<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ماڭىزدى حابارلار

جۇڭگو - افريكا سەلبەستىك تالقى مىنبەرىنە افريكا جاقتان تەڭ ءتوراعالىق ەتكەن بۇرىنعى جانە جاڭا تەڭ ءتوراعا ەلدىڭ باسشىلارىمەن بىرگە تىلشىلەرمەن كەزدەسكەندە سويلەنگەن ءسوز

 كەلۋ قاينارى : شينجياڭ گازەتى تورى

 (2018 - جىلى 9 - ايدىڭ 4 - كۇنى، بەيجيڭ)

  جۇڭحۋا حالىق رەسپۋبليكاسىنىڭ ءتوراعاسى شي جينپيڭ

  قۇرمەتتى راماپوسا زۇڭتۇڭ،

  قۇرمەتتى سال زۇڭتۇڭ،

  ءتىلشى دوستار،
 حانىمدار، مىرزالار:

  قايىرلى تۇستەن كەيىن! سىزدەرمەن جۇزدەسكەنىمە وتە قۋانىشتىمىن.

  الدىمەن، مەن 2018 - جىلعى جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ الگىندە تابىسپەن جابىلعانىن قۋانىشپەن جاريالايمىن!

  2 كۇننەن بەرى، جۇڭگو - افريكا سەلبەستىك تالقى مىنبەرىنە مۇشە جاقتاردىڭ باسشىلارى بەيجيڭدە باس قوسىپ، «سەلبەسىپ تەڭ يگىلىكتەنىپ، اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن قول ۇستاسا قۇرۋ» تاقىرىبىن ارقاۋ ەتىپ، 2015 - جىلعى تالقى مىنبەرىنىڭ يوحاننەسبۋركتەگى باسشىلار باس قوسۋىندا قول جەتكەن جەتىستىكتەردىڭ تياناقتاندىرىلۋ جاعدايىن ەسكە الىپ، جۇڭگو - افريكا قارىم - قاتىناسىنىڭ بولاشاقتاعى دامۋىن جوبالاپ، جۇڭگو - افريكا سەلبەستىگىنىڭ ايبىندى جوباسىن جاسادى. ءماجىلىس «اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن قۇرۋ جونىندەگى بەيجيڭ جارناماسىن» جاريالاپ، جۇڭگو - افريكا ەكى جاقتىڭ قازىرگى ەلەۋلى حالىقارالىق ماسەلەلەر مەن وڭىرلىك ماسەلەلەر جونىندەگى ورتاق تانىمىن شوعىرلاندىرىپ، دۇنيە جۇزىنە جۇڭگو - افريكانىڭ قول ۇستاسا قاتار ىلگەرىلەيتىنى تۋرالى كۇشتى سيگنال بەردى. ءماجىلىس «جۇڭگو - افريكا سەلبەستىك مىنبەرى − بەيجيڭ ارەكەت جوسپارىن» ماقۇلداپ، الداعى 3 جىلدا جۇڭگو - افريكانىڭ «سەگىز ءىرى ارەكەتتى» اتقارۋىن ءتۇيىن ەتىپ، ءتۇرلى سالاداعى سىندارلى سەلبەستىكتى جاپپاي كۇشەيتۋدى تۇراقتاندىردى.

  ءبىز ءبىر اۋىزدان بىلاي دەپ قارادىق: قازىر دۇنيە ءجۇزى ءجۇز جىلدان بەرى بولماعان ءىرى وزگەرىستى باستان كەشۋدە، دۇنيە ءجۇزىنىڭ كوپ ۇيەكتەنۋى، ەكونوميكانىڭ جاھاندانۋى تەرەڭدەپ دامىدى، ءار ەل حالىقتارىنىڭ تاعدىرى ەشقاشان ءدال بۇگىنگىدەي تىعىز بايلانىسقان ەمەس. سونىمەن قاتار، دۇنيە ءجۇزى ءدوپ كەلگەن ورنىقسىزدىق، تۇراقسىزدىق كورنەكتىلەنىپ، ادامزات كوپتەگەن ورتاق سايىستارعا ءدوپ كەلىپ وتىر. ءبىز قول ۇستاسا وتىرىپ، جاۋاپكەرشىلىكتى تەڭ ارقالايتىن، سەلبەسە تەڭ يگىلىكتەنەتىن، باقىتقا بىرگە كەنەلەتىن، مادەنيەتتى بىرگە گۇلدەندىرەتىن، حاۋىپسىزدىكتى تەڭ قالىپتاستىراتىن، جاراسىمدى قاتار ءومىر سۇرەتىن جۇڭگو - افريكا تاعدىرلاس ورتاق تۇلعاسىن جۇمىلا سومداپ، جۇڭگو - افريكا ورتاق مۇددەسىن اناعۇرلىم ويداعىداي قورعاپ، وركەندەپ كەلە جاتقان ەلدەردىڭ كۇشىن نىعايتىپ، ءوزىمىز ءومىر ءسۇرىپ وتىرعان الەمنىڭ اناعۇرلىم تەڭگەرىمدى، كوركەم بولۋىنا مۇمكىندىك جاساپ، ادامزاتتىڭ تاعدىرلاس ورتاق تۇلعاسىنىڭ قۇرىلۋىنا داۋىرلىك ۇلگى ورناتۋدى قالايمىز.

  ءبىز ءبىر اۋىزدان بىلاي دەپ قارادىق: جۇڭگو - افريكا قارىم - قاتىناسى ۋاقىتتىڭ سىنى مەن حالىقارالىق الماعايىپ وزگەرىستەردىڭ سىناعىنان ءوتىپ، سەلبەسە تەڭ يگىلىككە كەنەلۋدىڭ ايقىن ەرەكشەلىككە جولىن اشىپ، تاريحتاعى ەڭ جاقسى مەزگىلدە تۇر. جۇڭگو - افريكا ەكى جاق ستراتەگيانىڭ ۇشتاستىرىلۋى مەن ساياساتتاردىڭ سايكەستىرىلۋىن كۇشەيتىپ، جۇڭگو - افريكانىڭ «ءبىر بەلدەۋ، ءبىر جولدى» بىرگە قۇرۋ سەلبەستىگىن ىلگەرىلەتۋدى ءارى «ءبىر بەلدەۋ، ءبىر جول» قۇرىلىسىن افريكا وداعىنىڭ «2063 - جىل كۇن تارتىبىمەن»، ب م ۇ - نىڭ 2030 - جىلعا دەيىنگى باياندى دامۋ كۇن تارتىبىمەن، افريكا ەلدەرىنىڭ دامۋ ستراتەگيالارىمەن تىعىز ۇشتاستىرىپ، شارۋاشىلىقتى جەبەۋ، قۇرىلعىلاردى تۇتاستىرۋ، ساۋدانى قولايلىلاستىرۋ، جاسىل دامۋ، قابىلەت قۇرىلىسى، سالاماتتىق جانە دەنساۋلىق ساقتاۋ، گۋمانيتارلىق اۋىس - كۇيىس، بەيبىتشىلىك پەن حاۋىپسىزدىك سىندى «سەگىز ءىرى ارەكەتتى» ءتۇيىندى تۇردە ويداعىداي اتقارىپ، جۇڭگو - افريكا سەلبەستىگىنە ءتىپتى كوپ وراي ازىرلەپ، ءتىپتى قۋاتتى قوزعاۋشى كۇش ۇستەۋدى قالايدى.

  ءبىز ءبىر اۋىزدان بىلاي دەپ قارادىق: جۇڭگو - افريكا قارىم - قاتىناسىندا بۇرىن بولماعان ۇيىسۋ كۇشى، ومىرشەڭدىك كۇش، جاسامپازدىق كۇش جارىققا شىعىپ، جۇڭگو - افريكانىڭ ءوز - ءوزىنىڭ دامۋىنا ماڭىزدى وراي ازىرلەدى. جۇڭگو − ەڭ ءىرى وركەندەپ كەلە جاتقان ەل، افريكا − وركەندەپ كەلە جاتقان ەلدەر ەڭ شوعىرلانعان قۇرلىق. جۇڭگو - افريكا ىنتىماق پەن سەلبەستىكتى مىزعىماس نيەتپەن كۇشەيتىپ، سەلبەسە تەڭ يگىلىكتەنۋ، بىرگە دامۋ جولىندا قاتار العا ىلگەرىلەيدى. جۇڭگو ۇزدىكسىز تۇردە شىنايى، ادال بولۋ ۇستانىمى مەن دۇرىس ادىلەت - مۇددە كوزقاراسىنان جازباي، افريكامەن بىرگە، جۇڭگو - افريكا دوستىعى مەن ءوزارا سەنىمىنىڭ تەرەڭ قورىنان كۇش - قۋات الىپ، جۇڭگو - افريكا سىندارلى سەلبەستىگىنىڭ قارىشتاعان اۋقىمىندا باعىتتى يگەرىپ، جۇڭگو - افريكا جاپپاي ستراتەگيالىق سەلبەستىك سەرىكتەستىك قاتىناسىنىڭ تەرەڭدەۋىن، ناقتىلانۋىن، نىق قاداممەن الىسقا جەتۋىن ىلگەرىلەتەدى.

  ءبىز ءبىر اۋىزدان بىلاي دەپ قارادىق: دامۋ مەن وركەندەۋدى ىسكە اسىرۋ − افريكانىڭ ءتيىستى ۇقىعى، بۇل افريكا ەلدەرى مەن حالىقتارىنىڭ قۇلشىنىسىنا مۇقتاج، حالىقارالىق قوعامنىڭ قولداۋىنان دا ايرىلا المايدى. جۇڭگو - افريكا سەلبەستىگى − حالىقارالىق سەلبەستىكتىڭ ءبىر بولىگى، جۇڭگو - افريكا سەلبەستىگىندە قاشاندا ءوزارا پايدا جەتكىزىپ، تەڭ يگىلىكتەنۋگە، اشىق، سيىسىمدى بولۋعا تاباندى بولۋ كەرەك. ءبىز حالىقارالىق سەلبەستىك سەرىكتەستەرىنىڭ ءوزارا ۇيرەنىپ، ءبىر - بىرىنەن ۇلگى الىپ، ءوز ارتىقشىلىقتارىن ساۋلەلەندىرىپ، بىرىككەن كۇش قالىپتاستىرىپ، افريكانىڭ بەيبىتشىلىگى مەن دامۋىنا جۇمىلا ۇلەس قوسۋىن ءۇمىت ەتەمىز. افريكامەن سەلبەستىك بارىسىندا، حالىقارالىق قوعامداعى ءار جاق افريكانىڭ يەلىك ۇقىعىنا قۇرمەت ەتۋى، افريكانىڭ پىكىرىنە قۇلاق ءتۇرۋى، افريكانىڭ قۋاتتاماسىنا ءمان بەرۋى، افريكاعا بەرگەن ۋادەسىن ورىنداۋى كەرەك.

  ءماجىلىستىڭ الدىن الا بەلگىلەنگەن كۇن تارتىپتەرى ءساتتى ورىندالدى، جۇڭگو - افريكا باسشىلارى بارلىق ماڭىزدى ماسەلەدە ماڭىزدى ورتاق تانىمعا كەلىپ، ورتاق ءۇن قاتتى. بەيجيڭدەگى باسشىلار باس قوسۋى تولىقتاي تابىستى بولىپ، قوماقتى ناتيجەگە قول جەتىپ، جۇڭگو - افريكا قارىم - قاتىناسىنىڭ جاڭا تاريحي پاراعىن اشىپ، وڭتۇستىك - وڭتۇستىك سەلبەستىگىنىڭ جاڭا داۋىرلىك ەسكەرتكىشىن ورناتتى.

  جۇڭگو - افريكا دوستىعى ۇلى شاڭىراعىنىڭ باس قوسۋى ورايىندا، جۇڭگو - افريكا باسشىلارى وسى بىرنەشە كۇندە ءجيى - ءجيى ەكى جاقتى كەزدەسۋلەر وتكىزدى، ءبىرسىپىرا افريكا ەلدەرىنىڭ مەملەكەت باسشىلارى مەن ۇكىمەت باسشىلارى جۇڭگودا ساپاردا بولدى نەمەسە ساپاردا بولماقشى. مەن بەيجيڭدەگى باسشىلار باس قوسۋىنا قاتىناسقان جانە جۇڭگودا ساپاردا بولعان افريكا جاق باسشىلارىمەن ەكى جاقتى كەڭەس وتكىزىپ، ەكى جاقتى قارىم - قاتىناس جانە بىرگە كوڭىل بولەتىن ماسەلەلەر جونىندە تەرەڭدەي پىكىر اۋىستىم، ءبىز كەڭ كولەمدى ماڭىزدى ورتاق تانىمعا كەلدىك.

  جۇڭگو - افريكا سەلبەستىك تالقى مىنبەرىنىڭ قۇرىلعانىنا 18 جىل بولدى. تالقى مىنبەرى ءداۋىردىڭ اعىنىمەن ومىرگە كەلىپ، جۇڭگو - افريكا سەلبەستىگىمەن تەڭ وركەندەپ، ۇزدىكسىز تۇردە جەتىلۋگە، كەمەلدەنۋگە بەت الىپ، حالىقاراداعى افريكامەن سەلبەستىكتىڭ جانە وڭتۇستىك - وڭتۇستىك سەلبەستىگىنىڭ تۋىنا اينالدى. بەيجيڭدەگى باسشىلار باس قوسۋىنىڭ ءساتتى وتكىزىلۋى جۇڭگو - افريكا جاپپاي ستراتەگيالىق سەلبەستىك سەرىكتەستىك قاتىناسىنىڭ جاڭا تاريحي باستاماعا كوتەرىلۋىن ىلگەرىلەتىپ، جاڭا تاريحي ساپارعا جول اشتى. ءبىز جۇڭگو - افريكا سەلبەستىك تالقى مىنبەرىن جۇمىلا نىعايتىپ جانە كۇشەيتىپ، بەيجيڭدەگى باسشىلار باس قوسۋىنىڭ جەتىستىكتەرىن جاپپاي، ءونىمدى تۇردە تياناقتاندىرىپ، ناقتى جەتىستىكتەرمەن جۇڭگو - افريكا حالىقتارىنا باقىت جاراتۋىمىز كەرەك.

  حانىمدار، مىرزالار!

  بەيجيڭدەگى باسشىلار باس قوسۋى اياقتالۋ الدىندا، مەن باسشىلار باس قوسۋىنا كەلگەن افريكا ەلدەرىنىڭ باسشىلارىنا شىن جۇرەكتەن راقىمەت ايتامىن، ولار شارشاپ - شالدىققانىنا قاراماي، بەلسەندى تۇردە اقىل - كەڭەس بەرىپ، تاجىريبە مەن پاراساتتارىن ۇسىنىپ، وسى رەتكى باسشىلار باس قوسۋىنىڭ تولىق تابىستى بولۋىن ىسكە اسىردى!

  مەن راماپوسا زۇڭتۇڭنىڭ 2 كۇننەن بەرى مەنىمەن تىعىز سەلبەسىپ، وسى رەتكى باسشىلار باس قوسۋىن تەڭ باسقارعانىنا ەرەكشە العىس ايتامىن، وڭتۇستىك افريكانىڭ تالقى مىنبەرىنىڭ تەڭ ءتوراعا ەلى بولعان مەزگىلدە سۇبەلى قىزمەتتەر اتقارعانىنا العىس ايتامىن. مەن سەنەگالدىڭ تالقى مىنبەرىنىڭ جاڭا كەزەكتى تەڭ ءتوراعا ەلى مىندەتىن وتكىزىپ العانىنا قۇتتى بولسىن ايتامىن، سال زۇڭتۇڭنىڭ تالقى مىنبەرىنىڭ دامۋىن ىلگەرىلەتۋگە ىقىلاس تانىتقانىنا العىس ايتامىن.

  مەن جۇڭگو - افريكا ەكى جاقتان كەلگەن ونەركاسىپ - ساۋدا، مادەنيەت، پاراسات قويماسى، اقپارات قۇرالى سياقتى ءار سالاداعى دوستاردىڭ وسى رەتكى باسشىلار باس قوسۋىنا بەلسەندى تۇردە ات سالىسقانىنا جانە قولداۋ كورسەتكەنىنە العىس ايتامىن. اقپارات قۇرالدارىنداعى دوستارعا راقىمەت، سەندەر دۇنيە جۇزىنە باسشىلار باس قوسۋىنىڭ سالتاناتى مەن جەتىستىكتەرىن جان - جاقتى، دەر كەزىندە جەتكىزدىڭىزدەر. سىزدەردىڭ جۇڭگو - افريكا سەلبەستىك تالقى مىنبەرىنە ۇزدىكسىز تۇردە نازار اۋدارىپ، جۇڭگو - افريكا قارىم - قاتىناسىنىڭ دامۋىنا قولداۋ كورسەتۋلەرىڭىزدى ءۇمىت ەتەمىن.

  مەن ءبىزدىڭ بىرگە قۇلشىنۋىمىزدىڭ ارقاسىندا، 2 ميلليارد 600 ميلليوننان استام جۇڭگو - افريكا حالقىنىڭ بەلسەندى تۇردە قولداۋ كورسەتۋى ارقاسىندا، ءبىزدىڭ اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن قول ۇستاسا قۇرۋ ۇلى ءىسىمىزدىڭ، ءسوز جوق، تابىسقا جەتەتىنە، جۇڭگو - افريكا قارىم - قاتىناسىنىڭ ەرتەڭى، ءسوز جوق، اناعۇرلىم كوركەم بولاتىنىنا سەنەمىن!

  كوپشىلىككە راقىمەت.

  (شينحۋا اگەنتتىگىنىڭ 9 - ايدىڭ 4 - كۇنى بەيجيڭنەن بەرگەن حابارى)

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ