<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ىلە حابارلارى

اۆتونوميالى وبلىس اۋىل – قىستاق مەكتەپتەرىنىڭ ورەندەر سارايى قۇرىلىسى نىسانىن ىلگەرىلەتۋ ءماجىلىسىن اشتى

كەلۋ قاينارى: ىلە اقپارات سايتى

   ءتىلشىمىز حۋاڭ يان حابارلايدى. 6 – ايدىڭ 23 – كۇنى اۆتونوميالى وبلىستىڭ 2018 – جىلعى اۋىل – قىستاق مەكتەپتەرىنىڭ ورەندەر سارايى قۇرىلىسى نىسانىن ىلگەرىلەتۋ ءماجىلىسى قورعاس اۋدانىندا اشىلدى، وبلىستىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى گاۋ تيانشان ماجىلىسكە قاتىناستى.

    ماجىلىستە مىناۋ اتاپ كورسەتىلدى: اۋىل – قىستاق مەكتەپتەرىنىڭ ورەندەر سارايى _ اۋىل – قىستاقتاعى ءار ۇلت ورەندەرىنىڭ ارالاسۋ، توعىسۋ، ىشتەسۋىندەگى ماڭىزدى تەكشەسى ءارى يدەيا – ءمورال جانە يدەولوگيا سالاسى قۇرىلىسىندا، سونداي – اق ورەندەردىڭ كوڭىلدى ەرجەتۋىندە كەم بولسا بولمايتىن ماڭىزدى بازا، سوندىقتان دا بۇل قۇرىلىستى كۇشەيتۋ توتەنشە ماڭىزدى مانگە يە. ءارقايسى اۋدان – قالالار اۋىل – قىستاق مەكتەپتەرىنىڭ ورەندەر سارايىن ويداعىداي سالۋدى، ودان ويداعىداي پايدالانۋدى، ونى ويداعىداي باسقارۋدى ءتۇيىندى قىزمەت رەتىندە مىقتى ۇستاپ، «كوڭىلدىلىك ارقىلى اقىل – پاراساتتى جەبەۋ، عىلىم – تەحنيكا ارقىلى ىسكەرلىكتى جەبەۋ، احلاق ارقىلى ادام تاربيەلەۋدى» نىسانا ەتىپ، اۋىل – قىستاق مەكتەپتەرى ورەندەر سارايى قيمىلىن قامال الۋ ءتۇيىنى ەتىپ، اۋىل – قىستاقتاعى ازامات جاسىنا تولماعانداردىڭ دۇنيەگە، ومىرگە، قۇنعا دۇرىس كوزقاراس ورناتۋىنا كومەكتەسىپ، ولاردىڭ جالپى تۇلعالىق ءمورال ساپاسىن جوعارىلاتۋ؛ جەر – جەردىڭ ەرەكشەلىگى مەن مەكتەپتەردىڭ جارقىن ءتۇيىنىن ۇزدىكسىز كورنەكتىلەندىرىپ، جەرگىلىكتى ورىننىڭ بايلىق قاينارىن اشىپ، «ءبىر مەكتەپتە ءبىر ماركا، ءبىر سارايدا ءبىر ەرەكشەلىك بولۋدى» جۇزەگە اسىرۋ؛ قازىرگى مەكتەپ ءىشى – سىرتىنداعى تاربيە قاينارىن بىرىكتىرىپ، قوعامدىق كۇشتەردى اۋىل – قىستاق مەكتەپتەرىنىڭ ورەندەر سارايى قۇرىلىسىنا اتسالىسۋعا باستاۋ كەرەك.

    ماجىلىستە قورعاس اۋدانى، تەكەس اۋدانى سياقتى ورىندارداعى نىسان قۇرىلىسىن سالىپ بولعان مەكتەپتەر مەن نىساندى جاڭادان باستاپ سالعان مەكتەپتەردىڭ ۋاكىلدەرى پىكىر الماستىردى.

    ۇعىسۋىمىزشا، 2011 – جىلدان بەرى ورتالىقتىڭ سيلىقتى بەلەت ارناۋلى الەۋمەتتىك يگىلىك قورى 10 ميلليون يۋانعا جۋىق قارجى قوسىپ، وبلىسىمىزدىڭ اۋىل – قىستاق مەكتەپتەرىندە ورەندەر سارايىنان 40 ىن سالۋىنا قولداۋ كورسەتكەن، بۇل 8 اۋدان، 2 قالاداعى 50 مىڭنان استام اۋىل – قىستاق ورەندەرىن قامتىعان. كەزەكتە قورعاس اۋدانىنىڭ اۋىل – قىستاقتارىندا ورەندەر سارايىنان 5 ى سالىنىپ بولعان، اۋداندىق ورەندەر سارايىنا ەرىكتى قىزمەت وتەۋشىلەر قوسىنى پارتيا مۇشەلەرىنەن، كادرلاردان، حالىق اراسىنداعى ونەرپازداردان قۇرام تاپقان، وقىتۋشىلار سانى 28 گە جەتكەن، مۋزىكا كلاسى، ءتىل تاقتا كلاسى، قاعاز ويما كلاسى سياقتى 31 قوعامدىق ۇيىم قۇرىلعان، بۇل قىستاق دارەجەلى ورىندارداعى وقۋشىلاردىڭ ساباقتان سىرتقى مادەني تۇرمىسىن ۇزدىكسىز بايىتىپ، تاماشا ونىمدىلىككە قول جەتكىزگەن.

    ماجىلىسكە قاتىناسقاندار قورعاس اۋدانىنىڭ كۇرە قالاشىعىنداعى زىشۇي ورتا مەكتەبىنە، ءسۇيدىن قالاشىعىنىڭ سەنترلى مەكتەبىنە بارىپ ورەندەر سارايىن ەكسكۋرسيالاپ، بۇل اۋداننىڭ اۋىل – قىستاق مەكتەپتەرىنىڭ ورەندەر سارايى قۇرىلىسىنىڭ جالپى جاعدايىن، ەرەكشەلىگى مەن جارقىن ءتۇيىنىن مۇقيات ۇعىستى.

 «قاپاق پريما قوعامىنىڭ قيمىلىنا قاتىناسقانىما توتەنشە قۋانىشتىمىن، ۇيىمدەگىلەرگە، دوستارىما قاپاق پريمامەن مۋزىكا شالىپ بەرگەنىمدە ولار قاتتى قۋانادى، بۇل مەنىڭ سەنىمىمدى كۇشەيتتى»، - دەدى كۇرە قالاشىعى زىشۇي ورتا مەكتەبى 5 – جىلدىق 2 – كلاسىنىڭ وقۋشىسى ءاليدا يۇسۇپالى.

« ورەندەر سارايىندا كىشكەنتاي حايۋاناتتار باقپاقشىمىز، گٷل – ءشوپ ەكپەشىلىگى دە ورەندەر سارايىنىڭ وقىتۋ كولەمىنە كىرەدى، شاعىن كولەمدەگى حايۋاناتتار باقشاسىن، وسىمدىكتەر باقشاسىن قۇرۋ وقۋشىلاردىڭ ءوز قولدارىمەن ىستەپ، قاداعالاي كۇزەتىپ، ۇڭىلە زەرتتەۋ جۇرگىزۋىنە مۇمكىندىك جاراتىپ، وقۋشىلاردىڭ عىلىم جالپىلاستىرۋ ءبىلىمى ورەسىن جوعارىلاتىپ، ۋنيۆەرسال ساپاسىن اناعۇرلىم ارتتىردى»، - دەيدى ءسۇيدىن قالاشىعى سەنترلى مەكتەبىنىڭ وقىتۋشىسى جاڭ حۇڭ.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ