<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ورتالىقتىڭ ءۇنى

شي جينپيڭ جۇڭگودا تۇرۋعا جاڭادان تاعايىندالعان 8 باس ەلشىنىڭ مەملەكەتتىك جولداماسىن قابىلدادى

 شينحۋا اگەنتتىگىنىڭ 9 - ايدىڭ 10 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 10 - كۇنى حالىق سارايىندا جۇڭگودا تۇراتىن جاڭادان تاعايىندالعان 8 باس ەلشىنىڭ مەملەكەتتىك جولداماسىن قابىلدادى.

  9 - ايداعى بەيجيڭدە كۇزدىڭ قوڭىر سالقىن سامالى ەسەدى. حالىق سارايىنىڭ سولتۇستىك ەسىگىنىڭ سىرتىنداعى باسپالداقتا قۇرمەت قاراۋىلى ەكىگە جارىلا ورنالاسقان. سىرنايشى قوناقتاردى قارسى الۋ سىرنايىن تارتتى، جۇڭگودا تۇراتىن جاڭادان تاعايىندالعان ەلشىلەر ىلگەرىندى - كەيىندى كەلىپ، باسپالداقتان بىرتىندەپ كوتەرىلىپ، بەيجيڭ زالىنا كىردى. «بەيجيڭنىڭ اۋەدەن تۇسىرىلگەن كورىنىس» قاريتاسىنىڭ الدىندا، ەلشىلەر شي جينپيڭگە ارت - ارتىنان مەملەكەتتىك جولداماسىن تاپسىردى، شي جينپيڭ ولارمەن ءبىر - بىردەن قول الىستى ءارى بىرگە سۋرەتكە ءتۇستى. جۇڭگودا تۇراتىن جاڭادان تاعايىندالعان 8 باس ەلشى مىنالار: وڭتۇستىك سۋداننىڭ جۇڭگوداعى باس ەلشىسى دوكۋ، سان - تومە جانە پرينسيپيدىڭ جۇڭگوداعى باس ەلشىسى دومينگۋس، دومينيكانىڭ جۇڭگوداعى تۇڭعىش باس ەلشىسى گاراۆيتو، فيجيدىڭ جۇڭگوداعى باس ەلشىسى تاكيساكيباو، چيليدىڭ جۇڭگوداعى باس ەلشىسى سىميت، گەرمانيانىڭ جۇڭگوداعى باس ەلشىسى گەسە، سەررا - لەوننىڭ جۇڭگوداعى باس ەلشىسى ەندماش، ەۆروپا وداعىنىڭ جۇڭگوداعى ۋاكىلدەر ۇيىرمەسىنىڭ باستىعى يۇيباي.

  شي جينپيڭ ەلشىلەردىڭ جۇڭگوعا مىندەت وتەۋگە كەلگەندىكتەرىن قارسى الدى، ولارعا قاتىستى ەلدەردىڭ باسشىلارىنا جانە حالقىنا، قاتىستى قۇرىلىمداردىڭ باسشىلارىنا ءوزىنىڭ ىقىلاستى سالەمىن جانە تاماشا تىلەگىن جەتكىزۋدى تاپسىردى. شي جينپيڭ جۇڭگونىڭ ءار ەلمەن جانە رايوندارمەن تاماشا قارىم - قاتىناسىن جوعارى باعالادى، جۇڭگونىڭ ءار ەلمەن قارىم - قاتىناستى دامىتۋعا ايرىقشا ءمان بەرەتىندىگىن، ساياسي سەنىمدىلىكتى اناعۇرلىم نىعايتۋعا، سىندارلى سەلبەستىكتى جانە گۋمانيتارلىق بارىس - كەلىستى تەرەڭدەتۋگە، حالىقارالىق ىستەردەگى سايكەستىكتى، سەلبەستىكتى كۇشەيتۋگە پەيىل ەكەندىگىن باسا دارىپتەدى. ەلشىلەردىڭ كوپىرلىك جانە دانەكەرلىك رولدى ساۋلەلەندىرىپ، جۇڭگونىڭ قاتىستى ەلدەر جانە رايوندار حالقىمەن دوستىقتى نىعايتۋىنا، ءوزارا تيىمدىلىك جەتكىزىپ، سەلبەستىك جاساسۋدى جەبەۋگە ۇلەس قوسۋىن ءۇمىت ەتتى.

  ەلشىلەر ءوز ەلى جانە قۇرىلىمى باسشىلارىنىڭ شي جينپيڭگە دەگەن ىقىلاستى سالەمىن جەتكىزدى، ءار ەلدىڭ جۇڭگومەن قارىم - قاتىناستى دامىتۋعا ايرىقشا ءمان بەرەتىندىگىن، جۇڭگومەن ءوزارا تيىمدىلىك جەتكىزىپ، سەلبەستىك جاساسۋدى تەرەڭدەتىپ، ءوز ەل حالقىنا جانە دۇنيە ءجۇزى حالقىنا باقىت اكەلۋگە پەيىل ەكەندىكتەرىن ايتتى. ولار جۇڭگودا ەلشى بولعاندىقتارىن ابىروي سانايتىندىعىن، ءوز ەلىنىڭ جانە رايوننىڭ جۇڭگومەن دوستىق قارىم - قاتىناسىن دامىتۋدى ىلگەرىلەتۋگە كۇش سالۋعا پەيىل ەكەندىكتەرىن ءبىلدىردى. ەلشىلەر جۇڭگونىڭ جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىن ءساتتى وتكىزگەندىگىن قۇتتىقتادى، شي جينپيڭنىڭ باسشىلار باس قوسۋىنىڭ اشىلۋ سالتىنداعى ارقاۋ ءسوزىن جانە جۇڭگو - افريكا سەلبەستىگى جونىندەگى ناقتى شارالاردى ايرىقشا جوعارى باعالادى. مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي جوعارىداعى قيمىلدارعا قاتىناستى.

كەلۋ قاينارى:تاڭىرتاۋ تورابى  

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ