقۋاتىن كورنەكتىلەندىرىپ، ساياسي جەتەكشىلىك ەتۋدى كۇشەيتىپ، پارتيا ياچەيكالارىنىڭ پارتيا مۇشەلەرىن تىكە تاربيەلەۋ، پارتيا مۇشەلەرىن باسقارۋ، پارتيا مۇشەلەرىن باقىلاۋ جانە بۇقارانى ۇيىمداستىرۋ، بۇقاراعا ۇگىت جۇرگىزۋ، بۇقارانى ۇيىستىرۋ، بۇقاراعا قىزمەت وتەۋ مىندەتتەرىن جاقسى اتقارۋىن ىلگەرىلەتۋ كەرەك.

پارتيا ياچەيكاسىن جاقسى يگەرۋدى پارتيانى باسقارۋداعى، پارتيانى جونگە سالۋداعى نەگىزگى مىندەت ەتۋ، پارتكوم (پارتيا باسشىلىق گرۋپپاسى) شۋجيلەرى ءوزى كىرىسىپ، ياچەيكاعا ىشكەرىلەي ارالاسىپ، ياچەيكانى يگەرىپ، پارتيا ياچەيكاسىن ولشەمدەندىرۋ، جۇيەلىلەندىرۋ قۇرىلىسىن كۇشەيتۋ كەرەك. پارتيا ياچەيكاسىن جاقسى يگەرۋدى پارتيا قۇرىلىسى قىزمەتىنىڭ ناتيجەسىن ساراپتاۋدىڭ نەگىزگى ولشەمى ەتىپ، پارتيا قۇرىلىسى قىزمەتىن تەكسەرۋ، باعالاۋ كەرەك.

ءماجىلىس مىنانى تالاپ ەتتى: ءار دارەجەلى پارتكومدار (پارتيا باسشىلىق گرۋپپاسى) «ەرەجەنى» اتقارۋعا ۇيىمدىق باسشىلىقتى كۇشەيتۋ كەرەك. «ەرەجەنى» ۇگىتتەۋدى، ءتۇسىندىرۋدى جانە ۇيرەنۋدى جاقسى يگەرىپ، ءار دارەجەلى پارتيا ۇيىمدارى مەن جالپى پارتيا مۇشەلەرىنىڭ «ەرەجەنىڭ» رۋحىن ىشكەرىلەي ءتۇسىنىپ، «ەرەجەنىڭ» مازمۇنىن تولىق يگەرىپ، «ەرەجەنى» دايەكتى اتقارۋ يدەيالىق سانالىلىعى مەن ارەكەت سانالىلىعىن كۇشەيتۋ كەرەك. پارتيالى باسشى كادرلاردى باۋلۋدى كۇشەيتىپ، پارتيا ياچەيكاسىنىڭ قىزمەتىن جاقسى يگەرۋ، پارتيا ياچەيكا قۇرىلىسىن ىلگەرىلەتۋ قابىلەتىن جوعارىلاتۋ كەرەك. قۋزاۋدى، تياناقتاندىرۋدى كۇشەيتىپ، «ەرەجەدەگى» بەلگىلەمەلەردىڭ، تالاپتاردىڭ شىنايى تياناقتانۋىنا كەپىلدىك ەتۋ كەرەك.

ءماجىلىس مىنانى اتاپ كورسەتتى: كادرلاردى تاربيەلەۋ - باۋلۋ − كادرلار قوسىنى قۇرىلىسىنداعى جەتەكشىلىك، نەگىزدىك، ستراتەگيالىق سيپات الاتىن ينجەنەريا. ۇلى كۇرەستى جۇرگىزۋ، ۇلى ينجەنەريانى جۇرگىزۋ، ۇلى ءىستى ىلگەرىلەتۋ، ۇلى ارماندى ورىنداۋ بارىسىندا ورنىن وگەيسىتۋگە بولمايتىن ماڭىزدى ورنى جانە رولى بار. كادرلاردى تاربيەلەۋ - باۋلۋ جوباسىن جاقسى بەلگىلەۋ - اتقارۋ − بۇكىل پارتيانىڭ كەلەلى ءىسى، جاڭا داۋىردەگى پارتيا قۇرىلىسىنىڭ جالپى تالابى مەن جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرۋدە، تياناقتاندىرۋدا، ادال، پاك، جاۋاپكەرشىلىك ارقالايتىن ساپالى، ماماندانعان كادرلار قوسىنىن باۋلۋدا، جەتىلدىرۋدە، پارتيانىڭ ىسىنە ءىزباسارلار دايىنداۋعا كەپىلدىك ەتۋدە كەلەلى ءارى تەرەڭ ماڭىز الادى.

ءماجىلىس مىنانى باسا دارىپتەدى: جاڭا داۋىردەگى كادرلاردى تاربيەلەۋ - باۋلۋ قىزمەتىندە، ءسوز جوق، جاڭا لەپ، تىڭ ىسكەرلىك بولۋ كەرەك. مۇرات - سەنىم تاربيەسىن باستى مىندەت ساناپ، نازاريامەن قارۋلاندىرۋدى ۇزدىكسىز كۇشەيتىپ، پارتيالىلىق تاربيەنى كۇشەيتۋدى استە بوساڭسىتپاي، ماركسيزمنىڭ نەگىزگى قاعيداسى مەن جۇڭگوشا سوتسياليزم نازاريا جۇيەسىن ۇيرەنۋ تاربيەسىن بارىنشا ورىستەتۋ، اسىرەسە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ سىندى وسى نەگىزگى ارقاۋدى مىقتاپ يگەرىپ، «ءتورت تانىمدى» كۇشەيتۋ، «ءتورت سەنىمدى» بەكەمدەۋ، «ەكىنى قورعاۋدى» ورىنداۋ توڭىرەگىندە ۇزاق ۋاقىت تاباندى بولىپ، ۇزدىكسىز كۇش شىعارىپ، ۇزبەي تەرەڭدەتىپ، ونىڭ جۇيەلى، بەدەلدى تۇردە وقۋلىقتارعا ەنۋىنە، ىشكەرىلەي، جاندى تۇردە ساباقحاناعا كىرۋىنە، كوكەيدەن كەتپەستەي ساناعا ۇيالاۋىنا مۇمكىندىك جاساپ، زامانىمىزداعى جۇڭگو ماركسيزمىنىڭ، 21 - عاسىر ماركسيزمىنىڭ جۇرت جۇرەگىنە تەرەڭ ۇيالاۋىن، تەرەڭ تامىر تارتۋىن ىلگەرىلەتۋ كەرەك.

كاسىپتىك قابىلەت پەن كاسىپتىك رۋحتى ءوسىرۋدى، جان - جاقتى باسشى كادرلاردى باۋلۋدى كوزدە ۇستاپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس جوسپارلاپ ىلگەرىلەتۋ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋ، جاڭا دامۋ ۇستانىمىن دايەكتىلەندىرۋ، تياناقتاندىرۋ، «ءۇش ۇلكەن قامال الۋ شايقاسىن» جەڭىستى جۇرگىزۋ قاتارلىلار توڭىرەگىندە ناقتى، ءونىمدى ارناۋلى باۋلۋدى ۇيىمداستىرىپ، ورىستەتىپ، قىزمەت ورنىنا قاجەتتى نەگىزدىك بىلىمدەردى ۇيرەنۋدى كۇشەيتىپ، كادرلاردىڭ جاڭا داۋىرگە ۇيلەسۋ، جاڭا نىسانانى ىسكە اسىرۋ، جاڭا ورنالاستىرۋلاردى تياناقتاندىرۋ قابىلەتىن جوعارىلاتۋ كەرەك. باعىتتامالىلىعى مەن ونىمدىلىگىن جوعارىلاتۋ جاعىندا كۇش سالىپ، كادرلاردىڭ جەتىلۋ زاڭدىلىعى مەن كادرلاردى تاربيەلەۋ - باۋلۋ زاڭدىلىعىن يگەرىپ، كادرلاردى تاربيەلەۋ - باۋلۋ رەفورماسىن تەرەڭدەتىپ، وقىتۋشىلاردىڭ جەتەكشىلىك رولى مەن كۋرسانتتاردىڭ تۇلعالىق رولىن ساۋلەلەندىرىپ، بىلىمىنە قاراي وقىتۋ، ناقتى ونىمدىلىگىنە ءمان بەرۋ، باۋلۋدا فورماشىلدىقتان اۋلاق بولۋ كەرەك. ءار دارەجەلى پارتيا مەكتەپتەرىنىڭ، اسىرەسە، نەگىزگى ساتى پارتيا مەكتەپتەرىنىڭ قۇرىلىسىن كۇشەيتىپ، ماركسيزم نازارياشىلارىن جانە ماركسيزمگە ادال، ءپان سالاسىندا ىقپالدى ايگىلى مامانداردى جەتىلدىرۋگە قۇلشىنىپ، پارتيا مەكتەپتەرىنىڭ وقىتۋ دەڭگەيىن جوعارىلاتۋ كەرەك. نازاريانى امالياتپەن ۇشتاستىراتىن تاماشا ۇيرەنۋ ستيلىن ساۋلەلەندىرىپ، جاڭا ءداۋىر جۇڭگوشا سوتسياليزم ۇلى امالياتىمەن بىرلەستىرىپ، ىستەپ وتىرعان ىسىمىزبەن بىرلەستىرىپ، كادرلاردىڭ يدەياسىمەن جانە قىزمەت امالياتىمەن بىرلەستىرىپ، دالمە - ءدال تاربيەلەۋدى - باۋلۋدى تۇرلەرگە، دارەجەگە ءبولىپ جۇرگىزىپ، جالپى كادرلاردى ۇيرەنگەنىن قولدانا بىلۋگە، نازاريانى امالياتپەن ۇشتاستىرۋعا جەتەكتەۋ كەرەك. مەكتەپتى قاتاڭ جونگە سالۋعا، وقىتۋدى قاتاڭ جونگە سالۋعا، وقۋدى قاتاڭ جونگە سالۋعا تاباندى بولىپ، باتىلدىقپەن يگەرىپ، باتىلدىقپەن باسقارىپ، قاتاڭ يگەرىپ، قاتاڭ باسقارىپ، تاربيەلەۋ، باۋلۋ بارىسىن كادرلاردىڭ پارتيالىلىق ساپاسىن جوعارىلاتۋ، مىنەز - قۇلقىن، ستيلىن جاقسارتۋ بارىسىنا اينالدىرۋ كەرەك.

ءماجىلىس باسقا دا ىستەردى اقىلداستى.

كەلۋ قاينارى:ىلە اقپارات تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ