<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ىلە حابارلارى

وبلىستىق پارتكوم 2018 – جىلعى 17 – رەتكى تۇراقتى مۇشەلەر(كەڭەيتىلگەن) ءماجىلىسىن جانە نازاريا ۇيرەنۋ وزەكتى گرۋپپاسىنىڭ 10 – رەتكى توپتىق ۇيرەنۋىن وتكىزدى

 

كەلۋ قاينارى: ىلە اقپارات سايتى

  ورتالىقتىڭ، اۆتونوميالى رايوننىڭ قاتىستى ماجىلىستەرىنىڭ رۋحىن ۇيرەندى، اۆتونوميالى وبلىستىڭ قاتىستى قىزمەتتەرىن كەڭەستى، ورنالاستىردى

    ءتىلشىمىز لي شين–ان حابارلايدى. وبلىستىق پارتكوم 6–ايدىڭ 25–كۇنى تۇستەن كەيىن 2018–جىلعى 17–رەتكى تۇراقتى مۇشەلەر (كەڭەيتىلگەن) ءماجىلىسىن جانە نازاريا ۇيرەنۋ وزەكتى گرۋپپاسىنىڭ 10–رەتكى توپتىق ۇيرەنۋىن وتكىزىپ، باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جانە اۆتونوميالى رايوندىق پارتكومنىڭ ماڭىزدى بەكىتۋىنىڭ رۋحىن، سونداي–اق ورتالىقتىڭ، اۆتونوميالى رايوننىڭ قاتىستى قۇجاتتارىنىڭ رۋحىن ۇيرەندى، اۆتونوميالى وبلىستىڭ قاتىستى قىزمەتتەرىن كەڭەستى، ورنالاستىردى.

    وبلىستىق پارتكومنىڭ شۋجيى جاۋ تيانجيە ءماجىلىستى باسقاردى ءارى ءسوز سويلەدى.

    وبلىس باسشىلارىنان لي جيانگو، ابدۇسالام سادىق، شى گاڭ، ليۋ شينلي، پان داۋجين، شۇي شۇي، پارحات ءسايدي، ليۋ جيانگو، كۇلان سەيپىلقان قىزى، لي شينجۇن، گاۋ تيانشان ماجىلىسكە جانە ۇيرەنۋگە قاتىناستى.

    ماجىلىستە باس شۋجي شي جينپيڭنىڭ چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ جونىندەگى اڭگىمە ماجىلىستە سويلەگەن ماڭىزدى ءسوزى جەتكىزىلدى جانە ۇيرەنىلدى.

    ماجىلىستە مىنالار تالاپ ەتىلدى: ساياسي تۇرعىنى جوعارىلاتۋدا تىڭ دامۋ تانىمىن دايەكتىلەندىرۋ، جوعارى ساپالى دامۋدى ىلگەرىلەتۋ، جاپپاي دوڭگەلەك داۋلەتتى قوعام قۇرۋ جانە «جەر ۇيىعى» _ جاڭا ىلە قۇرۋ تۇرعىسىندا تۇرىپ، باس شۋجي شي جينپيڭنىڭ چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ جونىندەگى اڭگىمە ماجىلىسىندە سويلەگەن ماڭىزدى ءسوزىنىڭ كەلەلى ءمانىن تولىق تانىپ، ىرىقتىلىقپەن ساپ تۇزەۋ كەرەك. ورتالىقتىڭ، اۆتونوميالى رايوننىڭ جانە اۆتونوميالى وبلىستىڭ ەكولوگيالىق ورتانى قورعاۋ جونىندەگى ماجىلىستەرىنىڭ رۋحىن دايەكتى تياناقتاندىرۋمەن ۇشتاستىرىپ، تاۋ، وزەن، ورمان، ەگىستىك جەر، كول، جايىلىم _ تىرشىلىكتىڭ ورتاق تۇلعاسى دەگەن جۇيەلى يدەيانى بەرىك ورناتىپ، «ۇلەستى بۇلداماۋ» كوزقاراسىمەن جانە «ءسوزسىز ۇلەس قوسۋ» جاۋاپكەرلىگىمەن ەكولوگيالىق وركەنيەت ءتۇزىلىس مەحانيزمى رەفورماسىن تەرەڭدەتىپ، جاسىل دامۋدى جەتەكشى ەتكەن تەكسەرۋ–باعالاۋ جۇيەسىن كەمەلدەندىرىپ، ەكولوگيانى قورعاۋدىڭ قىزىل شەگى، ورتا ساپاسىنىڭ تومەنگى شەگى، بايلىقتان پايدالانۋدىڭ جوعارى سىزىعى جانە ورتاعا كەرى ىقپال تىزىمدىگى سىندى «ءۇش شەك، ءبىر تىزىمدىك» ءتۇزىمىن قاتاڭ اتقارىپ، «ءۇش كورسەتكىشى جوعارى» نىساننىڭ ىلەگە كىرۋىن قاتاڭ تەجەپ، ەكولوگيالىق قۇرىلىس پەن ورتانى جونگە سالۋدى كۇشەيتىپ، كوك اسپاندى، تۇنىق سۋدى، تازا جەردى قورعاۋ شايقاسى، اۋىل–قىستاقتىڭ قونىستانۋ ورتاسىن رەتتەۋ–وڭاۋ قيمىلى سىندى 4 «بەلگى سيپاتتى كەلەلى شايقاستى» ويداعىداي جۇرگىزىپ، اسپانى كوك، جەرى جاسىل، سۋى تۇنىق كورىكتى ىلە قۇرۋعا قۇلشىنۋ كەرەك.

  ماجىلىستە باس شۋجي شي جينپيڭنىڭ كەدەيلىكتەن قۇتىلدىرۋدان قامال الۋ قىزمەتى جونىندەگى ماڭىزدى بەكىتۋى مەن اۆتونوميالى رايوندىق پارتكومنىڭ ماڭىزدى بەكىتۋى جەتكىزىلدى.

    ماجىلىستە بىلاي دەپ اتاپ كورسەتىلدى: بۇكىل وبلىستاعى ءار دارەجەلى پارتيا، ۇكىمەت ورىندارى باس شۋجي شي جينپيڭنىڭ كەدەيلىكتەن قۇتىلدىرۋدان قامال الۋ قىزمەتى جونىندەگى ماڭىزدى نۇسقاۋى مەن اۆتونوميالى رايوندىق پارتكومنىڭ ماڭىزدى بەكىتپە نۇسقاۋىنىڭ رۋحىن مۇقيات ۇيرەنىپ، يگەرىپ، باس شۋجي شي جينپيڭنىڭ كەدەيلەردى سۇيەمەلدەۋ، وركەندەتۋ ستراتەگيالىق يدەياسىن جەتەكشى ەتىپ، يدەيالىق تانىمدى ونان ارى تەرەڭدەتىپ، ۇيىمدىق باسشىلىقتى ونان ارى كۇشەيتىپ، نىسانا–مىندەتتەردى ونان ارى ايقىنداپ، ءتۇيىندى شارالاردى قايتالاي تياناقتاندىرۋ، بەلگى بەرىلمەي تۇرىپ تۇرا جۇگىرمەۋ ءارى سوڭىندا دا قالماۋ، ولشەمدى تومەندەتىپ ساپاعا ىقپال جەتكىزبەۋ ءارى ولشەمدى تىم جوعارىلاتىپ قالىپتان اسىرىپ جىبەرمەۋ، كەدەيلىكتەن قۇتىلدىرۋدان قامال الۋ نىسانا–مىندەتتەرىنىڭ ۋاعىندا ورىندالۋىنا شىنايى كەپىلدىك ەتۋى كەرەك.

    ماجىلىستە بىلاي دەپ اتاپ كورسەتىلدى: بۇكىل وبلىستاعى ءار دارەجەلى پارتيا ۇيىمدارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋدى ۇزاق ۋاقىتتىق ماڭىزدى ساياسي مىندەت ەتىپ، ونى «ەكىنى ۇيرەنۋ، بىردە تولىمدى بولۋ» ۇيرەنۋ –تاربيەسىمەن جانە «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق تاربيەسىمەن ۇشتاستىرا ىلگەرىلەتىپ، پارتيالى كادرلاردى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن قاز–قالپىندا مۇقيات ۇيرەنۋگە ۇيىمداستىرىپ، «شي جينپيڭنىڭ جاڭا ءداۋىر جۇڭگوشا سوتسياليزم يدەياسى جونىندەگى 30 لەكسيا» سىندى وسى ماڭىزدى قوسىمشا وقۋلىقتى ويداعىداي پايدالانىپ، وي–سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋى كەرەك.ماجىلىستە مىناۋ تالاپ ەتىلدى: ءار دارەجەلى باسشى كادرلار ءوزى ۇلگى بولىپ، ەڭ الدىمەن ونەگە كورسەتىپ، ۇيرەنۋ، ۇگىتتەۋدىڭ ۇيىمداستىرۋشىسى، اتسالىسۋشىسى، باستاماشىسى بولۋى ءتيىس. ءار دارەجەلى ۇيىمداستىرۋ تاراۋلارى، پارتيا مەكتەپتەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن كادرلاردى تاربيەلەۋدىڭ ەڭ ماڭىزدى قىزمەتى رەتىندە يگەرىپ، ونى تاربيەلەۋ جوسپارى مەن وقىتۋ بارىسىنا جاپپاي ەنگىزىپ، ءتۇيىندى كلاستاردى ويداعىداي اشىپ، ءتۇرى، دارەجەسى بويىنشا كادرلاردى نازاريالىق جاقتان قارۋلاندىرۋى كەرەك. ءار دارەجەلى ۇگىت تاراۋلارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇگىتتەۋ، ءتۇسىندىرۋ قىزمەتىن ۇزدىكسىز ورىستەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ كاسىپورىندارعا، اۋىل – قىستاقتارعا، ورگاندارعا، مەكتەپ اۋلاسىنا، الەۋمەتتىك اۋماققا، اسكەري كازارماعا، توراپقا بەتالۋىن ىلگەرىلەتۋى كەرەك. ءار دارەجەلى نەگىزگى ساتى پارتيا ۇيىمدارى مەن «ۇعىسۋ، تيىمدىلىك جاساۋ، توعىستىرۋ» قىزمەتى بويىنشا قىستاقتا تۇراتىن قىزمەت اترەتتەرى سياقتى نەگىزگى ساتى قىزمەت كۇشتەرى وزىندىك ۇيرەنۋدى ويداعىداي يگەرۋمەن بىرگە، حالىق بۇقاراسىمەن بەلسەنە ارالاسىپ، ۇگىت – لەكسيا قىزمەتىن ويداعىداي ىستەپ، پارتيانىڭ ەڭ جاڭا نازاريالىق تابىستارىمەن حالىق بۇقاراسىن قارۋلاندىرىپ، جۇرت تىلەگىن توعىستىرۋدى ىلگەرىلەتۋى كەرەك.

 ماجىلىستە ورتالىق كوميتەت كەڭسە مەڭگەرمەسىنىڭ «پارتكومداردىڭ (پارتيا ۇيىمى) مەملەكەت حاۋىپسىزدىگى جاۋاپكەرلىك ءتۇزىمى جونىندەگى بەلگىلەمەسى» مەن اۆتونوميالى رايوندىق پارتكوم كەڭسە مەڭگەرمەسىنىڭ مەملەكەت حاۋىپسىزدىگى جاۋاپكەرلىگى ءتۇزىمىن تياناقتاندىرۋ جونىندەگى قاتىستى تالاپتارى جەتكىزىلىپ جانە ۇيرەنىلگەننەن كەيىن مىناۋ اتاپ كورسەتىلدى: تۇتاس وبلىستاعى ءار دارەجەلى باسشى كادرلار مەملەكەت حاۋىپسىزدىگى تانىمىن شىنايى ارتتىرىپ، باس نىسانانى تىعىز توڭىرەكتەپ، ءبىر جاقتان كەزەكتەگى جاعدايدى مىقتى يگەرىپ، ەندى ءبىر جاقتان بولاشاقتى جوسپارلاۋدا تاباندى بولىپ، ساياسي حاۋىپسىزدىك، ەكونوميكالىق حاۋىپسىزدىك، قوعامدىق حاۋىپسىزدىك، توراپ حاۋىپسىزدىگى سياقتى ءتۇيىندى سالالاردىڭ حاۋىپسىزدىك قىزمەتىن مىقتى يگەرۋدى كورنەكتىلەندىرىپ، قىزمەت جاۋاپكەرلىگىن ويداعىداي ادا ەتىپ، جاۋاپكەرلىكتى باتىلدىقپەن ارقالاپ، جاۋاپكەرلىگىن شىنايى ادا ەتىپ، تياناقتاندىرۋدى مىقتى يگەرۋى كەرەك. پارتكوم (پارتيا ۇيىمى) شۋجيلارى ءبىرىنشى جاۋاپتى ادامنىڭ جاۋاپكەرلىگىن مۇقيات ادا ەتۋى، ءار دارەجەلى مەملەكەت حاۋىپسىزدىگى كەڭسەسى، ءتارتىپ تەكسەرۋ، باقىلاۋ – تەكسەرۋ كوميتەتتەرى، ۇيىمدار مەن ساياسي – زاڭ تاراۋلارى مەملەكەت حاۋىپسىزدىگى جاۋاپكەرلىك ءتۇزىمىن مۇقيات تياناقتاندىرىپ، حابارلاندىرۋعا ءتيىستىسىن حابارلاندىرىپ، اڭگىمەلەسۋگە تيىستىلەرىمەن اڭگىمەلەسىپ، جاۋاپكەرلىگىن قۋزاستىرۋعا تيىستىلەرىن قاتاڭ قۋزاستىرۋى كەرەك.

    ماجىلىستە اۆتونوميالى رايوننىڭ ءوندىرىس حاۋىپسىزدىگىنە قاتىستى قۇجاتتارىنىڭ رۋحى جەتكىزىلدى جانە ۇيرەنىلدى، اۆتونوميالى وبلىستىڭ ءوندىرىس حاۋىپسىزدىگى قىزمەتى جونىندە زەرتتەۋ جۇرگىزىلىپ، ورنالاستىرۋ جاسالدى.

    ماجىلىستە مىنالار باسا دارىپتەلدى: كەزەكتە وبلىسىمىزدىڭ ءوندىرىس حاۋىپسىزدىگى جاعدايى ۇزدىكسىز جاقسارۋدا. دەسەدە، وبلىسىمىزدىڭ ءوندىرىس حاۋىپسىزدىگى جاعدايىنىڭ ءالى دە كۇردەلى ەكەنىن سەرگەكتىكپەن تانىپ جەتۋىمىز كەرەك. ءار دارەجەلى ورىندار مەن تاراۋلار قىزمەت جاۋاپكەرلىگىن اناعۇرلىم كۇشەيتىپ، رەفورما جاساپ، جاڭالىق اشۋدى ىلگەرىلەتىپ، شارالاردىڭ تياناقتانۋىن مىقتى يگەرىپ، ءوندىرىس حاۋىپسىزدىگى قىزمەتىن مىقتى يگەرۋدى نازاردى باس نىساناعا شوعىرلاندىرۋدىڭ تۇلعالىق بەينەلەنۋى ەتىپ، اۋىر، ەرەكشە، ءىرى شىرعالاڭداردىڭ تۋىلۋىنان باتىل ساقتانۋ جانە ونى تەجەۋ كەرەك. قازىر ساياحاتتىڭ قاۋىرت مەزگىلى، ونىڭ ۇستىنە وقۋشىلاردىڭ كانيكۋلعا تارايتىن مەزگىلى دە تاياپ قالدى. ءار دارەجەلى ورىندار مەن تاراۋلار، ءسوزسىز، وسكەلەڭ قىراعىلىقتى ساقتاپ، حاۋىپسىزدىك كىناراتتارىن تەكسەرۋ – اداقتاۋدى مىقتى يگەرىپ، شۇعىل جاعدايعا توتەپ بەرۋ جوباسىن كەمەلدەندىرىپ، ساقتىق شارالارىن تياناقتاندىرىپ، ءتۇرلى حاۋىپتى، ورنىقسىز فاكتورلاردى اۋەل باستان الاستاپ، حالىق بۇقاراسىنىڭ ءومىرى مەن مال – مۇلىك حاۋىپسىزدىگىنە كەپىلدىك ەتۋ كەرەك.

   ماجىلىستە اۆتونوميالى وبلىستىڭ پارتيا قۇرىلعاندىعىنىڭ 97 جىلدىعىن قۇتتىقتاۋعا قاتىستى قيمىلداردى ورنالاستىرۋ جاعدايىنان جاسالعان دوكلاد تىڭدالدى جانە باسقا دا ىستەر كەڭەسىلدى.

    وبلىس باسشىلارىنان تۇڭ رۇيچيڭ، ءرازيا ابىلەز، تالعات ءتالىم ۇلى، جۇمان بارشابەك ۇلى، سۇن پىڭ، جاڭ جۇي، گاۋ چي، ەلشات تۇرسىناي ۇلى، جاڭ ميڭحۋا، ابليكىم نۇرانبەك، ليۋ كىحۋا، گۇلبارشىن سەرىكباي قىزى، ليۋ چيڭحۋا قاتارلىلار ماجىلىسكە جانە ۇيرەنۋگە قاتىناستى.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ