<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>شينجياڭ حابارلارى

عىلىم - تەحنيكالىق، قارجىلىق جانە ساياساتتىق قولداۋدىڭ ارقاسىندا كوكجار ينجەنەرياسى ءتىپتى دە تەز قارقىنمەن كەڭەيە ءتۇستى

                                                            كەلۋ قاينارى : شينجياڭ گازەتى سايتى

 ءتىلشىمىز ليۋ دۇڭلاي 6 - ايدىڭ 26 - كۇنى اقسۋدان حابارلايدى. جاۋىن ءبىر اپتاعا تاياۋ جاۋدى. 6 - ايدىڭ 25 - كۇنى تۇستەن كەيىن ساعات 5تە، اقسۋ قالاسىنىڭ كوكجار ورمانىندا، 78 جاستاعى ابىلەت مامەتنياز جەمىس باعىنىڭ ساياسىندا جاڭبىر تامشىلارىنىڭ سىبدىرىنا قۇلاق تۇرە تاماشالاي قاراپ وتىردى. جاسىل باق ابىلەتتىڭ جەمىس باعىنان باستالىپ، الما، جاڭعاق، شىلان، ءجۇزىم جايقالا وسكەن ميلليون مۋلىق ورمان وڭىرىنە قاراي سوزىلىپ جاتتى.

  «وسى 2 جىلدا جاۋىن كوبەيدى، 30 جىلدىڭ الدىندا جاتقان جەرىم يەن دالا ەدى، 30 جىل بويى قونىس اۋدارمادىم، ال قازىر تۇرعان جەرىم باۋ - باقشاعا اينالدى، جىلىنا تاعى 50 مىڭ يۋان تازا كىرىسىم بار»، - دەدى ابىلەت. اقسۋ ايماقتىق پارتكوم، اكىمشىلىك مەكەمەسى 1986 - جىلدان باستاپ قالا رايونىنىڭ سولتۇستىگىندەگى قۇمدى بوراننىڭ نەگىزگى قاينارى بولعان كوكجاردا قۇمدى جاسىلداندىرۋ ينجەنەرياسىن اتقارىپ، ۇكىمەت باسشىلىق ەتەتىن، تۇتاس قوعام ات سالىساتىن فورمانى قالىپتاستىرعاننان بەرى، وسى ينجەنەريا ۇزدىكسىز جالعاسىپ كەلەدى.

  ءبىر ميلليون 150 مىڭ مۋ جەرگە ورمان وتىرعىزىلعاننان كەيىن، كوكجار ينجەنەرياسىن سەنتر ەتكەن قۇمايتتانۋدى تىزگىندەۋ قىزمەتى اقسۋدىڭ جەر - جەرىندە ەتەك الدى. ونسۋدا، كۇشاردا، شاياردا، توقسۋدا، اۋاتتا، ءۇشتۇرپاندا... جاسىل القاپتىڭ اۋماعى بىرتىندەپ ۇلعايا ءتۇستى.

  «عىلىم - تەحنيكا، قارجى جانە ساياساتتىق قولداۋدىڭ ارقاسىندا وتىرعىزىلعان ەكولوگيالىق شارۋاشىلىق ورمانى كوكجار ينجەنەرياسىنىڭ شارپۋ اۋماعىن جاڭا داۋىردە ءتىپتى دە تەز قارقىنمەن كەڭەيتە ءتۇستى»، - دەدى اقسۋ ايماقتىق ورماندى قورعاۋ، ورتتەن ساقتانۋعا قولباسشىلىق ەتۋ كەڭسەسىنىڭ مەڭگەرۋشىسى لي زۇڭميڭ.

  ونسۋ اۋدانى كوكجار قالاشىعى كوبي جاڭا قىستاعىندا، وسى اۋداننىڭ ورمان شارۋاشىلىق مەكەمەسىنىڭ باستىعى دىڭ حاۋ الدىنداعى الما باعىن نۇسقاپ بىلاي دەدى: بۇل ارادا كەزەكتەگى ەڭ وزىق ەگۋ، ءۇزۋ تەحنيكاسى پايدالانىلعان، جەمىس اعاشىنىڭ بيىكتىگى 3.5 مەتر اينالاسىندا مەڭگەرىلەدى، باسقارۋعا وتە قولايلى. جەمىس اعاشىنىڭ جۋان بۇتاقتارى كەسلىپ تاستالعاننان كەيىن، قالعان بۇتاقتارىنىڭ ءبارى جەمىس بەرەدى، اۋىرلىق كۇشىنىڭ اسەرىندە تومەن قاراي تابيعي يىلەدى، جەمىسى دە بىركەلكى وسەدى. جيىن - تەرىن كەزىندە جەمىستى مەحانيكالى ۇزەمىز، ءبىر رەتتە بارلىعىن ءۇزىپ بولادى، ونىمدىلىگى وتە جوعارى.

  بىرنەشە جىلدىڭ الدىندا كوبي جاڭا قىستاعى تاقىر جەر بولاتىن. بۇل كۇندەرى ول اقسۋ بيڭشۋە ميسۇي جەمىس شارۋاشىلىعى شەكتەۋلى سەرىكتەستىگى سياقتى كوپتەگەن كاسىپورىنداردىڭ «ءۇمىت باعىنا» اينالدى. ۇكىمەتتىڭ جەتەكشىلىگىندە، نىساندىق قولداۋلار جانە ءتيىمدى ساياساتتاردىڭ ارقاسىندا، قوعامدىق كاپيتال جەرگىلىكتى ورىننىڭ قۇمايتتانۋدى تىزگىندەۋدىڭ نەگىزگى كۇشىنە اينالدى. مەحانيكالى جۇمىس جۇرگىزۋ جانە تامشىلاتىپ سۋارۋ سياقتى تەحنيكالاردىڭ قولدانىلۋى، ورمان وتىرعىزۋدىڭ قارقىنى مەن قاتارعا قوسىلۋىن جەدەلدەتتى. الما، ءجۇزىم سياقتى كوپ ءتۇرلى شارۋاشىلىق داقىلدار جاسىل القاپتان ءشول دالاعا تامىر تارتتى.

  ءۇشتۇرپان اۋدانى اقيار قالاشىعىنداعى 50 مىڭ مۋلىق ەكونوميكالىق ورمانىن 10 مىڭ مۋدان استام ەكولوگيالىق جيدە ورمانىمەن، ونىڭ سىرتىندا 220 مىڭ مۋلىق تىنىقتىرىلاتىن ءشول جايلىممەن قورشاپ قورعاۋ جوسپارعا الىندى. بۇل اقسۋ ايماعىنىڭ كوپ ءتۇرلى تاسىلدەردەن پايدالانىپ، قۇمايتتانۋدى جان - جاقتى تىزگىندەۋىنىڭ ىقشام كورىنىسى.

  اقيار قالاشىعىنان يرەلەڭدەي اعىپ ءوتىپ اقسۋ وزەنىنە قۇياتىن توشقان وزەنىنىڭ ەكى جاعاسى جاسىل مانات جامىلعان، وزەن ايدىنىندا جابايى ۇيرەكتەر ەمىن - ەركىن جۇزەدى. 2015 - جىلى اقسۋ ايماقتىق پارتكوم اقسۋ وزەنى، ۇگەن وزەنى الابىندا ميلليون مۋلىق ەكولوگيانى جونگە سالۋ ينجەنەرياسىنان ەكەۋىن اتقاردى. قىسقا عانا 3 جىلدا سازدىق توڭىرەگىندە 8 ميلليون 470 مىڭ ءتۇپ قالامشا ەگىلدى. كوپ ءتۇرلى نىسانداردىڭ اتقارىلۋىمەن بۇل كۇندەرى بۇكىل ايماقتا سازدىقتىڭ كولەمى 2 ميلليون مۋ ارتىپ، 270 ءتۇرلى جابايى جانۋارلار وسى ارادا ءوسىپ - ءوندى.

  كوكجار ينجەنەرياسىن باستاما ەتكەن قۇمايتتانۋدى تىزگىندەۋ شاراسى اقسۋ ايماعىنىڭ كليماتىن بىرتىندەپ وزگەرتە باستادى 2017 - جىلى اقسۋدىڭ شاڭ - توزاڭدى اۋا رايى 1981 - جىلداعىدان 30 كۇن ازايدى. بيىل اقسۋ قالاسىنان شامامەن 40 كيلومەتر شالعايداعى كوڭتايلىق وڭىرىندە تاعى ميلليون مۋلىق كولەمدەگى قۇمايتتانۋدى تىزگىندەۋ قيمىلى شىمىلدىعىن اشتى.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ