<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ماڭىزدى حابارلار

شي جينپيڭ ج ك پ ورتالىق كوميتەتى ساياسي بيۋروسىنىڭ 6 - رەتكى توپتىق ۇيرەنۋىندە

پارتيانىڭ ساياسي قۇرىلىسىن پارتيانىڭ ءتۇبىرلى قۇرىلىسى ەتىپ، پارتيانىڭ ۇزدىكسىز تۇردە جەڭىستەن جەڭىسكە جەتە بەرۋىنە ماڭىزدى كەپىلدىك ازىرلەۋدى باسا دارىپتەدى
كەلۋ قاينارى : شينجياڭ گازەتى سايتى

 شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 6 - ايدىڭ 29 - كۇنى تۇستەن كەيىن پارتيانىڭ ساياسي قۇرىلىسىن كۇشەيتۋ جونىندە 6 - رەتكى توپتىق ۇيرەنۋ وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا مىنالاردى باسا دارىپتەدى: ماركستىك ساياسي پارتيا اسقاق ساياسي مۇراتقا، وسكەلەڭ ساياسي تالپىنىسقا، كىرشىكسىز ساياسي ساپاعا، قاتاڭ ساياسي تارتىپكە يە. ەگەر ماركستىك ساياسي پارتيا ساياسيداعى العاباسارلىعىنان ايرىلار بولسا، پارتيانىڭ العاباسارلىعى مەن كىرشىكسىزدىگىنەن اۋىز اشۋعا بولمايدى. ءبىزدىڭ پارتيانىڭ ساياسي قۇرىلىسىن پارتيانىڭ ءتۇبىرلى قۇرىلىسى ەتۋىمىزدىڭ قيسىنى دا وسىندا. پارتيانىڭ ساياسي قۇرىلىسى − ماڭگىلىك تاقىرىپ. ساياسي باعداردى ءدال يگەرىپ، پارتيانىڭ ساياسي باسشىلىعىنا تاباندى بولىپ، ساياسي نەگىزدى بەكەمدەپ، ساياسي ەكولوگيانى نارلەندىرىپ، ساياسي حاۋىپ - قاتەردەن ساقتانىپ، ساياسي قاسيەتتى ماڭگى ساقتاپ، ساياسي قابىلەتتى جوعارىلاتىپ، پارتيامىزدىڭ ۇزدىكسىز دامىپ، زورايىپ، جەڭىستەن جەڭىسكە جەتە بەرۋىنە ماڭىزدى كەپىل ازىرلەۋ كەرەك.

  ورتالىق كوميتەت ۇيىمداستىرۋ بولىمىنەن زاڭ انمين وسى ماسەلە جونىندە تۇسىنىك جاسادى ءارى ۇسىنىس - پىكىرلەرىن ايتتى.

  شي جينپيڭ ۇيرەنۋدى باسقارعاندا ماڭىزدى ءسوز سويلەدى. ول مىنالاردى باسا دارىپتەدى: پارتيانىڭ 19 - قۇرىلتايىندا پارتيانىڭ ساياسي قۇرىلىسى سىندى ماڭىزدى تاقىرىپ ايقىن العا قويىلىپ، پارتيانىڭ ساياسي قۇرىلىسى − پارتيانىڭ ءتۇبىرلى قۇرىلىسى، پارتيانىڭ ساياسي قۇرىلىسىن ماڭداي الدى ورىنعا قويىپ، پارتيانىڭ ساياسي قۇرىلىسىن ءبىر تۇتاس باسشىلىققا الۋ كەرەك دەپ باسا دارىپتەلدى. بۇگىن ءبىز وسى تاقىرىپ بويىنشا توپتىق ۇيرەنۋ وتكىزىپ وتىرمىز، ماقسات − پارتيانىڭ ساياسي قۇرىلىسى تۋرالى تانىمدى تەرەڭدەتىپ، پارتيانىڭ ساياسي قۇرىلىسىن ىلگەرىلەتۋ جونىندەگى سانالىلىق پەن تاباندىلىقتى نىعايتۋ ءارى وسى ارقىلى پارتيانىڭ 97 جىلدىق تۋعان كۇنىن قۇتتىقتاۋ.

  شي جينپيڭ مىنالاردى اتاپ كورسەتتى: پارتيانىڭ 18 - قۇرىلتايىنان بەرى، پارتيانى جاپپاي قاتاڭ جونگە سالۋ امالياتىندا ءبىز پارتيانىڭ ساياسي قۇرىلىسىن كورنەكتى ورىنعا قويىپ، ساياسي سەنىمدى بەكەمدەۋ، «ءتورت تانىمدى» نىعايتۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋ، پارتيانىڭ ساياسي ءتارتىبى مەن ساياسي قاعيدالارىن قاتايتۋ، جاڭا جاعدايدا پارتيانىڭ ىشكى ساياسي تۇرمىسىن كۇشەيتۋ جانە ارناعا ءتۇسىرۋ، پارتيانىڭ ىشكى ساياسي ەكولوگياسىن كىرشىكسىزدەندىرۋ، ستيلدى دۇرىستاپ، ءتارتىپتى قاتايتۋ، ءىرىپ - شىرۋگە قارسى تۇرىپ، سۇرقيالىقتى تەجەۋ سياقتى جاقتاردا كورنەكتى تابىستارعا قول جەتكىزدىك. اماليات ارقىلى ءبىز پارتيانىڭ ساياسي قۇرىلىسى پارتيا قۇرىلىسىنىڭ باعدارى مەن ناتيجەسىن بەلگىلەيتىندىگىن، پارتيانىڭ ساياسي قۇرىلىسىن يگەرمەسەك نەمەسە پارتيانىڭ ساياسي قۇرىلىسى سىلتەگەن باعداردان كوز جازساق، پارتيانىڭ باسقا قۇرىلىستارىنىڭ كوزەۋلى ناتيجەگە جەتۋى قيىن ەكەندىگىن تەرەڭ تانىپ جەتتىك.

  شي جينپيڭ مىنالاردى باسا دارىپتەدى: ساياسي باعدار − پارتيانىڭ ءومىر ءسۇرۋى مەن دامۋىنداعى ءبىرىنشى ورىنداعى ماسەلە، ول پارتيانىڭ بولاشاعى مەن تاعدىرىنا، پارتيا ىستەرىنىڭ گۇلدەنۋى مەن قۇلدىراۋىنا، جەڭىسى مەن جەڭىلىسىنە سايادى. ءبىز تاباندى بولۋعا ءتيىستى ساياسي باعدار − كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتى، «قوس 100 جىلدىق» كۇرەس نىساناسى، پارتيانىڭ نەگىزگى نازارياسى، نەگىزگى لۋشيانى، نەگىزگى جالپى جوباسى. پارتيانىڭ ساياسي قۇرىلىسىن كۇشەيتۋدە ساياسي باعدارنامالىق رولدى ساۋلەلەندىرىپ، بۇكىل پارتيانى مۇرات - سەنىمدى بەكەمدەۋگە، «ءتورت سەنىمدى» بەكەمدەۋگە جەتەكتەپ، بۇكىل پارتيانىڭ اقىل - پاراساتى مەن كۇش - قايراتىن جاڭا داۋىردە جۇڭگوشا سوتسياليزم ۇلى ىسىنە تاباندى بولۋعا جانە ونى دامىتۋعا شوعىرلاندىرۋ؛ بۇكىل پارتيانىڭ دۇرىس ساياسي باعداردى ماڭىزدى ستراتەگيالاردى جوبالاۋ، ماڭىزدى ساياساتتاردى بەلگىلەۋ، ماڭىزدى مىندەتتەردى ورنالاستىرۋ، ماڭىزدى قىزمەتتەردى ىلگەرىلەتۋ امالياتىندا دايەكتىلەندىرۋىن العا جىلجىتىپ، ۇنەمى زاڭدىق ەرەجەلەر مەن ولشەمدەرگە سالىستىرىپ، اۋىتقۋلاردى دەر كەزىندە تۋرالاپ، پارتيانىڭ ساياسي باعدارىنان اۋىتقۋ جانە وعان قايشى كەلۋ ارەكەتتەرىن باتىل تۇزەتىپ، پارتيا مەن مەملەكەت ىستەرىنىڭ قاشاندا دۇرىس ساياسي باعدارمەن دامۋىنا كەپىلدىك ەتۋ؛ ءار دارەجەلى پارتيا ۇيىمدارىن دۇرىس ساياسي باعداردان جازبايتىن بەرىك جاۋىنگەر قورعان ەتىپ قۇرىپ شىعىپ، قالىڭ پارتيا مۇشەلەرىن، كادرلاردى دۇرىس ساياسي باعداردى بويلاپ تاباندىلىقپەن العا باسۋعا تاربيەلەۋ كەرەك.

  شي جينپيڭ مىنالاردى اتاپ كورسەتتى: جۇڭگوشا سوتسياليزمنىڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليزمنىڭ ەڭ زور ارتىقشىلىعى − جۇڭگو كوممۋنيستىك پارتياسىنىڭ باسشىلىعى، پارتيا − ەڭ جوعارى ساياسي باسشىلىق كۇش. پارتيانىڭ جاپپاي باسشىلىعىنا تاباندى بولۋدىڭ جانە ونى كۇشەيتۋدىڭ ۇيىمدىق جۇيەسىن، تۇزىمدىك جۇيەسىن، قىزمەت مەحانيزمىن ورناتىپ جانە اقاۋسىزداندىرىپ، پارتيانىڭ باسشىلىعىن رەفورما، دامۋ، ورنىقتىلىق، ىشكى ىستەر، سىرتقى ىستەر، مەملەكەت قورعانىسى، پارتيانى جونگە سالۋ، مەملەكەتتى جونگە سالۋ، ارميانى جونگە سالۋ سياقتى ءتۇرلى سالا، ءتۇرلى جاق، ءتۇرلى بۋىندا شىنايى تياناقتاندىرۋ كەرەك. پارتيانىڭ ساياسي باسشىلىعىنا تاباندى بولۋدا پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋ بارىنەن ماڭىزدى. بۇكىل پارتيانى «ءتورت تانىمدى» نىعايتىپ، يدەيا، ساياسي، ارەكەت جاقتارىندا سانالى تۇردە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋعا جەتەكتەۋ كەرەك.

  شي جينپيڭ مىنالاردى باسا دارىپتەدى: پارتيانىڭ ساياسي قۇرىلىسىن كۇشەيتۋدە حالىق قالاۋى سىندى ەڭ ۇلكەن ساياسيمەن تىعىز قابىستىرىپ، حالىقتىڭ قالاۋى مەن تىلەگىنە قول جەتكىزىپ، حالىقتىڭ پاراساتى مەن كۇشىن جۇمىلدىرۋدى ەڭ ماڭىزدى كۇش سالۋ ءتۇيىنى ەتۋ كەرەك. حالىقتىق تۇرعىدان تابان اۋدارماي، پارتيانىڭ بۇقارالىق لۋشيانىن دايەكتىلەندىرىپ، حالىقپەن بىرگە ويلاپ، بىرگە ىستەپ، «ءتورت ءتۇرلى بۇرىس ستيلگە»، وتە - موتە، فورماشىلدىق پەن تورەشىلدىككە باتىل قارسى تۇرىپ، قاشاندا پارتيانىڭ حالىق بۇقاراسىمەن ەتەنە بايلانىسىن ساقتاۋ كەرەك. قالىڭ پارتيا مۇشەلەرىن، كادرلاردى جىگەرلەنە العا ىلگەرىلەپ، قۇلشىنا ىسكەرلىك كورسەتىپ، كۇش - قايرات پەن وي - سانانى ارتۋدى ورنىقتىرۋعا، رەفورمانى جەبەۋگە، قۇرىلىمدى رەتتەۋگە، حالىق تۇرمىسىنا تيىمدىلىك جاساۋعا، حاۋىپ - قاتەردەن ساقتانۋعا، قيىن ماسەلەلەردى شەشۋگە، قيىن قامالداردى الۋعا جۇمساپ، حالىق جۇرتشىلىعى ەڭ كوڭىل بولەتىن، ەڭ ناقتى، ەڭ شىنايى مۇددە ماسەلەسىن كۇش سالا شەشۋگە تاربيەلەۋ جانە ىنتالاندىرۋ كەرەك.

  شي جينپيڭ مىنالاردى اتاپ كورسەتتى: تاماشا ساياسي ەكولوگيا قالىپتاستىرۋ − ۇزاق مەزگىلدىك مىندەت، ءسوز جوق، پارتيانىڭ ساياسي قۇرىلىسىنىڭ نەگىزدىك، ۇنەمىلىك قىزمەتى ەتىپ، قاينارىن ارشىپ، ورمانىن جايقالتۋ، تۋراشىلدىقتى دەمەپ، ءتۇبىردى بەكەمدەپ، قاجىماي - تالماي، باياندى ناتيجە شىعارۋ كەرەك. ادام تاڭداۋ، ادام ىستەتۋدىڭ دۇرىس بەتالىسىن ورناتۋدى ماڭىزدى كۇش سالۋ ءتۇيىنى ەتىپ، ساياسي ولشەمدى كورنەكتىلەندىرۋ كەرەك. جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەردى دايەكتىلەندىرىپ، تياناقتاندىرىپ، پارتيا مۇشەلەرىنىڭ، كادرلاردىڭ پارتيانىڭ ىشكى ساياسي تۇرمىسىندا ۇنەمى ساياسي دەنساۋلىق تەكسەرۋدى قابىلداپ، ساياسي يممۋنيتەتىن كۇشەيتۋىنە مۇمكىندىك جاساۋ كەرەك. پارتيانىڭ ىشكى ساياسي مادەنيەتى قۇرىلىسىن كۇشەيتىپ، پارتيا دارىپتەپ وتىرعان مۇرات - سەنىم، قۇن ۇستانىمى مەن تاڭداۋلى ءداستۇردى پارتيا مۇشەلەرىنىڭ، كادرلاردىڭ يدەياسى مەن جان جۇرەگىنە ۇيالاتۋ كەرەك. سوتسياليستىك وزەكتى قۇن كوزقاراسىن ساۋلەلەندىرىپ، ادال، شىنشىل بولۋ، ءادىل، تۋراشىل بولۋ، شىندىقتى ءىس جۇزىنەن ىزدەۋ، كىرشىكسىز، پاك بولۋ سياقتى قۇن كوزقاراستارىن ساۋلەلەندىرىپ جانە امالياتتا ايگىلەپ، تاماشا ساياسي مادەنيەت ارقىلى ستيلى پاك، سالتى دۇرىس ساياسي ەكولوگيانى نارلەندىرۋ كەرەك.

  شي جينپيڭ مىنالاردى باسا دارىپتەدى: پارتيامىز ىشكى لاڭ مەن سىرتقى سۇعاناقتىق قاباتتاسقان ساتتە ومىرگە كەلىپ، قيىن - قىسپاق پەن كەدەرگىلەر ىشىندە ەسەيىپ، حاۋىپ - قاتەر مەن سىن - سايىستاردى جەڭۋ بارىسىندا ۇلعايعاندىقتان، قاشاندا كۇشتى تاۋقىمەت تانىمىنا، حاۋىپ - قاتەر تانىمىنا يە بولىپ وتىردى. ءار دارەجەلى باسشى كادرلاردى ساياسي سەزگىرلىك پەن ساياسي پارىقتاۋ قابىلەتىن نىعايتىپ، كوزى كورەگەن بولۋ، ءىستى الدىن الا كورە ءبىلۋ، ارەكەتى تەز بولۋعا تاربيەلەۋ، جەتەكتەۋ كەرەك.

  شي جينپيڭ مىنالاردى اتاپ كورسەتتى: پارتيانىڭ ساياسي قۇرىلىسىن كۇشەيتۋدە، ءسوز جوق، ماڭگى جول ۇستىندەمىز دەگەن تاباندىلىق پەن قايسارلىقتان جازباي، ءىرىپ - شىرۋگە قارسى تۇرۋ كۇرەسىن باتىلدىقپەن سوڭىنا دەيىن جۇرگىزىپ، پارتيامىزدىڭ ساپاسى مەن قاسيەتىنىڭ ماڭگى وزگەرمەۋىنە مۇمكىندىك جاساۋ كەرەك. باسشى كادرلار، اسىرەسە، جوعارى دارەجەلى كادرلار اسقاق ءمورالدى ايقىنداپ، الەۋمەتتىك ءمورالدى ساقتاپ، جەكە ءمورالدى قاتايتىپ، پاك، ءتارتىپشىل بولۋدىڭ، بيلىكتەن كىرشىكسىز پايدالانۋدىڭ، وتباسىن كىرشىكسىز ۇستاۋدىڭ ۇلگىلەرى بولۋى كەرەك. ءتۇزىمنىڭ شارباعىن نىعايتىپ، شارلاۋدىڭ وتكىر قارۋ رەتىندەگى رولىن ساۋلەلەندىرىپ، پارتيانى جاپپاي قاتاڭ جونگە سالۋدىڭ نەگىزگى ساتىعا قانات جايۋىن ىلگەرىلەتىپ، حالىق بۇقاراسىنىڭ كىرشىكسىز كادرلاردىڭ، پاك ۇكىمەتتىڭ، اشىق ساياسيدىڭ جاندارىندا، كوز الدىندا ەكەنىن شىنايى سەزىنۋىنە مۇمكىندىك جاساۋ كەرەك.

     شي جينپيڭ مىنالاردى باسا دارىپتەدى: پارتيانىڭ ساياسي قۇرىلىسىن كادرلار قوسىنىنىڭ قۇرىلىسىندا تياناقتاندىرۋ ءۇشىن، ءار دارەجەلى باسشى كادرلاردىڭ، اسىرەسە، جوعارى دارەجەلى كادرلاردىڭ باعىت - باعداردى، ءىرى بەتالىستى، جالپى جاعدايدى يگەرۋ قابىلەتىن، ساياسي دۇرىس - بۇرىستى پارىقتاۋ، ساياسي تاباندىلىقتى ساقتاۋ، ساياسي جاعدايدى مەڭگەرۋ، ساياسي حاۋىپ - قاتەردەن ساقتانۋ قابىلەتىن جوعارىلاتىپ، ساياسي جاقتان ماسەلەگە تالداۋ جاساۋعا، ماسەلەنى شەشۋگە شەبەر بولۋ كەرەك. ءار دارەجەلى باسشى كادرلار، اسىرەسە، جوعارى دارەجەلى كادرلار ساياسي قىراعىلىققا جاتتىعىپ، كوزىنىڭ الدىن كوشپەلى بۇلتتىڭ تورلاۋىنان قورىقپاي، پارتيا مەن حالىق جۇكتەگەن ساياسي جاۋاپكەرشىلىكتى شىن مانىندە ارقالاي ءبىلۋى كەرەك.


 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ