<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ارناۋلى تاقىرىپ>>ۇلتتار ىنتىماعىنىڭ بەرەكەلى شاڭىراعى

«تۋىسىمىزدىڭ جاقسىلىعىن استە ۇمىتپايمىز»

ءتىلشىمىز ماقسات قيزات ۇلى

كەلۋ قاينارى : شينجياڭ گازەتى سايتى

كوكتەمنىڭ اسپانى قانداي اشىق بولسا، جاس جىگىت وركەننىڭ قاباعى دا سونداي كوتەرىڭكى، ول قۋانىشى قوينىنا سيماي ۇيىنە ولەڭدەتە جەتتى. ۇلىنىڭ ولەڭدەتە جەتكەنىن كورگەن اناسى تاڭ - تاماشا بولدى.

  ءانىڭ ءتاۋىر عوي بالام، قىزمەت ورنىڭ دەمالىسقا تاراتتى ما؟

  − مەنى بۇگىن قوس قۋانىش قارسى الدى، ءبىرى، دەمالىسقا تارادىم، ەندى ءبىرى، قولىما ەڭبەكاقىم ءتيدى، ول ءسىز ويلاعانداي از اقشا ەمەس، اناشىم، - دەپ وركەن اناسىنا جىميا قارادى.

  ءيا، ۇلىم، قۋانىشىڭ ۇزاعىنان ءسۇيىندىرسىن، باقىت − بەرەكە - بىرلىگى جاراسقان وتباسىنا قونادى ەمەس پە، وسىنىڭ ءبارى بەرەكەنىڭ ۇيتقىسى بولعان شيحۋ قالالىق باس جۇمىسشى ۇيىمىنىڭ ءتوراعاسى يۇي ليڭنىڭ ارقاسى عوي، ول كىسىنى قۇرمەتتەۋگە ءتيىسپىز ۇلىم، بىزگە وسىنداي تۋىستى تاۋىپ بەرگەن پارتيا مەن ۇكىمەتكە العىس ايتۋىمىز كەرەك.

  − دۇرىس ايتاسىڭ شەشە، بارلىعى دا دانا پارتيا مەن قامقورشى ۇكىمەتتىڭ ارقاسىندا ىسكە اسىپ جاتىر ەمەس پە، «ۇلتتار ىنتىماعىنىڭ بەرەكەلى شاڭىراعى» قيمىلىنىڭ كەڭ ەتەك جايعانى نەگىزگى ساتىداعى تۇرعىندارعا ءتيىمدى بولدى، ءبىز وسىنىڭ ارقاسىندا يۇي ليڭ اپەكەمىزبەن تانىستىق، سول كىسى عوي مەنى شيحۋ قالالىق كاسىپتىك مەكتەپكە جەتەكتەپ اپارىپ رەمونتشىلىق ۇيرەتكىزىپ، سول جەردە جۇمىسشى بولۋعا تاربيەلەگەن. مەكتەپتەگى ۇستازدارىم «تۋىسىڭ مەيىرىمدى دە جومارت جان ەكەن، تۋىسىڭنىڭ تىلەگىن جەردە قالدىرما، ءبىز دە ساعان قولىمىزدان كەلگەنشە كومەك جاسايمىز، ءبىز ءبىر ءۇيدىڭ بالاسىنداي ءومىر كەشكەندە عانا، تابىسقا جەتە الامىز» دەپ قۇلاعىما قۇيىپ وتىرادى. مەكتەپ وسى جولى 3000 يۋان ەڭبەكاقى بەردى، «ەڭبەگىڭ اشتى بولسا، تاتقانىڭ ءتاتتى» بولادى دەگەن، جالعاستى قۇلشىنا ىستەۋگە سەرت بەرەمىن. تۋىسىمدى دا، سىزدەردى دە قۋانتۋعا دايىنمىن.

  − وي، جارايسىڭ ۇلىم، مىنە، ەرجەتىپ اناڭنىڭ ءۇمىتىن اقتاعانىڭ وسى. سەندەر جۇڭحۋا ۇلتىنىڭ جىگەرلى دە ۇجداندى ۇل - قىزدارىسىڭدار، وتان سەندەردەن زور ءۇمىت كۇتەدى. پارتيا بىزگە جۇرەگى جىلى تۋىس تاۋىپ بەردى. ول كىسى قارىنداسىڭ ءمادينانى دا توقىماشىلىق فابريكاسىنا جۇمىسشىلىققا ورنالاستىردى. ءبىزدىڭ وتباسىمىزدىڭ جاعدايىن وڭاۋعا ءبىر كىسىدەي ات سالىستى. مىنە قازىر ءبىر ۇيدە ەكى ازامات قىزمەت تاۋىپ، وتباسىنىڭ كىرىسىن ارتتىرىپ وتىرسىڭدار، وسىدان وتكەن باقىت بار ما، باقىت − باردى باعالاۋ ەمەس پە، ءبىز تۋىسىمىزدىڭ جاقسىلىعىن استە ۇمىتپاۋىمىز كەرەك.

  − قازىر تۇرمىسىمىز جىلدان - جىلعا جاقسارىپ كەلەدى. اسىرەسە، پارتيانىڭ 19 - قۇرىلتايى اشىلعاننان كەيىن تۇرمىسىمىزدا تىڭ وزگەرىستەر جارىققا شىقتى. حالىقتى كەدەيلىكتەن قۇتىلدىرۋ باستى بەتالىس ەتىلدى. مەن دە سول كەدەيلىكتەن قۇتىلعان بۇقارانىڭ بىرەۋىمىن دەسەم دە بولادى، تۋىسىمنىڭ ارقاسىندا ونەر يگەردىم، قىزمەت تاپتىم، مەن ەشقاشان پارتيانىڭ جاقسىلىعىن ۇمىتپايمىن، پارتياعا العىس ايتامىن.

  جىلى شۋاقتى مامىردىڭ دەمالىسىندا شيحۋ قالاسىنىڭ ۋىنجيڭلۋ الەۋمەتتىك اۋماعىندا تۇراتىن انالى - بالالى تۇردىقان مەن وركەن شۇيىركەلەسە اڭگىمە سوقتى، بۇلاردىڭ اڭگىمەسىنىڭ اۋانى كوبىندە قالالىق باس جۇمىسشى ۇيىمنىڭ ءتوراعاسى يۇي ليڭگە اۋدى.

  يۇي ليڭ ماقتاسا ماقتاعانداي جان ەدى، ول تۇردىقان قاقان قىزىمەن تۋىس بولعالى كومەگىن اياپ كورگەن جوق. تۇردىقانمەن ءوزىنىڭ اپەكەسىندەي سىرلاستى. ول تۇردىقانعا تۇرمىستا عانا ەمەس، رۋحاني جاقتان دا دەمەۋ بولا ءبىلدى. تۇردىقاننىڭ جۇبايى سەرىك كوپ جىل بۇرىن اۋرۋدان قايتىس بولىپ كەتكەن بولاتىن، تۇردىقان بالالارىن ماپەلەپ ءوسىردى، ءبىر ايەل زاتى ءۇشىن وتباسىنىڭ بارلىق جۇگىن كوتەرۋ وڭاي ەمەس، بۇل كۇندە تۇردىقاننىڭ دەنساۋلىعى تىم شىركىن - اي ەمەس، ءالسىن - ءالى شيپاحاناعا جاتىپ قالادى. يۇي ليڭ تۇردىقاننىڭ وتباسىلىق جاعدايىن ۇققاننان كەيىن، وعان كومەكتەسۋگە بەل بۋىپ، بالالارىن كاسىپتەندىرۋگە بەكىدى. بۇل كۇندە تۋىستاردىڭ باسى قوسىلسا، اڭگىمەسى تاۋسىلمايدى. يۇي ليڭ تۇردىقانعا پارتيانىڭ ابزال ساياساتتارى جايىندا كوپ تولعايدى. تۇردىقان دا يۇي ليڭنىڭ قاسىنان ءۇيىرىلىپ شىقپايدى، «تۋىسىم بىزگە كوپ جاردەمدەستى، جاقسىلىعىن ەشقاشان ۇمىتپايمىز»، - دەيدى تۇردىقان تۋىسىنا ءتانتى بولىپ.

  «مەن ءوزىم ءبىر پارتيالى كادرمىن، حالىقپەن ەتەنە بولىپ، حالىق جاعدايىن ۇعىسىپ، حالىقپەن جۇرەك توعىستىرۋ باستى مىندەتىم، پارتيا 19 - قۇرىلتايىنىڭ رۋحى ءبىزدى بيىككە جەتەلەيدى. مەن پارتيانىڭ ابزال ساياساتىن ءارقاشان دا نەگىزگى ساتىداعى بۇقاراعا جەتكىزۋگە قۇلشىنامىن. تۇردىقانمەن تۋىس بولعالى دا ءبىر جىلدىڭ ءجۇزى بولىپ قالدى. مەن ونىڭ بالالارىن ءوز بالالارىمداي كورىپ كەتتىم، قولىمنان كەلگەن كومەگىمدى ايامادىم، ول دا ءبىر جانى ىزگى اسىل جان، ۇيىنە بارسام بايەك بولىپ قارسى الادى. كوڭىلىمىز كوتەرىلىپ، جانىمىز جادىراپ قالادى. ءبىز بەرەكەنى ۇيتقى ەتىپ العا باسىپ كەلەمىز. قوعام ورنىقتىلىعى مەن باياندى تىنىشتىقتى قورعاۋ ءبىزدىڭ بورىشىمىز، وتان ءۇمىتىن اقتاۋ − كادرلار مەن بۇقارانىڭ ورتاق مىندەتى. مەن تۋىسىممەن ءبىر جەڭنەن قول، ءبىر جاعادان باس شىعارىپ، جۇڭگو ارمانىن جۇزەگە اسىرۋعا ۇلەس قوسامىن»، - دەدى تۇردىقاننىڭ تۋىسى يۇي ليڭ.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ