<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ماڭىزدى حابارلار

كوممۋنيستىك جاستار وداعى مەملەكەتتىك 18 - قۇرىلتايى بەيجيڭدە اشىلدى

  شي جينپيڭ، لي كىچياڭ، لي جانشۋ، ۋاڭ ياڭ، جاۋ لىجي، حان جىڭ قۇرىلتايعا قاتىناسىپ قۇتتىقتادى

  ۋاڭ حۋنيڭ پارتيا ورتالىق كوميتەتى اتىنان ءسوز سويلەدى

  شينحۋا اگەنتتىگىنىڭ 6 - ايدىڭ 26 - كۇنى بەيجيڭنەن بەرگەن حابارى (ءتىلشى زۋو ۋي، رۇڭ چيحان). جۇڭگو كوممۋنيستىك جاستار وداعى مەملەكەتتىك 18 - قۇرىلتايى 6 - ايدىڭ 26 - كۇنى تۇستەن بۇرىن حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، جاۋ لىجي، حان جىڭ قاتارلىلار قۇرىلتايعا قاتىناسىپ قۇتتىقتادى. ۋاڭ حۋنيڭ پارتيا ورتالىق كوميتەتى اتىنان ءسوز سويلەدى.

  حالىق سارايىنىڭ 10 مىڭ ادامدىق زالى قىزۋ مەرەيگە تولدى. ءتوراعالار مىنبەسىنىڭ جوعارى جاعىنا «جۇڭگو كوممۋنيستىك جاستار وداعىنىڭ مەملەكەتتىك 18 - قۇرىلتايى» دەگەن قۇرىلتاي بەلگىسى ءىلىنىپتى، ارتقى پەردەنىڭ ءدال ورتاسىنداعى جارقىراعان وداق گەربىنىڭ ەكى جاعىنا بەستەن نارت قىزىلتۋ قويىلىپتى. 2 - قاباتتاعى تەكشەگە «شي جينپيڭنىڭ جاڭا ءداۋىر جۇڭگوشا سوتسياليزم ۇلى تۋىن بيىك ۇستاپ، جۇڭگو كوممۋنيستىك پارتياسىنىڭ پارمەندى باسشىلىعىندا اۋەلگى ماقساتتى ۇمىتپاي، بورىشتى ەستە بەرىك ساقتاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ ايبىندى جاستىق ورال داستانىن قۇلشىنا جازايىق» دەگەن جازۋ جازىلعان كەرمە تۋ ءىلىنىپتى. كوممۋنيستىك جاستار وداعى 18 - قۇرىلتايىنىڭ بۇكىل ەلدىڭ جەر - جەرىنەن كەلگەن 1500دەن استام ۋاكىلى 81 ميلليوننان استام وداق مۇشەلەرىنىڭ سەنىمىن ارقالاپ قۇرىلتايعا قاتىناستى.

  تۇستەن بۇرىن ساعات 9دان 30 مينۋت وتكەندە، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار قۇرىلتاي زالىنا كىرگەندە، بۇكىل زالدا قىزۋ قول شاپالاق ءۇنى كوتەرىلدى.

  قۇرىلتاي ءتوراعالار القاسى تۇراقتى القاسىنىڭ مۇشەسى حى جۇنكى قۇرىلتايدىڭ اشىلعانىن جاريالادى. بۇكىل زالداعىلار ورىندارىنان تۇردى، مەملەكەت گيمنى، وداق گيمنى ورىندالدى.

  ىلە - شالا 10 پيونەر قۇرىلتايعا ارناپ ءسوز سويلەدى. ولاردىڭ اراسىندا كەيبىرەۋى توڭكەرىستىك بايىرعى رايوننان، كەيبىرەۋى ۇلتتىق رايونداردان كەلگەن، كەيبىرەۋى قۇلشىنا ۇيرەنىپ، قارتتاردى قادىرلەۋدىڭ ۇلگىسى، كەيبىرەۋى الەۋمەتتىك يگىلىك، قورشاعان ورتانى قورعاۋ ىسىنە قىزۋ ات سالىسقان جاقسى وسپىرىمدەر. پيونەرلەردىڭ ساڭقىلداعان ءۇنى كوركەم بولاشاققا دەگەن ءۇمىتتى بەينەلەپ، مۇرات ورناتىپ جاپپاي دامىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا دايىندالۋ بەكىمىن كورسەتتى.

  ۋاڭ حۋنيڭ پارتيا ورتالىق كوميتەتى اتىنان «جاڭا ءداۋىردىڭ شىعىس جەلىنە جەلكەن جايىپ، جاستىق ورال ارمانىن قانات قاقتىرايىق» دەگەن تاقىرىپتا ءسوز سويلەدى. ۋاڭ حۋنيڭ الدىمەن قۇرىلتايدىڭ اشىلعانىن قىزۋ قۇتتىقتاپ، بۇكىل ەلدەگى ءار ۇلت جاستارىنا، بارلىق وداق مۇشەلەرىنە جانە قالىڭ جاستار - ورەندەر ءىسى قىزمەتكەرلەرىنە شىنايى سالەم جولدادى.

  ۋاڭ حۋنيڭ سوزىندە بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، كوممۋنيستىك جاستار وداعىنىڭ 17 - قۇرىلتايىنان بەرى، كوممۋنيستىك جاستار وداعى ساياسي دەڭگەيدى جوعارىلاتىپ، «ءتورت تانىمدى» كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، قايراتتانا العا ۇمتىلىپ، شىنايى يگەرىپ، ناقتى ىستەپ، كوممۋنيستىك جاستار وداعىنىڭ رەفورماسىن ىشكەرىلەي ىلگەرىلەتىپ، وداقتى قاتاڭ جونگە سالۋدى مىقتى يگەردى، ءتۇرلى قىزمەتتەردە تىڭ دامۋشىلىقتار بولدى، وداق كادرلارىنىڭ، وداق مۇشەلەرىنىڭ كەلبەتىندە جاڭا بەينە جارىققا شىقتى. قالىڭ جاستار سانالى تۇردە جەكە كۇرەسىن پارتيا مەن حالىقتىڭ ورتاق كۇرەسىنە توعىستىرىپ، زامانىمىزداعى جاستاردىڭ پارتيانى، وتاندى سۇيۋدەي مىزعىماس سەنىمىن، باتىل جاڭالىق اشۋداي جالىندى ومىرشەڭدىك كۇشىن، ۇلەس قوسۋعا پەيىل بولۋداي تاڭداۋلى قاسيەتىن، سەنىممەن ەسىك اشۋداي حالىقارالىق وبرازىن كورسەتتى.

  ۋاڭ حۋنيڭ بىلاي دەدى: باس شۋجي شي جينپيڭنىڭ جاستار قىزمەتى جونىندەگى ماڭىزدى يدەياسى جاڭا داۋىردەگى پارتيانىڭ جاستار قىزمەتىن جاقسى ىستەۋگە العا باسۋ بەتالىسىن كورسەتتى. پارتيا 19 - قۇرىلتايىندا العا قويىلعان جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋ ايبىندى جوباسىن جۇزەگە اسىرۋدا زامانىمىزدىڭ جاستارى اۋىر مىندەت ارقالاپ وتىر. قالىڭ جاستاردىڭ باس شۋجي شي جينپيڭنىڭ ىقىلاستى ءتالىمىن ەستە بەرىك ساقتاپ، قاشاندا مۇرات - سەنىمدى نىعايتىپ، وسكەلەڭ قاسيەتتى كۇش سالا شىڭداپ، قابىلەت - دارىندارىن ۇزدىكسىز ءوسىرىپ، كۇرەس رۋحىن ماڭگى ساقتاپ، جاڭالىق اشۋعا، جاسامپازدىققا باتىل ات سالىسىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ جالىندى كۇشى بولىپ، جاڭا ءداۋىردىڭ جاستىق ورال جىرىن اسقاقتاتۋىن ءۇمىت ەتەمىن.

  جۇڭحۋا مەملەكەتتىك باس جۇمىسشى ۇيىمى پارتيا باسشىلىق گرۋپپاسىنىڭ شۋجيى، شۋجيچۋىنىڭ ءبىرىنشى شۋجيى لي يۇيفۋ جۇڭحۋا مەملەكەتتىك باس جۇمىسشى ۇيىمى، جۇڭحۋا مەملەكەتتىك ايەلدەر بىرلەستىگى، جۇڭگو ادەبيەت - كوركەمونەرشىلەر بىرلەستىگى، جۇڭگو جازۋشىلار قوعامى، جۇڭگو عىلىم - تەحنيكا قوعامى، جۇڭحۋا مەملەكەتتىك ەلگە ورالعان جۇڭگولىق مۇھاجىرلار بىرلەستىگى، جۇڭحۋا مەملەكەتتىك تايۋاندىق باۋىرلاستار بىرلەسكەن دوستىق قوعامى، جۇڭحۋا مۇگەدەكتەر بىرلەستىگى اتىنان قۇرىلتايعا ارناپ قۇتتىقتاۋ ءسوزىن سويلەدى. قۇتتىقتاۋ سوزىندە بىلاي دەپ اتاپ كورسەتىلدى: بۇقارالىق توپتار، ۇيىمدار ءوز باسىمدىقتارىن ساۋلەلەندىرىپ، ءوزارا قولداۋدى كۇشەيتىپ، ىنتىماق پەن سەلبەستىكتى نىعايتىپ، جاڭا داۋىردەگى پارتيانىڭ بۇقارالىق ۇيىمدار ءىسىنىڭ جاڭا داستانىن بىرگە جازۋى كەرەك.

  حى جۇنكى كوممۋنيستىك جاستار وداعى مەملەكەتتىك 17 - كەزەكتى ورتالىق كوميتەتى اتىنان «شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ ايبىندى جاستىق ورال داستانىن قۇلشىنا جازايىق» دەگەن تاقىرىپتا بايانداما جاسادى. بايانداما مىناداي 8 ءبولىمدى قامتيدى: جاڭا داۋىرگە وتكەن جۇڭگو جاستارى مەن كوممۋنيستىك جاستار وداعى؛ مەملەكەتتى قۇدىرەتتەندىرۋ داۋىرىندەگى جاستاردىڭ تاريحي بورىشى؛ شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن كوممۋنيستىك جاستار وداعى قىزمەتىنە ءبىر تۇتاس باسشىلىق ەتۋ؛ ۇلتتىڭ گۇلدەنۋى ۇلى مىندەتىن ۇستىنە الاتىن داۋىرلىك جاڭا ادامداردى جەتىلدىرۋ؛ جاستىق ورالدىڭ جاڭا داۋىرگە ەسە قوسۋى؛ جاستاردىڭ دامۋىن كۇش سالا جەبەۋ؛ كوممۋنيستىك جاستار وداعى رەفورماسىندا تاعى ساپارعا اتتانۋ؛ وداقتى جاپپاي قاتاڭ جونگە سالۋ.

  ج ك پ ورتالىق كوميتەتى شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار قۇرىلتايعا قاتىناستى.

  ورتالىق پەن مەملەكەت ورگاندارىنىڭ قاتىستى تاراۋلارىنداعى، حالىقتىق توپتارداعى، بەيجيڭ قالاسىنداعى جاۋاپتى جولداستار، بەيجيڭدە زەينەتكە شىققان كەزىندە كوممۋنيستىك جاستار وداعى ورتالىق كوميتەتىنىڭ شۋجيچۋىندا قىزمەت ىستەگەن ءىشىنارا باسشى جولداستار، استاناداعى ءار ۇلت، ءار سالاداعى وداق مۇشەلەرى مەن جاستاردىڭ ۋاكىلدەرى قۇرىلتايدىڭ اشىلۋ سالتىنا قاتىناستى.


 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ