<%@LANGUAGE="JAVASCRIPT" CODEPAGE="65001"%>
中文 哈文

باس بەت>>اۋىل شارۋاشىلىعىنا قىزمەت وتەۋ>>وقۋ-اعارتۋ

جاستار مەن وسپىرىمدەردى عالامتوردان ۇيلەسىمدى پايدالانۋعا جەتەلەپ، ولاردىڭ ەسەيىپ – ەرجەتۋىنە كوڭىل ءبولۋىمىز كەرەك

   جىلجىمالى ينتەرنەتتىڭ جالپىلاسۋىنا ىلەسە، قولفون جاستار مەن ورەندەر اراسىندا دا جەدەل جالپىلاستى. جۋىردا جاريالانعان «جاستار مەن ورەندەر جونىندەگى كوك تىستى كىتاپقا» قاراعاندا، 2017 – جىلى ەلىمىزدە كامەلەتكە تولماعاندار اراسىندا ينتەرنەتتىڭ جالپى تۇلعالىق جاقتان جالپىلاسۋ مولشەرى %98.1كە جەتكەن، باستاۋىش مەكتەپ وقۋشىلارى اراسىندا قولفوننان پايدالاناتىنداردىڭ مولشەرى %64.2 بولعان. كامەلەتكە تولماعانداردىڭ عالامتوردان پايدالانۋ جاس شاماسىنىڭ كۇن سايىن كىشىرەيۋ بەتالىسى جۇرتقا: جاستار مەن وسپىرىمدەردى قايتكەندە عالامتوردان ۇيلەسىمدى پايدالانۋعا جەتەلەۋگە بولادى دەگەن ماسەلەنىڭ توتەنشە كوكەيتەستى ماسەلەگە اينالىپ وتىرعاندىعىن ەسكەرتۋدە .
    2000-جىلدان كەيىن تۋىلعان جاستار مەن وسپىرىمدەر ينتەرنەتتىڭ «تابيعي تۇرعىندارى» دەپ اتالىپ كەتكەن، ولاردىڭ اراسىنداعى كوپ ءبولىمى دۇنيە ەسىگىن اشقان ساتتەن باستاپ ينتەرنەت جالپىلاسقان ورتادا ەسەيەدى. عالامتور تەكشەسىندە تاپسىرما ورىنداۋ، ماتەريال ىزدەۋدەن تارتىپ، عالامتوردا ساباق ۇيرەنۋ ۇنەمىلىك كۇيگە اينالدى، ونىڭ ۇستىنە، ينفورماتسيادان حابارلى بولۋ، كوز اياسىن كەڭەيتۋ، ىقپالداستىق پەن ءوز ارا كەڭەسۋ قاتارلىلار كوبىندە كومپيۋتەر مەن قولفوننىڭ كومەگىندە ىسكە اسادى. ەكونوميكا مەن قوعام دامۋى اناعۇرلىم جوعارى دەڭگەيدەگى تۇتىنۋ ورەسىن جاراتۋمەن قاتار، تۇرمىستىڭ تىڭ فورماسىن تۋىنداتتى، ينفورماتسيالانعان ورتادا ەرجەتكەن بالالار اراسىندا قولفوننىڭ بارعان سايىن جالپىلاسۋى دا قالىپتى جاعداي ەسەپتەلەدى. سونىمەن بىرگە، كامەلەتكە تولماعانداردىڭ ءوزىن – ءوزى تەجەۋ قابىلەتى جەتكىلىكتى بولماۋ، اتا – انالار مەن مەكتەپتىڭ ۇيلەسىمدى تۇردە جەتەلەۋى جەتكىلىكتى بولماۋ سەبەبىنەن، قولفوننىڭ جالپىلاسۋى عالامتورعا قۇمارتۋدى بەلگىلى دەڭگەيدە اۋىرلاستىردى، بۇل اتا – انالاردىڭ بالالارىنا قولفون الىپ بەرۋدەگى اسىلگى ماقساتىنا قايشى كەلۋمەن قاتار، بالالاردىڭ ءوسىپ – ەرجەتۋىنە دە زالال جەتكىزىپ وتىر.
  جاستار مەن وسپىرىمدەردىڭ عالامتورعا قۇمارتۋى ماسەلەسىندە عالامتورداعى ويىندارعا قۇمارتۋ ماسەلەسى ادامدى ەڭ الاڭداتارلىق ماسەلە. مالىمەتتەرگە قاراعاندا، جاستار مەن وسپىرىمدەردىڭ %18ىنىڭ ەلەكتروندىق ويىنداردى ويناۋ ۋاقىتى 4 ~ 5 ساعاتتان اسىپ كەتەدى، بۇل سالىستىرما اۋىل – قىستاقتاعى بالالار مەن ۇيدە جالعىز قالعان بالالار اراسىندا ءتىپتى دە كوپ بولىپ وتىر. ويىن بارىسىندا سان بوگەتتەردى بۇزىپ ءوتۋ ءۇشىن كوپ ۋاقىت كەتەدى، بۇل دەنساۋلىققا ىقپال ەتۋى مۇمكىن، جۋىرداعى جىلداردان بەرى، بالالار اراسىندا كورۋ قۋاتىنىڭ السىرەۋى مولشەرىنىڭ كۇن سايىن ارتۋىنىڭ ەلەكتروندىق بۇيىمداردان شامادان تىس پايدالانۋمەن قاتىستى بار. بۇل عانا ەمەس، قولفونمەن وقىعان مازمۇننىڭ قيقىمدانۋى كامەلەتكە تولماعانداردىڭ نازارىن ءبىر اراعا شوعىرلاندىرا الماۋىنا سوقتىرادى، قولفون ساتىپ الۋدا ءبىر – بىرىمەن باسەكەلەسۋ نىسايى وقۋشىلاردىڭ اتاققۇمارلىق ادەتىن قوزدىرادى، عالامتورداعى پايدالى ينفورماتسيالار مەن زياندى ينفورماتسيالاردىڭ ارالاسىپ كەتۋى بالالاردىڭ ءوسىپ – جەتىلۋىنە كەسىرىن تيگىزەدى ... وسى تەكتەس ماسەلەلەر اتا – انالاردى مۇڭايتىپ، الەۋمەتتىڭ نازارىن بارىنشا اۋدارىپ وتىر.
  بۇگىنگى تاڭدا، ينفورماتسيالانۋ وسى ءداۋىردىڭ ايقىن بەلگىسى ەسەپتەلەدى، قولفون عالامتورمەن توعىسۋ مەن ينفورماتسيا الماستىرۋدىڭ ماڭىزدى تاسىمالداۋشىسى رەتىندە، ونى بۇكىلدەي شەكتەپ تاستاۋعا كەلمەيدى، ءوز بەتىمەن قويا بەرۋگە دە بولمايدى، ەڭ ماڭىزدىسى قولفوننان پايدالانۋ بالالاردىڭ ءوسىپ – ەرجەتۋ ەرەكشەلىگىنە ۇيلەسۋى، ونى دەنساۋلىققا ۇيلەسىمدى كولەمدە تەجەۋ كەرەك. جاستار مەن وسپىرىمدەردىڭ ءوسىپ – ەرجەتۋى ءداۋىر مەن ورتانىڭ ىقپالىنا ۇشىراۋمەن بىرگە، بۇل كەزەڭدە وتكىزگەن قاتەلىكتى تۇزەتۋ قيىنعا سوعادى، سوندىقتان، بۇل ماسەلەگە نەمقۇرايدى قاراۋعا بولمايدى. جۋىردا «بالالارداعى، جاستار مەن وسپىرىمدەردەگى كورۋ قۋاتىنىڭ ناشارلاۋىنىڭ الدىن الۋ جانە ونى تەجەۋگە قاتىستى اتقارىلاتىن امبەباپ جوبا» جاريالاندى، مەيلى، «ەلەكتروندىق بۇيىمداردان پايدالانۋدى تەجەۋ»، «عالامتور ويىندارىنىڭ جالپى مولشەرىن تەجەۋدى اتقارۋ» قاتارلى نىسانالار بولسىن، مەيلى، كۇن سايىن پايدالانۋ ۋاقىتىن ءبىر ساعاتتان اسىرماۋ، ەلەكتروندىق بۇيىمداردى ساباققا الىپ كىرۋگە قاتاڭ تيىم سالۋ سىندى تالاپتار بولسىن، مۇنىڭ بارىنە «بارلىعىن ءبىر شىبىقپەن ايداماۋ»، كامەلەتكە تولماعانداردى دا عالامتوردان ۇيلەسىمدى پايدالانۋعا جەتەلەۋ ايقىن باعدار ەتىلگەن.
  كەلۋ قاينارى: حالىق تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ