<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ارناۋلى تاقىرىپ>>ۇعىسۋ، تيىمدىلىك جاساۋ، توعىستىرۋ

قىزمەت اترەتى كەدەيلەردى ونەرگە باۋلىدى

تەكەس اۋدانىنىڭ قاراتوعاي قالاشىعى ەشكىلىك قىستاعىنا تۇسكەن ىلە وبلىستىق حالىق ىستەرى مەكەمەسىنىڭ«ۇعىسۋ، تيىمدىلىك جاساۋ، توعىستىرۋ» قىزمەت اترەتى قىستاققا بارعاننان كەيىن شارۋالاردى كاسىپ جولىن اشىپ، وتباسى ءال – اۋقاتىن جاقسارتۋعا جەبەدى.

    قىزمەت اترەتىندەگىلەر قىستاق تۇرعىنى قوسىن ءابدىعاي ۇلىنىڭ اۋلاسىنان كوكونىس باقشاسىن اشىپ، ون ءتۇرلى كوكونىس ەكتى. ول: «وسىنىڭ بارلىعى قىزمەت اترەتى تەگىن تاراتقان كوكونىس مايساسى. بۇرىن جۇمىس جوق كەزدە ۇيدە بوس جاتاتىنمىن، قازىر جاعداي وزگەردى. مال باعىپ، جىلىنا 22 مىڭ يۋانداي كىرىس تابامىن، سونداي – اق ءار كۇنى كوكونىس اتىزىن باپتايمىن. ۇلىم مەن جۇبايىم ونەر ۇيرەنۋ كۋرسىنا قاتىناستى. ۇلىم شوفەرلىك كۋالىگىن الىپ، كىرەشىلىكپەن شۇعىلدانباقشى، جۇبايىم كەستەشىلىك كووپەراتيۆىندە جۇمىس ىستەيدى. كەلەر جىلى مالشىلار تاعامجايىن اشپاقشىمىز ءارى ومارتاشىلىقپەن شۇعىلدانايىن دەگەن ويىم بار، تۇرمىسىمىزدىڭ بارعان سايىن جاقساراتىندىعىنا كامىل سەنەمىن»، – دەدى.

    بيىل 1 – ايدا قىزمەت اترەتى قىستاق ايەلدەرىن شينجياڭ داشۋەنىڭ «قازاق ۇلتى كەستەشىلىك جوعارى دارەجەلى ءبىلىم اسىرۋ كلاسىنا» جىبەرىپ، ولاردىڭ كاسىپتەنۋىنە تىڭ جول اشتى، قازىر قىستاق بويىنشا 34 ايەل قىستاقتىڭ كاسىپتەنۋ بازاسىندا ءتۇرلى كاسىپپەن شۇعىلدانىپ، وتباسى ءال – اۋقاتتارىن جاقسارتا باستادى. قىستاق تۇرعىنى ءمازيگۇل: «قازىر ايلىق ەڭبەكاقىم 2 مىڭ يۋان، بۇدان بىلاي جۇمىستى جاقسى ىستەپ، بۇرىنعىدان دا كوپ اقشا تاۋىپ، بالالارىمنىڭ داشۋەگە ءتۇسىپ وقۋىنا مۇمكىندىك جاراتامىن»، – دەدى.

    بيىل جىل باسىنان بەرى قىزمەت اترەتى اسپازدىق، اۆتوموبيل جوندەۋ، تىگىنشىلىك سياقتى ءتۇرلى ونەر كۋرسىن 6 كەزەك اشىپ، 221 قىستاق تۇرعىنىن ونەرگە باۋلىدى.

كەلۋ قاينارى:ىلە حابار تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ