<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>حابارلاندىرۋ

ىلە وبلىستىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ ورتالىقتىڭ 8 ءتۇرلى بەلگىلەمەسىنىڭ رۋحىنا قايشى 5 تيپتىك دەلو مىسالى جونىندەگى حابارلاندىرۋى

    جۇڭچيۋ جانە مەملەكەت مەرەكەسى سياقتى ماڭىزدى مەرەكە كەزىندە «ءتورت بۇرىس ستيل» ماسەلەسىن قاداعالاي باقىلاپ، پارتيا ءتارتىبىن اناعۇرلىم قاتاڭداستىرۋ، ساقتىق تاربيەسىن كۇشەيتىپ، بۇرىس نىسايلاردى جونگە سالىپ، پاك ستيلدى ساۋلەلەندىرۋ ءۇشىن جۋىقتا تەكسەرىلىپ -ءبىر جاقتى ەتىلگەن ورتالىقتىڭ 8 ءتۇرلى بەلگىلەمەسىنىڭ رۋحىنا قايشى 5 تيپتىك دەلونى تومەندەگىدەي حابارلاندىرامىز:

   1.قۇلجا اۋداندىق ساياحات مەكەمەسى پارتگرۋپپاسىنىڭ شۋجيى، ورىنباسار مەكەمە باستىعى ياڭ جياشىڭنىڭ ۇكىمەت اقشاسىمەن ساياحاتتاۋ ماسەلەسى. 2015 -جىلى 8 -ايدا ياڭ جياشىڭ قاتارلى 4 ادام نانتۇڭ قالاسىنىڭ ساياحات كورىنىس رايوندارىن كوزدەن كەشىرۋ، تاربيەلەۋ كۋرسىنا قاتىناسۋ ورايىنان پايدالانىپ حاڭجوۋدىڭ شيحۋ كولى، سۋجوۋدىڭ جۋوجىڭيۋان باقشاسى، شاندۇڭ ولكەسىندەگى تايشان تاۋى سياقتى ايگىلى ساياحات ورىندارىنا بارىپ ساياحاتتاپ، 2 مىڭ 100 يۋاندىق ساياحات قاراجاتىن ۇكىمەت ەسەبىنەن كوتەرتكەن، سونىمەن بىرگە تارتىپكە قايشى باسقا دا ماسەلەلەر ساقتالعان. 2018 -جىلى 8-ايدا ياڭ جياشىڭعا پارتيا ىشىندە قاتاڭ ەسكەرتۋ جازاسى بەرىلىپ، بەلگىلەمەگە قايشى ىستەتكەن قاراجاتتارى قايتارىپ الىندى.

    2.نىلقى اۋداندىق وقۋ-اعارتۋ مەكەمەسى پارتكومىنىڭ شۋجيى، ورىنباسار مەكەمە باستىعى مۋ جياڭ -يدىڭ ۇكىمەت اقشاسىمەن تارتۋ-تارالعى ۇسىنۋ، بەلگىلەمەگە قايشىلىق جاساپ ۇكىمەت ىسىمەن قوناق كۇتۋ ماسەلەسى. 2013-جىلى 1-ايدان 2017-جىلى 12-ايعا دەيىن مۋ جياڭ -ي 76 مىڭ يۋاندىق ۇكىمەت اقشاسىمەن تارتۋ-تارالعى ساتىپ الىپ، ونى ساۋعا رەتىندە ۇسىنعان. سونىمەن بىرگە بەلگىلەمەگە قايشىلىق جاساپ اۋداندىق وقۋ-اعارتۋ مەكەمەسىنىڭ قازىنا شىعىسىنان 424 مىڭ 300 يۋاندى ماڭىزسىز، قاجەتسىز تەكسەرىپ -بەكىتۋ قۇجاتتارىنا قاتىستى قوناق كۇتۋ ىسىنە ىستەتكەن. 2018-جىلى 7-ايدا مۋ جياڭ -يعا پارتيا ىشىندە قاتاڭ ەسكەرتۋ جازاسى بەرىلدى.

     3.تەكەس اۋداندىق حالىق شيپاحاناسىنىڭ باستىعى لۋ جىڭنىڭ بەلگىلەمەگە قايشىلىق جاساپ تولىقتاما قوسىمشا قاراجات تاراتۋ ماسەلەسى. 2014-جىلى 1-ايدان 2016-جىلى 8-ايعا دەيىن لۋ جىڭ ەڭبەك قاراجاتى دەگەن اتپەن جالپى 57 مىڭ 100 يۋان تولىقتاما قوسىمشا قاراجات تاراتقان. مۇنىڭ ىشىندە وزىنە تيەسەلى بولعانى 25 مىڭ 200 يۋان، سونىمەن بىرگە، وندا تاعى تارتىپكە قايشى باسقادا ماسەلەلەر ساقتالعان. 2018 -جىلى 7-ايدا لۋ جىڭعا پارتيا ىشىندە قاتاڭ ەسكەرتۋ جازاسى بەرىلىپ، بەلگىلەمەگە قايشى ىستەتكەن قاراجاتتارى قايتارىپ الىندى.

   4.كۇيتۇن قالالىق قوعام حاۋىپسىزدىگى مەكەمەسىنىڭ بەيجيڭ جولى ساقشى بولىمشەسى ءۇيسىن الەۋمەتتىك اۋماعى ساقشى ىستەرى پۋنكتىنىڭ بۇرىنعى باستىعى نيۋ مىڭنىڭ بەلگىلەمەگە قايشىلىق جاساپ تارتۋ-تارالعى، اقشا قابىلداۋ ماسەلەسى. 2014-جىلى 8-ايدان 2018-جىلى 1-ايعا دەيىن نيۋ مىڭ كوپ رەت باسقارۋ جانە قىزمەت وتەۋ وبيەكتىلەرىنەن جالپى قۇنى 6 مىڭ 600 يۋاندىق تارتۋ-تارالعى، اقشا قابىلداعان. 2018-جىلى 6-ايدا نيۋ مىڭعا مىندەتىنەن قالدىرۋ (ءبولىم دارەجەلى قىزمەتكەردەن جۇمىس جۇرگىزۋشى قىزمەتكەر دارەجەسىنە تومەندەتىلدى) جازاسى بەرىلىپ، بەلگىلەمەگە قايشى ىستەتكەن قاراجاتتارى قايتارىپ الىندى.

    5.قورعاس اۋداندىق مەملەكەت جەر بايلىعى مەكەمەسى چيڭشۇيحى بولىمشە مەكەمەسىنىڭ باستىعى سى گۇيچيننىڭ بەلگىلەمەگە قايشىلىق جاساپ تارتۋ-تارالعى، اقشا قابىلداۋ ماسەلەسى. 2013-جىلى 10-ايدا سى گۇيچين نىسانعا پايدالانىلاتىن جەردى بەكىتۋ بارىسىندا باسقالارعا قولايلىق جاراتىپ، 1000 يۋان اقشا قابىلداعان جانە وندا باسقادا بەلگىلەمە قايشى ماسەلەلەر ساقتالعان. 2018-جىلى 7-ايدا پارتيا ىشىندە قاتاڭ ەسكەرتۋ جازاسى بەرىلىپ، بەلگىلەمەگە قايشى ىستەتكەن قاراجاتتارى قايتارىپ الىندى.

    وسى ماسەلەلەردىڭ تەكسەرىپ - انىقتالۋى «ءتورت بۇرىس ستيل» ماسەلەسىنىڭ تەكسەرىپ - انىقتالۋى قانشالىق كەيىندەسە، قولدانىلاتىن شارانىڭ دا سونشالىق قاتاڭ بولاتىندىعى سىندى كۇشتى سيگنال بەردى، ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ – تەكسەرۋ ۇيىمدارىنىڭ شەگەلىك رۋحپەن ستيلدى دۇرىستاپ، ءتارتىپتى قاتاڭداستىرۋ جونىندەگى ايقىن پوزيتسياسى مەن باتىل بەكىمىن دە ايگىلەدى. جوعارىداعى تيپتىك ماسەلەلەردىڭ بارلىعى پارتيا 18 – قۇرىلتايىنان كەيىن تۋىلعان، كەيبىرەۋى، ءتىپتى پارتيا 19 – قۇرىلتايىنان كەيىن تۋىلعان، بۇل اسا جوعارى ساقتىق جاعدايىندا دا ءبىر قىدىرۋ جەرلەر مەن ورىنداردىڭ، وتە – موتە، نەگىزگى ساتى ۇيىمدارىنىڭ قىسىم كۇش جەتكىزۋىنىڭ تياناقتى بولماعانىن، ءالى دە از ساندى پارتيالى كادرلاردىڭ ءتارتىپتى، ەرەجەنى ەلەپ – ەسكەرمەي، ءوزىن تارتپاعانىن، تيىلماعانىن، كەيبىرەۋىنىڭ ءوز بىلگەنىنشە ۇكىمەت اقشاسىمەن ساياحاتتاعانىن؛ كەيبىرەۋىنىڭ ۇكىمەت اقشاسىمەن بەرىلگەن قوناقاسىدان ءىشىپ - جەگەنىن؛ كەيبىرەۋىنىڭ ءتۇرىن وزگەرتىپ يگىلىك قوسىمشا قاراجاتىن تاراتقانىن؛ كەيبىرەۋىنىڭ ۇكىمەت ەسەبىنەن كوپەستىك ىستەپ سايرانداعانىن؛ كەيبىرەۋىنىڭ قاپىسىن تاۋىپ، ورايدان پايدالانىپ بايلىق توپتاعانىن؛ ءتىپتى، كەيبىر باسشى كادرلاردىڭ ءوزى باس بولىپ تارتىپكە، ەرەجەگە قايشىلىق جاساپ، مەكەمەنىڭ اۋانىن ءبۇلدىرىپ، «ءبۇلدىرۋ اسەرىن» تۋدىرعانىن اڭعارتادى. بارشا پارتيالى كادرلار مۇنان ساباق قابىلداپ، ساقتىقتى كۇشەيتىپ، يمەنۋدى ءبىلۋى، قاعيداعا بويسۇنۋى، ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋ سىندى ءىس جۇزىندىك ارەكەتى ارقىلى پارتياعا قالتقىسىز ادال ەكەنىن ايگىلەۋى ءتيىس.

    مەرەكە، دەمالىس كەزى تاياعان سايىن «ءتورت بۇرىس ستيل» ماسەلەسى قايتالاي بەلەڭ بەرىپ، باس كوتەرەدى. ءار دارەجەلى پارتيا ۇيىمدارى پارتيانى قاتاڭ باسقارۋ سىندى ستراتەگيالىق بەكىم قۋاتىن ۇزدىكسىز ساقتاپ، داعدىلى كوزقاراستى تالقانداپ، ۇكىمەت پەن جەكەنىڭ شەك – شەكاراسىن ايقىن پارىقتاپ، ماڭىزدى تۇيىندە بارعان سايىن قاتاڭداسىپ، ورتالىقتىڭ 8 ءتۇرلى بەلگىلەمەسىنىڭ رۋحى مەن ناقتى اتقارۋ ەرەجەسىن، اۆتونوميالى رايوندىق پارتكومنىڭ «وندى وزگەرتۋ، ونعا رۇقسات ەتپەۋ» تالاپتارى مەن وبلىستىق پارتكومنىڭ شەشىم – ورنالاستىرۋلارىن ناقتى تياناقتاندىرۋى كەرەك.

 ءار دارەجەلى ءتارتىپ تەكسەرۋ، باقىلاۋ – تەكسەرۋ ورگاندارى استە تىنىعۋ، تىنىستاۋ ويىندا بولماي، «ماڭگى توقتاتپاۋ» سەنىمى مەن تاباندىلىعى ارقىلى سوڭىنا دەيىن قاتاڭ بولۋى، بوساڭسىماۋى كەرەك. باقىلاۋ – تەكسەرۋ ءتۇزىلىس رەفورماسىنان كەيىنگى ءتۇزىم – ءتارتىپ باسىمدىعىن تولىق ساۋلەلەندىرىپ، «ماڭىزدى از ساندىلاردى» كورنەكتىلەندىرىپ، شەشىمدى دايەكتىلەندىرۋ، حالىق بۇقاراسىنا قىزمەت ەتۋ، مىندەتتى اتقارۋ، جاۋاپكەرشىلىكتى ارقالاۋ، ەرەجە – تارتىپكە بويسۇنۋ سىندى ءارقايسى جاقتان باستاپ ىسكە كىرىسىپ، الەۋمەتتىك ۇقىق جۇرگىزەتىن بارلىق ۇكىمەت قىزمەتكەرلەرىنىڭ ستيلىنە باقىلاۋ جۇرگىزۋدى كۇشەيتىپ، ءتۇزىم – ءتارتىپتىڭ قاتاڭ بولۋىنا شىنايى كەپىلدىك ەتۋى كەرەك. وتە – موتە، جۇڭچيۋ مەرەكەسى مەن مەملەكەت مەرەكەسى مەزگىلىندە، بۇقارالىق قىزمەتكە باقىلاۋ – جەتەكشىلىك ەتۋ، ارالاپ تەكسەرۋ، بىرلەسىپ باقىلاۋ – تەكسەرۋ سياقتى ءونىمدى ادىستەر ارقىلى ءارى ىسىراپشىلدىق پەن راحاتقۇمارلىق ماسەلەلەرىنە قاتاڭ تيىم سالىپ، ءارى استىرتىن ءتۇرىن وزگەرتۋ سىڭايىنا قاداعالاي نازار اۋدارىپ، قاتاڭ ءتارتىپ ارقىلى تاماشا ادەت قالىپتاستىرىپ، تاماشا سالتتى داعدىعا اينالدىرىپ، ستيل قۇرىلىسىنىڭ ىشكەرىلەي دامۋىن جەبەپ، مەرەكە كەزىندەگى ستيلدىڭ دۇرىس بولۋىنا شىنايى كەپىلدىك ەتۋ كەرەك.

كەلۋ قاينارى:ىلە اقپارات تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ