<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>اقپارات اۋقىمى>>ىلە حابارلارى

وبلىستىق ۇكىمەت پارتگرۋپپاسىنىڭ نازاريا ۇيرەنۋ وزەكتى گرۋپپاسى 13 – رەتكى توپتىق ۇيرەنۋىن جانە 15 – رەتكى ۇنەمىلىك ىستەر ءماجىلىسىن اشتى

   ءتىلشىمىز حى رۇڭ حابارلايدى. 6 – ايدىڭ 21 – كۇنى وبلىستىق ۇكىمەت پارتگرۋپپاسىنىڭ نازاريا ۇيرەنۋ وزەكتى گرۋپپاسى 13 – رەتكى توپتىق ۇيرەنۋىن جانە 15 – رەتكى ۇنەمىلىك ىستەر ءماجىلىسىن اشىپ، اۆتونوميالى رايوننىڭ قىزمەت ورنالاستىرۋلارى مەن اۆتونوميالى وبلىستىڭ وزەكتى قىزمەتتەرىن توڭىرەكتەي وتىرىپ قاتىستى قىزمەت دوكلادتارىن تىڭدادى ءارى قاتىستى ىستەردى كەڭەسىپ، تاياۋداعى ءتۇرلى قىزمەتتەر جونىندە ناقتى ورنالاستىرۋ جاسادى.

    ءماجىلىستى وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى باسقاردى. وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى ليۋ جيانگو، وبلىستىڭ ورىنباسار باستىقتارى جاڭ جۇي، ەلشات تۇرسىنباي ۇلى، حى پيڭ، ابليكىم نۇرانبەك ماجىلىسكە قاتىناستى.

    وزەكتى گرۋپپا الدىمەن «شي جينپيڭ ەل باسقارۋ جونىندەنىڭ» ءبىر ءبولىم مازمۇندارى، «جەرگىلىكتى پارتيا، ۇكىمەت باسشى كادرلارىنىڭ ءوندىرىس حاۋىپسىزدىگى جاۋاپكەرلىگى ءتۇزىمى بەلگىلەمەسى»، «اۆتونوميالى رايوننىڭ تيجارات، ساۋدا ورتاسىن ساپالىلاندىرۋ جانە جاقسارتۋ جونىندەگى ون ءىرى قيمىل جوباسى» سياقتى مازمۇنداردى ۇيرەندى.

    قۇرماش سىرجان ۇلى ۇيرەنۋدە مىنانى اتاپ كورسەتتى: وبلىسقا توتە قاراستى ءارقايسى تاراۋلار، اۋدان – قالالار «جەرگىلىكتى پارتيا، ۇكىمەت باسشى كادرلارىنىڭ ءوندىرىس حاۋىپسىزدىگى جاۋاپكەرلىك ءتۇزىمى بەلگىلەمەسىن» مۇقيات ۇيرەنۋى ءارى ونى ىشكەرىلەي ۇعىنۋى، «بەلگىلەمەنى» ۇيرەنۋ، ۇگىتتەۋ، دايەكتىلەندىرۋدە الدىمەن، تەرەڭ بويلاپ ۇيرەنىپ، ۇلگىلىك، باستاماشىلىق رول اتقارىپ، «ءبىر جاقتان دامۋدى، ءبىر جاقتان تىنىشتىقتى قورعاۋداي» ساياسي جاۋاپكەرلىكتى باتىل ارقالاۋ كەرەك. قۇرماش سىرجان ۇلى مىنانى اتاپ كورسەتتى:

    «اۆتونوميالى رايوننىڭ تيجارات، ساۋدا ورتاسىن ساپالىلاندىرۋ جانە جاقسارتۋ جونىندەگى ون ءىرى قيمىل جوباسىنىڭ» ورتاعا قويىلۋى ءارقايسى ايماق، وبلىستاردىڭ جاڭاشا دامۋ كوزقاراسىن ورناتۋدى، بۇقارا ريزا بولاتىن قىزمەت وتەۋ ۇلگىسىندەگى ۇكىمەت قۇرۋدى ىشكەرىلەي ورىستەتۋ مىندەتىن اناعۇرلىم ايقىندادى، وبلىسقا توتە قاراستى تاراۋلار، اۋدان–قالالاردىڭ وزىندىك قۇرىلىسىن اناعۇرلىم كۇشەيتىپ، وبلىسقا توتە قاراستى تاراۋلاردىڭ، اۋدان – قالالاردىڭ اتقارۋ قۋاتىن، سەنىمدىلىك قۋاتىن تىڭعىلىقتى جوعارىلاتىپ، ىلەنىڭ ەكونوميكاسى مەن قوعامىنىڭ دامۋى ءۇشىن ءتيىستى ۇلەس قوسۋى كەرەك.

  قۇرماش سىرجان ۇلى ماجىلىستە مىنانى اتاپ كورسەتتى: وبلىسقا توتە قاراستى ءارقايسى تاراۋلار، اۋدان – قالالار سەنىمدى بەكەمدەپ، نازاردى باستان – اياق قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جاۋاپتى تاراۋلاردىڭ ورنىقتىلىق قىزمەتىن مىقتى يگەرىپ، كەزەكتەگى وڭايلىقپەن قولعا كەلمەگەن تاماشا جاعدايدى ۇزدىكسىز بەكەمدەپ، قوعامدىق جالپى جاعدايدىڭ ءۇرتىس ورنىقتىلىعىنا كەپىلدىك ەتۋ كەرەك. قۇرماش سىرجان ۇلى مىنانى تالاپ ەتتى: وبلىستىق ۇكىمەتتىڭ جاۋاپتى باسشىلارى اۆتونوميالى رايوندىق پارتكومنىڭ، ۇكىمەتتىڭ سالالارعا جانە وبلىستىق پارتكومنىڭ ءبىر تۇتاس ورنالاستىرۋىنا ساي، ساياسي دەڭگەيدى جوعارىلاتىپ، «ءۇش ءىرى قامال الۋ شايقاسىنىڭ» ماڭىزدى ءمانىن تولىق تانىپ، بەلسەنە جوسپارلاپ، پارمەندى ىلگەرىلەتىپ، «ءۇش ءىرى قامال الۋ شايقاسىن» باتىل جۇرگىزۋ كەرەك.

    قۇرماش سىرجان ۇلى مىنانى باسا دارىپتەدى: ورنىقتىلىقتى مىقتى ۇستاۋ العى شارتى استىندا، كەزەكتە نەگىزىنەن مىناداي ءۇش ءتۇيىندى قىزمەتتى مىقتى يگەرۋ؛ جىبەك جولى ەكونوميكالىق بەلدەۋىندەگى وزەكتى رايون قۇرىلىسىن، اۋىل – قىستاقتى كوركەيتۋ ستراتەگياسىن، ساياحات كاسىبىن دامىتۋدى مىقتى ۇستاۋ كەرەك؛ ءار دارەجەلى پارتيالى كادرلار دۇرىس ساياسي ناتيجە كوزقاراسىن بەرىك ورناتۋى، جاڭا دامۋ تانىمىندا تاباندى بولۋى، رەفورمانى ۇزدىكسىز تەرەڭدەتىپ، ەسىك اشۋ اياسىن كەڭەيتىپ، ىلەنى جوعارى ساپامەن دامىتۋدى ىلگەرىلەتىپ، تاريح پەن حالىقتىڭ سىناعىنان ءوتۋ ناتيجەسىنە قۇلشىنا قول جەتكىزۋ كەرەك. قۇرماش سىرجان ۇلى مىنانى تالاپ ەتتى: ۇكىمەت باسشىلىق القاسىنىڭ مۇشەلەرى يدەيالىق تانىمدى شىنايى جوعارىلاتىپ، ورتالىقتىڭ ورتانى قورعاۋدى باقىلاۋ – تەكسەرۋىندە قايتارا اڭىس ەتىلگەن ماسەلەلەردى رەتتەۋ – تۇزەتۋ قىزمەتىن تاباندىلىقپەن مىقتى ۇستاپ ءارى جاۋاپتى سالالارىنداعى ماسەلەلەردى رەتتەۋ – تۇزەتۋگە باقىلاۋ – جەتەكشىلىك ەتۋدى پارمەندى ىلگەرىلەتىپ، بارلىق ماسەلەگە جاۋاپ قايتارۋعا، بارلىق ءىستى تياناقتاندىرۋعا كەپىلدىك ەتۋ كەرەك.

    قۇرماش سىرجان ۇلى اۆتونوميالى رايوندىق 9 – كەزەكتى از ۇلتتاردىڭ ءداستۇرلى دەنەتاربيە جينالىسىنىڭ دايىندىق كورۋ قىزمەتى جونىندە مىنانى تالاپ ەتتى: اۆتونوميالى رايوندىق دايىندىق كوميسسياسىنىڭ ءبىر تۇتاس باسشىلىعىنا ساي، ءتۇرلى قىزمەتتى ويداعىداي دايەكتىلەندىرىپ، قىزمەت مىندەتى مەن ۋاقىت شەگى بويىنشا بار كۇشپەن ىلگەرىلەتىپ، بەيعامدىققا سالىنۋ، سالعىرتسۋ يدەياسىن باتىل جەڭىپ، جينالىستىڭ حاۋىپسىزدىگىنە كەپىلدىك ەتۋ كەرەك. قۇرماش سىرجان ۇلى بىلاي دەدى: قازىر ونەركاسىپتىڭ، اۋىل شارۋاشىلىعىنىڭ، ساياحات قيمىلىنىڭ تاماشا مەرزىمى، ۇكىمەت باسشىلىق القاسىنىڭ مۇشەلەرى وزدەرى جاۋاپتى بولعان سالا مەن ءوندىرىس حاۋىپسىزدىگى قىزمەتىن مىقتى ۇستاۋى، جاۋاپتى سالالارعا باسشىلار مەن نەگىزگى باسقارۋشى تاراۋلار جاۋاپكەرلىكتى تياناقتاندىرۋدى كۇشەيتىپ، حاۋىپسىزدىكتى تەكسەرۋ، زاڭ اتقارۋ تەبىنىن ارتتىرىپ، حاۋىپسىز، جاراسىمدى قوعامدىق ورتا جاراتۋى كەرەك.

     وسىدان سوڭ وبلىستىق ۇكىمەتتىڭ 15 – رەتكى ۇنەمىلىك ءماجىلىسى وبلىسقا توتە قاراستى ءبىر ءبولىم اۋدان – قالالاردىڭ لاشىق رايوندى وزگەرتىپ سالۋ نىسانى جانە حالىق تۇرمىسىن دامىتۋ ىستەرىن كەڭەسىپ، «اۆتونوميالى رايوننىڭ قالا – قالاشىق تۇرعىندارىنىڭ سۋ ىستەتۋ ساتىلى باعاسى ءتۇزىمىن جەبەۋ جونىندەگى ۇقتىرۋىن» جەتكىزدى ءارى قايتالاي كەڭەسىپ، «ىلە وبلىسىنا توتە قاراستى ورىنداردىڭ جاراتىلىستىق اپاتتان قۇتقارۋ، شۇعىل جاعدايعا توتەپ بەرۋ جوباسىن» قارادى.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ